ეს საინტერესოა

არგენტინის სასამართლომ დიეგო მარადონას კრემაცია აკრძალა, რადგან ჯერ არ დასრულდება სადავო საქმე მარადონას მამობასთან დაკავშირებით, რაზეც სარჩელი 25 წლის გოგომ შეიტანა სასამართლოში და დნმ არის საჭირო  ტესტირებისთვის.

ლეგენდარული დიეგო მარადონა გასულ თვეს 60 წლის ასაკში გარდაიცვალა და დაკრძალეს ბუენოს-აირესის გარეუბანში მდებარე სასაფლაოზე. მას დარჩა 5 კანონიერი შვილი, გარდა ამისა, მედიის რწმუნებით მას  ქორწინების გარეშე სხვა 6 შვილი ჰყავს. ექვსი შვილიდან ერთ-ერთი არის 25 წლის მაგალი გილი(Magalí Gil), რომელიც დაზუსტებით ამბობს, რომ დიეგო მარადონა მისი ბიოლოგიური მამა იყო და ამის შესახებ ორი წლის წინ შეიტყო.

ქალბატონი გილი ითხოვს, რომ ჩატარდეს ტესტი მამობასთან დაკავშირებით და პროკურატურამ დნმ-ის ნიმუში წარმოადგინოს. მიუხედავად იმისა, რომ მარადონას ადვოკატმა Reuters-ს განუცხადა, რომ დიეგო მარადონას სხეულიდან დნმ-ის ნიმუში უკვე აღებულია, კრემაციის პროცესი დროებით მაინც აიკრძალება, სანამ სასამართლო არ დაადასტურებს შესაძლო შვილის არსებობას.

დიეგო მარადონას ქონება 37 მილიონ ფუნტად არის შეფასებული, მის ქონებაში ასევე შედის ძვირფასი ნივთები, მიწა, რამდენიმე ბინა და ინვესტიციები იტალიასა და კუბაში.

წყარო: REUTERS

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ფრანგულმა კომპანია „სანოფმა“ და ბრიტანულმა „გლაქსოსმიზკლაინმა“ერთობლივად შექმნილი კორონავირუსის საწინააღმდეგო ვაქცინაზე მიმდინარე კლინიკური ცდები შეწყვიტეს, რისი მიზეზიც, კომპანიების განმარტებით, ხანდაზმულ პაციენტებში გამოვლენილი არასაკმარისი იმუნური რეაქცია გახდა.

„კლინიკური ცდის შედეგებმა 18-დან 49 წლამდე ასაკის ადამიანებში კოვიდ 19-სგან გამოჯანმრთელებული პაციენტების მსგავსი იმუნური რეაქცია აჩვენა, თუმცა უფრო ასაკოვან ადამიანებში იმუნური რეაქცია დაბალი იყო და ამის მიზეზი, სავარაუდოდ, ანტიგენის არასაკმარისი კონცენტრაციაა,“- აცხადებენ კომპანიებში.

პოტენციური ვაქცინაზე დაგეგმილი III ფაზის კვლევები, რომელიც წლის ბოლომდე უნდა დაწყებულიყო, გადაიდო. კომპანიების ინფორმაციით, ახალი, ფაზა 2ბ კვლევა  მომავალ წელს დაიწყება და ეფექტური ვაქცინის შექმნა,სავარაუდოდ, 2021 წლის ბოლოსთვის გახდება შესაძლებელი.

წყარო : Reuters

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

დიდმა ბრიტანეთმა უკვე დაიწყო COVID-19-ის საწინააღმდეგო ვაქცინაცია. 90 წლის მარგარეტ ქენანმა ისტორია დაწერა და მსოფლიოში პირველი ადამიანი გახდა, რომელმაც უკვე მიიღო Pfizer-ის ვაქცინა, ის შემდეგ კვირაში 91 წლის ხდება.

უილიამ შექსპირი, მაგრამ არა პოეტი, მწერალი და დრამატურგი, არამედ 81 წლის ადამიანი, რომელიც მის სახელს ატარებს, გახდა მსოფლიოში მეორე ადამიანი, რომელმაც უკვე გაიკეთა Pfizer-ის COVID-19-ის საწინააღმდეგო ვაქცინა. შექსპირი, რა თქმა უნდა, კმაყოფილია, რადგან უკვე შეძლო ვაქცინის მიღება და იმედს გამოთქვამს, რომ შემდეგ წელს ნორმალური ცხოვრების რიტმს დაუბრუნდება.

