ეს საინტერესოა

მეცნიერების მტკიცებით, მათ აღმოაჩინეს, რატომ ჭაღარავდება ადამიანი სტრესის შედეგად.

თაგვებზე ჩატარებულმა ექსპერიმენტებმა აჩვენა, რომ ღეროვანი უჯრედები – მელანოციტები, რომლებიც კანისა და თმის ფერს აკონტროლებს, ინტენსიური სტრესის დროს ზიანდება.

სან- პაულოსა და ჰარვარდის უნივესრიტეტების მეცნიერების მიერ განხორციელებული ექსპერიმენტების დროს,  შავ-ბეწვიანი თაგვები რამდენიმე კვირაში მთლიანად გათეთრდნენ.

ქალები 30 წლის ასაკიდან ნელ-ნელა ჭაღარავდებიან. გაჭაღარავების ასაკსა და ინტენსივობაზე გენეტიკა დიდ ზეგავლენას ახდენს, თუმცა ამ პროცესში სტრესიც დიდ როლს თამაშობს.

კვლევის ავტორები აცხადებენ, რომ ტკივილმა თაგვებში ადრენალისა და კორტიზოლის გამოყოფა განაპირობა, რის გამოც მათ გულისცემა აუჩქარდათ და სისხლის წნევა მოემატათ, რამაც მათ ნერვულ სისტემაზე უარყოფითი ზეგავლენა მოახდინა და მწვავე სტრესის გამოწვევის მიზეზი გახდა.

ამ პროცესმა იმ ღეროვანი ყუჯრედების გამოფიტვა გამოიწვია, რომელიც თმის ფოლიკულებში მელანინს წარმოქმნის.

„ვიცოდით, რომ სტრესი სხეულისთვის ცუდი იყო, მაგრამ სტრესის იმ ზეგავლენამ, რაც ცდების დროს აღმოვაჩინეთ, ყოველგვარ მოლოდინს გადააჭარბა. რამდენიმე დღეში პიგმენტის აღდგენის უნარის მქონე ყველა ღეროვანი უჯრედი დაიკარგა, ამის შემდეგ კი პიგმენტების აღდგენა შეუძლებელი ხდება – დაზიანება სამუდამოა,“ – აცხადებენ კვლევის ავტორები.

კიდევ ერთი ექსპერიმენტის დროს, რომელიც მეცნიერებმა აღნიშნული კვლევის ფარგლებში ჩაატარეს, აღმოჩნდა, რომ ცვლილებების დაბლოკვა თაგვების მიერ ანტი- ჰიპერტონიკის მიღებით გახდა შესაძლებელი.

გარდა ამისა, მეცნიერებმა აღმოაჩინეს, რომ ღეროვანი უჯრედების დაზიანების პროცესში პროტეინია ჩართული. როდესაც მათ ეს პროტეინი – ციკლინზე დამოკიდებული კინაზა (cyclin-dependent kinase (CDK)) ჩაახშვეს, მკურნალობის შედეგად ბეწვის ფერის შეცვლის აღკვეთა შესაძლებელი გახდა.

ეს კი, მეცნიერების განმარტებით, იმას ნიშნავს, რომ შესაძლოა, მომავალში, გაჭაღარავების შეჩერება CDK-ის მედიკამენტის საშუალებით ჩახშობის გზით გახდეს შესაძლებელი.

წყარო : BBC

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

მხატვარი და მოგზაურობის მოყვარული მალიკა დე ფერნადესი 1959 წელს შეხვდა კაცს, რომელმაც მოგვიანებით მოკლა. შეხვედრიდან ზუსტად ორ საათში, ავიახაზების თანამშრომელმა პიტერ რეინ-ბარდტმა ფერნადესს ხელი სთხოვა – ის დათანხმდა. ოთხ დღეში მათ იქორწინეს.

რამდენიმე თვეში, ახლადდაქორწინებული წყვილი დაშორდა და ფერნანდესმა ისევ მსოფლიოს გარშემო მოგზაურობა დაიწყო, ოღონდ ახლა თავისი ყოფილი ქმრის ავიახაზების ფასდაკლების ბარათს იყენებდა. რეინ ბარდტი ჩეშირში (ინგლისი), თავის კოტეჯში დარჩა.

