close

ეს საინტერესოა

არქეოლოგიაეს საინტერესოაკვლევები

მაიმუნების ქვის ხანა – ისინი ქვის იარაღებს ასწლეულების მანძილზე იყენებდნენ

1.91K views on

ოქსფორდის უნივერსიტეტის მეცნიერებმა ბრაზილიაში კეშიუს (თხილის სახეობა) სამტვრევი იარაღი აღმოაჩინეს, რომელსაც 700 წლის განმავლობაში კაპუცინი მაიმუნები იყენებდნენ. 
კვლევის შედეგები ჟურნალ Current Biology-ში  გამოქვეყნდა. კვლევა ოქსფორდის უნივერსიტეტის პრიმატების არქეოლოგიის პროექტის ფარგლებში ჩატარდა. მას არქეოლოგი მაიკ ჰასლამი ხელმძღვანელობს.
ოქსფორდის სამეცნიერო გუნდის წარმომადგენელმა, პრიმატოლოგისტმა ლიდია ლანცმა განაცხადა, რომ ეს აღმოჩენა არის „ფანჯარა წარსულში.“
,,ჩვენი ძალისხმევა, შევიხედოთ წარსულში, მხოლოდ და მხოლოდ ადამიანებზე იყო ორიენტირებული, ამიტომ წარმოდგენა არ გვაქვს, რა იარაღს იყენებდნენ სხვა სახეობის პრიმატები,“- აღნიშნა მან. 
როგორც ახალმა კვლევამ აჩვენა, ე.წ. კაპუცინი მაიმუნებს კეშიუს სამტვრევი ხეებზე აჰქონდათ. ნაჭუჭში არსებული სითხე სამტვრევს ფერს უცვლიდა. მეცნიერებმა ამ იარაღების ქიმიური ანალიზი ჩაატარეს და მათი დანიშნულებაც დაადგინეს.
მეცნიერთა განმარტებით, ახალი მტკიცებულების თანახმად, მაიმუნები ქვის იარაღებს იმ პერიოდში იყენებდნენ, როდესაც ევროპელები დედამიწის დასავლეთ ნახევარსფეროში დასახლდნენ.
კაპუჩინები მაიმუნების სახეობაა, რომლებიც სამხრეთ ამერიკაში ცხოვრობენ. მეცნიერთა ვარაუდით, ქვის იარაღების გამოყენება მათ ადამიანებისა და შიმპანზეებისგან დამოუკიდებლად ისწავლეს. 
ექსპერტები აცხადებენ, რომ ოქსფორდის უნივერსიტეტის აღნიშნული პროექტი მნიშვნელოვანია იმდენად, რამდენადაც ადგენს „მსგავსებებსა და განსხვავებებს ადამიანებისა და სხვა პრიმატების მოქმედებებს შორის.“

წყარო: www.livescience.com

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიეს საინტერესოა

რატომ გაიზარდა სამყაროს გაფართოვების სიჩქარე?

