close

ეკოლოგია

დედამიწაეკოლოგია

ჟანჯიაჯიეს ეროვნულ პარკი

1.24K views on

ჟანჯიაჯიეს ეროვნულ პარკი არის ჩინეთის პირველი ეროვნული პარკი, რომელიც 1982 წელს გაიხსნა და მდებარეობს ხუნანის პროვინციაში. პარკის მეტად მნიშვნელოვანი გეოგრაფიული მახასიათებელია სვეტის მსგავსი წარმონაქმნი, რომელიც კარსტული რელიეფის მსგავსია, მაგრამ კირქვისაგან არ არის აგებული შემადგენელი ქანები, ეს სვეტები ეროზიის შედეგადაა წარმოქმნილი და მათი რაოდენობა დაახლოებით 3000-ია.

ტიანმენის გამოქვაბული არის მსოფლიოში ყველაზე მაღალი ბუნებრივი მღვიმე. ტიანმენის მღვიმის სიმაღლე 131,5 მეტრია, სიგანე 57 მეტრი და სიღრმე 60 მეტრი. საუკუნეების განმავლობაში ეს ადგილი იმპერატორებისთვისა თუ უბრალო ხალხისთვის წმინდა ადგილად მიიჩნეოდა. ვიზიტორს მღვიმის მოსანახულებლად ორი გზა აქვს, ერთ-ერთი გზა კიბეზე ასვლაა, რომელსაც ,,სამოთხისაკენ მიმავალ კიბეს” უწოდებდნენ. სულ 999 საფეხურია, რაც სამოთხის უზენაესობისა და მუდმვობის განსახიერებაა. მეორე გზა ლიფტია, რომელიც გვირაბში დამონტაჟებული პირველი ესკალატორია მსოფლიოში და რომლის დახმარებითაც მთის წვერზე შეგვიძლია ასვლა.

,,სამხრეთ ცის სვეტს” ოფიციალურად ეწოდა 2010 წელს “ავატარის ალილუიას მთა”, ყველაზე მაღალშემოსავლიანი ფილმის გამო. ფილმი ,,ავატარი” 2010 წელს გამოვიდა, რეჯისორი ჯეიმს კამერონი კი აღნიშნავს, რომ სწორედ ეს ეროვნული პარკი იყო მისი შთაგონების წყარო და პარკის ვიზიტორთა რაოდენობაც სწორედ ფილმის გამოშვების შემდეგ გაიზარდა.

მსოფლიოში ყველაზე გრძელი საბაგირო გზა სწორედ აქ მდებარეობას. საბაგირო გზა პარკის უმეტესი ნაწილის ნახვის შესაძლებლობას გვაძლევს, რომლის სიგრძე 7455 მეტრია.

მსოფლიოს ყველაზე მაღალი და სწრაფი ლიფტი, რომელიც გინესის რეკორდების წიგნშია შეტანილი, 326 მეტრი(1070ფუტი) სიგრძისაა, მდებარეობას ჟანჯიაჯიეს ეროვნული პარკის ტერიტორიაზე. ლიფტის მშენებლობას 3 წელი დასჭირდა და მისი ღირებულება თითქმის 20 მილიონი დოლარი იყო. ლიფტს შეუძლია მგზავრების ტრანსპორტირება ორ წუთზე ნაკლებ დროში.

2016 წელს აგვისტოში Zhangjiajie Grand Canyon-მა გახსნა ორ კლდეს შორის გადებული მინის ხიდი, რომელიც მსოფლიოში ყველაზე გრძელი და მაღალია, 430 მეტრი სიგრძის და 300 მეტრი სიმაღლის. ხიდის გახსნიდან 13 დღის შემდეგ დაიხურა უსაფრთხოების წესების დარღვევისა და ვიზიტორთა სიმრავლის გამო. თუმცა 2016 წლის სექტემბერში უსაფრთხოების ზომების კორექტირების შემდეგ ისევ გაიხსნა და ვიზიტორთა სიმრავლითაც გამოირჩევა.

