close

ეს საინტერესოა

ეს საინტერესოაკვლევებიმედიცინა

შავი ჭირი, რომლის პრევენციის მიზნით ჩინეთის ხელისუფლებამ საფრთხის მესამე დონე გამოაცხადა

3.21K views on

ჩინეთის ხელისუფლებამ ქვეყნის ჩრდილოეთ ნაწილში, შიდა მონღოლეთის ავტონომიურ რეგიონში მდებარე ქალაქ ბაიანნურში ბუბონური შავი ჭირის პრევენციის მიზნით საფრთხის მე-3 დონე გამოაცხადა.

ამ გადაწყვეტილების მიზეზი რეგიონში ბუბონური შავი ჭირის ერთი დადასტურებული და ერთი საეჭვო შემთხვევა გახდა.

ბუბონური შავი ჭირი ბაქტერიული ინფექციით გამოწვეული დაავადებაა, რომელიც „შავი სიკვდილის“ სახელითაცაა ცნობილი.

დაავდეებას მე-14 საუკუნეში 50 მილიონი ადამიანის სიცოცხლ შეეწირა აფრიკაში, აზიასა და ევროპაში. 1965 წელს დიდი ჭირიანობის დროს ლონდონის მოსახლეობის მეხუთედი დაღუპა, მე-19 საუკუნეში, ჩინეთსა და ინდოეთში გავრცელებული შავი ჭირის ეპიდემიის გამო კი 12 მილიონზე მეტი ადამიანი დაიღუპა.

თუმცა დღეს აღნიშნული დაავადების მკურნალობა ანტიბიოტიკებით შეიძლება. მკურნალობის გარეშე დაავადების ფატალობის მაჩვენებელი 30-60%-ია.

დაავადება ადამიანებზე ცხოველებიდან რწყილების საშუალებით გადადის. მისი სიმპტომებია : მაღალი ტემპერატურა, შემცივნება, გულისრევა, სისუსტე და ლიმფური კვანძების გადიდება კისრის არეში, იღლიასა და საზარდულში.

წყარო : bbc.com

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეს საინტერესოა

კატამ 12 წუთი ჩართულ სარეცხის მანქანაში გაატარა და გადარჩა

1.04K views on

ავსტრალიაში, შტატ კვინსლენდის ქალაქ მარუჩიოდორაში კატამ 12 წუთი ჩართულ სარეცხის მანქანაში გაატარა და გადარჩა. ამის შესახებ Daily Mail წერს.

ორი წლის კატის ოსკარის მფლობელი ამანდა მერედიტი აცხადებს, რომ გაიგო უცნაური კნავილის მსგავსი ხმა მას შემდეგ, რაც მისმა ქმარმა სარეცხის მანქანა ჩართო. ქალმა იფიქრა რომ ხმა კარადიდან ისმოდა. კნავილის ხმა ისევ ისმოდა, ქალმა კატის ძებნა დაიწყო. ორი წლის ოსკარი ჩართულ სარეცხის მანქანაში იჯდა და პატრონს შუშიდან შეშინებული უყურებდა.

ქალმა მანქანის გათიშვა წურვის რეჟიმის ჩართვამდე მოასწრო. ვიდრე კარი განიბლოკა, კატამ სარეცხის მანქანაში კიდევ ორი წუთი გაატარა (ჯამში 12 წუთი).

მომდევნო 24 საათი ოსკარმა ვეტერინარულ კლინიკაში დაჰყო. მას დაჟეჟილობები აქვს და ვეტექიმმა ანთების საწინააღმდეგო აბები დაუნიშნა. პატრონის თქმით ოსკარი რეაბილიტაციის პროცესს გადის.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეს საინტერესოა

აშშ-ში, მაიამიში უცნაური შეფერილობის ტაქსა დაიბადა

1.87K views on

აშშ-ში, მაიამიში (ფლორიდას შტატი) უცნაური შეფერილობის ტაქსა დაიბადა. ამის შესახებ mirror წერს.

7 თვის ტაქსა მუს სხეული თეთრი კოპლებიანი ბეწვითაა დაფარული. „ერთი შეხედვით ჩანს, რომ ტაქსას ტანი და თავი ერთმანეთს არ უხდება. ბევრს ჰგონია, რომ ტაქსას რაღაც აცვია და ძალიან უკვირთ როცა აღმოაჩენენ რომ ეს კოპლებიანი ბეწვია“, – ამბობს ძაღლის პატრონი ვიქტორია ჰოფმანი.

