close

ეს საინტერესოა

ბიზნესიეს საინტერესოატურიზმი

5 რამ, რაც ყველამ უნდა ვატაროთ მოგზაურობისას

1.94K views on

ყველა ადამიანი თავისებურად ემზადება მოგზაურობისთვის, დიდი გამოცდილებაა საჭირო იმისთვის, რომ კარგად შეძლო ჩანთის ჩალაგება. ყოველდღიური ცხოვრებით გაგიჭირდებათ შეისწავლოთ და გაითავისოთ, თუ რა ნივთებია უფრო გამოსადეგი, როცა სხვადასხვა სახის მოგზაურობისთვის ემზადები.

 ყველაზე კარგი რჩევები შეგიძლიათ თქვენი მეგობრებისგან მიიღოთ, რომლებსაც ხშირად უწევთ მოგზაურობა, რჩევები აუცილებელია თქვენი წარმატებული მოგზაურობისთვის.

,,ბიზნეს ინსაიდერმა” გააკეთა კვლევა, რომელიც დაფუძნებულია თანამშრომლების არჩევანზე, თუ რა უფრო გამოადგებათ სამგზავროდ:

1. კისრის ბალიში

2. სამგზავრო უთო

3. ყურსასმენები

4. წყალგამძლე ტელეფონის ჩასადები

5. პორტალური დამტენი

 

წყარო: BUSINESS INSIDER

 მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიეს საინტერესოა

სამყაროს ყველაზე დაუჯერებელი პლანეტები

3.08K views on

 ბევრი მოვლენა, რაც, ერთი შეხედვით, წარმოუდგენელია დედამიწის მკვიდრისთვის, სავსებით ბუნებრივი მდგომარეობა შეიძლება იყოს სამყაროში არსებული პლანეტებისთვის, რომლებიც თავისი გასაოცარი მახასიათებლებით აოგნებენ ადამიანებს. რამდენიმე პლანეტა თავისი დაუჯერებელი გარემოთი განსაკუთრებით იქცევს ყურადღებას, გავეცნოთ მათ.

 

• ,,Corot – 7b-ი” – დედამიწიდან 489 სინათლის წელიწადით დაშორებული ეგზოპლანეტაა, რომელიც ქვების წვიმით გვაოცებს. პლანეტის ნახევარი ჯოჯოხეთური სიცხით ხასიათდება და ტემპერატურა აქ დაახლოებით 2600 °C-ს აღწევს, რაც საკმარისზე მეტია იმისთვის რომ ქვა გალღვეს, ხოლო პლანეტის მეორე ნაწილი გაცილებით ცივია და ტემპერატურა მხოლოდ 190°C-ია. ამრიგად, პლანეტის ცხელი ნაწილიდან კლდოვანი ქანები ორთქლდება და უზარმაზარ  კლდოვან ღრუბლებად გარდაიქმნება, შემდეგ კი ეს ღრუბლები ზედაპირს უბრუნდება მაგმური წვიმის სახით. პლანეტის უფრო ცივი ნაწილში კი ეს მაგმის მასა ზედაპირზე დაშვებამდე კვლავ  ქვად იქცევა.

• „HD 189773-b-ი“  –  ეგზოპლანეტაა, რომელც დედამიწიდან 63 სინათლის წელიწადითაა დაშორებული და რომლის ფანტასტიური სილამაზეც გამომდინარეობს მის ატმოსფეროში არსებული სილიკატური ნაწილაკებისგან. პლანეტისთვის დამახასიათებელია 8400 კმ/სთ  სიჩქარის ქარები, რაც შვიდჯერ უფრო მეტია ვიდრე ბგერის სიჩქარე. პლანეტაზე 930°C-ის არსებობის პირობებში წვიმს, ასე რომ, წარმოიდგინეთ საშინელი ჭექა-ქუხილის ფონზე და 1.24 მილი/საათში მოძრავი ქარით, როგორ გიახლოვდებათ უზარმაზარი ღრუბლები, შემდეგ კი როგორ ეშვება გასაოცარი სისწრაფით შუშის მასები ატმოსფეროში. შედარებისთვის, მსგავსი სიჩქარის ქარიშხალი დედამიწაზე რომ ამოვარდეს, მთელ დედამიწას 5 საათსა და 33 წუთში დაფარავს.

• ასტრონომების მიერ აღმოჩენილი კიდევ ერთი გასაოცარი ობიექტია ,,HD 131399Ab-ი”, რომელიც დაახლოებით სამი მზის გარშემო მოძრაობს და აქვს უზარმაზარი მასა, დაახლოებით 4-ჯერ მეტი ვიდრე იუპიტერს. ეგზოპლანეტის ერთწლიანი ბრუნი სამი ვარსკვლავის გარშემო  ჩვენი დედამიწისთვის  550 წელიწადის ტოლფასია და ვინაიდან პლანეტა საკმაოდ ნელა მოძრაოს, სამივე მზე ამ დროის განმავლობაში ნახევარჯერ თუ გაქრება ჰორიზონტიდან, ეს იგივეა რომ წარმოიდგინოთ 275 წლის მანძილზე ვერცერთხელ იხილოთ მზის ჩასვლა.


