ეს საინტერესოა

Tesla-სა და SpaceX-ის დამფუძნებელი ილონ მასკი თვლის, რომ დისტანციურად მუშაობის უნარი არათანაბარ მდგომარეობაში აყენებს მათ, ვისაც ლეპტოპთან მუშაობა შეუძლია და ვისაც ამ ფორმატში მუშაობა არ შეუძლია.

„ადამიანები, რომლებსაც შეუძლიათ დისტანციურად მუშაობა, არიან პრივილეგირებულ მდგომარეობაში იმათთან შედარებით, ვისაც მუშაობა სახლიდან არ შეუძლია. ეს არასწორია მორალური თვალსაზრისით“, – ამის შესახებ მასკმა CNBC-თან ინტერვიუში განაცხადა.

2022 წლის ნოემბერში მასკმა დისტანციური მუშაობა Twitter-ზე გააუქმა. მან მსგავსი მოთხოვნა გაავრცელა Tesla-ს თანამშრომლებზეც. მათდამი მიწერილ წერილში, რომელიც Bloomberg-ის მიერაა ციტირებული, მასკი წერს, რომ კვირაში 40 საათის ოფისში გატარების მოთხოვნა იმაზე ნაკლებია, ვიდრე კომპანია ქარხანაში მომუშავე თანამშრომლებისგან მოითხოვს.

მისი თქმით, დისტანციური მუშაობა კონტრპროდუქტიულია. „მე ნამდვილად მჯერა, რომ ადამიანები უფრო პროდუქტიულები არიან, როდესაც ისინი ოფისიდან მუშაობენ“, – განაცხადა მასკმა CNBC-სთან ინტერვიუში.

ანალიტიკოსთა და მეცნიერთა დარბაზი ,,დოქტრინა“

11 წლის აუტიზმის სპექტრის მქონე მექსიკელმა ბავშვმა, რომელსაც აინშტაინზე მაღალი IQ აქვს, სისტემების ინჟინერიაში მაგისტრის ხარისხი აიღო და იმედოვნებს, რომ ერთ დღეს NASA-ს ასტრონავტი გახდება. ინფორმაციას უცხოური მედია ავრცელებს. 

ადჰარა პერეს სანჩესი, მეხიკოს ღარიბ უბანში გაიზარდა, სადაც თანატოლების დაცინვის ობიექტი ხშირად ხდებოდა. გოგონას ამის გამო სკოლა რამდენჯერმე შეუცვალეს.

ქალიშვილის დეპრესიისგან განსაკურნებლად, გოგონა დედამ სპეციალურ თერაპიულ კურსებზე დაარეგისტრირა, სადაც ურჩიეს, რომ ნიჭიერი ბავშვებისთვის განკუთვნილ სკოლაში (CEDAT) გაეგზავნა. სკოლაში დადასტურდა, რომ გოგონას IQ 162-ია, რაც ალბერტ აინშტაინის და სტივენ ჰოკინგისის ინტელექტის კოეფიციენტზე მაღალია.

გოგონამ დაწყებითი სკოლა 5 წლის ასაკში დაამთავრა, 1 წელში კი საშუალო სკოლის ატესტატიც აიღო. ის ახლა მექსიკის ტექნოლოგიური უნივერსიტეტის მათემატიკის სამაგისტრო პროგრამაზე სწავლობს და არიზონას უნივერსიტეტში ასტროფიზიკის შესწავლას გე

