ეკოლოგია

პლასტმასის კონსტრუქტორის LEGO-ს ნაწილები მსოფლიო ოკეანეში 1300 წელი გაძლებენ. ამის შესახებ დასკვნა ბრიტანული უნივერსიტეტის მეცნიერებმა მოამზადეს. მათ ჩაატარეს ექსპერიმენტი, რა ვადებში იშლება პლასტმასის ნაწილები ზღვის წყალში.

კვლევა გამოცემა Environmental Pollution-ში გამოქვეყნდა. მეცნიერებმა LEGO-ს 50-მდე დეტალი შეისწავლეს, რომელიც ინგლისის სამხრეთ-აღმოსავლეთ სანაპიროზე ბოლო 10 წლის განმავლობაში იპოვეს.

მეცნიერებმა ამ დეტალების შემადგენლობა რენტგენის გამოყენებით ზედმიწევნით შეისწავლეს. LEGO-ს ნაწილები წყალში 70-80-იან წლებში მოხვდა და არ დაიშალა. მეცნიერებმა დაასკვნეს, რომ ეს ნაწილები ზღვის წყალში 100-დან 1300 წელი გაძლებენ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

კენიის ჩრდილოეთით ბრაკონიერებმა ორი თეთრი ჟირაფი მოკლეს. ამის შესახებ BBC წერს.

გამოცემის ინფორმაციით, რეინჯერებმა მდედრის და მისი შვილის ცხედრები ერთ-ერთ სოფელში, პატრულირებისას იპოვეს. ბრაკონიერებს მხოლოდ მამალი გადაურჩა. სპეციალისტების თქმით, ის უკვე ერთადერთი თეთრი ჟირაფია მთელ მსოფლიოში.

ცხოველების უჩვეულო შეფერილობას იშვიათი გენეტიკური დაავადებით არის გამოწვეული, რომლის დროსაც კანის უჯრედებს პიგმენტაცია არ აქვთ. პირველად კენიის თეთრი ჟირაფების ფოტოები 2017 წელს გავრცელდა.

ბრაკონიერების ვინაობა უცნობია, თუმცა კენიის ხელისუფლებამ მომხდართან დაკავშირებით გამოძიება დაიწყო.

ახალგაზრდა ანალიტიკოსთა და მეცნიერთა დარბაზი ,,დოქტრინა“

პარლამენტში დარეგისტრირდა „ნარჩენების მართვის კოდექსში“ შესატანი ცვლილებების პროექტი, რომელიც ნაგვის დაყრისთვის ჯარიმის გაზრდას ითვალისწინებს.

კანონპროექტის განმარტებითი ბარათის მიხედვით, 2 კილოგრამამდე მუნიციპალური ნარჩენით გარემოს დანაგვიანებისთვის (საცხოვრებელი სახლიდან და სხვა შენობა-ნაგებობიდან) გათვალისწინებული ჯარიმის რაოდენობა ორმაგდება და ნაცვლად 100 ლარისა, განისაზღვრება 200 ლარით.

დოკუმენტში აღნიშნულია, რომ ავტოსანტრანსპორტო საშუალებიდან გარემოს დანაგვიანების შემთხვევაში, მძღოლი, ხოლო საზოგადოებრივი ტრანსპორტის შემთხვევაში – შესაბამისი დამრღვევი 120 ლარის ნაცვლად, 250 ლარით დაჯარიმდება.

ცვლილებები ასევე შეეხება ფიზიკურ პირებს, რომლებსაც შინაური ცხოველები ჰყავთ. კერძოდ, ძაღლის ან სხვა შინაური ცხოველის მცირე ოდენობის ფეკალური მასით ტერიტორიის დაბინძურებისთვის პირები დაისჯებიან არსებულის ორმაგი ოდენობის ჯარიმით – 100 ლარით;

ახალგაზრდა ანალიტიკოსთა და მეცნიერთა დარბაზი ,,დოქტრინა“

რუსი მეცნიერები აცხადებენ, რომ გლობალური დათბობისა და ცხოველებისთვის არსებული ნაკლები საკვების გამო, პოლარულ დათვებში კანიბალიზმის რიცხვმა იმატა. საკვების მოძიებისა და მიღების პრობლემის გამო, პოლალურმა დათვებმა სხვა დათვების შეჭმა დაიწყეს.

მეცნიერები არ გამორიცხავენ იმასაც, რომ პოლარული დათვები ასე ადამიანური ჩარევის ფაქტორების გამო იქცევიან.

