close

არქეოლოგია

არქეოლოგიასაქართველო

გონიოს ციხის მიმდებარე ტერიტორიაზე დიონური დასახლების საკულტო ნაგებობის ფრაგმენტები აღმოაჩინეს

1.62K views on

უნიკალური აღმოჩენა – გონიოს ციხის მიმდებარე ტერიტორიაზე დიონური დასახლების საკულტო ნაგებობის ფრაგმენტები აღმოაჩინეს. გონიოს მუზეუმ-ნაკრძალის დირექტორი, შოთა მამულაძე ვარაუდობს, რომ ფრაგმენტები სავარაუდოდ ძვ.წ. აღრიცხვის მე-VIIl-ე, მე-VII- ე საუკუნეებით თარიღდება.

პროცესებს დღეიდან არქეოლოგები აკვირდებიან. სპეციალისტები კი სამუშაოებს ზაფხულში დაიწყებენ.

ანდრია პირველწოდებულის ქუჩაზე სანიაღვრე არხების რეაბილიტაცია მიმდინარეობს. რეაბილიტაციისას თიხის მილიც იპოვეს.

​გონიოელები ამბობენ, რომ სამუშაოების პროცესში მილი დაინახეს. ადგილობრივები ვარაუდობენ, რომ თიხის მილი გონიოს ციხესთან გადის, რომელიც ქუჩიდან მოშორებით მდებარეობს.

კულტურული მემკვიდრეობის დაცვის სააგენტო, წლის განმავლობაში, არქეოლოგიური სამუშაოებისთვის 85 ათას ლარს ხარჯავს.

წყარო: http://ajaratv.ge

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქეოლოგიაეს საინტერესოაისტორიაკვლევები

ჰობიტები თანამედროვე ადამიანთან შეჯახების შედეგად განადგურდნენ

1.82K views on

მეცნიერები ირწმუნებიან, რომ ადამიანის გადაშენებული სახეობა – ,,ჰობიტი” მშობლიური ფლორენსიენსის კუნძულიდან იმაზე ადრე გაქრა, ვიდრე ამას აქამდე ფიქრობდნენ და, სავარაუდოდ, ამ საქმეში თანამედროვე ადამიანის წინაპრის ხელი ურევია. 
მკვლევარებმა ოთხშაბათს განაცხადეს, რომ მათ ხელახლა გამოთვალეს ჰომო ფლორენსიენსის (Homo Floresiensis) სახეობის ძვლები, რომელიც ინდონეზიის ფლორენსის კუნძულზე აღმოაჩინეს, და დაადგინეს, რომ იგი დაახლოებით 50,000 წლის წინ გადაშენდა და არა 12,000 წლის წინ, როგორც ამას მანამდე ვარაუდობდნენ.
2003 წელს ჰობიტების აღმოაჩინა სამეცნიერო სენსაციად იქცა. გამოთვალეს ჰომო ფლორენსიენსი დაახლოებით 106 სმ სიმაღლის იღო. გააჩნდა პატარა, შიმპანზის ზომის ტვინი, გამოიყენებდა ქვის იარაღებს.
მეცნიერების განცხადებით, მათ ჯერჯერობით არ გააჩნიათ იმის პირდაპირი მტკიცებულება, რომ ჰობიტები ჰომო საპიენსებს გადაეყარნენ, თუმცა ამ დროისთვის თანამედროვე ადამიანის წინაპარი დაახლოებით იმ პერიოდისთვის რეგიონის სხვა კუნძულებზე უკვე იმყოფებოდა და ავსტრალიას დაახლოებით 50, 000 წლის წინ მიაღწია.
ავსტრალიის უნივერსიტეტის გეოქრონოლოგისტ ბერტ რობერტსის განცხადებით, შესაძლოა ჰომო საპიენსმა ჰობიტების გადაშენებაში გარკვეული როლი ითამაშა და ეს საკითხი შემდგომი კვლევების საგნად უნდა იქცეს.
2007 -2014 წლებში ჩატარებული გათხრების შედეგად მეცნიერებმა ჰომო ფლორენსიენსების ძვლებისა და ნაშთების ნალექი  ხელახლა შეაფასეს.
აღმოჩნდა, რომ ჰობიტების ჩონჩხის ნაშთები 60,000 -100,000 წლის იყო, მათი ქვის იარაღები კი – 50,000- 190,000 წლის.
გონიერი ადამიანი ანუ ჰომო საპიენსი (თამანედროვე ადამიანის წინაპარი) აფრიკაში პირველად დაახლოებით 200,000 წლის წინ გამოჩნდა და ამის შემდეგ გავრცელდა დანარჩენ მსოფლიოში.