• „Titan-ი“ სატურნის ერთ-ერთი თვალწარმტაცი მთვარეა, რომელიც მზის სისტემიდან 71 სინათლის წუთითაა დაშორებული და თუ კი ექსტრემალები შეძლებდნენ ეპიკური დაშვების ამ პლანეტაზე განხორციელებას, სავარაუდოდ, მთლიანად პლანეტას შემოუფრენდნენ, რასაც მკვრივი ატმოსფერო და დაბალი გრავიტაცია განაპირობებს, რაც 7-ჯერ ნაკლებია ვიდრე დედამიწაზე, მაგრამ “,,Titan-ის” ტემპერატურა 143 °C-ია, რასაც ემატება ის ფაქტიც, რომ ქარის სიჩქარე 20 მილს აღწევს წამში, ხოლო ჟანგბადის ნაცვლად, ციანისა და ციანინისგან შედგება, შესაბამისად, მომწამლავიცაა, რაც ნაკლებ მიმიდველს ხდის ამ ერთი შეხედვით ძალიან ლამაზ და მომავლის ექსტრემალებისთვის ერთ-ერთ სავარუდო დანიშნულების წერტილს. 

 

 

წყარო: Youtube channel – Riddle

მასალა მოამზადა: თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა” 

სრულად ნახვა
ბიზნესიეს საინტერესოაკვლევებიმედიცინა

რას უნდა ავარიდოთ თავი დიდხანს სიცოცხლისთვის

1.76K views on

ყველა ადამიანს სურს ხანგრძლივი სიცოცხლე. მაგრამ როგორ მივაღწიოთ მიზანს?!

ჯანსაღი ცხოვრება მართლაც, რომ საწინდარია დიდხანს და ჯანმრთელად ცხოვრებისა. ,,ბიზნეს ინსაიდერმა” შეაგროვა რამდენიმე რჩევა, რომელიც აუცილებლად გამოგადგებათ, რადგან მეცნიერების მიერაა დამტკიცებული. შეამჩნევთ, რომ მართლაც ბევრი რამის შეცვლა მოგიწევთ თქვენს ცხოვრებაში, თუ დიდხანს და ჯანმრთელად გსურთ სიცოცხლე.

  1. უძილობა
  2. არააქტიური ცხოვრება
  3. სიგარეტი
  4. ალკოჰოლი
  5. ბევრი ჭამა
  6. სტრესი
  7. ბევრი შაქარი
  8. ხორცი
  9. მზის ქვეშ დამცავის გარეშე ყოფნა

ეს ყველაფერი სასტიკად ეწინააღმდეგება თქვენს ჯანმრთელობას.

 

წყარო: Business insider

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკვლევებიმსოფლიოტექნოლოგიები

ხელოვნური ინტელექტის საშუალებით ანა ფრანკის დამსმენელს დაადგენენ

3.59K views on

1944 წლის 4 აგვისტოს, ნაცისტების მიერ ოკუპირებული ამსტერდამის პოლიცია ანა ფრანკის სახლში შეიჭრა, სადაც ის და თავშესაფარში მყოფი კიდევ შვიდი ადამიანი დააპატიმრეს.

ანა ფრანკისა და მისი ოჯახის დაუჯერებელი და ტრაგიკული ისტორია საზოგადოებისთვის  დღიურიდან გახდა ცნობილი. თუმცა, დღემდე საიდუმლორ რჩება ის ფაქტი, ვინ დაასმინა ისინი პოლიციასთან, ვინ გათქვა საიდუმლო, რომ ფრანკების ოჯახი და მათთან ერთად რამდენიმე პირი სახლის კარადის უკან მდებარე ოთახში იმალებოდნენ.

FBI-ის გადამდგარი აგენტისა და 20 გამომძიებლისგან შემდგარი გუნდი იმედოვნებს, რომ ხელოვნური ინტელექტის (AI) გამოყენებით ამ  საიდუმლოს გამოამჟღავნებს.

„ვაპირებთ, ყველა მონაცემი, რაც კი იმ დროიდან არსებობს, ჩამოვტვირთოთ. იმდენი ინფორმაცია არსებობს, რომ ყველაფერი ჯერ კიდევ არ გვაქვს გადასინჯული,“ – აცხადებენ გუნდის წევრები.

