close

ეს საინტერესოა

ეს საინტერესოაკვლევებიტექნოლოგიები

თაგვი, რომელსაც ულტრაიისფერი ხედვა განუვითარეს

2.29K views on

2012 წელს დოქტორმა მიგელ ნიკოლელისმა ჩაქუჩი დაარტყა შუშის ყუთს, რომელშიც იყო მოთავსებული ყველაფერი, რაც მსოფლიოზე ვიცოდით. მან შექმნა თაგვი სუპერმგრძნობიარე ორგანოთი და შესაძლებლობით – დაინახვოს ყველაფერი ულტრაიისფერ სპექტრში.
ნეიროპროტეზი, რომელიც შექმნა მეცნიერების ჯგუფმა, შედგებოდა 2 ნაწილისგან:
I – ეს არის ულტრაიისფერი სენსორი, რომელიც მაგრდებოდა თაგვის თავზე, როგორც ქუდი.
II – ეს არის კაბელი, რომელიც პირდაპირ უერთდებოდა თაგვის ტვინს. ანუ ტვინის იმ ნაწილს რომელიც მოქმედებს სხეულის შეგრძნებებზე.
როცა ეს ორი ნაწილი ჩართულია, თაგვს ეძლევა საშუალება, აღიქვას ულტრაიისფერი სხივები. მკვლევარებს დასჭირდათ დაახლოებით ერთი თვე, რომ თაგვი მიმხვდარიყო, თუ რას შეიგრძნობდა, საბოლოოდ, 30 დღის შემდეგ, მან შეძლო გაერკვია თუ საიდან მოდიოდა ეს შეგრძნება.სხვათა შორის, მან ახალ შეგრძნებასთან შეგუება დაიწყო.

წყარო: Theverge.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაეკოლოგიაეს საინტერესოაკვლევებიმსოფლიო

ჩაანაცვლებს თუ არა პლასტმასის ბოთლს ინოვაციური ბოთლი, რომელიც სამ კვირაში იშლება

1.43K views on

ბრიტანელი მეცნიერი ამტკიცებს, რომ ერთჯერადი გამოყენების წყლის ბოთლი გამოიგონა, რომელიც სამ კვირაში იშლება.
ჯეიმს ლონგკროფტი ამ გამოგონების საშუალებით პლასტმასის ბოთლების ჩანაცვლებასა და მათი ნარჩენებისგან მსოფლიო ოკეანეების დაცვას ისახავს მიზნად.
ბოთლის – CH2OOSE-ის გარეშრე რეციკლირებული ქაღალდისგან მზადდება, ხოლო წყალგამძლე შიდაფენა შედგება კომპოზიტური მასალისგან, რომელიც მეცნიერმა თავად შექმნა.
ლონგკროფტი აცხადებს, რომ ბოთლის ფოლადის თავსახურიც დაახლოებით ნახევარ წელიწადში სრულად იშლება.
თუ გავითვალისწინებთ, რომ პლასტმასის დაშლას ასეულობით წელი სჭირდება, ლონგკროფტის გამოგონება ნამდვილ რევოლუციად შეიძლება ჩაითვალოს.
მეცნიერი, რომელიც ჯერჯერობით თავისი გამოგონების დაპატენტებას ელოდება, იმედოვნებს, რომ მისი ბოთლი ბაზარზე წლის ბოლოსთვის გამოჩნდება და ფასი დაახლოებით 1,2 აშშ დოლარი იქნება.
სტატისტიკის თანახმად, მსოფლიო ოკეანეებში 55 ტონა პლასტმასია. ივლისში BBC-მ გამოაქვეყნა სტატია, რომლის მიხედვითაც, ბოლო 67 წელიწადში კაცობრიობამ 8,3 მილიარდი ტონა პლასტიკური მასალა შექმნა. ჟურნალ ,,Science Advances-ის” სამეცნიერო სტატიის მიხედვით, მხოლოდ 2015 წლისთვის, კაცობრიობამ 6,3 მილიარდი ტონა პლასტმასი გამოიყენა. მათგან ხელმეორე გამოყენებისთვის მხოლოდ 9% გადაამუშავეს, 12% კი დაწვეს. დარჩენილი ნაგავი ხმელეთისა და ოკეანის ზედაპირზე რჩება. დედამიწის ზედაპირზე პლანეტის მოსახლოება ყოველწლიურად დაახლოებით 300 ტონა პლასტმასის ნარჩენს ყრის, რომელიც ხელუხლებელი რჩება. ოკეანეში კი ამის გამო თევზები და წყლის ცხოველები იხოცება.