ორი წლის შემდეგ, ფერნანდესი უგზო-უკვლოდ გაუჩინარდა. რა თქმა უნდა, პირველი და უმთავრესი ეჭვმიტანილი რეინ-ბარდტი გახდა. პოლიციამ მისი სახლ-კარი მთლიანად გაჩხრიკა, მისი ბაღი გადათხარა გვამის აღმოჩენის მოტივით, თუმცა, მალიკას შესახებ ვერანაირი მტკიცებულება ვერ მოიპოვეს, უკან კი ხელცარიელები გაბრუნდნენ. საქმე ორი ათწლეულის განმავლობაში გამოუძიებელი იყო, როდესაც მოვლენები რადიკალურად შეიცვალა: რეინ-ბარდტის კოტეჯთან ახლოს, ტორფის ჭაობში მკვდარი სხეულის ნაწილი აღმოაჩინეს.

მაგრამ რეინ-ბარდტს ტორფის ჭაობების შესახებ ცოტა მეტი ცოდნა რომ ჰქონოდა, მას ცოლის მკვლელობისთვის ციხეში ვერ ჩასვამდნენ.

აი, რატომ:

ტორფი ორგანული ნივთიერებების, ძირითადად მცენარეებისა და ხავსის დაშლის შედეგად წარმოიქმნება. უფრო კონკრეტულად კი, ტორფის ხავსი ნესტიან ადგილებში აკუმულირდება და წარმოქმნის ჭაობს. ტორფის ფენები წარმოქმნის ისეთ მჟავებს, რომლებსაც საუკეთესოდ შეუძლია მკვდარი სხეულის გაუხრწნელად შენახვა.

რეინ-ბარდტს ეს რომ სცოდნოდა, შესაძლოა, თავისი ცოლის მკვლელობა ასე სწრაფად არ ეღიარებინა.

ლინდოუ მოსის ჭაობში ნაპოვნი უცნობი ქალის თავის პოვნის შემდეგ, ექსპერტები ვარაუდობნენ, რომ ის 30-50 წლის უნდა ყოფილიყო. ეს მტკიცებულება რეინ-ბარდტს წარუდგინეს.

„იმდენად დიდი დრო გავიდა, ვფიქრობდი, რომ ვერასოდეს აღმოაჩენდნენ ჩემს დანაშაულს.“ – აღიარა მან დაკითხვისას.

მან განაცხადა, რომ 60-იანების დასაწყისში ფერნანდესი მის კოტეჯში პერიოდულად ბრუნდებოდა და ფულს თუ არ მისცემდა, ჰომოსექსუალობის გამოაშკარავებით ემუქრებოდა. ჰომოსექსუალობა მაშინდელ ინგლისში ჯერ კიდევ დანაშაული იყო. მან უარი თქვა ფულის მიცემაზე და ყოფილმა ცოლ-ქმარმა იჩხუბა. სასამართლოზე მან თქვა, რომ მასში „რაღაც ადუღდა“, მოკიდა ხელი, აჯანჯღარებდა და სანამ არ გაჩერდა, მანამდე ვერ შეამჩნია, რომ შემოაკვდა.

მისივე თქმით, ძალიან შეშინებული იყო და რაციონალურად ფიქრი არ შეეძლო. ერთადერთი, რაც თავში მოუვიდა, გვამის გადამალვა იყო.

რეინ-ბარდტმა თქვა, რომ მისი სხეული ნაჯახით დაანაწევრა, სანამ მის დაწვას სცდიდა. თუმცა, ამან არ იმუშავა და მკვლელმა მსხვერპლი უახლოეს ჭაობთან მიიყვანა და მასში ჩააგდო.

20 წლის განმავლობაში გამოუძიებელი საქმე ერთი შეხედვით გაიხსნა და დახურვის პირას იყო. მაგრამ მთავარი გამომძიებელი ჯორჯ აბოტი ერთი ფაქტით მაინც შეწუხებული ჩანდა: თუ ეს ფერნანდესის თავი იყო, სად არის დანარჩენი მისი სხეული? გამომძიებელმა დამატებითი ანალიზისთვის თავი ოქსფორდის უნივერსიტეტში გააგზავნა, სადაც ნახშირბადული დათარიღებით დადგინდა, რომ თავის ქალა რომის იმპერიის დროინდელია.