ანალიტიკოსთა და მეცნიერთა დარბაზი ,,დოქტრინა”

სრულად ნახვა
დედამიწაეკოლოგიაეს საინტერესოაკატეგორიის გარეშეკვლევებიმსოფლიო

2050 წლისთვის, შესაძლოა, დედამიწიდან შოკოლადი გაქრეს

1.26K views on

2050 წლისთვის, არსებობს საფრთხე, რომ დედამიწაზე კაკაოს პლანტაციები ვეღარ გაიხარებს. მიზეზი ჰაერის გამოშრობა და გლობალური დათბობაა. შედეგად, ჩვენი პლანეტიდან შოკოლადი გაქრება.

პრობლემა ის არის, რომ კაკაო ტროპიკული ტყეში, ვიწრო ზოლებად მოდის, ანუ იმ ადგილებში, სადაც მაღალი ხეები და სხვადასხვა სახის ტროპიკული მცენარეები ხარობს. იქ ჰაერის ტემპერატურა, ტენიანობა და წვიმა მთელი წლის განმავლობაში სტაბილურად ერთნაირია. გლობალური დათბობისა და დედამიწაზე ჰაერის გამოშრობის პირობებში კი, რა თქმა უნდა, ეს მოცემულობა შეიცვლება. სწორედ ამიტომ ჩნდება ჩვენი პლანეტიდან შოკოლადის გადაშენების საშიშროება.

სრულად ნახვა
ეკოლოგიამსოფლიო

მეცნიერები: LEGO-ს ნაწილები მსოფლიო ოკეანეში 1300 წელი გაძლებენ

457 views on

პლასტმასის კონსტრუქტორის LEGO-ს ნაწილები მსოფლიო ოკეანეში 1300 წელი გაძლებენ. ამის შესახებ დასკვნა ბრიტანული უნივერსიტეტის მეცნიერებმა მოამზადეს. მათ ჩაატარეს ექსპერიმენტი, რა ვადებში იშლება პლასტმასის ნაწილები ზღვის წყალში.

კვლევა გამოცემა Environmental Pollution-ში გამოქვეყნდა. მეცნიერებმა LEGO-ს 50-მდე დეტალი შეისწავლეს, რომელიც ინგლისის სამხრეთ-აღმოსავლეთ სანაპიროზე ბოლო 10 წლის განმავლობაში იპოვეს.

მეცნიერებმა ამ დეტალების შემადგენლობა რენტგენის გამოყენებით ზედმიწევნით შეისწავლეს. LEGO-ს ნაწილები წყალში 70-80-იან წლებში მოხვდა და არ დაიშალა. მეცნიერებმა დაასკვნეს, რომ ეს ნაწილები ზღვის წყალში 100-დან 1300 წელი გაძლებენ.

სრულად ნახვა
ეკოლოგია

ანტარქტიდის გარშემო ყინულის ფართობი მასზე დაკვირვების განმავლობაში ყველაზე დაბალ ნიშნულზეა

419 views on

მეცნიერების განცხადებით, ანტარქტიდის გარშემო ყინულის ფართობი მასზე დაკვირვების ისტორიაში, რომელიც 1970-იანი წლებიდან მიმდინარეობს, ახლა ყველაზე დაბალ ნიშნულზეა. ამის შესახებ BBC იტყობინება.

ქარის, თბილი ჰაერისა და წყლის გამო ყინულის ფართობი 1,91 მილიონ კვადარტულ კილომეტრამდეა შემცირებული.

მკვლევარები აცხადებენ, რომ ყინულის დნობის ტენდენცია, სავარაუდოდ, გამოწვეულია ანტარქტიდის თავზე ოზონის ხვრელის არსებობით და ატმოსფეროში სათბურის აირების დონის მომატებით.

