ეს საინტერესოა

გერმანია არავაქცინირებული პირებისთვის შეზღუდვებს აწესებს. ინფორმაციას ამის შესახებ გამოცემა The Guardian-ი ავრცელებს.

არავაქცინირებულ პირებს შეეზღუდებათ წვდომა არასასიცოცხლო მნიშვნელობის მაღაზიებსა და ღონისძიებებზე. გამონაკლისი გაკეთდება მათთვის, ვინც კორონავირუსისგან ახლახან გამოჯანმრთელდა.

„ქვეყნის მასშტაბით, კულტურისა და დასვენების სფეროში ღონისძიებები ღია იქნება მხოლოდ ვაქცინირებული ან კორონავირუსისგან გამოჯანმრთელებული პირებისთვის“, – აღნიშნა გერმანიის კანცლერმა.

გარდა ამისა, ანგელა მერკელის თქმით, გერმანიაში ვაქცინაცია თებერვლიდან სავალდებულო შეიძლება გახდეს. აღნიშნულ საკითხს პარლამენტი განიხილავს.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

მათ მოუწევთ, 70 დღის განმავლობაში ლოგინში იწვნენ და 18 000 დოლარს მიიღებენ.

როგორც inquisitr.com წერს, ექსპერიმენტის მიზანია კოსმოსში მოგზაურობის  ხანგრძლივი პერიოდის იმიტაცია მოახდინონ, სადაც ადამიანის სხეული  ექსტრემალურ ატროფიას, გამოფიტვას განიცდის.

ამ ტესტირების წყალობით „ნასას“ მეცნიერები შეისწავლიან და შეძლებენ  განსაზღვრონ, რა რაოდენობის კუნთს კარგავს ადამიანი – ექსპერიმენტის  მონაწილეებისთვის, ლოგინში კოსმოსური შატლის მიკროგრავიტაცია იქმნება  შექმნილი.

მთელი 70 დღის განმავლობაში, ადამიანი ლოგინში უნდა იწვეს და იქვე მიირთვას, ითამაშოს და ფილმებს უყუროს.

ახალგაზრდა ანალიტიკოსთა და მეცნიერთა დარბაზი “დოქტრინა”

ლიხტენშტეინი ევროპის ჯუჯა სახელმწიფოა, იმდენად მცირე, რომ მაგისტრალების სიგრძე მხოლოდ
250 კილომეტრია. ქვეყნის მოსახლეობის რაოდენობა დაახლოებით 39 200 კაცია.

1806 წელს ამ ტერიტორიამ სუვერენიტეტი მოიპოვა და მსოფლიოს რუკაზე გაჩნდა ლიხტენშტეინის
სამთავრო, რომელსაც მმართველობის ფორმა, კონსტიტუციური მონარქია არ შეუცვლია და
სათავეში დღემდე პრინცის ოჯახია. ევროპის შუაგულში მდებარე სახელმწიფოს ოფიციალურად
სამხედრო ძალა არ ჰყავს 1868 წლიდან, ასევე არ აქვს საკუთარი ვალუტა და აეროპორტი,
უახლოები არის მხოლოდ შვეიცარის ქალაქ ციურიხში, ლიხტენშტეინის დედაქალაქიდან
დაახლოებით საათნახევრის სავალზე.

უნდა აღინიშნოს, რომ ლიხტენშტეინი ერთადერთი ქვეყანაა მსოფლიოში, რომლის ტერიტორიის
100% ალპურ რეგიონში მდებარეობს, შესაბამისად, სამთო-სათხილამურო ტურიზმია
განვითარებული. ლიხტენშტეინში უმუშევრობისა და კრიმინალის დონე გასაოცრად დაბალია,
ქვეყანას თითქმის არ აქვს საგარეო ვალი.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი “დოქტრინა”

პერუში, ერთ-ერთმა ოჯახმა აღმოაჩინა, რომ მათი ძაღლი სინამდვილეში მელაა. ამის შესახებ BBC წერს.

გამოცემის ინფორმაციით, სოტელოსების ოჯხმა ლეკვი 13 დოლარად, ლიმაში იყიდეს და რან რანი დაარქვეს. მათ ეგონათ, რომ თანხა ჰასკის ჯიშის ძაღლში გადაიხადეს. ცოტა ხანში კი მეზობლებისგან ჩივილები მიიღეს, რადგან რან რანმა მათ ზღვის გოჭებზე, იხვებსა და ქათმებზე დაიწყო ნადირობა, შემდეგ კი ნადავლით იკვებებოდა.

აღმოჩნდა, რომ რან რანი ანდური მელაა. ცხოვლი ველური ბუნების სამსახურის ოფიცრებმა დაიჭირეს. პერუში განმარტავენ, რომ კონტრაბანდისტები ხშირად ყიდულობენ ველურ ცხოველებს ამაზონის რეგიონში და შემდეგ მათ არალეგალურად ლიმაში ყიდიან.

