ეს საინტერესოა

ამერიკული კომპანია Eachnight, რომელიც სწორი ძილის შესახებ რჩევებს აქვეყნებს, მოხალისეებს ეძებს. ამის შესახებ CNN-იიტყობინება.

ტელეარხის ცნობით, კომპანია ექსპერიმენტში მონაწილეებს 30 დღის განმავლობაში დღისით დაძინებისთვის 1 500 დოლარს გადაუხდის. ექსპერიმენტის მიზანია „რამდენიმე თეორიის შემოწმება დღისით ძილის სარგებლის შესახებ“.

„30 დღის განმავლობაში ჩვენი მოხალისეები სხვადასხვა თეორიის ტესტირებაში მიიღებენ მონაწილეობას, მათ შორის დაადგენ რამდენსაათიანი ძილია საჭირო დასვენებისთვის, რა გავლენა აქვს დღისით ძილს მეხსიერებაზე, მოტივაციასა და პროდუქტიულობაზე“, – აცხადებენ კომპანიაში.

ექსპერიმენტში მონაწილეობა ნებისმიერი ქვეყნის მოქალაქეებს შეუძლიათ. თუმცა, მათ კარგად უნდა იცოდნენ ინგლისური, რათა კომპანიას თავისი ძილის შესახებ სწორი ინფორმაცია მიაწოდონ.

ექსპერიმენტში მონაწილეობის მსურველებმა განცხადება კომპანიის ვებგვერდზე უნდა შეავსონ. აპლიკანტების ასაკი 18 წელს უნდა აღემატებოდეს. განცხადებების მიღება 31 მაისს დასრულდება.

ახალგაზრდა ანალიტიკოსთა და მეცნიერთა დარბაზი ,,დოქტრინა

მალის რესპუბლიკაში მცხოვრებმა 25 წლის ქალმა 9 ტყუპი გააჩინა, მათგან 5 გოგო და 4 ბიჭია. ულტრაბგერითი გამოკვლევების თანახმად, მას 7 შვილი უნდა ჰყოლოდა. როდესაც მარტის თვეში ექიმებმა გადაწყვიტეს, რომ ის სპეციალურ მოვლას საჭიროებდა და  25 წლის დედა მალის დედაქალაქ ბამაკოს საავადმყოფოდან მაროკოში გაგზავნეს, სადაც 5 კვირის შემდეგ მალის ჯანდაცვის სამინისტროს ცნობით, ტყუპები საკეისრო კვეთის შედეგად დაიბადნენ. ახალშობილთა რაოდენობა შვიდის ნაცვლად ცხრა იყო, 5 გოგონა და 4 ბიჭი.

აღნიშნული შესაძლოა იყოს ახალი მსოფლიო რეკორდი ერთ მშობიარობაზე დაბადებული ბავშვების რაოდენობით. უნდა აღინიშნოს, რომ ექიმები შეშფოთებულები იყვნენ დედის  და ახალშობილების ჯანმრთელობით, რადგანაც მსგავს შემთხვევებს სამედიცინო გართულებები ხშირად თან ახლავს.

პირველად მსგავსი შემთხვევა დაფიქსირდა 1971 წელს ავსტრალიაში, სიდნეიში, როდესაც 29 წლის ქალს  9 ტყუპი შეეძინა, 5 ბიჭი და 4 გოგო. ასევე 1999 წელს მალაიზიაში, სამწუხაროდ ორივე შემთხვევასთან ახლდა გართულებები და ახალშობილებიდან ვერცერთი გადარჩა.

აშშ-ში კი 2009 წელს 29 წლის ქალმა 8 ტყუპი გააჩინა, რომელიც გინესის მსოფლიო რეკორდად იქნა აღიარებული.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა

ალბათ ყველას მოგვინდებოდა ბაჰამის კუნძულებზე ერთი საკუთარი კუნძული გვქონდეს ულამაზესი ბუნებით, ხედით, სანაპირო ზოლით და ირგვლივ მხოლოდ ლურჯი ოკეანით.

წმინდა ანდრიუსის კუნძული(Little Ragged Island)  არის ყველაზე დიდი კუნძული კარიბის სამოთხიდან იმ კუნძულებს შორის, რომლებიც ამჟამად იყიდება. კუნძული 730 ჰექტარს მოიცავს, ირგვლივ მხოლოდ ოკეანე და ხელუხლებელი სანაპიროა. კუნძული შედარებით იზოლირებულია სხვა კუნძულებიდან, დანარჩენ მსოფლიოსთან დაკავშირება ნავით არის შესაძლებელი და ყველაზე ახლოს მდებარე კუნძულები კი 10 წუთის სავალზეა.

კერძო კუნძულის ღირებულება 19.5 მილიონი დოლარიდან დაიწყება, ის აუქციონზე გაიყიდება, რომელსაც აშშ-ს უძრავი ქონების კომპანია გაუძღვება. კომპანია აუქციონზე გასატან ნივთებს დიდი ყურადღებით არჩევს, მაგალითად, მოცემულმა კომპანიამ აშშ-ს ყველაზე ძვირადღირებული სახლი გაყიდა და კლიენტების სიასაც თავად აცხადებს, რომელთა ნაწილზე ნამდვილად ბევრი გვსმენია.

კუნძულების ბროკერები აცხადებენ, რომ კერძო კუნძულებზე მოთხოვნა გაიზარდა COVID-19-ის პერიოდში, ასევე ოქტომბერში New York Times-მა განაცხადა, რომ ბოლო 20 წლის განმავლობაში ყველაზე დატვირთული ბოლო ორი თვე იყო.

წყარო: CNN

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

COVID19-ის საწინააღმდეგო ვაქცინაზე გაზრდილი კონკურენციის გამო, გაიზარდა ყალბი ვაქცინის დამზადების შემთხვევებიც. პოლიციამ ჩინეთის ერთ-ერთი ქარხნის ტერიტორიაზე დააკავა 80 ადამიანი, რომლებიც ყალბი ვაქცინის დამზადებით იყვნენ დაკავებულები, მათ ამოიღეს 3000 ყალბი ამპულა.

გარდა ჩინეთისა, 3 ჩინელი და 1 ზამბიელი დააკავეს სამხრეთ აფრიკის რესპუბლიკაში იგივე ბრალდებით, გაუთენგის საწყობში 2400 ვაქცინის ყალბი დოზა და ყალბი ნიღბები აღმოაჩინეს.

ინტერპოლის გენერალური მდივნის, ურგენ სტოკის(Jürgen Stock) განცხადებით,  ეს არის ,,მხოლოდ აისბერგის წვერი“, რაც ეხება COVID19-ის საწინააღმდეგო ვაქცინებთან დაკავშირებულ დანაშაულს და ცხადია, როდესაც მოთხოვნა კიდევ უფრო გაიზრდება, მსგავსი დანაშაულების რაოდენობაც მოიმატებს.

გასულ თვეში, ჩინეთში ასევე დააკავეს დანაშაულებრივი ჯგუფი, ისინი მარილიან ხსნარსა და მინერალურ წყალს ყიდნენ, როგორც COVID19-ის ვაქცინას. ვაქცინების კონტრაბანდის ნაწილი საზღვარგარეთ იგზავნებოდა, თუმცა ზუსტი ადგილი ცნობილი არ არის.  კონგმა და მისმა გუნდმა საერთო ჯამში 2,78 მილიონი აშშ დოლარის მოგება ნახეს.

წყარო: BBC

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”