ჩინეთი ერთჯერადი პლასტმასის პროდუქტების წარმოებასა და გამოყენების აკრძალვას იწყებს.
გავრცელებული ინფორმაციით, აკრძალვა შეეხება პლასტმასის ჩანთებს, შესაფუთ მასალებს, კოქტეილისა და ბამბის ჩხირებსა და ჭურჭელს.
ქვეყნის ხელისუფლება აცხადებს, რომ ის კომპანიები, რომლებიც აკრძალვას არ დაემორჩილებიან, შავ სიაში შევლენ.
შესაბამისი კანონი ძალაში ჯერ ნაწილობრივ შევა და თანდათან სრულყოფილად ამოქმედდება, პლასტმასის პროდუქტების წარმოება და გაყიდვა საბოლოოდ 2025 წლითვის აიკრძალება.
ჩინეთი პლასტმასის ყველაზე მსხვილი მწარმოებელია და მასზე მსოფლიოში წარმოებული პლასტმასის პროდუქტების მთლიანი რაოდენობის 30 პროცენტი მოდის, მეორე ადგილს ჩრდილოეთ ამერიკის თავისუფალი სავაჭრო სივრცე იკავებს 19 პროცენტით, პლასტმასის პროდუქტების 18 პროცენტს კი ევროპაში ამზადებენ.
ჩინეთის ხელისუფლების აღნიშული გადაწყვეტილება პლასტმასის ნარჩენებისგან გამოწვეული დაბინძურებისგან დასაცავად გადადგმული მნიშვნელოვანი ნაბიჯია არა მხოლოდ ჩინეთისთვის, არამედ მთელი მსოფლიოსთვის, რომლის ეკოსისტემას პლასტმასის ბოთლები და პოლიეთილენის პარკები უდიდეს საფრთხეს უქმნის.
შეგახსენებთ, რომ ერთჯერადი პლასტმასის პროდუქტების წარმოება ევროკავშირმა და კანადამაც აკრძალეს.
წყარო : sciencealert.com
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა“
0