30-ზე მეტი ადამიანია, ვისაც ისტორიკოსები ეჭვმიტანილად მიიჩნევენ დამლაგებელი ქალბატონიდან დაწყებული ერთ-ერთი მეზობელის ჩათვლით. ზოგიერთ საინტერესო თეორიას შორისაა ანა ვან დეიკი, ებრაელი ქალი, რომელიც დეპორტაციით დამუქრების შემდეგ გესტაპოს აგენტი გახდა. ეჭვი აქვთ ჯოზეფ ჯანსენზეც. ეს გახლავთ ადამიანი, რომელმაც ფრენკის მამა, ოტო, 1941 წელს თავის ცოლთან კავშირში დაადანაშაულა.

ამსტერდამში შქმნილი გუნდი, რომელიც პოლიციის ოფიცრების, ისტორიკოსების, კრიმინოლოგებისა და ორი მონაცემთა მეცნიერისგან შედგება,  ხელოვნური ინტელექტის შექმნას შეეცდება. ისინი იმედოვნებენ, რომ დიდი მოცულობის ინფორმაციას შეაგროვებენ და ალგორითმების გამოყენებით მონაცემთა დიდი მოცულობის ფარგლებში ნიმუშების, ტენდენციების და ასოციაციების გამოვლენას შეუძლებენ.

გუნდი დამფინანსებელს ეძებს ისე, „რომ დამოუკიდებლობა და მიუკერძოებლობა“ შეინარჩუნონ. ისინი აცხადებენ, რომ საზოგადოებას კვლევის შედეგებს 2019 წლის 4 აგვისტოს – ფრანკების ოჯახის დაპატიმრების 75 წლისთავზე წარუდგენენ.

 

წყარო: http://www.iflscience.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

 

 

სრულად ნახვა
ბიზნესიეს საინტერესოა

მატერიალური საგნებისა და მოვლენების აღწერის უნივერსალური ენა

1.64K views on

თანამედროვე ეპოქა მეცნიერების სწრაფი პროგრესით ხასიათდება. დაგროვილია ცოდნის უზარმაზარი მარაგი, მაგრამ მისი განზოგადება, მეცნიერების ვიწრო სპეციალობებად დიფერენციაციის გამო, ნაკლებად ხდება.

დღეისათვის, დისციპლინათაშორისი ურთიერთმიმართების მოგვარება მნიშვნელოვანია, რადგან უდიდესი მეცნიერული მიღწევები განპირობებულია სწორედ სხვადასხვა დარგში მიმდინარე კვლევების ინტეგრირებით. ამ პრობლემის გადასაჭრელად აუცილებლად უნდა მოიძებნოს გზები. ერთ-ერთი ასეთი საშუალება საგანგებო საკომუნიკაციო ენის არსებობაა, რომელიც გააადვილებს მეცნიერების სხვადასხვა დარგში მიღებული შედეგების ურთიერთგაზიარებას. მატერიალური საგნებისა და მოვლენების აღწერის ასეთი უნივერსალური ენა არის სისტემების ზოგადი თეორია. სისტემების ზოგადი თეორიის ცენტრალური იდეა თვით სისტემის ცნებაა. სხვადასხვა დარგის ფარგლებში სისტემის არაერთი განმარტება არსებობს. რა დარგსაც არ უნდა განეკუთვნებოდეს ცალკეული ცნება (მაგალითად, მზის სისტემის ცნება ასტრონომიას, ნერვული სისტემისა – მედიცინას და ა. შ.), ყოველთვის ლაპარაკია მთელისა და ნაწილების ურთიერთმიმართებაზე.

მთავარი აზრი არის ის, რომ ნაწილები ქმნიან მთლიანობას, ერთობას და ეს ერთობა მიიღწევა არა უბრალოდ ნაწილების თავმოყრით, რომელთაც ერთმანეთთან რაიმე საერთო წესი არ აკავშირებს (ასეთ შემთხვევაში კონგლომერატთან გვაქვს საქმე), არამედ დროსა და სივრცეში ამ ნაწილებს შორის გარკვეული წესრიგის მიხედვით განსაზღვრული ურთიერთმიმართებებით. ნამდვილი სისტემა არის თვით უნივერსუმი – სამყარო, ხოლო ნებისმიერი სხვა სისტემა ადამიანის მიერ არის წარმოდგენილი, წარმოსახვითია. სისტემაში იგულისხმება სიმრავლე იმ ნაწილებისა, რომლებიც ერთმანეთთან შესამჩნევად უფრო მჭიდრო ურთიერთკავშირშია, ვიდრე ამ სიმრავლის განხილვისას ჩვენს თვალსაწიერში მოხვედრილი სამყაროს სხვა ნაწილები, რომლებიც გარემოს ქმნიან.