„თავის ქალა ტორფის ჭაობში 16 საუკუნეზე მეტხანს ინახებოდა და მალიკა ფერნანდესთან არანაირი კავშირი არ აქვს. მაგრამ ყველაზე დიდი ირონია ის არის, რომ მისმა აღმოჩენამ პირდაპირ მკვლელის აღმოჩენამდე და მის აღიარებით ჩვენებადე მიგვიყვანა“ – უთხრა პროკურორმა მარტინ თომასმა სასამართლოს.

როდესაც რეინ-ბარდტმა ამის შესახებ შეიტყო, თავისი აღიარებითი ჩვენების შეცვლა სცადა, თუმცა, სრულიად უშედეგოდ. სასამართლოს სულ რაღაც სამი საათი დასჭირდა მისი ბრალეულობის გამოსაცხადებლად.

ფერნანდესის გვამი დღემდე ვერ აღმოაჩინეს.

ახალგაზრდა ანალიტიკოსთა და მეცნიერთა დარბაზი ,,დოქტრინა

მსოფლიო მასშტაბით არაერთმა ქალმა შეიტანა უმნიშვნელოვანესი წვლილი მეცნიერების სხვადასხვა მიმართულების განვითარებაში. გთავაზობთ 7 მეცნიერ ქალს, რომლებიც ფიზიკის, ქიმიისა თუ სხვა მიმართულებით არაერთი მნიშვნელოვანი აღმოჩნის ავტორები არიან.

ჯოსელინ ბელ ბერნელი

ჯოსელინ ბელ ბერნელი ასტროფიზიკოსია, რომელმაც ჯერ კიდევ სტუდენტობისას პულსარიები აღმოაჩინა. პულსარი მბრუნავი ნეიტრონული ვარსკვლავია, რომელიც ელექტრომაგნიტურ რადიაციას ასხივებს. ბერნელის აღმოჩენას 21-ე საუკუნის უდიდეს ასტრონომიულ აღმოჩენას უწოდებენ. მიუხედავად იმისა, რომ ბერნელი ვარსკვლავს თავად აკვირდებოდა ნობელის პრემია ამ აღმოჩენისთვის ბერნელის ხელმძღვანელმა, ანტონი ჰიუიშმა მიიღო.

გრეის ჰოპერი

გრეის ჰოპერის ხელმძღვანელობით მათემატიკოსების ჯგუფმა ელექტრონული კომპიუტერის ადრეული პროტოტიპი შექმნა. ჰოპერმა შექმნა პროგრამირების ენის პირველი კომპილატორი, რომლის მეშვეობითაც სიტყვიერი ინსტრუქციების ციფრულ კოდად გარდაქმნა გახდა შესაძლებელი და კომპიუტერული მოწყობილობების ფუნდამენტურ პრინციპებს დაუდო საფუძველი.

ლიზა მაიტნერი

ლიზა მაიტნერი ოტო ჰანთან ერთად ხელმძღვანელობდა მეცნიერების მცირე ჯგუფს, რომელმაც პირველად აღმოაჩინა ურანის ბირთვული დაშლის პროცესი. მაიტნერმა და ჰანმა აღმოაჩინეს, რომ ურანის ატომბირთვის ორ მცირე ბირთვად გაყოფისას დიდი რაოდენობით ენერგია გამოიყოფა. აღნიშნული საფუძვლად დაედო ბირთვულ რეაქტორებში სითბოს და შემდგომ, ელექტროენერგიის გამომუშავებას, ისევე როგორც ბირთვული იარაღის შექმნას.

სიცოცხლის განმავლობაში მაიტნერმა არაერთი ჯილდო და წოდება მოიპოვა, თუმცა, 1944 წელს ნობელის პრემია ქიმიაში, ბირთვული დაშლის აღმოჩენისთვის მხოლოდ მის კოლეგას, ოტო ჰანს მიენიჭა.