წყარო: https://www.sciencealert.com
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაეს საინტერესოატექნოლოგიები

საყიდლების კალათა, რომელიც თქვენს აზრებს კითხულობს

1.99K views on

„Chaotic Moon Labs-მა“ თებერვალში ჩააატარა ცდა და წარმოადგინა საყიდლების კალათა, რომელიც აზრებს კითხულობს. იმისათვის, რომ კალათამ იმუშაოს, მომხმარებელი წინასწარ აგზავნის ტექსტურ შეტყობინებას., რის შემდეგადაც, კალათა ხვდება რომელი მომხმარებელი მიუახლოვდა. მასში დამონტაჟებული Kinectსისტემის დახმარებით, კალათა მიყვება მომხმარებელს და უჩვენებს სასურველი პროდუქტის ადგილმდებარეობას.

თუ მომხმარებელი არასწორად ირჩევს პროდუქტს, კალათა გამოსცემს სიგნალს.  მას კიდევ ერთი დადებითი თვისება აქვს –  პროდუქტი, რომელიც კალათაში ხვდება, ავტომატურ სკანირებას გადის და თანხა სალაროსთან მისვლამდე შეგიძლიათ გადაიხადოთ.

წყარო: Theverge.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიეს საინტერესოაკვლევები

,,ნასა” მარსის ბიძგების შესასწავლად ახალ მისიას იწყებს

1.64K views on

,,ნასამ” ახალი კოსმოსური მისია – InSight-ი დაიწყო, რომლის მიზანი მარსის ინტერიერის გამოკვლევაა.

ლენდერი წითელი პლანეტის ზედაპირზე სეისმომეტრებს განათავსებს, რათა მარსზე არსებული ბიძგები გამოავლინოს და ამ გზით მისი გეოლოგია და შიდაწყობა გამოიკვლიოს.

InSight-ით კოსმოსში რაკეტა ,,ატლას 5″-ით გადაიტანეს, რომელიც კალიფორნიის ვანდენბერგის საჰაერო ძალების ბაზიდან შაბათს გაუშვეს.

მეცნიერები ვარაუდობენ, რომ  InSight-ი წელიწადში 3 მაგნიტუდზე ნაკლები სიმძლავრის ათეულობით ბიძგს გამოავლენს. სეისმომეტრები ფრანგმა და ბრიტანელმა მეცნიერებმა შექმნეს.

,,დედამიწაზე მიწისძვრა ძირითადად, ტექტონიკური პროცესებით არის გამოწვეული.  არ ვფიქრობთ, რომ ტექტონიკური პროცესები მარსზე აქტიურია, თუმცა ზუსტად არ ვიცით, ასე რომ, სეისმური ნიმუშის მოპოვება საჭირო ინფორმაციის მიღებაში დაგვეხმარება,”- აცხადებენ პროექტში ჩართული მეცნიერები.

მკვლევარებმა მიიჩნევენ, რომ მარსს ოდესღაც ჰქონდა თხევადი ბირთვი ჰქონდა, რასაც იქ წარმოქმნილი მაგნეტიზმი ამტკიცებს. InSight-ის რადიოაღჭურვილობის საშუალებით, მეცნიერებს სურთ დაადგინონ, არსებობს თუ არა ამ უძველესი სითხის კვალი წითელ პლანეტაზე.

