ყველაფერი მაშინ დაიწყო, როდესაც 14 წლის მიტროფონე ლაღიძე მშობლებმა სამუშაოდ ქუთაისში გააგზავნეს. მიტროფონემ პეტრე ყოყოჩაშვილისა და პოლონელი ცეზარ ივანოვსკის აფთიაქში დაიწყო მუშაობა შეგირდად. ივანოვსკის აფთიაქის გარდა ლიმონათის წარმოება ჰქონდა. მისი გარდაცვალების შემდეგ, მიტროფონე ლაღიძე ჩაუდგა წარმოებას სათავეში.
ლაღიძემ დაიწყო გამაგრილებელი სასმელების მომზადება და იყენებდა ნატუურალური ხილს და ბალახის ნედლეულებს. 1887 წელს მან შექმნა ნატურალური ხილის და პროდუქტებისგან დამზადებული უნიკალური წყლის რეცეპტი, რომელსაც ,,ლაღიძის წყლები“ ეწოდა. 1900 წელს გაიხსნა ქუთაისში გაიხსნა მცირე ზომის გამაგრილებელი ქარხანა.
წყლების გამორჩეული გემო იქმნებოდა საქართველოს სხვადასხვა კუთხეში შერჩეული ხილით, მიტრფონე ამ ყველაფერს დიდ ყურადღებას ანიჭებდა და მკაცრად აკონტროლებდა.
ცოდნის გასაღრმავებლად ლაღიძე ევროპაში გაემგზავრა, რის შემდეგაც საფრანგეთიდან საქრთველოში შუშის ბოთლების შემოტანა დაიწყეს, ასევე საჭირო გახდა ეტიკეტის შექმნა. ,,ლაღიძს წყლის“ ეტიკეტს ამშვენებდა ჩიხტიკოპიანი ქალი, რომელიც მიტროფეს დედა გახლდათ და წარწერა ,,მოითხოვეთ ყველგან“.
1906 წელს ილიას და აკაკის შუამდგომლობით თბილისში, გოლოვინის (ახლანდელი შოთა რუსთაველის) პროსპექტზე გაიხსნა მაღაზია ,,ლაღიძის წყლები“, მალე ეს ადგილი ღირებული გახდა ყველა თაობის და ასაკის წარმომადგენლისთვის.
ისტორიის თანახმად, 1952 წელს ამერიკის შეერთებებული შატაების 33-ე პრეზიდენტმა, ჰარი ტრუმენმა 1000 ბოთლი კოკა-კოლა გაუგზავნა სტალინს. სტალინმა მოსკოვში დაიბარა მიტროფონე ლაღიძე, რომ შეექმნა საუკეთესო უალკოჰოლო გამაგრილებელი სასმელი. ტრუმს გაუგზავნეს ლიმონის, მსხლის, შოკოლადის და ქლიავის სასმელები, რომლმაც ამერიკის პრეზიდენტი აღაფრთოვანა. ცოტა ხანში თეთრი სახლიდან წერილი მოვიდა, ამერიკელები ლაღიძის ლიმონათის ექსპორტს ითხოვდნენ.იმავე წელს სტალინის ბრძანებით, ლაღიძე ქვეყნის კვების მრეწველობის სამინისტროს მთავარ კონსულტანტად დაინიშნა.
1960 წელს, 90 წლის ასაკში გარდაიცვალა მიტროფენე ლაღიძე. მას დიდი წვლილი მიუძღვის ქვეყნის პოპულარიზაციისა და განვითარებისთვის.
მასალა მოამზადა : ლალი კიკვაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”
0
