ეს საინტერესოა

აუქციონზე მარილის მარცვალზე მცირე ზომის მიკროსკოპული ჩანთა 63 750 აშშ დოლარად გაიყიდა. ჩანთის დიზაინის სანახავად საჭიროა მიკროსკოპი.
“იმდენად ვიწროა, რომ ნემსის ყუნწში შეუძლია გაიაროს, ისეთი პატარა ჩანთაა, რომ მის სანახავად მიკროსკოპი დაგჭირდებათ”, – აცხადებენ ჩანთის შემქმნელ ხელოვნების ჯგუფ MSCHF-ში.
MSCHF-ი, რომელიც დაფუძნებულია ბრუკლინში, ცნობილია თავისი საკამათო დიზაინით. მათ შორისაა ფეხსაცმელი, რომელიც შეიცავს ადამიანის სისხლს, სპორტულ ფეხსაცმელს ძირში წმინდა წყლით, ოდეკოლონს, რომელსაც ჟანგის მოსაცილებელი სპრეის, WD-40-ის სუნი აქვს და გიგანტური წითელი რეზინის ჩექმები.
“არსებობს დიდი ხელჩანთები, ნორმალური ზომის ხელჩანთები და პატარა ჩანთები, მაგრამ ეს არის ბოლო სიტყვა ჩანთების მინიატურიზაციაში”, – აცხადებენ MSCHF-ში.
იგი დამზადებულია ფოტოპოლიმერული ფისისგან და შეიქმნა 3D ბეჭდვის ტექნოლოგიის გამოყენებით.
ჩანთაზე Louis Vuitton-ის ბრენდის ლოგოა დატანილი, თუმცა მას არაფერი აქვს ამ ბრენდთან საერთო. MSCHF-ში აცხადებენ, რომ ჯგუფს ბრენდისგან მისი გამოყენების ნებართვა არ უთხოვია.
აღსანიშნავია, რომ 2021 წელს MSCHF-ს სამართელბრივი დავა ჰქონდა Nike-თან სპორტული ფეხსაცმლის გამო, რომელიც ადამიანის სისხლის წვეთს შეიცავდა. დავა იმით დასრულდა, რომ MSCHF-ი პროდუქტის გაწვევას დათანხმდა და მომხარებლებს, რომლებმაც ფეხსაცმელი შეიძინეს, თანხის სრული დაბრუნება შესთავაზა.

წყარო : BBC
 

ანალიტიკოსთა და მეცნიერთა დარბაზი ,,დოქტრინა”

გთავაზობთ ფქისოლოგიურ ხრიკებს, რომლებიც ადამიანის ბუნების ამოცნობაში დაგეხმარებათ.

1. თუ ადამიანი ძალიან ბევრს იცინის, თუნდაც სისულელეებზე, ის ძალიან მარტოსულია.

2. თუ ადამიანი ნაკლებად, მაგრამ სწრაფად ლაპარაკობს, ის საიდუმლოებას ინახავს.

3. თუ ადამიანს ზედმეტად სძინავს, ის მოწყენილია.

4. თუ ადამიანს ტირილი არ შეუძლია, ის სუსტია.

5. თუ ადამიანი არანორმალური მანერით ჭამს, ის დაძაბულია.

6. თუ ადამიანი წვრილმანებზე ტირის, ის სათნო და გულჩვილია.

7. თუ ადამიანი სულელური ან წვრილმანი მიზეზის გამო ბრაზდება, ეს ნიშნავს, რომ მას სიყვარული სჭირდება. შეეცადეთ, უფრო მეტად გაუგოთ ადამიანებს.

ანალიტიკოსთა და მეცნიერთა დარბაზი ,,დოქტრინა”

სტეფან უილიამსი, სიდნეის უნივერსიტეტის საზღვაო რობოტიკის პროფესორი ამბობს, რომ წყალქვეშა ტურიზმი ”ტიტანის” ტრაგედიის მიუხედავად გაიზრდება.

„მე ეჭვი მაქვს, რომ ეს ინდუსტრია გაიზრდება“, – ამბობს პროფესორი Reuters-თან საუბრისას.

იგი აღნიშნავს, რომ ამ მიმართულებით შესაბამისი რეგულაციებია დასაწესებელი.