,,თუ მოუხარშავ და მოხარშულ კვერცხს აიღებთ და გაარყევთ, ისინი სხვადასხვაგვარად იმოძრავებენ შიგნით სითხის სხვადასხვაგვარი გადანაწილების გამო. თუკი კოსმოსური ხომალდით სრულყოფილ გამოკვლევას ჩავატარებთ, დავადგენთ, როგორ ირხევა წითელი პლანეტა, რაც მარსის ბირთვის შესახებ ბევრ ინფორმაციას მოგვაწვდის,” – აცხადებენ მეცნიერები. 

მანამდე კი,  ,,InSight-ს“ წინ 6 თვის გზა აქვს 26 ნოემბრამდე, ანუ სანამ ,,ნასას” მარს ლენდერი წითელ პლანეტამდე მიაღწევს.

 

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციაეს საინტერესოაკომუნიკაციატექნოლოგიები

რა არის ინტერნეტი?

4.63K views on

ინტერნეტი ერთმანეთთან სხვადასხვა გზით დაკავშირებული კომპიუტერების უზარმაზარი ქსელია. თავდაპირველად ინტერნეტი მცირე კომპიუტერული ქსელი იყო, რომელიც მე–20 საუკუნის 60–იან წლებში შექმნეს ამერიკელმა სამხედრო მეცნიერებმა, რათა ავარიულ შემთხვევებში ერთმანეთთან დაკავშირების საშუალება ჰქონოდათ. მეცნიერებმა თანდათან გააცნობიერეს, რომ დიდი სარგებლის მოტანა შეეძლო ქსელს და მის განვითარებაზე ზრუნვა განაგრძეს. ბევრი დიდი ორგანიზაცია უშუალოდ ინტერნეტს უკავშირდება. მაგრამ შედარებით პატარა მომხმარებლები ორგანიზაციების მიერ მიწოდებულ ინტერნეტს იყენებენ.
ინტერნეტი ადამიანებს საშუალებას აძლევთ მიიღონ განათლების უსაზღვრო რაოდენობა, გაიგონ ყველაფერი აწმყოს, წარსულისა და მომავლის შესახებაც კი.

წყარო: Vox.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაეს საინტერესოამანქანათმშენებლობარობოტექნიკატექნოლოგიები

იაპონიაში გამომგონებლებმა ტრანსფორმერი შექმნეს

1.54K views on

რობოტები უკვე აღარ არის გასაკვირი, მაგრამ მანქანა-რობოტი, როგორიც მხოლოდ ფილმებში გვაქვს ნანახი, უკვე რეალობად იქცა.
რობოტი, რომელიც ადამიანის მსგავსი რობოტიდან ტრასფორმირდება მანქანად – ალბათ ძნელად წარმოსადგენი იყო მსგავსი რობოტის შექმნა. იგი, დაახლოებით, 4 მეტრის სიმაღლისაა. როდესაც რობოტის ფორმაშია, როდესაც მანქანად გადაიქცევა, მას შეუძლია განავითაროს 60 კმ/სთ სიჩქარე.
უნდა გვეშინოდეს თუ არა იმის, რომ მოხდება მსგავსი კატასტროფა, როგორიც ფილმშია აღწერილი?! ბევრი ადამიანისთვის შიშის ფაქტორს წარმოადგენს ახალი ტექნოლოგიების გამოგონება, მაგრამ ფაქტი ისაა, რომ მათ გარეშე განვითარება შეუძლებელია.