ჰოფმანის თქმით, როცა ტაქსას ასეირნებს, მათთან ადამიანები მიდიან და ძაღლის უცნაური შეფერილობის შესახებ ეკითხებიან.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეს საინტერესოამსოფლიო

მსოფლიოს ყველაზე „ჭკვიანი“ ქალაქები დასახელდა

1.45K views on

ობსერვატორია IMD-მ და სინგაპურის ტექნოლოგიებისა და დიზაინის უნივერსიტეტმა მსოფლიოს ყველაზე „ჭკვიანი“ ქალაქების რეიტინგი გამოაქვეყნეს.

სიაში პირველ ადგილს 2018 წლის მსგავსად კვლავ სინგაპური იკავებს, მეორე ადგილზეა ოსლო, მესამეზე კი ციურიხი მოხვდა.

ათეულში ასევე არიან ჟენევა, კოპენჰაგენი, ოკლენდი, ტაიბეი, ჰელსინკი, ბილბაო და დიუსელდორფი. სპეციალისტებმა ქალაქები ისეთი კრიტერიუმებით შეარჩიეს, როგორებიცაა ჯანდაცვა, მოსახლეობის უსაფრთხოების უზრუნველყოფა, ტრანსპორტი, საზოგადოებრივი აქტივობა და სხ.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეს საინტერესოა

შიდა ქართლში ორთავიანი ხბო დაიბადა

791 views on

უჩვეულო მოვლენა შიდა ქართლში. სოფელ თედოწმინდაში ორთავიანი ხბო დაიბადა. ხბო დაბადებიდან მალევე დაიღუპა, ძროხის გადარჩენა კი ვეტერინარმა შეძლო.

ექიმი-ვეტერინარის, მაიზერ ღერკენაშვილის თქმით, მსგავსი შემთხვევა მის პრაქტიკაში პირველია.

პირუტყვის მეპატრონეები ამბობენ, ძროხამ, რომელმაც ორთავიანი ხბო გააჩინა, მანამდე 6-ჯერ იმშობიარა, თუმცა ყველა მათგანი აქამდე ჯანმრთელი დაიბადა.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეკოლოგიაეს საინტერესოა

ინდოეთში კაცმა თავისი მიწა 2 სპილოს უანდერძა

871 views on

ინდოეთის მოქალაქე ახტარ იმამმა ანდერძი შეცვალა და მისი კუთვნილი მიწა ორ სპილოს დაუტოვა. ამის შესახებ The Guardian-ი წერს.

გამოცემის ინფორმაციით, სპილოები მოტი (მარგალიტი) და რანი (დედოფალი) იმამის სიკვდილის შემდეგ 2.5 ჰექტარ მიწას მიიღებენ. ამ გადაწყვეტილებას კაცი იმით ხსნის, რომ სპილოებმა ის სიკვდილისგან იხსნეს, როცა შარშან მის სახლში შეიარაღებული მძარცველები შეიჭრნენ. სპილოებმა მფლობელი საფრთხის შესახებ გააფრთხ​ილეს და ბოროტმოქმედებს გაეკიდნენ.

იმამი ველური ბუნების ფონდს მართავს და სპილოებს დაბადებიდან ზრდის. მოტი 20 წლისაა, რანი კი 15-ის. კაცის თქმით, მიწის ნაწილი მან ცოლსა და შვილებს დაუტოვა, თუმცა ისინი მისი გადაწყვეტილებით უკმაყოფილოები არიან.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოა

დიდ ბრიტანეთში საზოგადოებრივ ტრანსპორტში პირბადის გამოყენება სავალდებულო ხდება

653 views on

დიდ ბრიტანეთში საზოგადოებრივ ტრანსპორტში პირბადის გამოყენება სავალდებულო ხდება

დიდ ბრიტანეთში 15 ივნისიდან საზოგადოებრივი ტრანსპორტით მგზავრობისას პირბადის ტარება სავალდებულო ხდება.

როგორც ქვეყნის ტრანსპორტის მინისტრმა გრენთ შეფსმა განაცხადა, ამ გზით ხელისუფლება ცდილობს კორონავირუსის გავრცელება შეაჩეროს.

აღსანიშნავია, რომ პირბადის გამოყენება სავალდებულო გახდება ავტობუსებში, მატარებლებში მეტროში და სხვა სახის საზოგადოებრივ ტრანსპორტში, მაგრამ არა მაღაზიებში.

დიდი ბრიტანეთის ტრანსპორტის მინისტრის განმარტებით, ვირუსის გავრცელების შესაჩერებლად საზოგადოებრივ ტრანსპორტში პირბადის ტარებას დიდი მნიშვნელობა აქვს მით უმეტეს იმ პირობებში, როცა იქ სოციალური დისტანცირების დაცვა თითქმის შეუძლებელია.