ახალგაზრდა ანალიტიკოსთა და მეცნიერთა დარბაზი “დოქტრინა”

ინდოეთში, ოდიშას შტატში, 17-წლის მოზარდმა ქორწილიდან ერთი თვის შემდეგ თავისი 26 წლის ცოლი გაყიდა. ამის შესახებ Hindustan Times-ი წერს.

გამოცემის ინფორმაციით, აგვისტოში წყვილი რაჯასტანში გაემგზავრა, აგურების ქარხანაში სამუშაოდ გაემგზავრა, შემდეგ კი ბიჭი სახლში მარტო დაბრუნდა და განაცხადა, რომ ცოლმა მიატოვა. მოზარდი ქალის ოჯახის განცხადების შემდეგ დააკავეს. პოლიციელებმა დაადგინეს, რომ მან ცოლი რაჯასტანის მკვიდრს 180 ათას რუპიად (დაახლოებით 7 530 ლარი) მიჰყიდა, მიღებული თანხა კი სმარტფონსა და საჭმელზე დახარჯა.

ამის შემდეგ პოლიციელები რაჯასტანშიგაემგზავრნენ, მაგრამ იქ პრობლემის წინაშე აღმოჩნდნენ, რადგან ადგილობრივებს ქალის გაშვება არ უნდოდათ. სამართალდამცველებმა ქალის სახლში დაბრუნება მაინც მოახერხეს, სასამართლომ კი 17 წლის მოზარდი გამოსასწორებელ დაწესებულებაში გაგზავნა

ახალგაზრდა ანალიტიკოსთა და მეცნიერთა დარბაზი “დოქტრინა”

მოსახლეობის მცირე რაოდენობა და კატების დიდი პოპულაცია, ეს არის მახასიათებელი, რაც განასხვავებს იაპონიის რამდენიმე პატარა კუნძულს სხვებისგან.
1. Tashiro-jima – არის იაპონიის აღმოსავლეთით მდებარე პატარა კუნძული, სადაც მოსახლეობის რაოდენობა სულ რაღაც 80 კაცია, ხოლო კატების – რამდენიმე ასეული. კატების პოპულაცია უფრო დიდია, ვიდრე სოფლის მოსახლეობა. კატების საჭიროება დადგა ადრეულ პერიოდში, როდესაც კუნძულის მოსახლეობა დაკავებული იყო აბრეშუმის წარმოებით, თაგვები კი აბრეშუმის ჭიის პირველი მტრები იყვნენ. მეთევზეები კატებს იყენებდნენ ამინდისა და თევზაობის პირობების პროგნოზირებისთვის. მას იღბლიან ცხოველად მიიჩნევენ, რის გამოც კუნძულზე არ ჰყავთ სხვა შინაური ცხოველები, თუმცა, კუნძულზე არის კატის სალოცავი.
2. Aoshima – კუნძული მდებარეობს იაპონიის სამხრეთით, მოსახლეობის რაოდენობა 15-20 კაცია, ხოლო კატების – 120. კატები თავდაპირველად მოხვდნენ მეთევზეთა გემებზე, რადგან ისინი ვერ უმკლავდებოდნენ მღრღნელების პრობლემას. დღეს კი კატების პოპულაცია 6-ჯერ მეტია სოფლის პოპულაციაზე, რომელიც ძირითადად ხანდაზმულებისგან შედგება.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი “დოქტრინა”

ამერიკელი ბილ ფიშერი, რომელიც ჩრდილოეთ დაკოტაში ცხოვრობს, 8 წელია საკუთარი ავტომობილის ციყვისგან დაცვას ცდილობს. ამის შესახებ გამოცემა LADBible წერს.

ყოველ წელს ციყვი კაცის ავტომანქანაში, ძრავთან ზამთრისთვის კაკალს აგროვებს. 56 წლის ბილ ფიშერი აცხადებს, რომ ციყვთან 8-წლიანი „ომით“ დაიღალა.

„ამ ჟღალ ციყვს 2013 წლიდან ვიცნობ. მას უკვე აქვს ერთგვარი რიტუალი, რომ ყოველ წელს ჩემი სატვირთო კაკლის შესანახ საწყობად გამოიყენოს“, – ამბობს ფიშერი.

ციყვმა ტრადიცია არც 2021 წლის შემოდგომაზე დაარღვია და 70 კილოგრამი კაკალი ისევ ავტომობილში შეაგროვა.