სრულად ნახვა
ეკოლოგიაკვლევები

დიდ ბრიტანეთში სიგარეტის მომხმარებელთა რაოდენობა რეკორდულ მინიმუმამდე დაეცა – BBC

351 views on

BBC-ის თანახმად, დიდ ბრიტანეთში სიგარეტის მომხმარებელთა რაოდენობა რეკორდულ მინიმუმამდე დაეცა. ქვეყნის სტატისტიკის ეროვნული სამსახურის მონაცემებით, 2021 წელს 18 წელს ზევით მოსახლეობის 13.3% მოიხმარდა სიგარეტს, რაც 2020 წელს არსებულ მაჩვენებელთან 14%-თან შედარებით 0.7 პროცენტული პუნქტით ნაკლებია.

პარალელურად გაიზარდა მათი რაოდენობა, ვინც ელექტროსიგარეტს მოიხმარს. 16 წელს ზემოთ მოსახლეობის 7.7% ეწეოდა ელექტროსიგარეტს, რაც 2020 წელს 6.4%-ს შეადგენდა.

BBC-ის თანახხმად, სიგარეტის მომხმარებელთა რაოდენობის კლება განპირობებულია მომხმარებელთა მიერ არაწვადი ალტერნატივების მოხმარების ზრდით.

ბრიტანეთის სტატისტიკის ეროვნული სამსახურის მონაცემებით, ელექტროსიგარეტის მომხმარებელთა 25.3% ამჟამად სიგარეტსაც მოიხმარს, ელექტროსიგარეტის მომხმარებელთა შორის სიგარეტის ყოფილი მწეველია 15%, ხოლო ელექტროსიგარეტის მომხმარებელთა შორის 1.5%-ია მათი წილი, ვისაც სიგარეტი არასოდეს გაუსინჯავს. შესაბამისად, ელექტროსიგარეტის ძირითადი მომხმარებლები სიგარეტის მოქმედი ან ყოფილი მწეველები არიან.

BBC-ის თანახმად, ელექტროსიგარეტების მოხმარების ზრდა შესაძლოა ერთადერთი მიზეზი არ იყოს. ამის სხვა მიზეზი საზოგადოებაში სიგარეტის მავნებლობის შესახებ ცნობიერების ზრდაც იყოს.

დიდი ბრიტანეთის მთავრობის გეგმაა 12%-მდე შეამციროს ზრდასრულთა შორის მწეველების რიცხვი.

გაერთიანებულ სამეფოში ყველაზე მეტი მწეველი საშუალოდ შოტლანდიაშია (მოსახლეობის 14.8%), ხოლო ყველაზე დაბალი მაჩვენებელი ინგლისშია 12%. უელსში მოსახლეობის 14.1% მოიხმარს სიგარეტს, ჩრდილოეთ ირლანდიაში კი 13.8%.

მამაკაცთა შორის მწეველთა რაოდენობა 15%-ია, მაშინ როდესაც ბრიტანეთში ქალების 11.5% არის რეგულარული მწეველი.

ასაკობრივ ჯგუფებს შორის ყველაზე დიდი წილი მწეველების 25-34 წლების შუალედშია. ყველაზე დაბალი მაჩვენებელი კი 65 წელს ზემოთაა და ის 8%-ს შეადგენს.

გაერთიანებული სამეფოს სტატისტიკის ეროვნული სამსახურის მონაცემებით, განათლების დონე და სიგარეტის მოხმარება კორელაციაშია, რადგანაც უმაღლესი განათლების არმქონეთა 28.2% მოიხმარს სიგარეტს, მაშინ, როდესაც უმაღლესი განათლების მქონეთა 6.6% არის მწეველი.