ანალიტიკოსთა და მეცნიერთა დარბაზი ,,დოქტრინა”

რუსეთში, კამჩატკის ნახევარკუნძულზე, ევრაზიის უდიდესმა ვულკანმა, კლიუჩევსკაიამ ამოფრქვევა დაიწყო.  მონიტორინგის ჯგუფის ცნობით, ვულკანი პარასკევს გააქტიურდა.

“ვულკანის ზომიერი ფეთქებადი ამოფრქვევა 22 ივნისიდან გრძელდება” – თქვა მონიტორინგის ჯგუფმა, რომელიც აგროვებს მონაცემებს ვულკანური აქტივობის შესახებ.

უწყება ამბობს, რომ ნებისმიერ დროს შეიძლება დაიწყოს ფერფლის ამოფრქვევა, რამაც შეიძლება გავლენა მოახდინოს დაბალ სიმაღლეზე მფრინავ თვითმფრინავებზე.

თითქმის 5 კილომეტრის სიმაღლის (3 მილი), კლიუჩევსკაია არის ყველაზე მაღალი და აქტიური ვულკანი ევრაზიაში. ის ბოლოს ოქტომბერში ამოიფრქვა.

ანალიტიკოსთა და მეცნიერთა დარბაზი ,,დოქტრინა”

ნარკოლოგი ზურა სიხარულიძე ამერიკასა და ევროპაში გავრცელებულ ახალ ნარკოტიკთან დაკავშირებით საზოგადოებას მის ხელთ არსებულ ინფორმაციას უზიარებს.

ზურა სიხარულიძის პოსტს უცვლელად გთავაზობთ:

„იცით რომ არ ვწერ ხშირად, მაგრამ მაინც მიწევს რაღაცების წერა, ვინაიდან სულ ახალ-ახალი რაღაცები ხდება ჩვენს ქვეყანაში, მით უმეტეს ეს ყველაფერი აქტიურდება სეზონის მოსვლასთან ერთად – განსაკუთრებით აჭარაში.

ეს ეყრდნობა ჩემ პირად გამოცდილებას და იმ ინფორმაციას, რასაც ვისმენ და აქედან გამომდინარე მიწევს საზოგადოება გავაფრთხილო იმ საშიშროებაზე, რაც ქვეყანაში შეიძლება მოხდეს. ერთი დაკარგული სიცოცხლეც და ერთი ზედოზირებაც არის დიდი ტრაგედია, ამიტომ ვთვლი ვალდებულად, რომ დავწერო იმ საშიშროებაზე, რაც ხდება დღევანდელ დღეს, რომ ავიცილოთ თავიდან უბედურება.

ჩემი პოსტი არის ახალ ნარკოტიკზე, რომელიც დღეს ამერიკაში და ევროპაში წარმოადგენს უკვე დიდ საშიშროებას და უამრავი ადამიანის სიცოცხლე იმსხვერპლა. მას „ზომბ ნარკოტიკს“ ეძახიან ან „ტრანკს“.

ეს არის ეგრეთ წოდებული ქსილაზინი – ანალგეტიკური მიორლაქსაცოური და დასაძინებელი საშუალება, რომელსაც იყენებენ ვეტერინარიაში ცხოველის დასაძინებლად და ტკივილგამაყუჩებლად. დიდი იმედი მაქვს, რომ ჩვენ ქვეყანაში აკრძალული ნივთიერებების სიაში არის და მისი გამოყენება აკრძალულია და არ არის თავისუფალ გაყიდვაში, თუ არის, მაშინ უნდა მოხდეს სასწრაფოდ მისი ამოღება!

სამწუხაროდ, დღეს მას იყენებენ ფენტანილთან კომბინაციაში და ის წარმოადგენს დიდ საშიშროებას ვინაიდან ფენტანილი ერთი მხრივ უკვე წარმოადგენს ზედოზირების დიდ რისკს და დამატებული ქსილაზინი აძლიერებს ასმაგად ფენტანილის მოქმედებას, იწვევს გულის რითმის დარღვევას ქანის ოქსიგენაციის შემცირებას, ინექციის ადგილას ჩნდება დიდი წყლულები და შემდგომ შესაძლებელია განგრენა და კიდურის დაკარგავაც.

ასევე, მას ხშირად ურევენ სხვა კლუბურ ნარკოტიკსაც, რაც იყიდება დარკნეტზე მათი ეფექტების გასაძლიერებლად. ის რომ დარკნეტი დღეს ძალიან გააქტიურებულია ქვემოთ ერთ ტელეგრამ არხიდან მოცემული სკრინი მეტყველებს!

