ესპანეთში მიტოვებული მატარებლის სადგური ხუთვარსკვლავიან სასტუმროდ გადააკეთეს.
არაგონის ველზე კანფრანკის სადგური პირველად 1928 წელს გაიხსნა. გრანდიოზული საერთაშორისო სადგური გახსნას ესპანეთის მეფე და საფრანგეთის რესპუბლიკის პრეზიდენტიც ესწრებოდნენ, მაგრამ 1970 წელს, სატვირთო მატარებლის რელსებიდან გადასვლის შემდეგ დაიკეტა.
ახლა კი, 50 წელზე მეტი ხნის შემდეგ, სადგურის კარი კიდევ ერთხელ გაიღო, მაგრამ ამჯერად, როგორც მდიდრული სასტუმრო.
Barcelo Hotel Group-ს გაუქმებული სადგურის სასტუმროდ გადასაკეთებლად რამდენიმე წელი დასჭირდა და კანფრანკის სადგურმა პირველი სტუმრები 2023 წლის იანვარში მიიღო.
კანფრანკის სასტუმროს მენეჯერის განცხადებით, განსაკუთრებული ყურადღება დაეთმო რესტავრაციის ყველა დეტალს, რათა სადგურის ინდივიდუალურობა სულ მცირედითაც არ დაკარგულიყო.
ამასთან, სასტუმროს აქვს ძვირადღირებული სასტუმროს ყველა ელემენტი: გამაჯანსაღებელი ადგილი, აუზის ჩათვლით და სამი რესტორანი. სასტუმროს აქვს 104 ნომერი და ერთი ღამის ფასი ერთი სტუმრისთვის 133 გირვანქა სტერლინგიდან (დაახლოებით 160 აშშ დოლარი) იწყება.
წყარო : independent.co.uk
ანალიტიკოსთა და მეცნიერთა დარბაზი ,,დოქტრინა
0