დიდი ბრიტანეთის ჯანმრთელბის ეროვნული სამსახურის ( NHS ჯანდაცვის სამინისტროს) მონაცემებით, იმის მიუხედავად, რომ ელექტროსიგარეტების მოხმარება არ არის რისკისგან თავისუფალი, ის სიარეტთან შედარებით ჯანმრთელობისთვის ნაკლებ რისკებს შეიცავს. თუმცა, ჯანმრთელობაზე მისი ზემოქმედების გრძელვადიანი შედეგები ჯერჯერობით უცნობია. ამასთან, NHS-ი არასრულწლოვნებში ელექტროსიგარეტის მოხმარების გავრცელების პრევენციისთვის ატარებს კამპანიას.

სრულად ნახვა
ეკოლოგია

უკრაინის წარმომადგენელი კლიმატის სამიტზე – ომმა უკრაინის დაცული ტერიტორიების მეხუთედი გაანადგურა – ეს არ არის უბრალოდ ომი, ეს არის ეკოციდი

465 views on

შარმ ელ-შეიხში გამართულ კლიმატის ცვლილების სამიტზე, Cop27-ზე, უკრაინის წარმომადგენლებმა განაცხადეს, რომ ქვეყანაში რუსეთის შეჭრა როგორც ჰუმანიტარულ, ასევე ეკოლოგიურ კატასტროფას იწვევს.
უკრაინის გარემოს დაცვის მინისტრის თანაშემწემ, სვიტლანა გრინჩუკმა სამიტზე განმარტა, რომ ძლიერი დაბომბვა და ჯარებისა და ტანკების მოძრაობა ჰაერის, წყლისა და ნიასაგის დაბინძურებას იწვევს. მან ხაზი გაუსვა, რომ ომის შედეგად დაიღუპა ათასობით ადამიანი და განადგურდა ქვეყნის ეკონომიკა. სვიტლანა გრინჩუკმა ასევე განაცხადა, რომ ომმა უკრაინის დაცული ტერიტორიების მეხუთედი გაანადგურა. ნაყოფიერი ნიადაგების დაბინძურებამ კი ქვეყანას 11.4 მილიარდი ევროს ოდენობის ზარალი მიაყენა.
”ეს არ არის უბრალოდ ომი, ეს არის სახელმწიფო ტერორიზმი და ეს არის ეკოციდი. რუსეთის შემოჭრამ მოკლა ველური ბუნება, წარმოშვა დაბინძურება და გამოიწვია სოციალური არასტაბილურობა. ტერორისტული სახელმწიფო აგრძელებს ჩვენი ელექტროსადგურების რაკეტებით დაბომბვას. ჩვენს გარემოს საფრთხე ემუქრება ამ ტერორისტული თავდასხმის გამო ”, – აღნიშნა გრინჩუკმა.
კლიმატის ეკონომისტმა აქსელ მაიკლოვამ კი, რომელიც ომის შედეგად წარმოქმნილ დაბინძურებას შეისწავლის, ხაზი გაუსვა, რომ ომი, ისევე როგორც შემდგომი პერიოდი, ემისიებს იწვევს. უკრაინის შეფასებით, მისი დანგრეული სოფლების, ქალაქების და მრეწველობის აღდგენა გამოიწვევს თითქმის 50 მილიონი ტონა ნახშირორჟანგის გამოყოფას.
სამიტის მონაწილეებს სიტყვით მიმართა უკრაინის პრეზიდენტმა, ვოლოდიმირ ზელენსკიმ და ხაზი გაუსვა, რომ „მშვიდობის გარეშე ეფექტური კლიმატური პოლიტიკის გატარება შეუძლებელია“.

სრულად ნახვა
ბიოლოგიაეკოლოგიამსოფლიო

პაპუა-ახალი გვინეის სანაპიროსთან გიგანტური მედუზების ახალი სახეობა აღმოაჩინეს

522 views on

პაპუა-ახალი გვინეის სანაპიროსთან მყვინთავმა დორიან ბორჩერდსმა გიგანტური ნახევრად გამჭვირვალე მედუზა გადაიღო.