ამიტომ მოერიდეთ უცნობი ნივთიერების ყიდვას! გაუფრთხილდით თქვენ სიცოცხლეს. ეს განსაკუთრებულად თინეიჯერებს ეხებათ ვინაიდან ყველაზე დიდი რისკი ზედოზირიბის მათ აქვთ, ერთი მოხმარებაც შესაძლებელია დამთავრდეს სიკვდილით“, –  წერს ზურა სიხარულიძე.

ანალიტიკოსთა და მეცნიერთა დარბაზი ,,დოქტრინა”

18 ივნისს, ჩაძირული ტიტანიკის სანახავად ოკეანის ფსკერისკენ დაშვებული ტურისტული წყალქვეშა ნავი — Titan დაიკარგა. კომპანია OceanGate-ის ამ ნავის ბორტზე 5 ადამიანი იმყოფება და მათ ჯერ კიდევ ეძებენ. ნავზე 4 დღის სამყოფი ჟანგბადის რაოდენობა იყო და ეს მარაგი უკვე ძალიან მალე, ჩვენი დროით 22 ივნისის 15:08 საათზე ამოიწურება. ინფორმაციას უცხოური მედია ავრცელებს. 

სამძებრო-სამაშველო სამუშაოებს რამდენიმე ფაქტორი ართულებს. პირველი წყლის სიღრმეა, რომელიც უამრავ გვერდით ეფექტს წარმოშობს. ვიცით, რომ წყლის ზედაპირიდან 1000 მეტრ სიღრმეზე მზის სინათლე სრულად ქრება, რადიკალურად იკლებს ტემპერატურა, იზრდება წნევა და არ მუშაობს ის ტექნოლოგიები, რასაც დედამიწის ზედაპირზე, ან თუნდაც, კოსმოსში ვიყენებთ.

აღსანიშნავია, რომ ცნობილი გემის – ტიტანიკის ნარჩენები, რომლის დასათვალიერებლადაც წყალქვეშა ნავს ტურისტები გადაჰყავდა, დაახლოებით, 3 800 მეტრის სიღრმეზე, ოკეანის ფსკერზე მდებარეობს. აქ ყველა ტექნოლოგია, რასაც ჩვენ ყოველდღიურად მოვიხმართ, უძლურია. მაგალითად, Titan-ს არ აქვს GPS გადამცემი, ან რაიმე მსგავსი, რადგან ის ოკეანის სიღრმეში მოგზაურობისთვის შექმნეს.

ამ სიღრმეზე წყალი შთანთქავს ელექტრომაგნიტურ რადიაციას, მათ შორის, სინათლესა და რადიოტალღებს. ეს ნიშნავს, რომ GPS-ის ან რადარის არსებობა მსგავს წყალქვეშა ხომალდზე უსარგებლო ხდება, როგორც კი ის შესაბამის სიღრმეს მიაღწევს.

თუ ასეა, როგორ გადაჰყავდა Titan-ს ტურისტები აქამდე? ეს დამხმარე გემისა და აკუსტიკური სისტემის გამოყენებით ხდებოდა. ასევე, გაგიკვირდებათ და, ის კომპიუტერული თამაშების კონტროლერის დახმარებით იმართება. ეს ახალი პრაქტიკა არაა, თუ გავითვალისწინებთ, რომ მსგავს გზას აშშ-ის სამხედრო ძალებშიც მიმართავენ.

აკუსტიკური კომუნიკაცია ერთადერთია, რასაც ნავი დამხმარე გემთან დასაკავშირებლად იყენებს, კავშირის ეს გზა გამოუსადეგარი ხდება, თუკი Titan ფსკერზე გაიჭედა ან ვერტიკალური პოზიცია ვერ შეინარჩუნა…

გარდა ამისა, ტიპური წყალქვეშა ნავებისგან განსხვავებით (რომლების, საშუალოდ, 300 მეტრის სიღრმეზე დაცურავენ და არა 4000-ის), 9-ტონიან Titan-ს თვითონ არ შეუძლია გადაადგილება. ყოველ შემთხვევაში, წყლის ზედაპირზე ამოსასვლელად. ამისათვის ის დამხმარე გემთან კომუნიკაციას საჭიროებს. ოკეანის ფსკერისკენ მის ყვინთვას ოთხი ელექტროძრავა უწყობს ხელს, ხოლო ამოსაყვინთად მან უნდა მოიშოროს ეს ტვირთი და იტივტივოს ოკეანის ზედაპირისკენ. შესაბამის პლატფორმაზე მიმაგრების შემდეგ კი მას დამხმარე გემი ასწევს.