ნიშანდობლივია, რომ სისტემის შესახებ მსჯელობისას ყოველთვის გათვალისწინებული უნდა იყოს მისი კავშირურთიერთობა გარემოსთან. ამის საუკეთესო საილუსტრაციო მასალად ცოცხალი ორგანიზმი, მაგალითად, ადამიანი გამოდგება, რომლის ნაწილებს (ორგანოებს, ქსოვილებს, უჯრედებს) მჭიდრო კავშირი აქვს ერთმანეთთან, ხოლო ადამიანი, თავის მხრივ, მჭიდრო კავშირშია გარემოსთან. სამყაროში ნებისმიერი სისტემის საფუძველი არის სტრუქტურა ანუ აგებულება; ეს არის წესრიგი, რომელსაც ემორჩილება ელემენტების ურთიერთობა, მაგალითად, შენობაში ბლოკების შეკავშირების წესი, ცოცხალი ორგანიზმის აგებულება, თუ ელექტრონულ სქემაში დეტალების დაკავშირების წესი. მაგრამ სტრუქტურა არ არის საკმარისი სისტემის არსებობისათვის. სისტემის არსებობის შენარჩუნებისათვის საჭიროა სისტემის ნაწილების მიერ გარკვეული ფუნქციების – ქმედებების შესრულება.

კიდევ ერთი საგულისხმო მახასიათებელი, რომელიც არსებითია სისტემისათვის, არის სისტემის შემადგენელი ელემენტების ორგანიზება, მთლიანობაში, ერთიანობაში მოყვანა. განასხვავებენ ფიზიკურ და სტატისტიკურ სისტემებს. ფიზიკურს უწოდებენ სისტემას, რომელშიც ელემენტებს შორის სტრუქტურული კავშირები ცხადად ჩანს და ეს სტრუქტურა გარემოსგანაც ცხადად განირჩევა. ამისი ნათელი მაგალითია ხიდი; მისი ელემენტები გარკვეულ სტრუქტურას ქმნიან, რომლებიც გარემოსგან აშკარად გამოკვეთილია, ან ძრავი, რომლის ნაწილების ურთიერთკავშირი და კოორდინირებული მოქმედება, ისევე, როგორც გარემოსგან მკვეთრი გამოცალკევება, ნათელია. სტატისტიკურ სისტემაში ელემენტთა კავშირურთიერთობების გამოვლენა ანუ სტრუქტურის აღმოჩენა, ისევე, როგორც გარემოსგან მისი გამოცალკევება, არცთუ იოლია და კვლევის საგანგებო მეთოდს მოითხოვს. თუ გამოვლინდა, რომ ელემენტებს შორის კავშირურთიერთობები გარკვეული სახით არსებობს და ცალკეულ ელემენტს ერთი კავშირი მაინც აქვს დამყარებული ამავე სიმრავლის სხვა რომელიმე ელემენტთან, მაშინ სახეზე სტატისტიკური სისტემაა. ამგვარი სისტემის მაგალითია ეკოსისტემა, რომლის ელემენტებს შორის კავშირის დანახვა საგანგებო დაკვირვების გარეშე ძნელია. სისტემების ზოგადი თეორია უნივერსალურია და მისი გამოყენება კვლევის ნებისმიერ სფეროში შეიძლება.

 

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
დედამიწაეს საინტერესოაკვლევებიმსოფლიო

ვინ იყვნენ საიდულოებით მოცული აღდგომის კუნძულის მცხოვრებლები?