ABC News-ის ცნობით, ზღვის ბიოლოგმა ლიზა-ენ გერშვინმა ჩანაწერი შეისწავლა და დაასკვნა, რომ ბორჩერდსმა აქამდე უცნობი სახეობის მედუზა გადაიღო.

ახალი სახეობის მედუზა ფეხბურთის ბურთის ზომისაა და Chirodectes maculatus-ს ჰგავს, რომელიც ბოლოს 1997 წელს ავსტრალიის სანაპიროსთან ნახეს. ახალ სახეობას ჯერჯერობით სახელწოდება არ აქვს. ლიზა-ენ გერშვინის აღმოჩენა მისმა კოლეგებმა უნდა დაადასტურონ.

სრულად ნახვა
გამოგონება - ინოვაციადედამიწაეკოლოგიატექნოლოგიები

მეცნიერებმა პლასტმასის მჭამელი რობოტი თევზი შექმნეს, რომელიც წყალს ნარჩენებისგან გაწმენდს

662 views on

მეცნიერებმა „რობო-თევზის“ კონცეპტი, რომელმაც სარის უნივერსიტეტის რობოტექნიკის კონკურსში გაიმარჯვა, რეალობად აქციეს. ამის შესახებ სარის საგრაფოს უნივერსიტეტი თავის გვერდზე გამოქვეყნებულ პრესრელიზში წერს.

„წყლის დაბინძურება, განსაკუთრებით პლასტმასით, უდიდესი პრობლემაა. ამით არა მხოლოდ ოკეანე, არამედ მდინარეები, ნაკადულები, ტბები და ტბორები იტანჯებიან. ეს გამოგონება კი ყველა პრობლემას მოაგვარებს“, – განაცხადა სარის საგრაფოს უნივერსიტეტის ქიმიის ფაკულტეტის ბოლო კურსის სტუდენტმა და ამავე უნივერსიტეტის რობოტექნიკის კონკურსის გამარჯვებულმა ელეანორ მაკინტოშმა.

„ჩემი დიზაინი მრავალფუნქციურობაზე იყო მომართული. რა არის იმაზე უკეთესი წყალში პრობლემების მოსაგვარებლად, ვიდრე ის არსება, რომელიც ისედაც წყლის ბინადარია.
რობო-თევზს აქვს ლაყუჩები, რომელსაც ცურვისას წყლის გასაფილტრად იყენებს. ნაკეთობა ორაგულის ზომისაა. თევზები გარემოსთან ადაპტირებულები არიან და მათი ლაყუჩები ბუნებაში საოცარი მექანიზმია, რომ წყალი ჟანგბადისგან გაფილტროს, ამიტომ ჩემი დიზაინი სწორედ ამ პრინციპით შევქმენი. რობო-თევზის ლაყუჩები მიკრო პლასტმასის გაფილტვრის პრინციპს მოვარგე“, – განაცხადა მაკინტოშმა.

რობოტი წყალქვეშ თავისი კუდისა და ფარფლების დახმარებით მოძრაობს და მუდმივად პირი ღია აქვს, რომ მოახერხოს წყლისა და მიკრო-პლასტმასის დაჭერა. როდესაც ღრმული ივსება, რობოტი პირს ხურავს და ლაყუჩებიდან უკვე გაფილტრულ წყალს უშვებს, ხოლო პლასტმასის ნარჩენებს იტოვებს.

50 სანტიმეტრის სიგრძის რობო-თევზს უკვე შეუძლია დააფიქსიროს პატარა ზომის, 2 მილიმეტრიანი ზომის პლასტმასაც. ამჟამად არსებული პროტოტიპი დისტანციურ მართვის პულტთანაა დაკავშირებული.

სრულად ნახვა
დედამიწაეკოლოგია

გაერო: დედამიწის ოზონის შრის აღდგენის გეგმა წარმატებით მუშაობს

381 views on

დედამიწის ოზონის შრის სრულ აღდგენას 4 ათწლეული დასჭირდება. ასეთ დასკვნამდე გაეროს ექსპერტთა ჯგუფი მივიდა, რომელთა ანგარიშსაც BBC აქვეყნებს.