ახალგაზრდა ანალიტიკოსთა და მეცნიერთა დარბაზი “დოქტრინა”

ერთ-ერთი პოპულარული მითის მიხედვით, ჩინეთის დიდი კედელი არის ადამიანის მიერ აგებული
ერთადერთი სტრუქტურა, რომლის დანახვაც შესაძლებელია კოსმოსიდან. საინტერესოა შეესაბამება
თუ არა ეს თეორია სიმართლეს?
თეორია, რომლის მიხედვითაც კედელი მთვარიდან ჩანს, თარიღდება სულ მცირე 1938 წლით. ეს
თეორია ვრცელდებოდა, სანამ ასტრონავტები არ დაეშვნენ მთვარის ზედაპირზე და რეალურად არ
აღმოაჩინეს, რომ შეუიარაღებელი თვალით ჩინეთის დიდი კედლის და ამ მასშტაბის ადამიანის
ხელით შექმნილი ობიექტის დანახვა მთვარიდან შეუძლებელია, თუნდაც დედამიწის დაბალი
ორბიტადან. ის ძალიან ვიწროა და მისდევს ლანდშაფტის კონტურებსა და ფერებს.
ხილული კედლის თეორია შეირყა მას შემდეგ, რაც ჩინელმა ასტრონავტმა, იან ლივეიმ, 2003 წელს
თქვა, რომ ის ვერ ხედავდა ისტორიულ სტრუქტურას. კანადელმა ასტრონავტმა, რომელმაც ხუთი
თვე გაატარა საერთაშორისო კოსმოსურ სადგურზე 2012-2013 წლებში, გაიმეორა ეს ფაქტები
ჩინეთის დიდი კედლის ხილვადობის შესახებ. ბევრი ნაგებობის დანახვა შეგვიძლია კოსმოსიდან,
მაგრამ არა ჩინეთის დიდი კედლის.

წყარო: universetoday.com
მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი “დოქტრინა”

საჰარის უდაბნოში, მავრიტანიის ტერიტორიაზე არსებობს რიშადის სტრუქტურა, რგოლისებრი გეოლოგიური წარმონაქმნი, რომელსაც ასევე საჰარის თვალს უწოდებენ და რომელსაც ჩვენ ადგილზე ვერ ვხედავთ, კოსმოსიდან არის შესამჩნევი.
როდესაც ნასას მისია, Gemini 4, 1965 წელს დაიწყო, ასტრონავტებმა მალევე აღმოაჩინეს საჰარის თვალი. საკმაოდ დიდი ხნის განმავლობაში კი ეს სტრუქტურა კოსმონავტებისთვის წარმოადგენდა ორიენტირს, რადგან მკვეთრად გამოიყოფოდა უდაბური ადგილიდან და ხილვად ობიექტს წარმოადგენდა.
საჰარის თვალს თითქმის იდეალური წრის ფორმა აქვს და დიდი ხნის განმავლობაში მეცნიერები ვარაუდობდნენ, რომ ოდესღაც მეტეორმა წარმოქმნა ასეთი ფორმა. მაგრამ დღეს მეცნიერები ფიქრობენ, რომ საჰარის თვალი წარმოიქმნა მაშინ, როდესაც ერთიანი კონტინენტი, პანგეა დაიყო 100 მილიონი წლის წინ და მეტამორფული და ვულკანური ქანების ცვლილებისა და ეროზიის გავლენის შედეგად უცნაური რიშადის სტრუქტურაც ჩამოყალიბდა. თუმცა, ამ ყველაფერს თეორიის სახე აქვს და საჰარის თვალის საიდუმლოება ჯერ ბოლომდე ამოხსნილი არ არის.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი “დოქტრინა”

იტალია პირველი ქვეყანაა ევროპაში, სადაც ე.წ. კოვიდპასპორტების წარდგენა
საჯარო და კერძო სექტორის ყველა თანამშრომლისთვის სავალდებულო ხდება.
ახალი წესის თანახმად, რომელიც 15 ოქტომბერს ამოქმედდება და წლის
ბოლომდე დარჩება ძალაში, ყველა თანამშრომელი ვალდებული იქნება
დაამტკიცოს, რომ კოვიდ 19-ის საწინააღმდეგო ვაქცინაცია ჩატარებული აქვს,
ვირუსისგან გამოჯანმრთელდა ან კორონავირუსზე ბოლო 48 საათში
ჩატარებული ტესტის პასუხი უარყოფითია.
ნებისმიერ დასაქმებულ პირს, რომელიც „მწვანე საშვის“ წარდგენას ვერ შეძლებს,
საქმიანობის უფლებას დროებით, ანაზღაურების გარეშე შეუჩერებენ.
იტალიაში „მწვანე საშვი“ პედაგოგებისა და საჯარო სექტორის სხვა
მუშაკებისთვის სავალდებულო რამდენიმე კვირის წინ გახდა, ჯანდაცვის
სფეროში დასაქმებული პირებისთვის კი – აპრილიდან.
„ვაქცინა არის ერთადერთი იარაღი კორონავირუსის წინააღმდეგ და მისი
გავრცელების შეჩერება მხოლოდ მოსახლეობის დიდი ნაწილის ვაქცინაციით
შეგვიძლია,“- განაცხადა იტალიის რეგიონალური საკითხების მინისტრმა
მარიასტელა ჯელმინიმ.
ცნობისათვის, ამჟამად იტალიაში 12 წლის ასაკის ზემოთ მოსახლეობის თითქმის
75%-ს კორონავირუსის საწინააღმდეგო ვაქცინის მინიმუმ ერთი დოზა აქვს
გაკეთებული.

ახალგაზრდა ანალიტიკოსთა და მეცნიერთა დარბაზი “დოქტრინა”