წყარო: Sciencealert.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოამსოფლიოტექნოლოგიები

ებრაულმა კომპანიამ ლაბორატორიული ხორცის წარმოების ხარჯი მნიშვნელოვნად შეამცირა

103 views on

,,Tyson Foods (TSN.N)-მა” – უმსხვილესმა ამერიკულმა ხორცის გადამამუშავებელმა კომპანიამ ლაბორატორიაში ხორცის მიღების მიზნით ისრაელის ბიოტექნოლოგიურ კომპანიაში 2,2 მილიონი აშშ დოლარის ინვესტიცია განახორციელა.
კომპანია ,,Future Meat Technologies-ი” ცხიმისა და კუნთების უჯრედების წარმოებაზეა ორიენტირებული და ერთ-ერთია იმ კომპანიებს შორის, რომლებიც ლაბორატორიულად ხორცის წარმოებას ცდილობენ, რათა ამ გზით ხორზე გაზრდილ მოთხოვნას უპასუხონ.
ფირმის დამფუძნებელმა და მთავარმა მეცნიერმა იაკოვ ნაჰიმიასმა განაცხადა, რომ თავდაპირველად ერთი კილოგრამი ლაბორატორიული ხორცის წარმოება 10,000 დოლარი ჯდებოდა, კომპანიამ ხარჯის 800 დოლარამდე შემცირება შეძლო, 2020 წლისთვის კი კილოგრამი ლაბორატორიული ხორცის წარმოება, სავარაუდოდ, 5-10 დოლარი იქნება.
ექსპერტები ვარაუდობენ, რომ ხორცზე მოთხოვნა 2050 წლისთვის, როდესაც დედამიწის მოსახლეობა დაახლოებით 9 მილიარდს მიაღწევს, 2000 წელთან შედარებით გაორმაგდება და ამ მოთხოვნის დასაკმაყოფილებლად ერთადერთი გზა ხორცის ლაბორატორიულად წარმოება იქნება.
ოქსფორდისა და ამსტერდამის უნივერსიტეტების მიერ ჩატარებული კვლევის თანახმად, ხელოვნური ხორცის წარმოებისას წარმოიქნება 96 პროცენტით ნაკლები სათბური გაზი, მოიხმარება 82-96 პროცენტით ნაკლები წყალი და მინიმუმამდე შემცირდება მსხვილფეხა საქონლის გასაზრდელად საჭირო მიწაზე მოთხოვნა.

წყარო: Reuters
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
დედამიწაეს საინტერესოამსოფლიო

ებრაულმა კომპანიამ ლაბორატორიული ხორცის წარმოების ხარჯი მნიშვნელოვნად შეამცირა

1.4K views on

,,Tyson Foods (TSN.N)-მა” – უმსხვილესმა ამერიკულმა ხორცის გადამამუშავებელმა კომპანიამ ლაბორატორიაში ხორცის მიღების მიზნით ისრაელის ბიოტექნოლოგიურ კომპანიაში 2,2 მილიონი აშშ დოლარის ინვესტიცია განახორციელა.
კომპანია ,,Future Meat Technologies-ი” ცხიმისა და კუნთების უჯრედების წარმოებაზეა ორიენტირებული და ერთ-ერთია იმ კომპანიებს შორის, რომლებიც ლაბორატორიულად ხორცის წარმოებას ცდილობენ, რათა ამ გზით ხორზე გაზრდილ მოთხოვნას უპასუხონ.
ფირმის დამფუძნებელმა და მთავარმა მეცნიერმა იაკოვ ნაჰიმიასმა განაცხადა, რომ თავდაპირველად ერთი კილოგრამი ლაბორატორიული ხორცის წარმოება 10,000 დოლარი ჯდებოდა, კომპანიამ ხარჯის 800 დოლარამდე შემცირება შეძლო, 2020 წლისთვის კი კილოგრამი ლაბორატორიული ხორცის წარმოება, სავარაუდოდ, 5-10 დოლარი იქნება.
ექსპერტები ვარაუდობენ, რომ ხორცზე მოთხოვნა 2050 წლისთვის, როდესაც დედამიწის მოსახლეობა დაახლოებით 9 მილიარდს მიაღწევს, 2000 წელთან შედარებით გაორმაგდება და ამ მოთხოვნის დასაკმაყოფილებლად ერთადერთი გზა ხორცის ლაბორატორიულად წარმოება იქნება.
ოქსფორდისა და ამსტერდამის უნივერსიტეტების მიერ ჩატარებული კვლევის თანახმად, ხელოვნური ხორცის წარმოებისას წარმოიქნება 96 პროცენტით ნაკლები სათბური გაზი, მოიხმარება 82-96 პროცენტით ნაკლები წყალი და მინიმუმამდე შემცირდება მსხვილფეხა საქონლის გასაზრდელად საჭირო მიწაზე მოთხოვნა.