გამოცემის ინფორმაციით, ანგარიშში, რომელიც 4 წელიწადში ერთხელ ქვეყნდება, აღნიშნულია, რომ მიმოქცევიდან ოზონის შრის დამაზიანებელი ქიმიკატების თითქმის 99%-ის ეტაპობრივმა გაყვანამ ოზონის შრის შენარჩუნების საშუალება მოგვცა. შედეგად, ადამიანზე მავნე ულტრაიისფერი სხივებს ზემოქმედება შემცირდა.

მოქმედი პოლიტიკის შენარჩუნების პირობებში, ოზონის შრე 1980 წლის მაჩვენებელს ანტარქტიკის თავზე 2066 წლისთვის, არქტიკის თავზე 2045 წლამდე, მსოფლიოს დანარჩენ რეგიონებში კი 2040 წლამდე დაუბრუნდება.

„ის რომ ოზონის შრე აღდგენის გზაზეა ნამდვილად ფანტასტიკური ამბავია“ – განაცხადა გაეროს გარემოს პროგრამის აღმასრულებელმა მდივანმა მეგ სეკიმ.

ოზონის შრე დედამიწის ატმოსფეროს ნაწილია, რომელიც ბუნებრივ ეკრანს წარმოადგენს და პლანეტას და მთელ ბიოსფეროს მზის ულტრაიისფერი გამოსხივების მავნე ზემოქმედებისაგან იცავს. პირველი ხვრელი შრეში მეცნიერებმა 1985 წელს აღმოაჩინეს. მისი დიამეტრი 1000 კილომეტრს აღემატებოდა. ხვრელის წარმოქმნის ძირითად მიზეზად სპეციალისტებმა ფრეონის შემცველი ნივთიერებების მასობრივი გამოყენება მიიჩნიეს. ამიტომ 1987 წელს 46 სახელმწიფომ „მონრეალის პროტოკოლს“ მოაწერა ხელი, რომელიც მავნე ქიმიკატების გამოყენების აღმოფხვრას ითვალისწინებდა.

სრულად ნახვა
ეკოლოგიაკვლევებიმსოფლიო

მეცნიერები – სწრაფად დნობადი მყინვარები უცნობი ბაქტერიების დიდი რაოდენობას გამოყოფენ

