ეს საინტერესოა

იმ ფონზე, როდესაც საქართველოში კოროანვირუსის ინფიცირების მაჩვენებელი ყოველდღიურად ათასობით ვლინდება, საზოგადოებაში არსებობს კითხვები, რა შემთხვევაში შეიძლება ადამიანს არ დაემართოს კოვიდი.

ექიმი გიორგი ღოღობერიძე ლოგიკური მსჯელობის მაგალითზე ხსნის, რატომ არ ემართება ყველას კორონავირუსი.

ლოგიკური მსჯელობით, არგუმენტები ასეთია: 

• ჩვენ რომ დაგვემართოს კოვიდი, აუცილებელია, რომ ინფიცირებულთან კონტაქტი გვქონდეს 15 წუთზე მეტხანს.
• დისტანცია 2 მეტრზე ნაკლები უნდა იყოს.

ვირუსის რაოდენობა 

• შეიძლება ადამიანი ინფიცირებულთან 15 წუთზე მეტხანს იყოს, 2 მეტრზე ნაკლები დისტანციითაც იდგეს, თუმცა ჩასუნთქვისას ვირუსი მცირე რაოდენობით მოხვდეს მის ორგანიზმში. თუ ეს რაოდენობა მცირეა, იმუნური სისტემა ვირუსს მაშინვე გაანადგურებს.

თანდაყოლილი იმუნიტეტი

• ჩვენ გვაქვს ორი სახის იმუნიტეტი – თანდაყოლილი და ადაპტაციური (ანტისხეულები). თუ თანდაყოლილი იმუნიტეტი ძლიერია, სხეულში მოხვედრისთანავე ვირუსი ნადგურდება
• სწრაფი რეგენერაცია (აღდგენა): მაგალითად ბავშვების შემთხვევაში მსუბუქად სწორედ იმიტომ მიმდინარეობს დაავადება, რომ დაზიანებულ უჯრედებს აღდგენის სწრაფი უნარი აქვთ. შესაძლოა სხეულში ვირუსი იყოს, თუმცა დაავადება არ განვითარდეს.
• რეცეპტორების უჩვეულო ტიპი: იმისთვის, რომ ვირუსი სხეულში შემოიჭრას, მას რეცეპტორების სჭირდება. თუ ადამიანს ძლიერი რეცეპტორები აქვს, ვირუსით ვერ დაინფიცირდება და იგი უბრალოდ სხეულში ვერ შეაღწევს.
• ადრე მოხდილი კოროანვირუსული დაავადება: კოვიდის გარდა კიდევ ბევრი მსგავსი დაავადება არსებობს. თუ თქვენ ადრე გქონდათ მსგავსი ინფექცია გაციების სახით, შეიძლება იმდროინდელი ანტისხეულები ჯერ კიდევ გიცავდნენ, ამიტომ ადამიანში დაავადება არ ვითარდება;
• დამუხრუჭების სწრაფი უნარი: თუ ადამიანის ორგანიზმში D ვიტამინის საკმარისი რაოდენობაა, სპეციალური რეგულატორები ძალიან კარგად ამუხრუჭებენ ზედმეტ იმუნურ პასუხს.
• ფიზიკურად აქტიურ ადამიანს ნაკლებად ემართება კოვიდი სიმპტომური სახით, რადგან ქსოვილები აქტიურ მდგომარეობაშია და მალე აღდგება.

ამის გამო შესაძლოა ბევრ ადამიანთან გქონდეს კონტაქტი, თუმცა დაავადება არ დაგემართოს.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ონკოლოგი, ბიოქიმია-ფარმაკოლოგიის ლექტორი გიორგი ღოღობერიძე ფეისბუქზე გავრცელებული ლაივის მეშვეობით უძილობის ფაქტორებზე საუბრობს. ექიმი 16 ოქროს წესის დახმარებით გვირჩევს, როგორ დავძლიოთ მრავაწლიანი უძილობა.

მესამე კურსზე მე მასწავლიდნენ, რომ არსებობს რამდენიმე დაავადება, რომელსაც შეუძლია ყველაფრის გამოწვევა – ესაა სიფილისი, წითელი მგლურა და  დღეს ამას დაემატა კოვიდი. კოვიდს შეუძლია ძალიან ბევრი რამ გამოიწვიოს და  მათ შორისაა უძილობაც. გარდა კოვიდისა, უძილობა შეიძლება გამოწვეული იყოს ფსიქოლოგიური სტრესითაც. ასევე უძილობას იწვევს ქრონიკული ტკივილი, გულის უკმარისობა, ჰიპერთირიოზი, გასტროეზოფაგური რეფლუქსი, მოუსვენარი ფეხების სინდრომი. ესაა მდგომარეობა, რომელიც ალბათ ბევრს გამოგიცდიათ, როდესაც წვები და ფეხები მოუსვენრად მოძრაობს. ასევე შესაძლოა იყოს მენოპაუზის პრობლემა, ესტროგენის რაოდენობის მკვეთრი ვარდნა. ასევ უძილობის მიზეზებში უნდა გამოვყოთ ალკოჰოლი, კოფეინი, თამბაქო. შფოთვითი აშლილობა და დეპრესია ასევე მნიშვნელოვანი ფაქტორებია.