წყარო: Reuters

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქეოლოგიაეს საინტერესოაკვლევები

მაიმუნების ქვის ხანა – ისინი ქვის იარაღებს ასწლეულების მანძილზე იყენებდნენ

1.9K views on

ოქსფორდის უნივერსიტეტის მეცნიერებმა ბრაზილიაში კეშიუს (თხილის სახეობა) სამტვრევი იარაღი აღმოაჩინეს, რომელსაც 700 წლის განმავლობაში კაპუცინი მაიმუნები იყენებდნენ. 
კვლევის შედეგები ჟურნალ Current Biology-ში  გამოქვეყნდა. კვლევა ოქსფორდის უნივერსიტეტის პრიმატების არქეოლოგიის პროექტის ფარგლებში ჩატარდა. მას არქეოლოგი მაიკ ჰასლამი ხელმძღვანელობს.
ოქსფორდის სამეცნიერო გუნდის წარმომადგენელმა, პრიმატოლოგისტმა ლიდია ლანცმა განაცხადა, რომ ეს აღმოჩენა არის „ფანჯარა წარსულში.“
,,ჩვენი ძალისხმევა, შევიხედოთ წარსულში, მხოლოდ და მხოლოდ ადამიანებზე იყო ორიენტირებული, ამიტომ წარმოდგენა არ გვაქვს, რა იარაღს იყენებდნენ სხვა სახეობის პრიმატები,“- აღნიშნა მან. 
როგორც ახალმა კვლევამ აჩვენა, ე.წ. კაპუცინი მაიმუნებს კეშიუს სამტვრევი ხეებზე აჰქონდათ. ნაჭუჭში არსებული სითხე სამტვრევს ფერს უცვლიდა. მეცნიერებმა ამ იარაღების ქიმიური ანალიზი ჩაატარეს და მათი დანიშნულებაც დაადგინეს.
მეცნიერთა განმარტებით, ახალი მტკიცებულების თანახმად, მაიმუნები ქვის იარაღებს იმ პერიოდში იყენებდნენ, როდესაც ევროპელები დედამიწის დასავლეთ ნახევარსფეროში დასახლდნენ.
კაპუჩინები მაიმუნების სახეობაა, რომლებიც სამხრეთ ამერიკაში ცხოვრობენ. მეცნიერთა ვარაუდით, ქვის იარაღების გამოყენება მათ ადამიანებისა და შიმპანზეებისგან დამოუკიდებლად ისწავლეს. 
ექსპერტები აცხადებენ, რომ ოქსფორდის უნივერსიტეტის აღნიშნული პროექტი მნიშვნელოვანია იმდენად, რამდენადაც ადგენს „მსგავსებებსა და განსხვავებებს ადამიანებისა და სხვა პრიმატების მოქმედებებს შორის.“

წყარო: www.livescience.com

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქეოლოგიაეს საინტერესოამსოფლიო

ადამიანმა აფრიკა გაცილებით ადრე დატოვა, ვიდრე მეცნიერები ფიქრობდნენ

1.97K views on

ისრაელში ერთ-ერთ მღვიმეში ადამიანის ყბის ნაწილი იპოვნეს, მეცნიერები აცხადებენ, რომ ის ,,ჰომო საპიენსის” წარმომადგენლის უძველესი ნათშია, რომელიც მეცნიერებს დღემდე აფრიკის გარეთ აღმოუჩენიათ.

მკვლევარების თქმით, ნამარხი 177,000-დან 194,000 წლისაა. აღმოჩენილი ნაშთი ახალგაზრდის ზედა ყბის მარცხენა ნაწილია, თუმცა მისი სქესის დადგენა ჯერ-ჯერობით ვერ ხერხდება.