2K views on

სამყარო იმაზე გაცილებით სწრაფად ფართოვდება, ვიდრე მეცნიერები ელოდნენ, ამ განსაცვიფრებელმა თეორიამ შესაძლოა ალბერტ აინშტაინის ფარდობითობის თეორიის ნაწილი ეჭვქვეშ დააყენოს.
NASA და European Space Agency ერთობლივ განცხადებას ავრცელებენ, სადაც აღნიშნულია, რომ აღმოჩენა იმის შესახებ, რომ სამყარო მოსალოდნელზე 5-9 პროცენტით უფრო სწრაფად ფართოვდება, ამწვავებს ჰიპოთეზას იმაზე, თუ რა ავსებს კოსმოსის 95 პროცენტს, სადაც არც რადიაციაა და არც სინათლე.
„შესაძლოა სამყარო გვატყუებს,“ – აცხადებს კალიფორნიის უნივერსიტეტის წარმომადგენელი, ასტრონომი ალექს ფილიპენკო.
სამყაროს გაფართოების სიჩქარე არ ემთხვევა იმ გამოთვლებს, რასაც მეცნიერები „დიდ აფეთქებაზე“ დაყრდნობით ახდენენ და რომლის მიხედვითაც სამყარო 13.8 მილიარდი წლის წინ გაჩნდა.
ამ სხვაობის ერთ-ერთი შესაძლო მიზეზი ისიცაა, რომ სამყარო შეიცავს უცნობ, ნეიტრონების მსგავს სუბატომურ ნაწილაკებს, რომლებიც თითქმის სინათლის სიჩქარით მოძრაობენ(300 000 კმ/წმ).
კიდევ ერთი მოსაზრების მიხედვით, სამყაროს გაფართოვების სიჩქარის ცვლილების მიზეზი ე.წ. “ბნელი ენერგიაა“, რომელიც 1998 წელს აღმოაჩინეს. მეცნიერები ვარაუდობენ, რომ ერთი მხრივ, ეს ენერგია ეწინააღმდეგება მიზიდულობის ძალას, მეორე მხრივ, დღემდე არსებული თეორიებით შეუძლებელია მისი ახსნა. იდუმალებით მოცულ ამ ენერგიას სათანადოდ უწოდეს ბნელი ენერგია და შესაძლოა, ჩვენი სამყაროს თითქმის 75 პროცენტს სწორედ იგი შეადგენდეს.
ბნელი ენერგია ბოლო დროს აღმოჩენილი იდუმალებით მოცული ერთადერთი ფენომენი არ არის. გასული საუკუნის 80–იანი წლების ბოლოს ასტრონომებმა არაერთი გალაქტიკა შეისწავლეს. აღმოჩნდა, რომ ეს გალაქტიკები, ისევე როგორც ჩვენი გალაქტიკა, ძალიან სწრაფად მოძრაობენ, მაგრამ ერთმანეთს არ შორდებიან. აშკარაა, რომ მათ რაღაც სხვა მატერია უნდა აძლევდეს საჭირო მიზიდულობის ძალას.
რა მატერია უნდა იყოს ეს? მეცნიერებს წარმოდგენა არ აქვთ, რა არის ეს, ამიტომ მას პირობითად ბნელი მატერია უწოდეს. ის არ შთანთქავს, არ ასხივებს და არ ირეკლავს რადიოაქტიურ გამოსხივებებს. რა რაოდენობის ბნელი მატერიაა სამყაროში? გამოთვლების თანახმად, სამყაროს მასის დაახლოებით 22 პროცენტს ბნელი მატერია შეადგენს.

“ეს შეიძლება იყოს მნიშვნელოვანი გასაღები იმის გასაგებად, თუ რისგან შედგება სამყაროს დღემდე ამოუცნობი 95 პროცენტი – რასაც ვუწოდებთ ბნელ ენერგიას, ბნელ მატერიას და ბნელ რადიაციას,“ – აცხადებს მერილენდის Space Telescope Science Institute in Baltimore-ს  ფიზიკოსი ადამ რეისი, რომელმაც აღმოაჩინა, რომ სამყაროს გაფართოვება აჩქარებული იყო და ამ აღმოჩენისთვის 2011 წელს ნობელის პრემიაც დაიმსახურა.
სამყაროს გაფართოვების დაჩქარება ეჭვქვეშ აყენებს ალბერტ აინშტაინის ფარდობითობის თეორიის ჭეშმარიტებასაც.
რეისმა და მისმა კოლეგებმა აღნიშნული აღმოჩენა გაუმჯობესებული კოსმოსური ბარომეტრის აგების შედეგად გააკეთეს, რომელიც მანძილის გამოსათვლელად გამოიყენება. მათ განსაკუთრებული ტიპის ვარსკვლავის, ე.წ.Cepheid-ის, გასაზომად ჰაბლის ტელესკოპი გამოიყენეს. ამ ვარსკვლავების პულსირების სიჩქარე დაკავშირებულია მათ სინათლეზე, რომელიც თავის მხრივ შესაძლოა მათი მანძილის გამოსათვლელად იქნეს გამოყენებული.
აღნიშნული კვლევის შედეგები უახლოეს მომავალში ჟურნალ The Astrophysical Journal-ში  გამოქვეყნდება.

