განა პირველი ქვეყანა გახდა, რომელმაც ჯანდაცვის მსოფლიო ორგანიზაციის COVAX-ის პროგრამის ფარგლებში კორონავირუსის საწინააღმდეგო ვაქცინა მიიღო.
ქვეყნის დედაქალაქში, აკრაში, AstraZeneca-ს ვაქცინის 600 000 დოზა ჩაიტანეს.
“დღეს აღინიშნება ის ისტორიული მომენტი, რომლისთვისაც ჩვენ ძალიან ბევრს ვგეგმავდით და ვმუშაობდით. პირველი დოზების გადაზიდვით, ჩვენ შეგვიძლია შევასრულოთ COVAX-ის სქემით გათვალისწინებული დაპირება, რაც ითვალისწინებს იმის უზრუნველყოფას, რომ ადამიანები, რომლებიც ნაკლებად მდიდარი ქვეყნებიდან არიან, სიცოცხლის მხსნელი ვაქცინების გარეშე არ დარჩნენ,“- განაცხადა გაეროს ბავშვთა ფონდის აღმასრულებელმა დირექტორი ჰენრიეტა ფორემ.
COVAX-ი გლობალური ინიციატივაა, რომლის მიზანი დაბალი და საშუალო შემოსავლების მქონე ქვეყნებში ვაქცინაციის ხელშეწყობაა. პროექტი მსოფლიოს 92 ქვეყნისთვის კორონავირუსის საწინააღმდეგო ვაქცინის 2 მილიარდამდე დოზის მიწოდებას ითვალისწინებს.
წყარო : cnn.com
ახალგაზრდა ანალიტიკოსთა და მეცნიერთა დარბაზი ,,დოქტრინა”
0