„ეს არ ნიშნავს, რომ ქირურგიული პირბადეები უნდა გავიკეთოთ. არა, სჯობს ისინი კლინკებისთვის შემოვინახოთ და ვისარგებლოთ პირბადეებით, რომლის დამზადება სახლის პირობებშიც ადვილადაა შესაძლებელი,“- განახადა გრენთ შეფსმა.

მისივე განმარტებით, აღნიშნული ნაბიჯი ხელს შეუწყობს ასიმპტომური პაციენტების მიერ კორონავირუსის გავრცელებას.

ცნობისათვის, ბოლო მონაცემებით დიდ ბრიტანეთში კორონავირუსის 281 661 შემთხვევაა დადასტურებული, დაღუპულთა რაოდენობა კი 39 900-ს აჭარბებს.

მასალა მოამზადა : თამარ ტაბატაძემ 

წყარო : theguardian

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოაკომუნიკაციარობოტექნიკარობოტექნიკა

Microsoft-ი ჟურნალისტებს რობოტებით ჩაანაცვლებს

986 views on

კომპანია Microsoft-მა ბრიტანეთში სააგენტო PA Mediа-ს 27 ჟურნალისტს კონტრაქტი არ გაუგრძელა, რომლებიც პორტალ MSN-ზე ახალ ამბებს აქვეყნებდნენ. ამის შესახებ BBC წერს.

გამოცემის ინფორმაციით, ჟურნალისტებს რობოტიზირებული ალგორითმები ჩაანაცვლებენ, რომლებიც დამოუკიდებლად აირჩევენ ახალ ამბებს და მათ რედაქტირებას შეძლებენ. MSN-ს ორიგინალური კონტენტი არ აქვს, მათი ახალი ამბები სხვადასხვა გამოცემის ტექსტებისგან შედგება, რომლებსაც პორტალის ფორმატის მიხედვით არედაქტირებენ.

სავარაუდოდ, მალე ანალოგიურ გადაწვეტილებას Microsoft-ი სხვა ქვეყნებში მომუშავე სააგენტოების მიმართაც მიიღებს. კორპორაციაში აზუსტებენ, რომ ჟურნალისტების გათავისუფლება კორონავირუსის პანდემიით გამოწვეულ ეკონომიკურ სირთულეებს არ უკავშირდება.

ახალგაზრდა ანალიტიკოსთა და მეცნიერთა დარბაზი ,,დოქტინა”

სრულად ნახვა
ეს საინტერესოაისტორიაკულტურასაქართველო

საქართველოს ეროვნული გმირი – ქაქუცა ჩოლოყაშვილი

4.15K views on

26 მაისი საქართველოს პირველი რესპუბლიკის დღეა

დამოუკიდებლობა გამოცხადდა კვირა დღეს, თბილისში, მეფისნაცვლის ყოფილ სასახლეში, ეროვნული საბჭოს პირველ სხდომაზე, საღამო ჟამს, პირველი მსოფლიო ომის მიწურულს, საქართვლოსა და კავკსიისთვის არეულ დროს და ეს იყო ახალი ცხოვრების, ახალი ქვეყნის დასაწყისი.

დასაწყისი რთული იყო, მაგრამ – იმედიანი.

აწეწილი, სულმოუთქმელი წლები იდგა, მაგრამ პასუხისმგებლობით – სავსე და ადამიანები თავდაუზოგავად უკეთესს ცდილობდნენ.

ამ ახალი ქვეყნის დაცვა ძნელი იყო. შენებას, მოწესრიგებასა და ფეხზე წამოდგომას ულმობელი წამზომის წიკწიკი ჩაესმოდა. გარდატეხა, სამშვიდობოს გასვლა, დინჯად მიმოხედვა არ მოხერხდა: პირველმა რესპუბლიკამ იარსება, მხოლოდ, ორ წელიწადსა და ცხრა თვეს, და მოისპო ბოლშევიკების მიერ – წითელმა რუსეთმა საქართველო დაიპყრო.

ამ დროის გმირია პოლკოვნიკი ქაქუცა ჩოლოყაშვილი, პირველ მსოფლიო ომში გამოჩენილი ახალგაზრდა კავალერისტი, რომელმაც უარი თქვა ოკუპაციას შერიგებოდა და პატარა რაზმთან ერთად დაიწყო ბრძოლა დამპყრობელთა წინააღმდეგ.

მაშინდელი საქართველო სავსე იყო ტყის რაზმებით, მამაცი და შეურიგებელი ადამიანებით, მაგრამ ხალხის მეხსიერებამ ქაქუცა ჩოლოყაშვილის სახელი ,მაინც , გამორჩეულად შემოინახა.