1.66K views on

 აღდგომის კუნძულის მთებზე მდებარე მასიური ქვის ფიგურები იმ ამოუცნობი ადამიანების სიმბოლოა, რომლებიც ოდესღაც წყნარი ოკეანის შუაგულში ცხოვრობდნენ.
მეცნიერებმა მათ შესახებ ახალი გენეტიკური კვლევა ჩაატარეს, რომელმაც კიდევ უფრო გააძლიერა ამ ადამიანების გარშემო არსებული საიდუმლო.
როგორც მკვლევარებმა ხუთშაბათს განაცხადეს, ძველი ჩონჩხის ნაშთებიდან აღებულმა დნმ-ის ანალიზმა გამორიცხა ვარაუდი იმის შესახებ, რომ აღდგომის კუნძულზე მცხოვრები ადამიანები სამხრეთ ამაერიკელებს კუნძულზე ევროპელების ჩამოსვლამდე, ანუ 1722 წლამდე, შეერწყნენ.
2014 წლის გენეტიკურმა შესწავლამ აჩვენა, რომ აღდგომის კუნძულის ხალხსა და სამხრეთი ამერიკაში მცხოვრებ ადამიანებს შორის შეჯვარება დაახლოებით 1300-დან 1500 წლამდე მოხდა. ახალი კვლევა კი ასეთი შერწმის მტკიცებულებას არ შეიცავს.
ახალი კვლევა კი ხაზს უსვამს იმას, რომ ეს ადამიანები, რომლებიც სამხრეთ ამერიკის დასავლეთით 3,700 კილომეტრის და უახლოეს კუნძულამდე 1,750 კილომეტრის მოშორებით ცხოვრობდნენ, იზილირებულად ცხოვრობდნენ.
მეცნიერთა განცხადებით, ჟურნალ Current Biology- ში გამოქვეყნებული კვლევა ადასტურებს, რომ აღდგომის კუნძული დასახლებული იყო პოლინეზიელებით, რომლებმაც ღია ოკეანე გადმოკვეთეს.
,,გავოცდით, როცა ამერიკელსა და უძველეს Rapa Nui-ებს შორის ვერავითარი შერევის კვალი ვერ აღმოვაჩინეთ,“ – აცხადებს კვლევაში მონაწილე ერთ-ერთი მეცნიერი.
Rapa Nui-ის ხალხმა ჩამოაყალიბა უნიკალური კულტურა, რომელიც კარგადაა ცნობილი 900 მონუმენტური თავ-ტორსის ქვის ქანდაკებით, რომლებიც აღდგომის კუნძულის ირგვლივაა აღმართული. ეს კულტურა 1200 წლიდან აყვავდა.
კვლევა არ გამორიცხავს, რომ აღდგომის კუნძულსა და სამხრეთ ამერიკას შორის გარკვეული კულტურული კონტაქტი არსებობდა. ,,თუმცა, თუ ეს სიმართლეა, ახალი მტკიცებულებების თანახმად, ეს იშვიათად ხდებოდა, ან გენეტიკური კვალი არ დაუტოვებია”, – აცხადებენ მეცნიერები.
სანტა-კრუზის კალიფორნიის უნივერსიტეტის ანთროპოლოგისტ ლარს ფრენენ-შმიტის თქმით, მტკიცებულებები, როგორიცაა – სამხრეთ ამერიკული საკვები ტკბილი კარტოფილი პოლინეზიაში, მიგვანიშნებს, რომ ევროპული კოლონიზაციის გავლენამდე ამერიკასა და პოლინეზიას შორის გარკვეული კულტურული გაცვლა მოხდა.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიოლოგიაეს საინტერესოა

მაშინ, როდესაც ამას კითხულობ, შენი ორგანიზმი 220 კმ/წმ სიჩქარით გადაადგილდება გალაქტიკაში

2.84K views on

,,ყურადღება მიაქციე, რომ ადამიანს შეუძლია აღიქვას ელექტრომაგნიტური და აკუსტიკური სპექტრის მხოლოდ 1 %. მაშინ, როდესაც ამას კითხულობ, შენი ორგანიზმი 220 კმ/წმ სიჩქარით გადაადგილდება გალაქტიკაში. ორგანიზმში არსებული უჯრედების 90 % საკუთარი მიკრობული დნმ-ის მატარებელია და სულაც არ არის ,,შენი”. შენს სხეულში არსებული ატომების 99.9999999999999999% სიცარიელეა და არცერთი მათგანია არ წარმოქმნილა შენი დაბადებისას, არამედ ყველა მათგანი ვარსკვლავთა სფეროში მიმდინარე პროცესების შედეგია. ადამიანს 46 ქრომოსომა აქვს ანუ ორჯერ უფრო ნაკლები, ვიდრე ჩვეულებრივ კარტოფილს. ცისარტყელის არსებობა დამოკიდებულია შენს თვალში არსებულ ფოტორეცეპტორებზე, ცხოველისთვის, რომელსაც არ აქვს ბადურა, ცისარტყელა არ არსებობს. ასე რომ, შენ არა მხოლოდ უყურებ ცისარტყელას, არამედ მონაწილეობ მის შექმნაშიც” – ნასას მთვარის მეცნიერების ინსტიტუტი, 2012 წ.

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიეს საინტერესოა

უფასო მოგზაურობა, შეუზღუდავი შვებულება ანაზღაურებით, კვერცხუჯრედების გაყინვა – საუკეთესო სამსახურები

1.75K views on

ახალი თაობის თანამშრომლებისთვის მაღალი შემოსავალი მთავარი აღარ არის. თანამედროვე ადამიანს ისეთ კომპანიაში უნდა მუშაობა, რომელიც მას არამხოლოდ მაღალ ხელფასს და გულუხვ პრემიას შესთავაზებს, არამედ ცხოვრების ხარისხს გაუუმჯობესებს. ასეთი გარემოს და დაბალანსებული სამუშაო გრაფიკის ძებნაში ბევრი დაიღალა, ძველი სამსახური დატოვა და საკუთარი კომპანია შექმნა. რა დამატებითი სტიმულები აქვთ ცნობილ კომპანიებს თანამშრომლების შენარჩუნებისთვის და ვის რა ფინანსური თუ არაფინანსური ბონუსები აქვს?

Airbnb-ი ინტერნეტკომპანიაა, რომლის ვებგვერდის დახმარებითაც მსოფლიოს ნებისმიერ წერტილში ხანმოკლე ვიზიტებისთვის სასურველ აპარტამენტს მოძებნით და წინასწარ დაიქირავებთ.

