იმ ადამიანებს, რომლებმაც კორონავირუსი გადაიტანეს, შესაძლოა, Moderna-სა და Pfizer / BioNTech– ის ვაქცინების მხოლოდ ერთი დოზა დასჭირდეთ, – ამის შესახებ medRxiv– ზე გამოქვეყნებულ ორ, ერთმანეთისგან დამოუკიდებლად ჩატარებულ კვლევაშია აღნიშნული.
კვლევების თანახმად, ამ ადამიანის ორგანიზმს, რომელიც კორონავირუსისგან გამოჯანმრთელდა, ვირუსის ამოცნობის უნარის კუთხით უპირატესობა გააჩნია იმ ადამიანებთან შედარებით, რომლებსაც ვირუსი არ გადაუტანიათ.
ერთ-ერთმა კვლევამ, რომელშიც კორონავირუსისგან გამოჯანმრთელებული 59 მედიკოსი მონაწილებდა, აჩვენა, რომ ვაქცინის ერთი დოზის გაკეთების შემდეგ იმ ადამიანებს, რომლებსაც კორონავირუსი გადატანილი ჰქონდათ, ანტისხეულების უფრო მაღალი დონე აღმოაჩნდათ მათთან შედარებით, რომლებიც კოვიდ 19-ით დაინფიცირებული არასდროს ყოფილან და ვაქცინის ორივე დოზა გაუკეთდათ. კიდევ ერთმა კვლევამ კი, რომელშიც 40-ზე მეტი კორონავირუსისგან გამოჯანმრთელებული მოხალისე მონაწილებდა, აჩვენა, რომ ამ ადამიანებმა ვაქცინის ერთი დოზის გაკეთებიდან რამდენიმე დღეში ანტისხეულების 10-20 ჯერ მაღალი დონა გამოიმუშავეს, ვიდრე ვაქცინის ერთი დოზის გაკეთების შემდეგ იმ მოხალისეებმა, რომლებიც მანამდე ინფიცირებულები არ ყოფილან.
”ანტისხეულების რეაქცია ვაქცინის პირველი დოზის შემდეგ იმ პირებში, რომლებსაც კორონავირუსი გადატანილი აქვთ, თანაბარია ან ჭარბობს კიდეც იმ დონეს, რომელიც წარმოიქმნება ვაქცინის ორივე დოზის შემდეგ იმ ადამიანებში, რომლებიც მანამდე ინფიცირებულები არ ყოფილან,“- აცხადებენ კვლევების ავტორები.
აღსანიშნავია, რომ ჯერჯერობით ზემოთნახსენები არცერთი კვლევა დამოუკიდებელ ექსპერტებს ამ მიმოუხილავთ და არც სამეცნიერო ჟურნალშია დაბეჭდილი და მათი მხოლოდ ონლაინ ვერსია გამოქვეყნდა.
აშშ-ის ალერგიისა და ინფექციური დაავადებების ინსტიტუტის დირექტორი ენტონი ფაუჩი აცხადებს, რომ ადამიანებმა, რომლებიც კორონავირუსი გადაიტანეს, კორონავირუსის საწინააღმდეგო ვაქცინის ორივე დოზა უნდა გაიკეთონ. ”ადამიანებმა, რომლებსაც Covid-19 ჰქონდათ, მაინც უნდა დაიცვან საკვებისა და მედიკამენტების ადმინისტრაციის ამჟამინდელი მითითებები, რომელიც ორჯერ, 21 ან 28 დღის ინტერვალით აცრას ითვალისწინებს,“ – აღნიშნა ფაუჩიმ.
წყარო : reuters.com , CNN
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
0
