ნეანდერტალები დედამიწიდან 40,000 წლის წინ გაქრნენ, მიუხედავად იმისა, რომ მათ მდიდარი კულტურა, ძლიერი ანატომია და ადამიანთან უამრავი საერთო ჰქონდათ.
წლებია მეცნიერები ამ გაქრობის მიზეზებს იკვლევენ. უამრავ ჰოპოთეზას შორის ერთ-ერთი გავრცელებული აზრი ის გახლავთ, რომ ნეანდერტალები უფრო ძლიერ, ანატომიურად თანამედროვე ადამიანთან კონკურენციას შეეწირნენ. თუმცა, ჰოლადნიელმა მეცნიერებმა ახლახანს ჩაატარეს კვლევა, რომელიც მიანიშნებს, რომ ეს ასე არაა.
„ვართ თუ არა ჩვენ ნეანდერტალების გაქრობის მიზეზი? არა, ჩვენი კვლევის თანახმად, მოსახლეობის ისეთი მცირე ჯგუფის გადასაშენებლად, როგორიც ნეანდერტალები იყვნენ, მხოლოდ დემოგრაფიული ფაქტორიც საკმარისია,“ – განაცხადა ეინჰოვენის ტექნოლოგიის უნივერსიტეტის ბიომეცნიერების ინჟინერმა და ფილოსიფოსმა კრისტ ვაესენმა და დასძინა, რომ მათი შეფასებით ნეანდერტალების რაოდენობა 5,000-დან 70,000 -მდე იყო.
ვაესენი და მისი გუნდი განმარტავს, რომ ნეანდერტალების გაქრობაში ანატომიურად თანამედროვე ადამიანმა არა რესურსების მოპოვებაზე კონკურენციის გზით ითამაშა, არამედ სექსუალური დისტრაქციით. სხვა სიტყვებით რომ ვთქვათ, ნეანდერტალების გადაშენებაში გარკვეულწილად „ბრალი“ მათსა და თანამედროვე ადამიანის წინაპარს შორის მომხდარ შეჯვარების ფაქტებს მიუძღვის.
წყარო : sciencealert.com
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა“
0