Airbnb-ი ყოველწლიურად თანამშრომლებს 2000 დოლარამდე თანხას უხდის იმისთვის, რომ მათ ვებგვერდზე განთავსებული რომელიმე ბინა/სახლი დასვენებისთვის შეარჩიონ.

Glassdoor-ის მიერ 2016 წელს ჩატარებული გამოკითხვით, რომელშიც დასაქმებული ადამიანები თავად აფასებდნენ დამსაქმებელ ორგანიზაციას, Airbnb-ი სამუშაო პირობების მხრივ საუკეთესო კომპანიად დასახელდა.

ამ კატეგორიაში მოწინავე კომპანიები არიან Netflix-ი და LinkedIn-ი.

Netflix-ს ანაზღაურებადი შვებულების კონცეფციის შემოქმედსაც უწოდებენ. “ჩვენი მიდგომა ასეთია: “აიღეთ შვებულება! ჩვენ არ გვაქვს რაიმე წესები ან ფორმები, რომლითაც დასვენების დღეების რაოდენობაა გაწერილი”, – წერია Netflix-ის ვებგვერდზე.

ზუსტად ასეთი მიდგომა აქვს პროფესიულ სოციალურ ქსელ LinkedIn-ისაც, სადაც მიაჩნიათ, რომ შეუზღუდავი ანაზღაურებადი შვებულება თანამშრომლებს მოქმედების სრულ თავისუფლებას ანიჭებს და საკუთარი ცხოვრების სურვილისამებრ კონტროლის შეგრძნებას უჩენს.

კომპანიები, რომლებიც ქალებს კვერცხუჯრედების გაყინვას სთავაზობენ

Apple-მა და Facebook-მა კომპანიაში ქალი პროგრამისტების მოსაზიდად საინტერესო მეთოდი აირჩიეს. ისინი მზად არიან ქალ პროგრამისტებს კვერცხუჯრედების გასაყინად და შესანახად 20 000 დოლარი გადაუხადონ.

,,ჩვენ გვსურს, რომ, ერთი მხრივ, ქალებს Apple-ში მუშაობის შანსი მივცეთ, მეორე მხრივ კი ოჯახის შექმნის მოტივაცია და ახლობლებზე ზრუნვის შესაძლებლობა გავუჩინოთ”, – აცხადებენ Apple-ში.

კვერცხუჯრედის გაყინვა, გრძელვადიან პერსპექტივათა კატეგორიას განეკუთვნება და ქალი ბავშვის გაჩენას როცა მოისურვებს მაშინ შეძლებს.

თავის დროზე Apple-ისა და Facebook-ის ამ “ბონუსს” უარყოფითი რეაქციაც მოჰყვა. კრიტიკოსები ამბობდნენ, რომ ასეთი მიდგომით, კომპანიები ქალებზე ზეწოლას ახდენენ, უფრო კონკრეტულად კი “ქალები აღარ ჩქარობენ ბავშვების გაჩენას”.

სამსახური, სადაც ძაღლის მიყვანა ნებადართულია

მსოფლიოში ახალგაზრდებისთვის ერთ-ერთ ყველაზე საოცნებო სამუშაო ადგილად აღიარებულ Google-ში, თანამშრომლებს ოთხფეხა მეგობრების წაყვანა შეუძლიათ.

აღმოჩნდა, რომ Google-ის ძალიან ბევრი თანამშრომელი ძაღლების მოყვარულია. Google-ის წესდებაში წერია, რომ კომპანიის თანამშრომელს სამსახურში ძაღლის მიყვანა შეუძლია – “ჩვენ გვიყვარს კატები, მაგრამ ძაღლების კომპანია ვართ, ასე რომ კატა ჩვენთან სტუმრობით თავს კარგად ვერ იგრძნობს”, – ამბობენ Google-ში.

Reed.co.uk-ის ცნობით, დასაქმებული ბრიტანელების 8% სამსახურში ძაღლით დადის.

 

წყარო: BBC

მასალა მოამზადა:  ციცი კიკვაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
დედამიწაეს საინტერესოაფიზიკაქიმია

საწყისი ელემენტები, რომლისგანაც სამყარო არის აგებული

2.61K views on

 ადამიანს უძველესი დროიდან აინტერესებდა, რა საწყისი ელემენტებისაგან არის აგებული სამყარო. ძველბერძნულ ფილოსოფიაში ჩამოყალიბდა სამყაროს შემადგენელი უმცირესი ელემენტის ცნება, თუმცა წარმოდგენები მის შესახებ სხვადასხვაგვარი იყო.

