ახალმა კვლევამ აჩვენა, რომ ზედმეტად დაბალკალორიულმა კვების რციონმა შეიძლება მნიშვნელოვნად შეცვალოს ნაწლავის მიკრობიომა, რასაც მოჰყვება პათოგენური ბაქტერიის – კლოსტრიდიუმ დიფიცილეს (Clostridioides difficile) დონის მომატება, რომელიც, როგორც ცნობილია, მწვავე დიარეის და ნაწლავის ანთების მიზეზია.
კვლევის ფარგლებში 80 ქალი შეირჩა, რომელსაც ჭარბი წონა და სიმსუქნე აწუხებდა. მათ 16 კვირის განმავლობაში აკვირდებოდნენ, კვლევაში მონაწილე ქალების ნახევარი დაბალკალორიულ დიეტაზე იმყოფებოდა – ექსტრემალური დიეტა, რომლის დროსაც ადამიანებს დღეში მხოლოდ 800 კალორიის მიღების საშუალებას აძლევს. მეორე ჯგუფში შემავალმა ქალებმა კი სხეულის წონა შეინარჩუნეს.
„აღმოვაჩინეთ, რომ ამ ძალიან დაბალკალორიულმა კვების რაციონმა მნიშვნელოვნად შეცვალა ნაწლავის მიკრობიომა, ნაწლავის ბაქტერიების საერთო შემცირება გამოწვია,” – განაცხადა კალიფორნიის უნივერსიტეტის მიკრობიოლოგმა პიტერ ტერნბოგმა.
მეცნიერები აცხადებენ, რომ აუცილებელია შემდგომი კვლევების ჩატარება, რაც დარჩენილ კითხვებზე პასუხის გაცემას შეუწყობს ხელს, თუმცა ამჟამინდელი კვლევა კიდევ ერთი შეხსენებაა იმისა, თუ რამდენად მნიშვნელოვანია ნაწლავის მიკრობიომა და როგორ შეგვიძლია მისი უსაფრთხოდ შესწორება ისე, რომ დავეხმაროთ პირებს, რომლებსაც სიმსუქნე აწუხებთ.
წყარო : sciencealert.com
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა“
0
