ევროკავშირის სადამკვირვებლო პროგრამის თანახმად, შეიძლება ითქვას, რომ ჩრდილოეთ ამერიკას ყველაზე თბილი ივნისი ჰქონდა. ამასვე ადასტურებს უპრეცედენტოდ მაღალი ტემპერატურა ამერიკის შეერთებულ შტატებსა და კანადაში, სადაც ათობით ადამიანის სიცოცხლე ემსხვერპლა სიცხეს, რადგან ადამიანები მოუმზადებლები აღმოჩნდნენ.
გარდა ამისა, აღმოჩნდა, რომ შესაძლოა ეს იყოს ევროპისთვის ყველაზე თბილი მეორე ივნისის თვე და მსოფლიოში ყველაზე თბილი მეოთხე ივნისი.
ევროკავშირის სადამკვირვებლო პროგრამის კომპიუტერული ანალიზით, სატელიტებისა და ამინდის სადგურების მიერ შეჯერებული მონაცემების მიხედვით, ექსპერტები მიიჩნევენ, რომ შედეგები შოკისმომგვრელია, კანადისა და აშშ-ს რამდენიმე ქალაქში 5 გრადუსით მაღალი ტემპერატურა დაფიქსირდა, ვიდრე წინა მონაცემების მიხედვით.
ოქსფორდის უნივერსიტეტის პროფესორმა განაცხადა, რომ ყოველ ათწლეულში იზრდება სათბური გაზების მაჩვენებელი, რაც ზრდის დათბობის სიჩქარეს. ეს კი შემდგომ ახალ რეკორდებსაც გამოიწვევს. მაშინაც კი, თუ ჩვენ შევძლებთ სათბურის გაზების ემისიის შემცირებას, ჯერ ისევ გაგრძელდება ტემპერატურის ინტენსიური მომატება. გამოდის, რომ ჩვენ ინვესტიციები პარალელურად უნდა ჩავდოთ ადაპტაციასა და შეგუებაზე უფრო მაღალი ტემპერატურის მიმართ, რასაც მომავალში ელოდებიან.
მასალა მოამზადა: ნინი ხეცურიანმა
ახალგაზრდა ანალიტიკოსთა და მეცნიერთა დარბაზი ,,დოქტრინა”
0
