COVID-19-ით გარდაცვლილი ადამიანების ცხედრების გაკვეთის შედეგად ექიმებმა უმეტეს შემთხვევაში, ტვინში კორონავირუსის კვალს მიაგნეს. ამის შესახებ ნათქვამია ჟურნალ The Lancet.-ში გამოქვეყნებულ სტატიაში, რომლის ავტორები „ჰამბურგ-ეპენდორფის კლინიკის მკვლევარები არიან.
კვლევის დროს 51-დან 94 წლამდე ასაკის 43 ადამიანის სხეულის აუტოფსია ჩატარდა. 53% შემთხვევაში კორონავირუსი ტვინის უჯრედებში დაფიქსირდა.
14%-ს აღენიშნებოდა იშემიური დაზიანებები, 86 %-ში კი – ასტროგლიოზი.
ამასთან, ავტორები ირწმუნებიან, რომ ტვინში SARS-CoV-2-ის შეღწევადობამ უმნიშვნელო ცვლილებები გამოიწვია.
მეცნიერებს არ დაუფიქსირებიათ ცენტრალურ ნერვულ სისტემაზე ვირუსის დამანგრეველი გავლენა.
წყარო : ptn.ge
ახალგაზრდა ანალიტიკოსთა და მეცნიერთა დარბაზი ,,დოქტრინა”
გაზიარება:
0
