ეს საინტერესოა

აფრიკაში, ზიმბაბვესა და ბოტსვანას ტერიტორიაზე ცხოვრობს ტომი, სახელად ვადომა, რომელიც დღემდე შემგროვებლობითა და ნადირობით ირჩენს თავს. დღეს ტომი ცნობილია განსაკუთრებული და იშვიათი გენეტიკით. ტომის წარმომადგენელთა ნაწილს ფეხის ტერფზე აქვს ორი თითი.

1971 წელს მეცნიერებმა შეძლეს სამეცნიერო ექსპედიცია მოეწყოთ ამ ტერიტორიაზე. გამოკვლევების თანახმად, უჩვეულო ფეხის ფორმის წარმოქმნას ორი მიზეზი შეიძლება ჰქონდეს, ერთ-ერთი მიზეზი ახლონათესაური კავშირი იყო, ან უცნობი ვირუსი, რომელმაც ანომალია გამოწივია. მუტაციის განმაპირობებელი გენი, როგორც აღმოჩნდა, დომინანტურია და ყოველ მეოთხე ბავშვში გამოვლინდება.

ტომის კანონების მიხედვით, ტომის წევრებს უფლება არ აქვთ დაქორწინდნენ ადამიანზე, რომელიც მათი ტომის წევრი არ არის, სწორედ ამიტომ, ფეხის ტერფის ეს მდგომარეობა შენარჩუნებულია მხოლოდ ვადომას ტომში.

ვადომას ტომის წევრები ფეხის ტერფზე ორი თითის დახმარებით სწრაფად დარბიან, ხეებზე ასვლაც უმარტივდებათ და ხიდან ხეზე გადაადგილებაც არ უჭირთ.

ვადომას ტომის წარმომადგენლები შესანიშნავად ფლობენ მედიცინას, ველური მცენარეების დახმარებით მათ შეუძლიათ სხვადასხვა სნეულების განკურნება.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

ყველამ კარგად იცის, რომ საკუთარ თავზე ზრუნვა წარმატების აუცილებელი ნაწილია,
რადგან სტრესს ამცირებს და ავადმყოფობისგანაც გიცავთ. სხვა სიტყვებით რომ ვთქვათ,
როგორ შეძლებთ თქვენს ბიზნესზე ყურადღების გამახვილებას თუ გამუდმებით
სტრესის ქვეშ ხართ და ჯანმრთელობის პრობლემების მოგვარებას ცდილობთ?
მაგრამ, როგორც მწერალი ჯასტინ მასკი, ილონ მასკის ყოფილი მეუღლე განმარტავს,
საკუთარ თავზე მთელი რიგი სხვა მიზეზების გამოც უნდა იზრუნოთ.
„საკუთარ თავზე ზრუნვა ზეადამიანურ ენერგიას მოგცემთ და ამტანს გაგხდით. თუ
წინაპრებმა განსაკუთრებული გენეტიკა არ გადმოგცეს მემკვიდრეობით, მიზნად
დაისახეთ და თქვენი პოტენციალი ბოლომდე გამოიყენეთ. გზად მრავალი პრობლემა
შეგხვდებათ – დაღლილობა ხშირი ფრენების გამო, უმადობა,თავის ტკივილი; გონების
გადაღლა, განუწყვეტელი წვეულებები, მარტოობა, უაზრო შეხვედრები,
წარუმატებლობები, ოჯახური დრამა; პრობლემები მნიშვნელოვან ადამიანთან,
რომელსაც იშვიათად ხედავთ; ბნელი ღამეები, სულს რომ გიფორიაქებთ; ადამიანები,
რომლებიც გღლიან და გაღიზიანებენ, აუცილებელზე გაცილებით ნაკლები ძილი და ა.შ.
ჯანმრთელობაზე ზრუნვა ფუჭად არ ჩაივლის, აუცილებლად უკან დაგიბრუნდებათ და
გონებაც გამჭრიახი გექნებათ“.

წყარო : Inc.com

მასალა მოამზადა : ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სამხრეთ აფრიკის მთავრობის მერ წაყენებულ ინიციატივას მრავალქმრიანობასთან(პოლიანდრია) დაკავშირებით, როდესაც ქალს შეუძლია ერთზე მეტი ქმარი ჰყავდეს, არაერთგვაროვანი გამოხმაურება მოჰყვა.

სამხრეთ აფრიკის რესპუბლიკას მსოფლიოში ერთ-ერთი ყველაზე ლიბერალური კონსტიტუცია აქვს, რადგან იქ უკვე კანონიერია როგორც მრავალცოლიანობა, ასევე ერთი და იგივე სქესის ადამიანების ქორწინება.

ბიზნესმენი მუსა მსელეკუ ეწინააღმდეგება მრავალქმრიანობას და ამბობს, რომ ეს ყველაფერი აფრიკულ კულტურას გაანადგურებს. ამავე დროს მუსა მსელეკუმ 4 ცოლი ჰყავს.

მიუხედავად იმისა, რომ სამხრეთ აფრიკაში მრავალცოლიანობა კანონიერად არის დაშვებული, მრავალქმრიანობის ინიციატივას ბევრი მოწინააღმდეგე გამოუჩნდა.

ინიციატივის ერთ-ერთი მიზეზი უშვილობა იყო, ზოგიერთი მამაკაცი თანახმა იყო მეუღლეს სხვა ქმარიც ჰყოლოდა ამის გამო. გენდერული უფლებების დამცველებმა სთხოვეს მთავრობას მრავალქმრიანობა თანსწორობის მიზნით, რადგან კანონით მამაკაცებს აქვთ ერთზე მეტი ცოლის ყოლის უფლება.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

აშშ-ის დაზვერვის ანგარიშის თანახმად, მათ 17 წლის განმავლობაში 144 ამოუცნობი მფრინავი ობიექტი აღმოაჩინეს.

