საუკუნის პროექტი -ასე უწოდეს 15 ივლისს ახალი ბანას სამონასტრო-საგანმანათლებლო კომპლექსის მშენებლობის დაწყებას.
სურამისა და ხაშურის ეპარქიაში საფუძველი ჩაეყარა პროექტს, რომლის ავტორიც სურამისა და ხაშურის ეპარქიის მღვდელმთავარი – მეუფე სვიმეონია.
„ღმერთმა ინებოს, მადლი ღვთისა უძლურთა მკურნალი და ნაკლულევანთა აღმავსებელი, გარდამოვიდეს ამას ტაძარსა ზედა და ყოველი ადამიანი, რომელიც შესთხოვს უფალს დახმარებას, აღესრულოს მას“, – საქართველოს კათალიკოს-პატრიარქმა – ილია მეორემ, ტაძრის საძირკვლის კურთხევისას ეს სიტყვები წამოსთქვა.
როგორც ოფიციალური განცხადებით ითქვა, კომპლექსის აღდგენის ერთ-ერთი მიზანი ეკლესიაში საგანმანათლებლო და კულტურული კერის ჩამოყალიბებაა.
ახალი ბანას აღდგომის სახელობის სამონასტრო-საგანმანათლებლო ცენტრი იქნება ბანას ტაძრის ორეული.
აქ იქნება თანამედროვე ტექნოლოგიებითა და სტანდარტებით აღჭურვილი დარბაზები, კომპიუტერული აუდიტორიები, საკონფერენციო დარბაზები და ბიბლიოთეკა, სადაც სხვადასხვა სფეროს წარმომადგენლები სასწავლო და სამეცნიერო შეხვედრებს გამართავენ.
მეცნიერებისა და განათლების უდიდეს მნიშვნელობას გაესვა ხაზი და ითქვა, რომ, ამ კუთხით, კომპლექსმა პროგრესს უნდა შეუწყოს ხელი.
ახალგაზრდა ანალიტიკოსთა და მეცნიერთა დარბაზი ,,დოქტრინა”
0
