პირველად სამეცნიერო ისტორიაში, ხელოვნური ინტელექტის მიერ შექმნილ მედიკამენტს ადამიანებზე დატესტავენ

ხელოვნურმა ინტელექტმა ობსესიური-კომპულსიური აშლილობის (OCD) სამკურნალო მედიკამენტი შექმნა, რომელსაც პაციენტებზე დატესტავენ.
აღსანიშნავია, რომ ეს იქნება პირველი შემთხვევა სამეცნიერო ისტორიაში, როცა კომპიუტერის მიერ შექმნილ მედიკამენტს ადამიანებზე გამოცდიან.
მოლეკულა DSP-1181-ის შექმნაში მონაწილეობა ბრიტანულმა სტარტაპმა Exscientia-მ და იაპონურმა ფარმაცევტულმა ფირმა Sumitomo Dainippon Pharma-მ მიიღეს.
მეცნიერების განმარტებით, როგორც წესი, მედიკამენტის შექმნას დაახლოებით ხუთი წელი სჭიდება, ხელოვნურ ინტელექტს კი აღნიშნული მედიკამენტის ალგორითმების გამოყენებით შესაქმნელად 12 თვე დასჭირდა.
Exscientia-ს აღმასრულებელმა ხელმძღვანელმა პროფესორმა ანდრიუ ჰოპკინსმა ეს გამოგონება „მედიკამენტის აღმოჩენის ქვაკუთხედი უწოდა.“
შეგახსენებთ, ხელოვნურ ინტელექტს მედიკოსები პაციენტების დიაგნოზის დასასმელად და პაციენტების მონაცემებისა და სკანირების შედეგად მიღებული გამოსახულებების ანალიზის განსახორციელებლად იყენებენ.

წყარო : BBC

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“ 

გაზიარება:

0