ერთ-ერთმა არასრულწლოვანმა მიგრანტმა მაროკოდან ესპანეთის კონტროლირებად ტერიტორიამდე მისაღწევად ზღვა გადაცურა პლასტმასის ბოთლების დახმარებით. საბოლოოდ, ბიჭმა მიაღწია ესპანეთის ჩრდილოეთ აფრიკის ტერიტორიაზე მდებარე ანკლავს, სახელად სუეტა, რომელიც მაროკოს ჩრდილოეთით მდებარეობს, 80 000-იანი მოსახლეობით. ანკლავი მხოლოდ რამდენიმე ასეული მეტრით არის დაშორებული.
ბიჭი დაახლოებით 13-14 წლის არის და მისივე სიტყვებით, რაც ესპანელმა ჯარისკაცმა თარგმნა, მაროკოში უკან დაბრუნებას სიკვდილი ურჩევნია. ჯარისკაცებმა ბიჭი კარიბჭის გავლით უსაფრთხო ზონაში გადაიყვანეს სხვა მიგრანტებთან ერთად.
ერთ-ერთმა ესპანელმა სამხედრომ აღნიშნულთან დაკავშირებით განაცხადა – “სასოწარკვეთილი ხდები, როდესაც არ შეგიძლია გააკეთო მეტი ასეთი ბავშვებისთვის.”
მიმდინარე კვირა კი ესპანეთისთვის მიგრანტების დიდი ტალღით იყო გამორჩეული. ბიჭი იმ 8 000 მიგრანტს შორის ერთ-ერთია, ვინც ამ კვირის განმავლობაში ესპანეთის ანკლავის ტერიტორიის საზღვარი გადაკვეთა მას შემდეგ, რაც მაროკომ შეამსუბუქა საზღვრის კონტროლი. ესპანეთის ჯარისკაცები კი საზღვარზე განლაგდნენ სიტუაციის კონტროლისა და პატრულირებისთვის.
მასალა მოამზადა: ნინი ხეცურიანმა
ახალგაზრდა ანალიტიკოსთა და მეცნიერთა დარბაზი – ,,დოქტრინა”
0