როდესაც ადამიანს არ სძინავს, მისი კონცეტრაცია არის ძალიან დაქვეითებული. მისი მეხსიერება ძალიან დაქვეითებულია და არის უკიდურესად გაღიზიანებული. თუ ამ სინდრომის მქონე ადამიანი ატარებს ავტომობილსაც, შესაძლოა მიკრო ძილის ეპიზოდი განვითარდეს და ამას მოჰყვეს უბედური შემთხვევა.

მე ახლა მოგცემთ რჩევებს, რომლის გათვალისწინებაც ბევრად დაგეხმარებათ ძილის პრობლემის მოგვარებაში, ვიდრე ის ტაბლეტები, რომლის შეძენასაც შესაძლოა აპირებთ.

1 ფიზიკური აქტივობა დღისით – დაღლა აუცილებელია იმისთვის, რომ ძილი უფრო სასიამოვნო გახდეს;
2. ძილი ფიქსირებულ დროს – ჩვენ უნდა მივეჩვიოთ იმას, რომ ორგანიზმი რეფლექსურად მოვამზადოთ ერთსა და იმავე დროს დასაძინებლად;
3. შუადღის ძილისგან თავის არიდება – თუ ადამიანს არ ეძინება ღამის საათებში, ის იძინებს დღისით. ამ დროს მნიშვნელოავნია, როგორმე გადავეჩვიოთ ამას.
4. კოფეინზე უარის თქმა – თუ მიდრეკილი ხართ უძილობისკენ, კოფეინზე აუცილებლად უნდა თქვათ უარი;
5. ალკოჰოლი – ბევრს ჰგონია, რომ ალკოჰოლის მიღების შემეგ, სწრაფდ ჩაეძინება. ეს ვრცელდება ღამის პირველ ნახევარზე, მაშინ, როდესაც ალკოლჰოლი ორგანიზმიდან გადის, ადამიანი ხშირად იღვიძებს;
6. ოთახში, სადად თქვენ გძინავთ, არ უნდა იყოს ხმაური, საათიც კი არ უნდა წიკწიკებდეს;
7. მნიშვნელოვანია, რომ ოთახში სადაც გძინავთ, იყოს ცივი გარემო;
8. აუცილებელია, რომ ოთახში, სადაც იძინებთ, ბნელოდეს.
9. საწოლი უნდა იყოს განკუთვნილი მხოლოდ ძილისთვის, არ უნდა მივირთვათ იქ საკვები, არ უნდა ვუყუროთ ტელევიზორს, არ უნდა ვიკითხოთ წიგნი;
10. უნდა დავწვეთ მხოლოდ მაშინ, როდესაც ვაპირებთ ძილს. მოდი, დაღლილი ვარ და დავწვები, არ მუშაობს. თუ დაღლილი ხარ, დაჯექი, დაწექი მხოლოდ დასაძინებლად;
11. ადექით, თუ დაწოლიდან 20 წუთში არ ჩაგეძინებათ;
12. აუცილებლად უნდა გავიღვიძოთ ფიქსირებულ დროს, მათ შორის შაბათ-კვირასაც;
13. არ მიირთვათ ძილის წინ;
14. ტელეფონი ძილის წინ უნდა იყოს მაქსიმალურად დაბალი განათებით, დაწეული ხმით და გადაყვანილი ღამის რეჟიმზე. ცნობილია, რომ ლურჯი გამოსხივება აღვიძებს, ამიტომ სჯობს ის გადართოთ სხვა ფერზე.
15. ტრადიციები ძილის წინ, კბილების გახევვა, ლოცვა, პიჟამას ჩაცმა, ჩაძინების პროცესს ძალიან ეხმარება:
16. ცხოველები არ უნდა იყვნენ თქვენ საწოლში.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

გასულ კვირას ინდონეზიის მმართველობამ გააუქმა ყველა ფრენა მთავარი აეროპორტიდან, რადგან აგუნგის მთამ იფეთქა.

ვულკანი გავრცელდა კუნძულის ჩრდილო–აღმოსავლეთ ნაწილში.

ასევე,  საკმაოდ დიდი რაოდენობის ფერფლი გაიფანტა ატმოსფეროში, რაც ხელს უშლის ფრენას.