წყარო: Reuters
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ბიოლოგიაეს საინტერესოაკვლევებიფსიქოლოგია

რას აკეთებს სხეული ძილის დროს?

2.43K views on

რას აკეთებს ჩვენი სხეული მაშინ, როცა გვძინავს? მეცნიერებმა ადამიანის ძილის სტადიები გამოყვეს და თითოეული მათგანი აღწერეს.
პირველი სტადია – არის დრო სიფხიზლესა და თვლემას შორის, როცა თქვენი გაღვიძება ძალიან ადვილია და თუ ამ პერიოდში გაგაღვიძებენ, თავს ისე იგრძნობთ, თითქოს საერთოდ არ გძინებიათ.
მეორე სტადიას პენსილვანიის უნივერსიტეტის ფსიქიატრიის პროფესორი – ფილიპ გერმანი ,,საშუალო ძილს” უწოდებს, რომელშიც ნახევარ ღამეს ვატარებთ.
,,ტვინის ტალღები ნელია (ზოგჯერ სწრაფი აფეთქებით) და თქვენი გულისცემა და არტერიული წნევა ნელდება და რეგულირდება, რაც იმას ნიშნავს, რომ ღამით, თქვენს გულსა და სისხლძარღვთა სისტემას დასვენება სჭირდება, რაც ძილის კარდიოვასკულურ სარგებლობაზე მეტყველებს”.
მესამე სტაიდა არის ღრმა ძილი ანუ დრო, როდესაც ჩვენი ტვინის ტალღები გარდაიქმნება სატონიზებელ, ნელ, მაღალი ამპლიტუდის ტალღებად. ჩვენი სხეულის ფუნქციების უმეტესობა ამ დროის განმავლობაში ნელდება და ჩვენი ორგანოები იწყებენ აღდგენას.
რემძილი თვალების სწრაფი მოძრაობის (REM – Repid eye movement), რომელიც გარკვეული ინტერვალებით პერიოდულად იჩენს თავს ძილის განმავლობაში. პერიოდს, როდესაც მძინარე ადამიანს არ აღენიშნება REM-ი. REM ილი მნიშვნელოვან ფუნქციებს ასრულებენ ღამის ერთ-ერთი უმნიშვნელოვანესი აქტივობისათვის — სიზმრისათვის. მას პარადოქსალურ ძილსაც უწოდებენ
ძილის პატერნი მნიშვნელოვნად იცვლება ადამიანის ცხოვრების განმავლობაში. თავდაპირველად, ჩვილებს დღეში 16 საათი სძინავთ, რომლის თითქმის ნახევარს REMძილი იკავებს. 50 წლის ასაკში შეიძლება მხოლოდ 6 საათი ეძინოს ადამიანს და მთელი ამ დროის მხოლოდ 20% ეთმობოდეს REMძილს. ახალგაზრდებს, ჩვეულებრივ, 7-8 საათი სძინავთ, რომელშიც 20% REMძილს უკავია.

 

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიგანათლებაეს საინტერესოა

საბავშვო წიგნები, რომლებმაც წარმატებულ ადამიანებზე გავლენა მოახდინეს

1.82K views on

წიგნი ადამიანის ცხოვრების თანმხვედრი ნაწილია, რომელიც გვეხმარება სხვადასხვა საკითხზე გვქონდეს წარმოდგენა და სიღრმისეულად შევიცნოთ, ამა თუ იმ პერსონაჟის სახე, მისაღებია იგი ჩვენთვის თუ  – არა. წიგნი გვეხმარება სწორად ვიაზროვნოთ, ტვინის უჯრედებს ანვითარებს და უკეთესად აზროვნებასა და მეტყველებას უწყობს ხელს.

საბავშვო წიგნებმა, რომლებიც აუცილებლად უნდა ჰქონდეს ყველას წაკითხული, შეიძლება თქვენს ცხოვრებაში გადამწყვეტი როლიც კი ითამაშონ. ყველა ადამიანს აქვს საყვარელი წიგნი ბავშვობიდან, წარმატებული ადამიანები ძალიან აფასებენ და დიდ ყურადღებას აქცევენ წიგნებს.