CBS-ის მეცნიერებისა და ტექნოლოგიების რეპორტიორი, დევიდ პოგი, რომელმაც Titan-ით გასულ წელს ისარგებლა, ABC-თან საუბარში აღნიშნავს, რომ წყალქვეშა ხომალდის პოვნა ძალიან რთული იქნება, რადგან ის ტიტანიკის ნანგრევებთან ახლოს შეიძლება იყოს. ამას ემატება ისიც, რომ ამ სიღრმეზე ძალიან ცოტა ხომალდს შეუძლია მოგზაურობა.

ანალიტიკოსთა და მეცნიერთა დარბაზი ,,დოქტრინა”

ისტორიაში პირველად, მკვლევრებმა ღეროვანი უჯრედებისგან ადამიანის ემბრიონები ხელოვნურად შექმნეს.

შესაძლოა, ასე საკმაოდ მნიშვნელოვანი ინფორმაცია მივიღოთ ადამიანის განვითარების ადრეულ ეტაპებზე, თუმცა ეთიკური თვალსაზრისით არაერთი შეკითხვა იჩენს თავს. ინფორმაციას უცხოური მედია ავრცელებს.

სინთეზური ემბრიონები თაგვისა თუ მაიმუნის ღეროვანი უჯრედებისგან აქამდეც შეუქმნიათ, მაგრამ ეს პირველი შემთხვევაა, როდესაც ემბრიონი ადამიანის ღეროვანი უჯრედებისგან დაამზადეს.

გასათვალისწინებელია, რომ მეცნიერთა ნაშრომი, ჯერჯერობით, რეფერირებად სამეცნიერო ჟურნალში არ გამოქვეყნებულა. იგი პროფესორმა მაგდალენა ჟერნიკა-გოტცმა (კალიფორნიის ტექნოლოგიური ინსტიტუტი, კემბრიჯის უნივერსიტეტი) წარადგინა ღეროვანი უჯრედების კვლევის საერთაშორისო საზოგადოების ყოველწლიურ კონფერენციაზე, ბოსტონში.

სინთეზური ემბრიონები ბუნებრივი სქესობრივი გამრავლების შედეგად არ იქმნება — მას ლაბორატორიულ პირობებში ამზადებენ ღეროვანი უჯრედებისგან. შესაძლოა, მათი მეშვეობით უკეთ შევისწავლოთ, როგორ ვითარდება ემბრიონი პირველი კვირების განმავლობაში. ეს პერიოდი განსაკუთრებით მნიშვნელოვანია, ვინაიდან მიჩნეულია, რომ სწორედ ამ დროს იწყება არაერთი გენეტიკური დაავადება.

ანალიტიკოსთა და მეცნიერთა დარბაზი ,,დოქტრინა”

მეცნიერებმა ფუნქციური სისხლძარღვების დაბეჭდვა შეძლეს. ინფორმაციას უცხოური მედია ავრცელებს. 

სისხლძარღვების ბიოპრინტირება მნიშვნელოვანია სამედიცინო მიზნებისთვის. ამ პროცესის განხორციელების თანამედროვე მეთოდები უჯრედებისთვის შესაფერის გელებს მოიცავს, რის შედეგადაც წარმოიქმნება ანალოგი, რომელიც სტრუქტურულად არც თუ ისე კარგია. ეს განსაკუთრებით პრობლემურია სისხლძარღვებისთვის, რომლებმაც უნდა გაუძლონ მაღალ წნევას და მოხრას.

ამ პრობლემის გადასაჭრელად, უტრეხტის უნივერსიტეტის სამედიცინო ცენტრის მკვლევრებმა ბიოპრინტირების ტექნიკისა და დნობის გაერთიანება წარმატებით შეძლეს.

ამის შესახებ დაწესებულების მიერ ოთხშაბათს გამოქვეყნებულ პრესრელიზშია ნათქვამი.

ცნობისთვის, დნობის ეს სისტემა არის 3D ბეჭდვის უაღრესად ზუსტი ტიპი, რომელიც მუშაობს გამდნარი (ბიოდეგრადირებადი) პლასტმასის ვიწრო სქემით. საბოლოო შედეგი არის რთული სტრუქტურა, რომელიც მტკიცეა და წნევასაც უძლებს.