იქნებ იმიტომ, რომ ის განასახიერებდა რაღაც უფრო მეტს, ვიდრე ტყის მაშინდელი მებრძოლები იყვნენ. ან, იქნებ, იმიტომაც, რომ ის უბადლოდ ხსნიდა თავის შეურიგებლობას:

არ მაინტერესებს, რომელი მთავრობა იქნება ჩვენს ქვეყანაში. მთავარია, რომ აქ რუსის ჯარი არ იდგეს და საქართველო თავისუფალი იყოსო

და, ან ,იქნებ, იმიტომაც, რომ იერით, ქცევით, ფიქრით ის რაღაც ტიპს- დროსგან დამოუკიდებელ ერთხასიათიან ქართველს განასახიერებდა და მტერიცა და მოყვარეც ამას ცხადლივ გრძნობდა.

ქაქუცა ჩოლოყაშვილი იმ დროის გმირი იყო და საუკუნო გმირად იქცა თავისი პირშეუკრავი ჭრილობებით, ჭლექით, ნატანჯი და ამოწყვეტის პირად მიყვანილი ოჯახითა და ნათესაობით; იმ სევდიანი გამონთქვამითაც, ხუმრობასავით რომ ისროლა პარიზში, როცა სთხოვეს,რომ ეცეკვა : ჩემი ფეხები მხოლოდ საქართველოში ცეკვავენო.

აკა მორჩილაძე

მწერალი

ფოტო: თორნიკე შენგელია

ფოტო არქივიდან: საქართველოს დამფუძნებელი კრების სხდომა, თბილისი1918 / Wikipedia

წყარო : helloblog.ge

სრულად ნახვა
ეს საინტერესოაკომუნიკაცია

„ტიკ-ტოკი“ 13 წლამდე ბავშვების შესახებ ინფორმაციის უკანონიდ მოპოვების გამო 5.7 მილიონი დოლარით დააჯარიმეს

2.64K views on

აშშ-ის ფედერალურმა სავაჭრო კომისიამ პოპულარული ჩინეთში შექმნილი აპლიკაცია „ტიკ-ტოკი“ 13 წლამდე ასაკის ბავშვების შესახებ პერსონალური ინფორმაციის უკანონოდ, მშობლების თანხმობის გარეშე მოპოვების გამო 5.7 მილიონი აშშ დოლარით დააჯარიმა.

კომისიის მიერ გავრცელებულ განცხადებაში აღნიშნულია, რომ ბავშვების მონაცემთა კონფიდენციალობის დარღვევისთვის დღემდე ამ ოდენობის თანხით არავინ დაუჯარიმებიათ.

აპლიკაცია „ტიკ-ტოკი“ სტარტაპ ByteDance-ის ეკუთვნის. აშშ-ის ფედერალური სავაჭრო კომისიის ჯარიმა დაკავშირებულია ვიდეო გაზიარების აპლიკაცია Musical.ly-თან, რომელიც ByteDance-მა 2017 წელს შეიძინა და მოგვიანებით ის „ტიკ-ტოკთან“ გააერთიანა.

სავაჭრო კომისიის განმარტებით, Musical.ly-თან დაკავშიებით ჩატარებულმა გამოძიებამ დაადგინა, რომ ის იყენებდა შემაშფოთებელ პრაქტიკას, მათ შორის ბავშვების ადგილმდებარეობის შესახებ და სხვა სახის ინფორმაციის მოპოვებას და მის საჭიროზე უფრო ხანგრძლივად შენახვას.

აღნიშნულთან დაკავშირებით „ტიკ-ტოკმა“ განცხადება გაავრცელა, სადაც აღნიშნულია, რომ ის მომხრეა ისეთი ზომების გატარების, რაც მომხმარებელს დაიცავს.

კომპანიის ინფორმაციით, მან ამერიკელი ახალგაზრდა მომხმარებლისთვის ცალკე აპლიკაცია შექმნა, რითაც მათ ვიდეოს გაზიარება, დაკომენტარება, მოკლე ტექსტური შეტყობინებების გაგზავნა, ე.წ. „დაფოლოვერება“ ან  პროფილის შექმნა არ შეეძლებათ.

ცნობისათვის, აპლიკაცია „ტიკ-ტოკს“, რომლის საშუალებითაც ვიდეოების ატვირთვა და გაზიარებაა შესაძლებელი, ნახევარ მილიარდზე მეტი გამომწერი ჰყავს მსოფლიოში.

წყარო :CNN

მასალა მოამზადა : თამარ ტაბატაძემ  

ახალგაზრდა ანალიტიკოსთა და მეცნიერთა დარბაზი ,,დოქტინა”

სრულად ნახვა
1 … 39 40 41 42 43 … 98
Page 41 of 98