,,ბიზნეს ინსაიდერი” გთავაზობთ რამდენიმე საუკეთესო წიგნს, რომლებმაც დიდი გავლენა მოახდინეს წარმატებული ადამიანების ცხოვრებაზე:

  1. „ჰარი პოტერი“
  2. „პატარა პრინცი“
  3. „ბართლომეო კუბინსის 500 ქუდი“
  4. „ფანტასტიკური მისტერ მელია“
  5. „მანდ ხარ ღმერთო? ეს მე ვარ – მარგარეტი“.

წყარო: Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოამსოფლიო

სამხრეთ აფრიკაში ოქროს მაღაროში ჩარჩენილი 955 მაღაროელი უვნებლად ამოიყვანეს

1.58K views on

სამხრეთ აფრიკაში, ოქროს მაღაროში ორი დღის განმავლობაში ჩარჩენილი 955 მაღაროელი უვნებლად ამოიყვანეს. მათ გადასარჩენად სამაშველო ოპერაცია მიმდინარეობდა. 

 მას შემდეგ – რაც შტორმის გამო, მიმდებარე ტერიტორიაზე არსებული მაღალი ძაბვის ელექტროანძა დაზიანდა, მაღაროელები 1 000 მეტრის სიღრმეზე ჩარჩნენ, რადგანაც ელექტროენერგიის მიწოდება შეუწყდა ლიფტს, რომლითაც ისინი სარგებლობდნენ.

მაღაროელები არ დაშავებულან.

სამხრეთ აფრიკა, ოქროს მოპოვების კუთხით, ერთ-ერთი ლიდერი ქვეყანაა, თუმცა – აქვე წარმატებით ლიდერობს მაღაროელთათვის საფრთხისშემცველი პირობების მიმართულებით. მხოლოდ 2017 წელს 80-მა მაღაროელმა სიცოცხლე ლეტალურად დაასრულა.

წყარო:   BBC

მასალა მოამზადა:  ნატალია ჯალაღონიამ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
დედამიწაეკოლოგიაეს საინტერესოამსოფლიო

აღმოსავლური პუმა ბუნებაში აღარ არსებობს

1.71K views on

,,აღმოსავლური პუმა ბუნებაში აღარ არსებობს” – ამის შესახებ აშშ-ის თევზებისა და გარეული ცხოველების დაცვის სამსახურის განცხადებაშია ნათქვამი. მანამდე ის წითელ წიგნში იყო შეტანილი, როგორც გადაშენების პირას მყოფი ცხოველი.

როგორც სახელმწიფო უწყებაში განმარტავენ, ბოლო პუმა 1938 წელს დაიჭირეს. ველურ პირობებში კი აღმოსავლური პუმა კანადაში 1932 წელს შეამჩნიეს. როგორც განცხადებაში ნათქვამი, რომ ბოლო 80 წლის განმავლობაში პუმის ეს სახეობა არსად არ შეუმჩნევიათ.

ცხოველი ძირითადად აშშ-ში მენი, მიჩიგანის, ილინოსის, კენტუკისა და სამხრეთ კაროლინას შტატებში ბინადრობდა, ასევე, კანადაში, ონტარიოსა და კვებეკში.

 

მასალა მოამზადა:  ციცი კიკვაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოამსოფლიოსამართალიტექნოლოგიები

აშშ-ის იუსტიციის სამინისტრომ ,,iPhone-ების” შენელებულ მუშაობაზე გამოძიება დაიწყო

1.51K views on

ალბათ ხშირად მოგისმენიათ ,,აიფონის” მომხმარებელთა წუწუნი, რომ მათი ტელეფონი დღითი დღე აუარესებს მუშაობის ხარისხს და ნელა მუშაობს. გვინდა გაგახაროთ და გითხრათ, რომ  აშშ-ის იუსტიცის სამინისტრომ ,,iPhone-ების” შენელებულ მუშაობაზე გამოძიება დაიწყო. დეპარტამენტი კომპანიისგან ინფორმაციის გამოთხოვას გეგმავს. 