წყარო: Reuters
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეკოლოგიაეს საინტერესოაკვლევებიმსოფლიო

კვლევა: რომელია მსოფლიოს ყველაზე დაბინძურებული ქალაქები?

1.43K views on

დასახელდა მსოფლიოს ყველაზე მეტად დაბინძურებული 10 ქალაქი, რომელთაგან 9 ინდოეთშია.

კვლევისას დაბინძურების ხარისხი განისაზღვრა როგორც ჰაერის დაბინძურების დონის, ისე გარემოს, – ხმელეთისა და წყლის დაბინძურებით. ჯამში, შესწავლილ იქნა  100 ქვეყნის 4 ათასი ქალაქი. შერჩეულ ათ ქალაქში ადამინების სიკვდილიანობის უმთავრეს მიზეზად სწორედ დაბინძურებული გარემო სახელდება. კვლევა ჯანდაცვის მსოფლიო ორგანიზაციას ეკუთვნის.

მსოფლიოს ყველაზე დაბინძურებული ქალაქების ჩამონათვალი ასეთია:

1. კანპური –  ინდოეთი;

2. ფარიდაბადი –  ინდოეთი;

3. ვარანასი – ინდოეთი;

4. გაია –  ინდოეთი;

5. პატნა –  ინდოეთი;

6. დელი –  ინდოეთი;

7. ლაქნაუ –  ინდოეთი;

8. ბამენდა, კამერუნი;

9. აგრა –  ინდოეთი;

10. მუზაფარპური –  ინდოეთი.

წყარო:  Cnbc

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოასაქართველოტექნოლოგიებიტრანსპორტი

ქართული წარმოების პირველი სახანძრო მანქანა რამდენიმე თვეში გამოჩნდება

1.47K views on

მთავრობის დღევანდელ სხდომაზე პრემიერმა კიდევ ერთი სისხლის შესახებ განაცხადა – მისი თქმით, საქართველო საგანგებო სიტუაციების მართვის ახალ მოდელზე გადავა, ამის შესაბამისად კი – აქტიურად მიდის მუშაობა საგანგებო სიტუაციების სამსახურის ინფრასტრუქტურის გაძლიერებასა და განახლებაზე.
როგორც კვირიკაშვილმა აღნიშნა, სპეციალურად ტყის ხანძრებისთვის მანქანების შეძენაზე ტენდერი უკვე გამოცხადებულია.
აქვე – ცნობილი გახდა, რომ ქართული ,,დელტა” ავსტრიულ კომპანიასთან ერთად სახანძრო მანქანის წარმოებას იწყებს.
აღნიშნული კომპანია მსოფლიოში ლიდერია ასეთი ტიპის მოწყობილობების წარმოებაში. საუბარია სახანძრო მანქანების პიკაპის ჩონჩხზე აწყობილ მანქანებზე, რომლებსაც ექნებათ კომპანია ,,როზემბაუერის” აპარატურა და მოწყობილობა.
,,დარწმუნებული ვარ, ჩვენ უკვე მალე, რამდენიმე თვეში გვექნება პირველი ეგზემპლარები და წლის ბოლომდე უკვე პრაქტიკულად უნდა გვქონდეს გამართული წარმოება, ასეთი ტიპის მანქანების”,- განაცხადა პრემიერმა.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 69 70 71 72 73 … 98
Page 71 of 98