საერთიანებულ სამეფოში  სამშაბათიდან მასობრივი ვაქცინაცია დაიწყო ამერიკული და გერმანული კომპანიების, Pfizer-ისა და BioNTech-ის მიერ წარმოებული ვაქცინით. ვაქცინა უნდა გაკეთდეს ორი ინექციით და ერთნაირი დოზით, 21-დღიანი შუალედით, პირველი ვაქცინა იმუნიტეტის გამომუშავებას იწყებს ვირუსის წინააღმდეგ, ხოლო მეორე დოზა გამაძლიერებელია და სრული შედეგი მეორე დოზის მიღებიდან 7 დღის შემდეგ მიიღება.

გაერთიანებული სამეფოს პრემიერ-მინისტრმა, ბორის ჯონსონმა, განაცხადა, რომ ვაქცინაციის პროცესი გაგრძელდება საკმაოდ დიდი ხნით და მნიშვნელოვანია ისევ აქტიურად დავიცვათ წესები და შეზღუდვები.

წყარო: BBC NEWS

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სავარაუდოდ თქვენ უკვე გსმენიათ NETFLIX-ის ახალი და ძალიან საინტერესო სერიალის ,,ლაზიერის გამბიტის” შესახებ, რომელიც ამერიკელი მოჭადრაკის ისტორიას მოგვითხრობს. სერიალის მთავარი გმირი ბეტ ჰარმონი ერთ-ერთ სერიაში, როდესაც იგი საბჭოთა კავშირში იმყოფება ჩემპიონატზე, ახსენებს ქართველ დიდოსტატს, მსოფლიოს ხუთგზის ჩემპიონს,  ნონა გაფრინდაშვილს.

მართალია ბეტ ჰარმონის პერსონაჟი რეალური არ არის, მაგრამ ნონა გაფრინდაშვილი ნამდვილად იყო XX საუკუნის საუკეთესო სპორტსმენი. მისი პირველი ტიტულის მოპოვებიდან 50 წელზე მეტი გავიდა, ნონა კი ისევ აქტიურად განაგრძობს ასპარეზობას ტურნირებში. მისი აქტიურობა მსოფლიოში განვითარებულმა მოვლენებმა შეაფერხა, მაგრამ  პანდემიის შემდეგ ისევ აპირებს ტურნირებში მონაწილეობას 79 წლის ასაკში.

სერიალში ,,ლაზიერის გამბიტი” ნონა გაფრინდაშვილზე ამბობენ, რომ არსებობს ქალი მსოფლიო ჩემპიონი, ნონა გაფრინდაშვილის სახით, რომელსაც კაც მოჭადრაკეებთან არასდროს უთამაშია. ეს კი ქართველი დიდოსტატისთვის მეტად გასაკვირი ინფორმაცია აღმოჩნდა, რადგან იმ პერიოდში, რომელსაც სერიალი აღწერს, ნონას უკვე ჰქონდა მოგებული ერთ-ერთი მთავარი ჩემპიონატი, რომელშიც მამაკაცები იღებდნენ მონაწილეობას. დიდოსტატის ამ კომენტარს შემდეგში NETFLIX გამოეხმაურა.

მიუხედავად ზემოთ ხსენებული უზუსტობისა, გაფრინდაშვილი იმედოვნებს, რომ ისეთი სერიალების გადაღება, როგორიცაა ,,ლაზიერის გამბიტი” მომავალშიც გაგრძელდება, რაც გავლენას მოახდენს ჭადრაკის დონის ამაღლებაზე და მეტ ყურადღებასა და ინტერესს გამოიწვევს ჭადრაკის მიმართ.

წყარო: Thomson Reuters Foundation

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

ლითონი იდუმალი ობელისკი, რომელიც აშშ-ში, იუტას შტატის უდაბნოში რამდენიმე დღის წინ აღმოაჩინეს, გაუჩინარდა. ამის შესახებ BBC წერს.

გამოცემის ინფორმაციით, ობიექტის გაუჩინარებას შტატის მიწების მმართველობის ბიუროში ადასტურებენ, თუმცა აღნიშნავენ, რომ ობელისკის დემონტაჟი ხელისუფლების წარმომადგენლებს არ განუხორციელებიათ. „ობიექტი უცნობმა მხარემ აიღო“, – აცხადებენ უწყებაში.