,,Apple-ში” ადასტურებენ, რომ სამთავრობო უწყებისგან შეტყობინება მიიღეს და ყველა კითხვაზე პასუხის გაცემას აანონსებენ.

,,Apple-ში” რამდენიმე კვირის წინ ბოდიში მოიხადეს და  განაცხადეს, რომ მობილური ტელეფონების შენელება 2017 წლის ერთ-ერთმა ბოლო განახლებამ გამოიწვია. აქვე – დადეს პირობა, რომ  განახლებას გამოუშვებენ, რომელიც ძველი ,,iPhone-ის” მუშაობის შენელების სისტემას გამორთავს.

წყარო: Bloomberg.com

მასალა მოამზადა:  ნატალია ჯალაღონიამ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქიტექტურა/დიზაინიეს საინტერესოასაქართველო

ყვარლის ყარაჯაანთ ეკლესიას კულტურული მემკვიდრეობის ძეგლის სტატუსი მიანიჭეს

1.51K views on

ყვარლის მუნიციპალიტეტის სოფელ გავაზში მდებარე ყარაჯაანთ ეკლესიას კულტურული მემკვიდრეობის დაცვის სააგენტომ კულტურული მემკვიდრეობის უძრავი ძეგლის სტატუსი მიანიჭა. „ყარაჯანთ საყდარი“, XV-XVI საუკუნეებით თარიღდება. მისი მდგომარეობა კი – არცთუ ისე სახარბიელოა – დატბორილია და ნაგებობის ნაწილი მიწითაა ამოვსებული.

ყარაჯაანთ ეკლესია დარბაზული ტიპის ეკლესიაა.  მისი დარბაზი შეისრული კამარითაა დასრულებული. აბსიდაში შემორჩენილია მოხატულობის ფრაგმენტი, თუმცა გამოსახულება აღარ აღიქმება. კოლორიტში ჭარბობს წითელი და ყავისფერი ფერი, რაც ეკლესიის აშენების პერიოდის მხატვრობისთვისაა დამახასიათებელი. ტაძარზე დასავლეთიდან მიდგმულია ორსართულიანი სამრეკლო. პირველი სართული კარიბჭის როლს ასრულებს, მეორე სართული კი რვაწახნაგოვანი აგურით ნაგები, თაღებით გახსნილი ფანჩატურია, რომელიც დასრულებულია აგურის პირამიდული სახურავით. კარიბჭის შესასვლელის ორივე მხარს თითო მოგრძო ქვაა ჩადგმული, რომელზეც ქართული ასომთავრულით შესრულებული წარწერაა მოცემული.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიეს საინტერესოაკვლევები

TRAPPIST-1-ის სისტემაში არსებული ორი ეგზოპლანეტა შესაძლოა სიცოცხლისთვის ხელსაყრელია

1.5K views on

 TRAPPIST-1-ის სისტემაში არსებული ორი ეგზოპლანეტა შესაძლოა სიცოცხლისათვის ხელსაყრელია – პლანეტარულ მეცნიერებათა ინსტიტუტის უფროსი მეცნიერის, ემი ბარის მიერ ჩატარებული კვლევა ამას იუწყება.

TRAPPIST-1-ის სისტემა  შეიცავს დაახლოებით დედამიწის ზომის შვიდ პლანეტას.

ვარსკვლავი  TRAPPIST-1 ძალიან ხანდაზმული და მკრთალია,  მისი პლანეტების ზედაპირზე შედარებით დაბალი ტემპერატურაა, 126°C-დან -106°C-მდე, რაც ვენერაზე ცივია და დედამიწის პოლუსების ტემპერატურაზე დაბალია. პლანეტები დედავარსკვლავთან საკმაოდ ახლოს მოძრაობენ და  ორბიტული პერიოდი  რამდენიმე დღეს შეადგენს.