მონისტური მიდგომის თანახმად, სამყაროში არსებული საგნების თავისებურებას განაპირობებს ერთი ძირითადი სუბსტანცია – ელემენტი; თალესს ასეთად მიაჩნდა წყალი, ანაქსიმანდრეს – ჰაერი და ა.შ. პლურალისტური მიდგომა რამდენიმე ელემენტს აღიარებდა. მაგალითად, ემპედოკლე მიიჩნევდა, რომ ყველაფრის საწყისია ოთხი ელემენტი – ჰაერი, ცეცხლი, წყალი და მიწა; საგნების ბუნებას ამ ელემენტთა პროპორცია და ურთიერთგანლაგება განაპირობებს; მათი კომბინაცია იცვლება, მაგრამ თვითონ ეს ელემენტები – არა. პლატონისა და არისტოტელეს მიხედვით, დაშვებულია მეხუთე საწყისი ელემენტის არსებობაც. ატომისტები მიიჩნევდნენ, რომ საგნები შედგება დაუყოფელი ელემენტებისაგან, ატომებისაგან, რომელთა შეგრძნება ან დანახვა შეუძლებელია (ძველბერძნულად „ატომი“ ნიშნავს „დაუყოფელს“). დემოკრიტე მიიჩნევდა, რომ ატომებს აქვთ სხვადასხვა ფორმა, ისინი მოძრაობენ, ურთიერთქმედებენ და მათი ურთიერთგანლაგება განსაზღვრავს საგნის მახასიათებლებს. არისტოტელე მიუთითებდა რამდენიმე წინააღმდეგობაზე ამ თეორიაში; თუ ატომებს აქვთ ფორმა და ზომა, მაშინ ისინი ვერ იქნებიან დაუყოფელი; თუ ატომები წარმოადგენენ მათემატიკურ წერტილებს ნულოვანი ზომით, მათი ერთობლიობა ვერ მოგვცემს არანულოვანი ზომის საგანს; თუ ატომებს შორის სიცარიელეა, გარემო ვერ გაუწევს წინააღმდეგობას სივრცეში მოძრავ სხეულს და სხეული უსასრულოდ იმოძრავებს.

 ძველი ბერძენი ფილოსოფოსების მიდგომა სამყაროს საწყის ელემენტთა ძიებასთან დაკავშირებით საფუძველში მართებულია, მაგრამ დეტალებში – მცდარი. მათ მიერ საწყის ელემენტებად მიჩნეული მიწა, ჰაერი და ა. შ., თანამედროვე მეცნიერების მიხედვით, თვითონ შედგება ქიმიური ელემენტებისაგან, ანუ ატომებისაგან. მაგალითად, სუფთა წყალი (წყლის მოლეკულა H2O) შედგება ორი ქიმიური ელემენტის – ჟანგბადისა და წყალბადის ატომებისაგან, ჰაერი – აზოტის, ჟანგბადის, ნახშირბადისა და სხვა მინარევებისაგან. დედამიწის ქერქი შეიცავს 90-ზე მეტ ბუნებრივად წარმოქმნილ ქიმიურ ელემენტს. ისევე როგორც ასოებისაგან იქმნება ათასობით სიტყვა, ატომების შეერთებით იქმნება უამრავი სხვადასხვა მოლეკულა. თავის მხრივ, მოლეკულა ნივთიერების (მაგალითად, წყლის) თავისებურების განმსაზღვრელი უმცირესი ნაწილია. ასეულობით წლის განმავლობაში ატომი დაუყოფელ უმცირეს ნაწილაკად იყო მიჩნეული, მაგრამ XIX საუკუნის ბოლოს ფიზიკოსებმა დაადგინეს, რომ ატომს რთული სტრუქტურა აქვს, ის უფრო მცირე ნაწილაკებისაგან შედგება. ატომის ცენტრში მოთავსებულია მკვრივი ბირთვი, რომელშიც თავმოყრილია ატომის მასის ძირითადი ნაწილი. ბირთვი შედგება ელემენტარული ნაწილაკებისაგან – პროტონებისა და ნეიტრონებისაგან; პროტონები დადებითადაა დამუხტული და მათი ერთობლიობა ატომის ბირთვის დადებით მუხტს ქმნის, ნეიტრონი კი ნეიტრალურია. ატომის გარე შრეებში ბრუნავს ძალზე მცირე და მსუბუქი უარყოფითი ელექტრული მუხტის მქონე ნაწილაკები – ელექტრონები. მათ ბრუნვას ატომის ბირთვის გარშემო განაპირობებს საწინააღმდეგო ნიშნის მუხტების ურთიერთმიზიდულობა. რაც უფრო მეტი პროტონია ბირთვში, მით მეტია მისი ელექტრული მუხტი და, შესაბამისად, მეტ ელექტრონს შეუძლია თანამგზავრის მსგავსად ბირთვის გარშემო იმოძრაოს. ელექტრონის მოძრაობის კოორდინატების განსაზღვრა ძალიან რთულია. ატომს არა აქვს მკაფიოდ გამოხატული გარესაზღვრები, მაგრამ მისი ზომის განსაზღვრა შესაძლებელია მეზობელი ატომების ბირთვებს შორის არსებული მანძილით. ატომის ზომის სიმცირის შესახებ წარმოდგენის შესაქმნელად შეიძლება ასეთი თვალსაჩინო მაგალითის მოყვანა: საღებავი, რომლითაც ნაბეჭდ ტექსტში წერტილია გამოსახული, შეიცავს ნახშირბადის ას მილიარდ ატომს; ატომი რომ დავინახოთ, წერტილის მასშტაბი 100 მეტრის დიამეტრის მქონე წრემდე უნდა გაიზარდოს. ატომის ბირთვსა და მის გარშემო მბრუნავ ელექტრონებს შორის არის „ცარიელი“ სივრცე, მაგრამ ეს პირობითი სიცარიელეა, ეს სივრცე შევსებულია ძლიერი ელექტრული და მაგნიტური ველებით, ამიტომ ატომის შიგნით შეღწევა ძალიან რთულია.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ანალიტიკაეს საინტერესოაპოლიტიკა