ანალიტიკოსთა და მეცნიერთა დარბაზი ,,დოქტრინა“

ქალი, რომელსაც პარკინსონის დაავადების „სუნი სცემს“ მეცნიერებს დაავადების დასადგენი ტესტის შექმნაში დაეხმარა.
მეცნიერები ტესტზე წლების განმავლობაში მუშაობდნენ მას შემდეგ, რაც გააცნობიერეს, რომ შოტლანდიელ ჯოი მილნის ყნოსვის საშუალებით შეეძლო დაავადების აღმოჩენა.
ჯოი მილნიმ შეამჩნია, რომ მის აწ გარდაცვლილ ქმარს, ლესს, განსხვავებული, მუშკის მაგვარი სუნი განუვითარდა, როდესაც ის 33 წლის იყო – დაახლოებით 12 წლით ადრე, სანამ დაავადების დიაგნოზს დაუსვამდნენ.
წლების შემდეგ მანჩესტერის უნივერსიტეტის მეცნიერებმა მიაღწიეს წინსვლას, შეიმუშავეს ტესტი, რომელსაც შეუძლია პარკინსონის დაავადების მქონე ადამიანების იდენტიფიცირება კისრის უკანა მხარიდან ბამბისთავიანი ჩხირის გამოყენებით ნიმუშის აღებით.
მკვლევარები იყენებენ ნიმუშს პარკინსონთან დაკავშირებული მოლეკულების იდენტიფიცირებისთვის, რათა ამ გზით დასვან დიაგნოზი.
სამუშაოს დაწყებისას მათ სთხოვეს ქალბატონ მილნი, დაეყნოსა როგორც პარკინსონის დაავადების მქონე, ასევე არ მქონე ადამიანების მაისურებისთვის.
ჯოი მილნმა სწორად ამოიცნო მაისურები, რომლებიც პარკინსონით დაავადებულ პაციენტებს ეცვათ.
ტესტები წარმატებით ჩატარდა ლაბორატორიებში და ახლა მეცნიერები აფასებენ შესაძლებელია თუ არა მათი გამოყენება საავადმყოფოებში.
„ამერიკის ქიმიური საზოგადოების“ ჟურნალში გამოქვეყნებულ დასკვნებში დეტალურადაა აღწერილი, თუ როგორ შეიძლება კანის ცხიმის გაანალიზება მასის სპექტრომეტრიით – მეთოდი, რომელიც, დაავადების იდენტიფიცირების მიზნით, მოლეკულებს წონის.
აღსანიშნავია, რომ ზოგიერთი მოლეკულა მხოლოდ პარკინსონის დაავადების მქონე ადამიანებში გვხვდება.
მკვლევარებმა პარკინსონით დაავადებული 79 ადამიანის ნაცხი საკონტროლო ჯგუფში შემავალი 71 ჯანმრთელი ადამიანისგან აღებულ ნაცხს შეადარეს .
ამ აღმოჩენამ, შესაძლოა, დაავადების მარტივად, უსწრაფესად გამოვლენის შესაძლებლობა შექმნას.
პარკინსონის დაავადებას ხელების კანკალი, წონასწორობის დარღვევა და სიარულის გაძნელება ახასიათებს. დაავადება ძალიან ართულებს ცხოვრებას და ხშირად ძლიერ დეპრესიასაც იწვევს. მედიცინა მის წინაშე უძლურია, თუმცა განუწყვეტლივ ეძებს საშუალებებს, ავადმყოფებს მდგომარეობა შეუმსუბუქოს.

წყარო : independent.co.uk

ანალიტიკოსთა და მეცნიერთა დარბაზი – ,,დოქტრინა

ალბათ, ყველას გვსმენია, რომ ავტომობილთა სიმძლავრე ცხენის ძალით იზომება. ადამიანთა
ნაწილი კი ფიქრობს, რომ თავად ცხენს 1 ცხენის ძალა უნდა ჰქონდეს, რაც ნამდვილად ლოგიკურია,
მაგრამ არის ეს სიმართლე?

ცხენის მაქსიმალური სიმძლავრე 15 ცხენის ძალას შეადგენს, ხოლო ადამიანების კი დაახლოებით 1- ს. შესაბამისად, ცოტა გაუგებარია ცხენის ძალა რატომ ეწოდება. საზომი შოტლანდიელ გამომგონებელს, ჯეიმს ვატის სახელს უკავშირდება. 1700-იან წლებში მან სახელი გაითქვა
ორთქლის ძრავით. მეცნიერს სურდა, რომ ისინი ყველასთვის ნაცნობ რამესთან შეედარებინა, შედეგად კი არჩევანი ცხენზე შეაჩერა.

ვატმა დაკვირვებით აღმოაჩინა, რომ მუშა ცხენს წისქვილის ბორბლის დატრიალება საათში 144-ჯერ შეუძლია, საიდანაც ივარაუდა, რომ ცხენი ადგილიდან წუთში 14,774.41 კილოგრამს დაძრავდა, რომელიც შემდეგ დაამრგვალა. შედეგად მივიღეთ ახალი საზომი — ცხენის ძალა, რომელიც დღემდე
შემორჩა.

ანალიტიკოსთა და მეცნიერთა დარბაზი ,,დოქტრინა”