თუმცა, ამ სტრუქტურის დაბეჭდვა შეუძლებელია მაღალი ტემპერატურის გამო. სწორედ აქ ერთვება საქმეში მოცულობითი ბიობეჭდვა, რადგან მეთოდი შეიძლება გამოიყენონ უჯრედებით დატვირთული გელების სისტემის გასამაგრებლად.

ფუნქციური სისხლის უჯრედების მისაღებად მეცნიერებმა შექმნეს მილისებრი სტრუქტურა დნობის სისტემის გამოყენებით და მოათავსეს მოცულობით ბიოპრინტერში.

მკვლევრების თქმით, ეს მნიშვნელოვანი მიღწევაა.

„ეს პრინციპული და მნიშვნელოვანი პროგრესია. რაც ახლა უნდა გავაკეთოთ არის ღეროვანი უჯრედების ჩანაცვლება ფუნქციური უჯრედებით, რომლებიც ნამდვილი სისხლძარღვების ნაწილია. ეს ნიშნავს კუნთოვანი უჯრედებისა და ფიბროზული ქსოვილის დამატებას ეპითელური უჯრედების გარშემო. ჩვენი მთავარი მიზანი ახლა ფუნქციური სისხლძარღვის დაბეჭდვაა”, – ამბობენ მკვლევრები.

ანალიტიკოსთა და მეცნიერთა დარბაზი ,,დოქტრინა”

ილონ მასკის კომპანიამ SpaceX სამსახურში 14 წლის პროგრამისტი კაირენ კვაზი აიყვანა. ამის შესახებ Insider-ი წერს.

„მსოფლიოში ყველაზე მაგარ კომპანიას შევუერთდი, როგორც პროგრამისტი Starlink-ის გუნდში“, – განაცხადა კვაზიმ. მისი თქმით, SpaceX-მა არ გამოიყენა მისი ასაკი, როგორც „უნარების განმსაზღვრელი მოძველებული მაჩვენებელი“.

მანამდე კვაზიმ სტაჟირება გაიარა რამდენიმე მსხვილ კომპანიაში. Intel-ში ნეიროქსელებთან მუშაობდა, Blackbird.AI-ში კი – კიბერუსაფრთხოების სფეროში.

ცოტა ხნის წინ მოზარდმა კალიფორნიაში სანტა-კლარას უნივერსიტეტი დაამთავრა და ბაკალავრის წოდება მიიღო. ის 1851 წელს დაარსებული სასწავლო დაწესებულების ყველაზე ახალგაზრდა კურსდამთავრებული გახდა.

ანალიტიკოსთა და მეცნიერთა დარბაზი – ,,დოქტრინა”

ამერიკული შტატის, მონატანს გუბერნატორმა გრეგ ჯანფორტემ ხელი მოაწერა კანონს რეგიონში აპლიკაცია TikTok-ის აკრძალვის შესახებ. „მონტანის მცხოვრებთა პირადი მონაცემების ჩინეთის კომუნისტური პარტიისგან დასაცავად შტატში TikTok-ი ავკრძალე“, – დაწერაგუბერნატორმა Twitter-ზე.

Reuters-ი აზუსტებს, რომ აპლიკაციების მაღაზიებს Apple-სა და Google-ს აეკრძალათ შტატის ტერიტორიაზე TikTok-ის გადმოწერის შესაძლებლობის უზრუნველყოფა. ამასთან, აპლიკაციის გამოყენებისთვის ამ ეტაპზე არანაირი ჯარიმა გათვალისწინებული არ არის. კანონი ძალაში 2024 წლის 1-ლი იანვრიდან შევა.

მონტანა აშშ-ის პირველი შტატი გახდა, სადაც TikTok-ი აიკრძალა.

აშშ-ში TikTok-ის მფლობელ კომპანია ByteDance-ს ჩინეთის ხელისუფლებასთან თანამშრომლობაში ადანაშაულებენ. 2022 წლის დეკემბერში ამერიკის სენატმა მიიღო კანონი, რომლის მიხედვითაც სახელმწიფო მოხელეებს ფედერალური მთავრობის მოწყობილობებზე TikTok-ით სარგებლობა აეკრძალათ. TikTok-მა არაერთხელ უარყო, რომ მომხმარებელთა პირად მონაცემებს ჩინეთის ხელისუფლებას უზიარებს.

ანალიტიკოსთა და მეცნიერთა დარბაზი – ,,დოქტრინა