რატომ არ განხორციელებულა ტერორისტული თავდასხმა იტალიაში?

1.99K views on

 „ჩვენ რომამდეც მოვაღწევთ“- ამ წინადადებით დაიმუქრა ისლამური სახელმწიფოს ერთ-ერთი რადიკალი აქტივისტი გავრცელებულ ვიდეომიმართვაში, რომელიც რომის პაპის სურათის დახევით სრულდება. ამიტომაც, ყურადღებას იქცევს ფაქტი, რომ იტალიაში არ განხორციელებულა არცერთი ტერორისტული თავდასხმა ჯიჰადისტების მიერ, მაშინ, როცა დანარჩენ ევროპაში – ბრიტანეთში, საფრანგეთში, გერმანიასა და ესპანეთში ეს მოხდა. თუმცა, ეს ფაქტი არ უკავშირდება მიგრანტებსა და ტერორიზმს შორის არსებულ კავშირს, რადგან 2017 წლის პირველ ნახევარში ევროპაში ჩასული არალეგალური მიგრანტების 82 % სწორედ იტალიამ მიიღო.

The Economist-ში გამოქვეყნებულ სტატიაში, ეს მოვლენა ახსნილია იტალიური მაფიის არსებობით, რაც პრობლემური გახდა ჯიჰადისტებისათვის, რომ დაეგეგმათ და შემდეგ განეხორციელებინათ ტერორისტული თავდასხმა. თუმცა, არა იმ კონტექსტში, როგორც მკითხველთა უმეტესობა იფიქრებს.

 საქმე ისაა, რომ იტალიის პოლიციამ უკვე შეიძინა ძალიან დიდი გამოცდილება საეჭვო პიროვნებებისა თუ ჯგუფის იდენტიფიცირებაში, რადგან მას წლებია უწევს დაუპირისპირდეს იტალიურ მაფიას. ამასთან ერთად, ჯერ კიდევ 1970-იან და 1980-იან წლებში იტალიის პოლიცია უმკლავდებოდა მემარცხენე თუ მემარჯვენე რადიკალ ტერორისტებს, როდესაც სხვა ევროპულ ქვეყნებში ეს პრაქტიკა არ ყოფილა. ამიტომაც, იტალიის ხელისუფლება ცდილობს მაშინვე გააძევოს ქვეყნიდან ის პირები, რომლებიც ეჭვმიტანილები არიან რელიგიურ ექსტრემიზმში. საეჭვო ნიშნების არსებობის მოტივით, იანვრის შემდეგ, 150-მდე ადამიანი გააძევეს ქვეყნიდან.

ეკონომიკური კვლევების ამერიკის ეროვნულმა ბიურომ ჩაატარა კვლევა, რომელშიც გამოყენებულია 2014-2015 წლის სტატისტიკური მონაცემები. კვლევის შედეგებმა აჩვენა, რომ იტალიაში იდენტიფიცირდა მხოლოდ 87 რელიგიური ექსტრემისტი, მაშინ, როცა ეს მაჩვენებელი ბრიტანეთში 760, ხოლო საფრანგეთში თითქმის 2500 გახლდათ.

თუმცა, მკვლევართა გარკვეული ნაწილი მიუთითებს სხვა ფაქტორებზეც: იტალიაში არ არსებობს მუსლიმური გეტოები, როგორც საფრანგეთში „banlieues-ი”, მაგალითად. ასევე მნიშვნელოვანია ისიც, რომ ალ-ქაიდა, რომელიც ჯიჰადისტების დომინანტურ ძალად მიიჩნევა, იტალიას იყენებდა, როგორც ლოჯისტიკურ ბაზას ევროპაში. „მათ ჩვენ ვჭირდებოდით, აი, რატომ ვიყავით უსაფრთხოდ“– აღნიშნავს მაიკლ გოპი, თავდაცვის აკადემიიდან.

 

წყარო: The Economist, The Guardian

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
1 … 90 91 92 93 94 … 98
Page 92 of 98
preload imagepreload image