ტელესკოპმა „ჯეიმს ვები“ ურანის დეტალური ფოტოები გადაიღო და პლანეტის შიგნით და გარეთ რგოლები დააფიქსირა.
ფოტოები ინფრაწითელი დიაპაზონის კამერით NIRCam არის გადაღებული. პლანეტის რგოლები კი ინფრაწითელ დიაპაზონში კაშკაშად ანათებენ.
გამოსახულებაზე არა მარტო ურანი, არამედ მისი თანამგზავრების ნაწილიც (კერძოდ – არიელი, მირანდა, ობერონი, ტიტანია და უმბრიელი) და პლანეტის პოლარული ქუდი ჩანს.
ურანი გაზის გიგანტია, რომელსაც მყარი ზედაპირი არ აქვს, ამიტომ მისი პოლარული რეგიონები არ არის დაფარული თოვლით, როგორც დედამიწაზე. ამის ნაცვლად, ეს არის აეროზოლი, რომელიც დიდი რაოდენობით ყინულის კრისტალს შეიცავს.
ტელესკოპი მზის სისტემის მეშვიდე პლანეტას წელს უკვე მეორედ იღებს.
ანალიტიკოსთა და მეცნიერთა დარბაზი – ,,დოქტრინა”
გაზიარება:
0