1982 წლის 24 ივნისს ბრიტანეთის ავიახაზების თვითმფრინავმა გაიარა გალუნგუნგის ამოფრქვეული ვულკანის კვამლში, რამაც საკმაოდ დიდი საშიშროების ქვეშ დააყენა ხალხის სიცოცხლე, მაგრამ საბედნიეროდ პილოტების დამსახურებით ყველაფერმა კარგად ჩაიარა.

Businessinsider.com

ახალგაზრდა ანალიტიკოსთა და მეცნიერთა დარბაზი – ,,დოქტრინა”

მოგეხსენებათ, დიდი ბრიტანეთის პარლამენტი შედგება ლორდთა და თემთა პალატისგან. ლორდთა პალატაში არის ერთი საინტერესო ადგილი, ეს ადგილი მმართველი სპიკერისთვის არის განკუთვნილი, სადაც განთავსებულია წითელი ქსოვილისგან შეკერილი ბალიში, სახელად ,,მატყლის ტომარა”.

ინგლისის ეკონომიკისთვის მატყლით ვაჭრობას სასიცოცხლო მნიშვნელობა ჰქონდა, განსაკუთრებით შუა საუკუნეებში. XIV საუკუნეში მეფე ედუარდ III-მ ბრძანა, რომ ლორდი საბჭოს სხდომაზე აუცილებლად უნდა იჯდეს მატყლის ბალიშზე, რასაც დღეს უწოდებენ ,,მატყლის ტომარას”(Woolsack) და რაც მატყლით ვაჭრობის  მნიშვნელობის სიმბოლო იქნებოდა დიდი ბრიტანეთისთვის.

1938 წელს კი ,,მატყლის ტომარა” გადაკეთდა და ხელახლა შეივსო მატყლით, როგორც თანამეგობრობის ერთიანობის სიმბოლო. ტომარა თანამეგობრობის ყველა წევრი სახელმწიფოდან ჩამოტანილი მატყლისგან არის შევსებული. ერთა თანამეგობრობის წევრებს  დომინიონებს უწოდებენ, მათი რაოდენობა 54-ია და მასში შედის ყველა ის სახელმწიფო, რომლებიც წარსულში დიდი ბრიტანეთის კოლონიას წარმოადგენდნენ და ასევე  მოზამბიკი და რუანდა.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

კათოლიკური ეკლესიის მეთაური ძალიან ცნობილი ფიგურაა სოციალურ ქსელებში, ის 2017 წელს ყველაზე პოპულარულ მსოფლიო ლიდერად დასახელდა.

რომის პაპი ისევ სკანდალში გაეხვა. დაახლოებით ერთი თვის წინ მისმა ოფიციალურმა  Instagram გვერდმა ბრაზილიელი მოდელის, ნატალია გარიბოტოს ფოტო მოიწონა. ამ საკითხთან დაკავშირებით ვატიკანმა გამოძიება დაიწყო და დღესაც მიმდინარეობს.

23 დეკემბერს, რომის პაპის ოფიციალურმა Instagram გვერდმა კიდევ ერთი პოპულარული მოდელის, მარგო ფოქსის ფოტო მოიწონა. მოდელმა Twitter- ზე გამოაქვეყნა ეკრანის ფოტო, სადაც ჩანს რომის პაპის მოწონება. ფოტოს გამოქვეყნების შემდეგ მოდელმა საკუთარი ანგარიში დახურულ რეჟიმზე გადაიყვანა, რომ ზედმეტი ყურადღებისგან თავი აერიდებინა.

ფოტო ვირუსულად გავრცელდა სოციალურ სივრცეში, ვატიკანი კი Instagram-სგან განმარტებებს მოითხოვს, თუ როგორ მოხდა ეს და ისევ შიდა გამოძიებას იწყებს, ხომ არ აქვს ადგილი შეცდომას, ფოტოშოფს ან რომის პაპის ოფიციალური Instagram გვერდის გატეხვას.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

COVID-19-მა ყველას გეგმები შეცვალა,  მთელ მსოფლიოში მრავალი ადამიანი აღმოჩნდა სახლიდან შორს 12 თვის განმავლობაში და  მგზავრობაზე დაწესებული შეზღუდვების გამო მოსახლეობის დიდი ნაწილი მალე ვერ შეძლებს სამშობლოში დაბრუნებას.

ვებსაიტი ,,My Baggage” ოცნებობდა შეექმნა ისეთი განსაკუთრებული საჩუქარი, რომელიც სამშობლოდან შორს მყოფ ადამიანებს ნოსტალგიის შემსუბუქებაში დაეხმარებოდა. კომპანიამ გადაწყვიტა საზღვარგარეთ მცხოვრები ბრიტანელებისთვის მშობლიური ბრიტანული სურნელის დასაბრუნებლად შოტლანდიის, ჩრდილოეთ ირლანდიის, უელსისა და ინგლისის ჰაერი გაეყიდა. კომპანია მზად არის მიიღოს შეკვეთა მსოფლიოს ნებისმიერი წერტილიდან.