375 views on

მეცნიერები გვაფრთხილებენ, რომ სწრაფად დნობადი მყინვარები მდინარეებსა და ნაკადულებში ბაქტერიების დიდ რაოდენობას გამოყოფენ, რამაც შეიძლება  ყინულოვანი ეკოსისტემები გარდაქმნას.
ჩრდილოეთ ნახევარსფეროს 10 ადგილიდან მყინვარული ჩამონადენის შესწავლისას, მკვლევარებმა დაადგინეს, რომ მომდევნო 80 წლის განმავლობაში გლობალური დათბობის გაგრძელებამ შეიძლება ასობით ათასი ტონა ბაქტერიის გამოყოფა გამოიწვიოს.
„მყინვარები გაყინული წყლის უზარმაზარი მარაგი გგვონია, მაგრამ ამ კვლევის მთავარი გაკვეთილი არის ის, რომ ისინი ასევე ეკოსისტემებია“, – განაცხადა გაერთიანებული სამეფოს აბერისტუითის უნივერსიტეტის მიკრობიოლოგმა და კვლევის ავტორმა არვინ ედვარდსმა BBC-თან საუბარში.
მყინვარების შინაარსის შესწავლა ისტორიის სხვა დროის კარის გაღებას ჰგავს. მათში ჩაფლული მიკრობები შეიძლება იყოს სასარგებლო, ახალი ნაერთების მდიდარი წყარო, როგორიცაა ანტიბიოტიკები. თუმცა, მკვლევარები, რომლებიც ამ ახალ კვლევაზე მუშაობდნენ, აცხადებენ, რომ მყინვარების დნობის შედეგად ტონობით ბაქტერია უფრო სწრაფად გამოიყოფა, ვიდრე მეცნიერებს შეუძლიათ მათი ნუსხის გაკეთება.
დანიის ორჰუსის უნივერსიტეტის მყინვარული ჰიდროლოგის, იან სტივენსის ხელმძღვანელობით ჯგუფმა გამოიკვლია ზედაპირული დნობის წყალი ჩრდილოეთ ნახევარსფეროში მდებარე ათი მყინვარიდან: ევროპის ალპებში, გრენლანდიაში, სვალბარდში და კანადის არქტიკის შორეულ მიდამოებში.
ყოველ მილილიტრ წყალში საშუალოდ ათიათასობით მიკრობის პოვნის შემდეგ, მათ შეაფასეს, რომ მყინვარების დნობის შედეგად წარმოქმნილ წყლებში მომდევნო 80 წლის განმავლობაში, შესაძლოა, ასი ათას ტონაზე მეტი ბაქტერია გამოიყოს.
ეს არის 650 000 ტონა ნახშირბადის ექვივალენტი, რომელიც ერთი წლის განმავლობაში გამოიყოფა მდინარეებში, ტბებსა და ოკეანეებში ჩრდილოეთ ნახევარსფეროში, თუმცა ეს დამოკიდებულია იმაზე, თუ რამდენად სწრაფად დადნება მყინვარები და რამდენად სწრაფად შევზღუდავთ ემისიებს.
მკვლევარებმა დაადგინეს, რომ ემისიების „შუა გზაზე“ სცენარის მიხედვით, რომლის დროსაც გლობალური ტემპერატურა 2-დან 3 °C-მდე მოიმატებს, დნობის შედეგად წარმოქმნი წყალში ბაქტერიების მასები პიკს ათწლეულების განმავლობაში მიაღწევენ, სანამ, მყინვარების კლებასთან ერთად, მთლიანად გაქრება.
“გამოყოფილი მიკრობების რაოდენობა დამოკიდებულია იმაზე, თუ რამდენად სწრაფად დადნება მყინვარები და, შესაბამისად, რამდენად სწრაფად გავაგრძელებთ პლანეტის დათბობას. მაგრამ გამოყოფილი მიკრობების მასა ზომიერი დათბობის შემთხვევაშიც კი დიდია”, – აღნიშნა ედვარდსმა.
მკვლევარებს ბაქტერიების ცალკეული შტამები არ შეუსწავლიათ და მხოლოდ მათი კომბინირებული ბიომასა შეაფასეს. ასე რომ, მათ ვერ შეძლეს რაიმე სახეობის იდენტიფიცირება, რომელმაც შეიძლება საფრთხე შეუქმნას ადამიანის ჯანმრთელობას. არც ის დაუდგენიათ მიკრობები აქტიური იყვნენ, მიძინებული, დაზიანებული თუ მკვდარი.
„რისკი ალბათ ძალიან მცირეა, მაგრამ საკითხი მაინც ყურადღებით შეფასებას საჭიროებს“, – განაცხადა ედვარდსმა.
შემდგომი კვლევების გარეშე, ვერ გავიგებთ, როგორ შეიძლება მიკრობების უეცარმა ნაკადმა ხელი შეუწყოს გარემოს შემდგომ ცვლილებას. მკვლევარები იმედოვნებენ, რომ მას შეუძლია დიდი გავლენა მოახდინოს მიკრობული ჯგუფების პროდუქტიულობასა და ბიომრავალფეროვნებაზე, ისევე როგორც ბიოგეოქიმიური ციკლებზე.
კვლევა სამეცნიერო ჟურნალ Communications Earth & Environmen-ში გამოქვეყნდა.

სრულად ნახვა
1 2 3 4 5 6 … 30
Page 4 of 30