მკვლევარების ვარაუდით, სრულიად შესაძლებელია, რომ  ეს პლანეტები  წყლის ყინულის, ქანებისა და რკინისაგან შედგებოდეს. ჩატარდა გარკვეული ტიპის კვლევები და ჯგუფის მიერ მიღებულმა შედეგებმა აჩვენა, რომ სიცოცხლისათვის ყველაზე მეტად ხელსაყრელი უნდა იყოს ორი პლანეტა — d და e. ამის მიზეზია მათი ზედაპირის ზომიერი ტემპერატურა და გრავიტაციული გაცხელების მოკრძალებული ოდენობა. ვარაუდის მიხედვით, პლანეტა d გლობალური ოკეანითაა დაფარული.

2017 წლის აღმოჩენებს შორის ერთ-ერთი ყველაზე დიდი აღმოჩენა სწორედ  TRAPPIST-1-ის სისტემა უკავშირდება, რომელიც დედამიწიდან 40 სინათლის წლის მანძილზე, მერწყულის თანავარსკვლავედში მდებარეობს.

მეცნიერები აქტიურად განაგრძობენ კვლევას მის გარშემო, რადგანაც, ვარაუდობენ, რომ, ეს  სისტემა, არამიწიერი სიცოცხლის საძებნელად  შესაძლოა საუკეთესო ადგილი იყოს.

 

წყარო:  Sciencealert.com

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ანალიტიკაეს საინტერესოამსოფლიოპოლიტიკა

5 მითი ჩინეთის სიძლიერის შესახებ

1.65K views on

ჩინეთმა დიდი ტრანფორმაცია განიცადა იზოლირებული, განვითარებადი ქვეყნიდან ეკონომიკურ გიგანტსა და შესაძლოა მსოფლიოს ერთ-ერთ ყველაზე ძლიერ სახელმწიფომდე.  თუკი ქვეყნის ბიუჯეტი 1989 წელს  20 მილიარდი აშშ დოლარო იყო, დღეს ის 220 მილიარდამდე გაიზარდა.

ჩინეთის განვითარების მაღალმა ტემპმა, რა თქმა უნდა, გამოიწვია, ხშირად, არასწორი და გაზვიადებული ინფორმაციის გავრცელება საერთაშორისო საზოგადოებას შორის. განსაკუთრებით მკვეთრია ჩინეთის, როგორც აშშ-ის მოწინააღმდეგის სურათი. მსგავსი მითები ხშირად ფარავს ჩინეთში არსებულ ისეთ მდგომარეობას, როგორიცაა, მაგალითად, კორუფციის მაღალი მაჩვენებელი, ნელი ეკონომიკური ზრდა და მოსახლეობის დაბერების სწრაფი ტემპი.

მითი #1 ჩინეთი გლობალური სამხედრო სუპერძალაა

ჩინეთის სამხედრო ბიუჯეტი თითქმის 214 მილიარდი აშშ $-ია. ეს მაჩვენებელი აზიისა და ოკეანეთის ქვეყნების საერთო სამხედრო ხარჯების 48 პროცენტის შეადგენს. მართალია, ჩინეთის სამხედრო შესაძლებლობები გაიზარდა, თუმცა მას ნაკლებად აქვს გლობალური სახე.  ჩინეთი მხოლოდ რეგიონალურ დონეზე ცდილობს სამხედრო შესაძლებლობების გაძლიერებას: სამხრეთ ჩინეთის ზღვაზე, მაგალითად. ჩინეთს შეუძლია წინააღმდეგობა გაუწიოს აშშ-ს რეგიონულ კონფლიქტში, თუმცა ბევრად ჩამორჩება მას სიძლიერით – თუკი კონფლიქტი აზიის ფარგლებს გასცდება.

