ამერიკელმა პროფესორმა ჯო დიტურიმ მსოფლიო რეკორდი დაამყარა წყალქვეშ დეჰერმეტიზაციის გარეშე გატარებული დროის ხანგრძლივობაში. ამის შესახებ BBC წერს.
გამოცემის ინფორმაციით, 55 წლის დიტური ყოფილი მყვინთავია და ბიოსამედიცინო ინჟინერიის ექსპერტი. მან ფლორიდაში, ერთ-ერთი ლაგუნის ფსკერზე 9 მეტრის სიღრმეზე მოწყობილ სივრცეში 74 დღე გაატარა. თუმცა, ექსპერიმენტის შეწყვეტას არ გეგმავს და აპირებს, რომ წყალქვეშ სულ 100 დღე გაატაროს.
წყალქვეშ ჩაკეტილი პროფესორი სწავლობს თუ რა გავლენა აქვს ექსტრემალური წნევის ხანგრძლივ მოქმედებას ადამიანის ორგანიზმზე. მან აღნიშნა, რომ ყველაზე ძალიან მზე ენატრება.
აქამდე ამ კატეგორიაში რეკორდი 73 დღეს შეადგენდა. ის 2014 წელს, ორმა პროფესორმა ამავე სივრცეში დაამყარეს. წყალქვეშა ნავებისგან განსხვავებით, ფლორიდაში მოწყობილი სივრცე მზარდ წყალქვეშა წნევასთან ადაპტირებისთვის ტექნოლოგიებს არ იყენებს.
ანალიტიკოსთა და მეცნიერთა დარბაზი – ,,დოქტრინა
0