ანგარიში 2004-დან 2021 წლამდე პერიოდს მოიცავს, სადაც ნათქვამია, რომ 80 ამოუცნობი მფრინავი ობიექტის შესახებ ინფორმაცია დანადგარების საშუალებით მიიღეს.

ამასთან არ არსებობს მტკიცებულებები ამოუცნობი მფრინავი ობიექტების მიწიერი წარმოშობის შესახებ. ანგარიშში ნათქვამია, რომ ზოგიერთ შემთხვევაში ამოუცნობი ობიექტი შესაძლოა ყოფილიყო ატმოსფერული მოვლენა, ფრინველი, მეტეოზონდი, საჰაერო ბურთი ან სამოყვარულო დრონი.

აშშ-ის დაზვერვის ანგარიშში ამოუცნობი მფრინავი ობიექტების შესახებ ერთგვაროვანი შეფასება არ არის, თუმცა დოკუმენტში წერია, რომ ასეთი ობიექტები ავიამიმოსვლას ხელს უშლიან და საჰაერო სივრცეში ხარვეზებს იწვევენ.

2020 წელს პენტაგონმა სამუშაო ჯგუფის შექმნის შესახებ განაცხადა , რომელიც ამოუცნობ მფრინავ ობიექტებს გამოიკვლევდა. მანამდე, აშშ-ის თავდაცვის უწყებამ ამოუცნობი ობიექტების ჩანაწერი გაასაჯაროვა. თუმცა ამ ჩანაწერების წარმოშობის წყარო ამ დრომდე უცნობია.

ახალგაზრდა ანალიტიკოსთა და მეცნიერთა დარბაზი ,,დოქტრინა“

ივნისის თვის დასაწყისში გავრცელდა ინფორმაცია, რომ სამხრეთ აფრიკის რესპუბლიკაში 37 წლის ქალმა, გოსიამე სიტოლემ 10 ტყუპი გააჩინა, 7 ბიჭი და 3 გოგო, რაც სავარაუდოდ უნდა ყოფილიყო ახალი მსოფლიო რეკორდი. მალევე გინესის მსოფლიო რეკორდების ორგანიზაციამ აღნიშნული საქმის გამოძიება დაიწყო.
რამდენიმე დღის წინ ოფიციალური გამოძიების შედეგები გამოქვეყნდა და უცნაურ ისტორიას სკანდალური გაგრძელებაც მოჰყვა. დადგინდა, რომ სამხრეთ აფრიკელმა ქალმა მსოფლიო მოატყუა, რადგან არცერთ საავადმყოფოში ბავშვების დაბადება არ დაფიქსირებულა. ასევე სიღრმისეულმა კვლევამ აჩვენა, რომ გოსიამე სიტოლე ორსულადაც კი არ ყოფილა ახლო წარსულში.
ამ დროისათვის ცნობილია, რომ ინფორმაციის გავრცელების შემდეგ მის ანგარიშზე შემოწირულობების სახით დაახლოებით 70 000 დოლარი შეგროვდა. ტყუპების სავარაუდო დაბადებიდან 10 დღის შემდეგ კი ეჭვი გაჩნდა, რადგან Pretoria News– მა ვერ დაასახელა სამედიცინო დაწესებულება, სადაც ტყუპები დაიბადნენ.
ქალის მეუღლე კი ამტკიცებდა, რომ გოსიამე სიტოლე გაუჩინარდა და ხალხს სთხოვა შემოწირულობები შეეჩერებინა. ხოლო ქალბატონი სიტოლე მას ადანაშაულებს ჩვილებისგან ფინანსური სარგებლის მიღებაში. ამჟამად გოსიამე სიტოლე ფსიქიატრების დაკვირვების ქვეშ იმყოფება.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

მაგავა – გმირი ვირთხა, რომელმაც ოქროს მედალი დაიმსახურა იმ გმირობისთვის, რომელიც მრავალი ადამიანის სიცოცხლის გადასარჩენად გაწია.

მაგავა უდაოდ წარმატებულ 5 წლიან კარიერას ასრულებს. იგი ნაღმებისა და აფეთქებული ნივთების აღმოჩენით იყო დაკავებული. ხუთწლიანი კარიერის განმავლობაში მღრღნელებმა კამბოჯაში 71 ნაღმი და კიდევ ათობით აფეთქებული ნივთი იპოვეს.

მიუხედავად იმისა, რომ მაგავა ბევრ სხვა ვირთხების სახეობას ზომით აღემატება, ის მაინც საკმაოდ მცირე ზომის და მსუბუქია, რომ ნაღმებზე გადავლისას არ გამოიწვიოს მათი აფეთქება.

ვირთხები გაწვრთნილები არიან სპეციალურად, რათა ასაფეთქებელი ნივთიერების ამოცნობა მარტივად შეძლონ, რაც ნიშნავს, რომ ისინი ყურადღებას არ მიაქცევენ სხვა ნივთებს. გაწვრთნილ ვირთხებს უფრო სწრაფად შეუძლაით ნაღმის ამოცნობა. მას შემდეგ, რაც აღმოაჩენენ ასაფეთქებელ ნივთიერებას, ისინი იწყებენ დაკაწვრას კონკრეტული ადგილის, რომ მიანიშნონ სხვებს ნაღმის ადგილმდებარეობა.

მაგავას შეუძლია ჩოგბურთის კორტის ზომის მოედანზე რაიმეს მოძებნა მხოლოდ 20 წუთში, როდესაც ლითონის დეტექტორით იგივე სამუშაოს შეიძლება ერთიდან ოთხ დღემდე დასჭირდეს.

მასალა მოამზადა: ნინი ხეცურიანმა