კომპანიის სპიკერი საუბრობს, რომ კვლევის მიხედვით სურნელი ადამიანში ძლიერ ემოციებს აღძრავს და მათ უნდათ ამ გზით იმ ადამიანებს დაეხმარონ, ვინც სამშობლოდან შორს არის დიდი ხნის განმავლობაში, დაეხმარონ შინაგანი მდგომარეობის   შემსუბუქებაში და დაუბრუნონ მათ მშობლიური სურნელი. 500 მილილიტრიანი ბოთლი 30 დოლარი ღირს. ჰაერის გაყიდვა ახალი პრაქტიკა არ არის, ასევე შვეიცარული კომპანია ,,Swissbreeze” ყიდის ჰაერს ცენტრალური ევროპის ქვეყნის მთიანი რეგიონებიდან, 20 დოლარი 8 ლიტრიანი ბოთლისთვის.

წყარო: BBC NEWS

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ამ დრომდე, ანტარქტიდა იყო ერთადერთი კონტინენტი, სადაც კორონავირუსით ინფიცირების არც ერთი შემთხვევა არ იყო აღწერილი, თუმცა ვირუსმა სამხრეთ პოლარულ კონტინენტამდეც მიაღწია. კონტინენტზე ინფიცირების 36 შემთხვევა დაფიქსირდა, – ამის შესახებ BBC წერს.

როგორც ირკვევა, ვირუსით ინფიცირებულთა შორის არც ერთი ადგილობრივი არაა – ინფიცირებულია კონტინეტზე ჩილედან ჩასული 26 ადამიანი. ისინი კონტინენტს იკვლევდნენ. ინფიცირებულთა შორის 26 ჯარისკაცია.

კოვიდინფიცირებულები უკვე გადაიყვანეს ჩილეს საპორტო ქალაქ პუნტა-არენასში, სადაც იზოლაციაში არიან. მათი ჯანმრთელობის მდგომარეობა დამაკმაყოფილებელია.

ანტარქტიდაზე, ზამთრის სეზონზე, სულ 1 000-მდე ადამიანი ცხოვრობს, ზაფზულში მათი რაოდენობა 5 000-მდე იზრდება.

ახალგაზრდა ანალიტიკოსთა და მეცნიერთა დარბაზი ,,დოქტრინა”

პარასკევს შვეიცარიის პარლამენტის ორივე პალატამ მიიღო გადაწყვეტილება  ერთსქესიანთა ქორწინების შესახებ. ეს საკითხი რამდენიმე წლის განმავლობაში იყო მსჯელობის საკითხი და საბოლოოდ 2020 წლის 18 დეკემბერს შვეიცარიელმა დეპუტატებმა ხმა მისცეს ერთსქესიანთა ქორწინების ლეგალიზებას.

ერთსქესიანთა ქორწინების შესახებ კანონის გადამოწმება იგეგმება მომავალ წელს, შვეიცარიის ტერიტორიაზე ჩატარებული რეფერენდუმით, სანამ კანონი ძალაში შევა.

პარლამენტის მიერ მიღებული კანონით ადამიანებს შეეძლებათ პირადობის დამადასტურებელ დოკუმენტზე სქესი შეცვალონ სამოქალაქო რეესტრის ოფისში, რა თქმა უნდა, შესაბამისი განაცხადით. კანონით ასევე განისაზღვრა მინიმალური ასაკი-16 წელი, როდესაც მშობლების თანხმობის გარეშე არის შესაძლებელი შესაბამის დოკუმენტაციაში სქესის შეცვლა,  რასაც კრიტიკა მოჰყვა.

ეროვნულ საბჭოში (პარლამენტის ქვედა პალატა) კანონს მხარი დაუჭირა 136-მა დეპუტატმა, წინააღმდეგი იყო 48, ცხრამ თავი შეიკავა. ხოლო პარლამენტის ზედა პალატაში ინიციატივას მხარი დაუჭირა 24-მა დეპუტატმა, 11 წინააღმდეგი იყო, შვიდმა თავი შეიკავა.

კანონს ეწინააღმდეგება ულტრაკონსერვატიული ფედერალურ-დემოკრატიული კავშირი, რომელიც გეგმავს კანონპროექტის შესახებ რეფერენდუმის ჩატარების ინიციატივით გამოვიდეს, რომ საბოლოო სიტყვა ხალხმა თქვას, რეფერენდუმისთვის 100 დღე აქვთ, რომ 50000 ხელმოწერა შეაგროვონ.

წყარო: REUTERS

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”