6 ივლისიდან 17 ივლისის ჩათვლით ეროვნული კინოცენტრი კანის კინობაზრობაზე (Marché du Film Online) მეთოთხმეტედ წარადგენს საქართველოს სტენდს, სადაც ინდუსტრიული კუთხით იმუშავებს ეროვნული კინოცენტრის გუნდი. კინოცენტრი ორგანიზებას უწევს სხვადასხვა სახის ღონისძიებას, მათ შორის შეხვედრებს კინოაგენტებთან, საგანმანათლებლო ორგანიზაციებთან და ისეთი კინოფესტივალების წარმომადგენლებთამ როგორებიცაა: ბერლინის, ლოკარნოს, სან სებასტიანის და ტრიესტეს საერთაშორისო კინოფესტივალები.
აღსანიშნავია, რომ წელს, მსოფლიოს ერთ-ერთ ყველაზე პრესტიჟულ კანის კინოფესტივალზე 34 წლის შემდეგ დაბრუნდა თენგიზ აბულაძის ფილმი ,,მონანიება”. ამჯერად ფილმი წარმოდგენილი გახლდათ სექციაში “კანის კლასიკა”. ჩვენებას ესწრებოდნენ ფილმში მთავარი როლის შემსრულებელი ავთანდილ მახარაძე და “მონანიების” სცენარის თანაავტორი, რეჟისორი ნანა ჯანელიძე.
„მონანიების” მსოფლიო პრემიერა კანში გაიმართა 1987 წელს. ფილმმა კინოფესტივალის 3 ჯილდო მოიპოვა – ჟიურის „დიდი პრიზი“, „ფიპრესის“ ჯილდო და კათოლიკური ეკლესიის ჟიურის პრიზი ჰუმანიზმისათვის. 1988 წელს კი „მონანიება“ ნომინირებული იყი „ოქროს გლობუსზე“ საუკეთესო უცხოენოვანი ფილმის ნომინაციაში. ფილმში მთავარ როლებს ქართული თეატრისა და კინოს ვარსკვლავები ასრულებენ.
ეროვნულმა კინოცენტრმა საქართველოს განათლების, მეცნიერების, კულტურისა და სპორტის სამინისტროს მხარდაჭერით 2020 წლის იანვარში დაიწყო ფილმის აციფვრა – რესტავრაცია. შესასრულებელი სამუშაოების კომპლექსურობის გათვალისწინებით, ფილმის სკანირება განხორციელდა პრაღაში, ჩეხური სტუდია UPP-ის მიერ (Universal Production Partners – Prague), ხოლო ე.წ. გრეიდინგი, ფერის და ხმის დამუშავება – საქართველოში, სტუდია „ფონოგრაფის“ მიერ პაატა გოძიაშვილის ხელმძღვანელობით.
სექცია “კანის კლასიკა” 2004 წლიდან არსებობს. ამ სექციაში თავს იყრის კინოფესტივალის პროგრამაში ადრე ნაჩვენები ფილმები, რომლებსაც მაყურებელს ამჯერად ციფრულ ფორმატში რესტავრირებულს სთავაზობენ.
ახალგაზრდა ანალიტიკოსთა და მეცნიერთა დარბაზი ,,დოქტრინა”
0