ცხოველები ერთმანეთის წინააღმდეგ საკვების გამო იქცევიან ასე. ძირითადად პოლარული მამრი დათვები მდედრებს და პატარა ბელებს ჭამენ, რადგან მათთან გამკლავება უადვილდებათ.

ახალგაზრდა ანალიტიკოსთა და მეცნიერთა დარბაზი ,,დოქტრინა”

საგანგაშო მონაცემები  ევროპის ინდექსის ამსახველ პორტალზე, სადაც რუსთავი ევროპის  კონტინენტზე  ყველაზე დაბინძურებული ქალაქია. გარემოს ევროპული სააგენტოს მონაცემებით, რუსთავი იმ კატეგორიაში ხვდება, რომელიც პორტალის თანახმად უარყოფით მონაცემებს ასახავს.

რუსთავის მონაცემები  პორტალზე ბათუმის ქუჩაზე განთავსებული ჰაერის ხარისხის მონიტორინგის ავტომატური სადგურიდან გადაიცემა.

ამ ფონზე   ატმოსფერული ჰაერის ხარისხის მონიტორინგის სადგურზე ერთ კვირაზე მეტია, რაც ნახშირბადის მონოქსიდის მაჩვენებელი გამქრალია. სამოქალაქო აქტივისტები აღნიშნავენ, რომ საგანგაშო მაჩვენებელი ქალაქში ცხოვრების ხარისხს მნიშვნელოვნად გააუარესებს.

რუსთავის საზოგადოებრივი ჯანდაცვის ცენტრში, პრობლემის გადაწყვეტის ერთ-ერთ გზად ასახელებენ ახლადშემუშავებულ კანონპროექტს, რომელიც ჰაერის დამაბინძურებელი საწარმოებისთვის საჯარიმო სანქციების გაზრდას ითვალისწინებს და ამბობენ, რომ  ის გარემოს უკონტროლო დაბინძურების შეჩერების პროცესში მნიშვნელოვან წვლილს შეიტანს.

ახალგაზრდა ანალიტიკოსთა და მეცნიერთა დარბაზი ,,დოქტრინა“ 

რაოდენ გასაკვირიც უნდა იყოს, სულ ცოტა ხნის წინ ცნობილი გახდა, რომ შვედეთს ნაგავი აღარ აქვს. უფრო მეტიც, სახელმწიფო მეზობელ ქვეყანას მიმართავს, რომ ნაგავი მიყიდონ უტილიზაციისთვის. რაში დაჭირდათ ეს სუფთა შვედებს, ამაზე ქვემოთ ვისაუბროთ.
ახალი არავისთვის არის, რომ ბევრ ევროპულ ქვეყანაში ნაგავს ახარისხებენ. რაც შეეხება შვედეთს, ნაგვის დახარისხებამ ამ ქვეყანაში საოცარ მასშტაბებს მიაღწია. ქვეყანაში პრაქტიკულად არ არსებობს ნაგავსაყრელი. ნარჩენებს ეგერევე გადასამუშავებლად აგზავნიან.

ნაგვის დახარისხების კულტურას ქვეყანა თავის მოქალაქეებს პატარაობიდანვე ასწავლის. ბაღებში პატარებს ამაზე განსაკუთრებულად ესაუბრებიან. აქ ყველამ კარგად იცის, რომ პლასტმასი

7 ჯერ შეიძლება გადამუშავდეს. მის შემდეგ კი დასაწვავად ელექტროსადგურში აგზავნიან. ამ ქვეყანაში პლასტმასსაც კი იყენებენ.

რაც შეეხება პოლიეთილენის და თუნუქის ქილებს, შვედეთში მას სპეციალური პუნქტებში აბარებენ. სანაცვლოდ ადამიანებს ფულს უხდიან.
თუ ვინმეს სახლში ვადაგასული წამალი აქვს უტილიზაციისთვის აფთიაქებში აბარებენ.

საყოფაცხოვრებო ტექნიკისა და ავეჯის უტილაზაციისთვის კი სპეციალური ცენტრები არსებობს.
ნაგვის ტრანსპორტირება მიწისქვეშ ხდება.

სტატისტიკის მიხედვით, ნაგვის მხოლოდ 7 პროცენტი ექვემდებარება უტილიზაციას, დანარჩენი მუშავდება.

ახალგაზრდა ანალიტიკოსთა და მეცნიერთა დარბაზი ,,დოქტრინა“