ბერლინის ქუჩებში, ბებელპლაცის მოედანზე სეირნობისას, ადამიანები ხშირად აწყდებიან მიწისქვეშა ცარიელ ბიბლიოთეკას. ქვაფენილში ჩადგმული მიწისქვეშა ოთახი, რაოდენ გასაკვირიც არ უნდა იყოს, ცარიელია, წიგნების თაროებზე წიგნებს ვერ დავინახავთ.
რეალურად, მიწისქვეშა ბიბლიოთეკა არის მემორიალი. 1933 წლის 10 მაისს, სწორედ ამ მოედანზე ნაცისტმა სტუდენტებმა ებრაელი, კომუნისტი და ლიბერალი ავტორების 20 000 წიგნი დაწვეს. შავ სიაში მოხვდა: ზიგმუნდ ფროიდი, კარლ მარქსი, როზა ლუქსემბურგი, ალბერტ აინშტაინი, შტეფან ცვაიგი და სხვა მრავალი. აქტს სახელად “ლიტერატურული წმენდა” დაარქვეს. 1995 წელს შექმნილი ცარიელი თაროების ოთახი, რომელიც ისრაელ არტისტს ეკუთვნის, არის სიმბოლო 20 000 დამწვარი წიგნისა. აღსანიშნავია ისიც, რომ მიწისქვეშა წიგნების თაროები ზუსტად 20 000 წიგნს იტევს.
მიწაში განთავსებულ ბრინჯაოს ფირფიტაზე ამოტვიფრულია ციტატა, რომელიც გერმანელ-ებრაელ ავტორს, ჰაინრიხ ჰაინეს ეკუთვნის – “ეს მხოლოდ პრელუდია იყო; იქ, სადაც წიგნებს წვავენ, ადამიანებსაც დაწვავენ”.
მასალა მოამზადა: ნინი ხეცურიანმა
ახალგაზრდა ანალიტიკოსთა და მეცნიერთა დარბაზი ,,დოქტრინა“
0