ობელისკი 18 ნოემბერს, ვერტმფრენიდან შენიშნეს. მას შემდეგ ინტერნეტ-მომხმარებლებმა ფოტოების მიხედვით მისი ადგილმდებარეობა დაადგინეს და ობიექტის სანახავად მიდიოდნენ. რამდენიმე დღის წინ კი ობიექტი გაუჩინარდა, თუმცა არა უკვალოდ – მიწაში ქანდაკების სამკუთხედი საძირკველი დარჩა.

ქანდაკების ინსტალაციაზე პასუხისმგებლობა ჯერჯერობით არავის აუღია.

ახალგაზრდა ანალიტიკოსთა და მეცნიერთა დარბაზი ,,დოქტრინა”

დანიის მთავრობამ რამდენიმე დღის წინ სენსაციური განცხადება გააკეთა – ქვეყანა 17 მილიონი წაულას დახოცვას აპირებს. ამის მიზეზი დანიაში წაულების ფერმებში ცხოველიდან ადამიანზე კორონავირუსის გადაცემის ფაქტების დაფიქსირებაა. სამეცნიერო წრეებში შეშფოთება იმ ფაქტმა გამოიწვი, რომ წაულებიდან ადამიანებზე კორონავირუსი მუტირებული ფორმით გადავიდა.

გავრცელებული ინფორმაციით, ამ გზით 200-ზე მეტი ადამიანი დაინფიცირდა, წაულები კი მანამდე ფერმების დაინფიცირებული თანამშრომლებისგან დაავადდნენ.

კოპენჰაგენის Statens Serum Institute- ის მეცნიერები პირველები იყვნენ, რომლებმაც წაულების კორონავირუსის შტამში მუტაციის აღმოჩენის გამო განგაში ატეხეს.

”მუტაცია მუდმივად ხდება, მაგრამ ზოგჯერ ეს მუტაციები ხდება სპაიკ- ცილაში, კორონავირუსის სპაიკ- ცილა კორონავირუსის პოტენციური ვაქცინების სამიზნეა, რომლებზეც ჯერ კიდევ მუშაობენ, ასე რომ, ავღელდით მას შემდეგ, რაც დავინახეთ მუტაციები, რომლებიც ცვლის ამინომჟავებს და ამ ცილის ფორმას”, – განაცხადა Statens Serum Institute- ის პროფესორმა, ვირუსის კვლევის განყოფილების ხელმძღვანელმა ანდერს ფომსგარდიმ.

მეცნიერები შიშობენ, რომ კორონავირუსით დაინფიცირებულმა ამ ცხოველმა შესაძლოა კორონავირუსის ვაქცინის შექმნას შეუშალოს ხელი.

აღსანიშნავია, რომ წაულებში კორონავირუსის მუტაციის შესახებ გავრცელებული ინფორმაციის გამო დიდმა ბრიტანეთმა მისი მოქალაქეობის არმქონე პირებს დანიიდან ქვეყანაში შესვლა აუკრძალა.

დანია, რომელიც წაულის ბეწვის უმსხვილესი მწარმოებელია მსოფლიოში, ერთადერთი ქვეყანა არაა, სადაც წაულების ფერმაში კორონავირუსის შემთხვევები გამოვლინდა. ინფიცირების ფაქტები დადასტურდა ესპანეთში, შვედეთში, იტალიასა და აშშ-ში.

აშშ-ის სოფლის მეურნეობის სექტორის ოფიციალური წარმომადგენლების ინფორმაციით, ქვეყანაში აგვისტოს შემდეგ კორონავირუსისგან 15 000-ზე მეტი წაულა დაიხოცა.

აშშ-ის იმ შტატებში, სადაც წაულების კოვიდ 19-ით დაინფიცირების ფაქტები გამოვლინდა, აცხადებენ, რომ ისინი ცხოველების დახოცვას არ აპირებენ, ამ ეტაპზე მხოლოდ წაულების ფერმებში კარანტინის გამოცხადებით შემოიფარგლებიან და დანიაში არსებულ სიტუაციას აკვირდებიან.

წყარო : bbc.com

მასალა მოამზადა : თამარ ტაბატაძემ 

ანალიტიკოსთა და მეცნიერთა დარბაზი ,,დოქტრინა”