მითი #2 აშშ-ს ჩინეთის ვალი აქვს 1 ტრილიონი  დოლარი, რაც მას ამერიკაზე ძლიერს ხდის

სახელმწიფო ვალი სხვადასხვა ქვეყანას სხვადასხვა მიზეზის გამო აქვს. მხოლოდ ევროპულ ობლიგაციებში ჩინეთს 800 მილიარდი აშშ $ აქვს. ეს ფაქტი მას მეტად პრესტიჟულს ხდის, თუმცა არ ეხმარება დიპლომატიურ საქმიანობაში.  თუკი ჩინეთი აშშ-ს დაემუქრება ინვესტიციების შემცირებით, მას მოუწევს ალტერნატიული ინვესტიციების მოძიება ან ნაკლები ექსპორტის გატანა აშშ-ში, რაც ნაკლებმომგებიანი იქნება მისთვის, შესაბამისად, მოვლენების მსგავსი განვითარება თითქმის არ განიხილება.

მითი #3 ჩინეთის კომუნისტური პარტია აკონტროლებს ინტერნეტზე წვდომას

ტექნოლოგიებში დიდი ინვესტირების მიუხედავად, ჩინეთის კომუნისტურ პარტიას მაინც უჭირს კიბერსივრცის გაკონტროლება. მიუხედავად იმისა, რომ ინტერნეტთა დაკავშირებული რეგულაციები და შეზღუდვები ჩინეთში უფრო მკაცრია, ვიდრე სხვა ავტორიტარულ ქვეყნებში, სხვადასხვა სოციალური ქსელით მოსარგებლე ადამიანთა რაოდენობა დღითიდღე იზრდება. სოციალურ მედიაში სწრაფადვე ვრცელდება ინფორმაცია კორუფციის, საჯარო სკანდალის ან საპროტესტო აქციის შესახებ. იმ დროისთვის, როცა სახელმწიფო კონტროლის აღებას ცდილობს, ინფორმაციას უკვე მიყენებული აქვს მმართველი ძალისთვის პოლიტიკური ზიანი.

მითი #4  ჩინეთი არაფერს აკეთებს კლიმატის ცვლილების შესაჩერებლად და გამონაბოლქვის შესამცირებლად

ჩინეთს ნამდვილად აქვს გარემოსდაცვითი პრობლემები. სწრაფი ეკონომიკური ზრდა და დიდი პოპულაცია მას ენერგიის ერთ-ერთ უდიდეს მომხმარებლად ხდის. როგორც აღმოჩნდა, ჩინეთის ხელისუფლებისათვის განსაკუთრებულ სირთულეს წარმოადგენს ეკონომიკურ ზრდასა და გარემოსდაცვით, სოციალურ კეთილდღეობას შორის ბალანსის პოვნა. თუმცა, ჩინეთის ხელისუფლების სამოქმედო გეგმის მიხედვით, ნახშირორჟანგის გამოყოფა 2005-2030 წლებშო 60-65 %-ით უნდა შემცირდეს. უფრო მეტი ყურადღება ექცევა მწვანე ენერგიას: მზის პანელების, ჰიდროელექტრო და ქარის ენერგიის გამოყენებას. განახლებადი ენერგიის ხვედრითი წილი საერთო ენერგიის მოხმარებაში თითქმის 20 % გახლდათ.

მითი #5 ჩინეთს კვლავ სწრაფი ეკონომიკური ზრდა აქვს

ჩინეთის ეკონომიკური ზრდის მაჩვენებელი კლებადობით ხასიათდება. მისი მოსახლეობა ბერდება. 60 წელს და უფრო ზემოთ ასაკის ადამიანების პროცენტული მაჩვენებელი, ნავარაუდევია, რომ 2020 წლისთვის მთელი მოსახლეობის 20%-ს მიაღწევს, რაც გამოიწვევს შრომისუნარიანი მოსახლეობის შემცირებას და ჯანდაცვის სფეროში ფასების ზრდას, მრავალ სხვა პრობლემებს შორის.

ექსპერტთა მოსაზრებით, ინვესტიციაზე დამოკიდებული და სახელმწიფოს მიერ კონტროლირებადი ეკონომიკური მოდელი მალე უნდა ჩანაცვლდეს უფრო ეფექტიანი, მოხმარებასა და ბაზარზე ორიენტირებული მოდელით.

 

წყარო: The National Interest, The Washington Post

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 82 83 84 85 86 … 98
Page 84 of 98