ჰეიდი ლამარი

ჰეიდი ლამარი წარმოშობით ავსტრიელი, ამერიკელი მსახიობი და გამომგონებელი იყო. მიუხედავად იმისა, რომ ლამარმა კარიერის დიდი ნაწილი კონომსახიობობას მიუძღვნა, მას არაერთი გამოგონება ეკუთვნის. ერთ-ერთი ყველაზე მნიშვნელოვანი კი იმ ტექნოლოგიის შექმნაა, რომელსაც დღესაც იყენებენ უსადენო ინტერნეტის, ბლუთუზისა და ჯიპიეს სისტემებში.

მარი სკლოდოვსკა-კიური

მარი სკლოდოვსკა-კიური ნობელის პრემიის პირველი ქალი ლაურეატია. კიური იყო პირველი მეცნიერი და არის ერთადერთი ქალი, რომელმაც ნობელის პრემია მეცნიერების ორ სხვადასხვა დარგში, ქიმიასა და ფიზიკაში აიღო. მის მიღწევებს შორისაა რადიოაქტიურობის თეორიის შექმნა და ორი ქიმიური ელემენტის, პოლონიუმისა და რადიუმის აღმოჩენა. მარი კიურიმ გამოიგონა რენტგენის პორტატული აპარატი.

ადა ლავლეისი

ადა ლავლეისი ისტორიაში პირველ პროგრამისტად მიიჩნევა. მას ეკუთვნის ნაშრომი, რომელიც პირველი კალკულატორის შექმნას დაედო საფუძვლად. ის იყო პირველი მათემატიკოსი, რომელმაც მოწყობილობის პოტენციალი შეაფასა და იწინასწარმეტყველა, რომ მას მათემატიკურ გამოთვლებზე დიდი პოტენციალი ჰქონდა. მას მიაწერენ პირველი კომპიუტერული ალგორითმის დაწერასაც.

ჩიენ ში ვუ

ჩიენ ში ვუ, რომელსაც “ფიზიკის პირველ ლედის უწოდებენ”, წარმოშობით ჩინელი, ამერიკელი ექსპერიმენტალური რადიო-ფიზიკოსი იყო, რომელმაც ბირთვულ ფიზიკაში უდიდესი წვლილი შეიტანა. ის მუშაობდა “მანჰეტენის პროექტზე”, რომლის დროსაც ურანის ბირთვული სინთეზის შედეგად მიიღეს ამავე ნივთიერების იზოტოპები ურანი 235 და ურანი 238. ეს იზოტოპები გამოიყენება როგორც ბირთვული იარაღის, ასევე რეაქტორების ასამუშავებლად.

წყარო : netgazeti.ge

ყველა ქალი შვილის გაჩენისთვის ოპტიმალურ ასაკს თავად არჩევს. ბევრი თანამედროვე ქალბატონი, რომლებიც თავდაპირველად ჯერ კარიერის გაკეთებას არჩევენ და მხოლოდ, ამის შემდეგ, ფიქრს შვილის გაჩენაზე იწყებენ, საზოგადოების მხრიდან ხშირად კრიტიკის ობიექტი ხდებიან. მოდით, ვაღიაროთ ძველი თაობა დღემდე დარწმუნებულია, რომ ქალი შვილს რაც უფრო ადრეულ ასაკში გააჩენს, მისი ორგანიზისთვის ეს უფრო უკეთესია, და ბავშვის გაჩენის საუკეთესო ასაკად 20 დან 27 წელს ასახელებენ. თუმცა, მეცნიერების ბოლო აღმოჩენები ძველ სტერეოტიპებს მთლიანდ ანგრევს. ექიმი ჯონ მიროვსკი, ტეხასის უნივერსიტეტიდან, ამტკიცებს რომ მშობიარობისთვის საუკეთესო ასაკი, არც მეტი, არც ნაკლები – 34 წელია. ექიმი თავის მოსაზრებას იმით ხსნის, რომ ქალის ორგანიზმი სწორედ ამ ასაკში სრულიად მზად არის როგორც ნაყოფის ტარებისთვის, ასევე მშობიარობისთვის. საგულისხმოა, რომ აღნიშნულ თეორიას მხარი ასევე, ფსქიოლოგებმაც დაუჭირეს. მათი აზრით, ყველაზე უკეთ ქალს სწორედ ამ ასაკში შეუძლია ბავშვის აღზრდა, ვინაიდან გააჩნია მეტი გამოცდილება, სტაბილურობის განცდა და საკუთარი არჩევანის მიმართ სერიოზული დამოკიდებულებით გამოირჩევა. თუმცა, რა ასაკშიც არ უნდა გადაწყვიტოთ შვილის გაჩენა, ყოველთვის გახსოვდეთ, რომ – ეს, სერიოზული ნაბიჯია, რომელიც მთელ თქვენს დროსა და ენერგიას მოითხოვს.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ბეჭდები ყველა ქალის საყვარელი სამკაულია, გამომდინარე იქიდან, რომ ის ერთდროულად უწყინარი და მსუბუქი ფორმით, ან თვალისმომჭრელი და განსაკუთრებული ვიზუალით შეიძლება გამოიყენოთ.

ბეჭდები მუდამ იმ სამკაულების რიცხვშია, რომელიც თვალს არასდროს გამოეპარება, მიუხედავად იმისა, თუ რამდენად სადაა ის. არჩევანის გაკეთებისას, თავად გადაწყვიტეთ, გსურთ გამოიყურებოდეთ ყოველდღიურ, კლასიკურ, განსაკუთრებულ თუ სპორტულ სტილზე. გაითვალისწინეთ, რომ ბეჭდები აუცილებლად უნდა მოარგოთ სტილს.

საუკეთესო ფასისა და მრავალფეროვნების სინთეზი Time-ის სამკაულების მაღაზიათა ქსელშია. Time-ში შეგიძლიათ ოქროსფერი, ვერცხლისფერი ბეჭდები შეარჩიოთ. გარდა სადა მოდელებისა კი, რასაკვირველია გაქვთ შესაძლებლობა სვაროვსკის ქვებით, ასევე ფერად-ფერადი ქვებით, მინანქრითა და ორნამენტებით გალამაზებული ბეჭდები შეარჩიოთ.

თუ თქვენ პასტელური ფერები მოგწონთ, ვერცხლისა და ოქროს ბეჭდები ასეთ დროს საუკეთესოა.  კლასიკური სტილის მოყვარულთათვის საუკეთესო არჩევანი სვაროვსკის თვლებიანი ბეჭდებია, რომლებსაც სტილისა და გარემოების გაგვალისწინებით, ზომისა და თვლების რაოდენობის მიხედვით შეარჩევთ. ხოლო, თუ თქვენ ის ადამიანი ხართ, ვისაც ექსტრავაგანტულობა, ფერები და განსხვავებული კომბინაციები უყვარს, თქვენთვის ზედგამოჭრილი, სხვადასხვა სამკაულებთან და ტანისამოსთან შეხამებული ფერად ქვებიანი და მინანქრიანი ბეჭდები არის.

Ania Haie, Pandora, Ti sento, L’atelier Précieux, Chronos, Maison De La Bijouterie, Oliver Weber და სხვები, – ეს ის ბრენდებია, რომლებიც Time-ის მაღაზიათა ქსელში ბეჭდებს წამოგიდგენთ. უახლესი კოლექციით, მრავაფეროვანი არჩევანით და საუკეთესო ფასით, Time უპირობოდ ის ადგილია, სადაც თქვენთვის სასურველ სამკაულს აუცილებლად შეიძენთ.

გარდა იმისა, რომ Time-ში მუდამ განახლებადი კოლექციის ფართო არჩევანია, მაგალითად, ბეჭდები Time.ge-ზე, Time-ის ინტერნეტ მაღაზიაში შეგიძლიათ შეიძინოთ, სადაც სპეციალური Online Exclusive-ის ფასები მოქმედებს და სამკაულების შეძენა 50%-მდე ფასდაკლებებითაა ხელმისაწვდომი.

Time-ში ბეჭდები 60 ლარიდან 1,225 ლარამდე ღირს. ყველაზე ძვირიანი მოდელი მაგალითად ბრიტანული ბრენდის, Ania Haie-ს 14 K ოქროს ბრილიანტის თვლიანი ბეჭედია, რომელიც თავისი ნაზი ვიზუალის გათვალისწინებით, როგორც საქორწინო, ისე ნიშნობის ბეჭდადაც შეგიძლიათ გამოიყენოთ.

ახალგაზრდა ანალიტიკოსთა და მეცნიერთა დარბაზი ,,დოქტრინა”