ყბის ნაწილი ქარმელის მთაზე მისლაიას მღვიმეში აღმოაჩინეს, რომელიც ჰაიფადან სამხრეთით დაახლოებით 12 კმ-ში მდებარეობს. დიდ ჩამონგრეულ მღვიმეში, სადაც ადამიანები ცხოვრობდნენ, ასევე აღმოჩენილ იქნა დანა და სხვა ქვის იარაღები, რომლებიც იმ დროისთვის დახვეწილად ითვლება, რამდენიმე ცეცხლის კერა და დამწვარი ცხოველის ძვლები.

მანამდე აღმოჩენილი ნამარხების თანახმად, ,,ჰომო საპიენსი” აფრიკაში დაახლოებით 300,000 წლის წინ გამოჩნდა. ძირითად ქვაკუთხედს წარმოადგენს კითხვა : როდის დატოვა ჩვენმა წინაპარმა აფრიკა და როდის დასახლდა ის მსოფლიოს სხვადასხვა ადგილებში.

აქამდე აღმოჩენილი უძველესი “ჰომო საპიენსი”, რომლებიც ორ სხვა გამოქვაბულში აღმოაჩინეს (ერთ-ერთი მათგანი ასევე ქარმელის მთაზე მდებარეობს), დაახლოებით 90,000 – 120,000 წლისაა.

,,ახალი აღმოჩენების თანახმად, ადამიანები აფრიკიდან ჩრდილოეთის გზით, ნილოსის ველისა და აღმოსავლეთ ხმელთაშუაზღვის სანაპიროს გავლით გაემგზავრნენ და არა სამხრეთის გზით ბაბ ალ-მანდების სიახლოვეს, რომელიც საუდის არაბეთის სამხრეთ სანაპიროს წარმოადგენს, ინდოეთის ქვეკონტინენტისა და აღმოსავლეთ აზიის გავლით,”-  განაცხადა თელ-ავივის უნივერსიტეტის პალეონტოტროპოლოგმა ისრაელ ჰერშკოვიციმ, რომელმაც კვლევა ჩაატარა.

მეცნიერები აცხადებენ, რომ აღმოჩენა ძალიან მნიშვნელოვანია, ვინაიდან წარმოადგენს იმის პირდაპირ მტკიცებულებას, რომ ადამიანმა აფრიკა გაცილებით ადრე დატოვა, ვიდრე აქამდე ვარაუდობდნენ.

მისლაიაში მცხოვრები ადამიანები, სავარაუდოდ, მომთაბარეები იყვნენ და მტაცებელი სახეობების მოძრაობის ან სეზონის მიხედვით გადაადგილდებოდნენ. მეცნიერები აცხადებენ, რომ ისინი ნადირობდნენ მსხვილფეხა რქოსანი ჯიშების წარმომადგენლებზე, მათ შორის ველურ პირუტყვზე, ირმებსა და ქურციკებზე. ,,ისინი ასევე ფართოდ იყენებდნენ მცენარეული მასალებს, მათ შორის საწოლისთვისაც, “– აცხადებენ მეცნიერები.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
არქეოლოგიაკვლევებიმსოფლიო

მეცნიერებმა 9,000 წლის წინ მცხოვრები ტინეიჯერის სახე აღადგინეს

1.7K views on

მეცნიერებმა 9,000 წლის წინ მცხოვრები ტინეიჯერის სახის რეკონსტრუქცია განახორციელეს. მათი მიზანი იმის დადგენა იყო, თუ როგორები იყვნენ ადამიანები მეზოლითის პერიოდში ანუ დაახლოებით ჩვ.წ.აღ.მდე 7,000 წლის წინ.

ძვლებსა და კბილებზე ჩატარებულ ანალიზზე დაყრდნობით, მეცნიერები ფიქრობენ, რომ გოგონა დაახლოებით 15-18 წლისაა. მას მოღუშული სახე და გამოშვერილი ყბა აქვს. ასეთი ფორმის ყბა, სავარაუდოდ, ცხოველის კანის ღეჭვის შედეგად განუვითარდა. ეს მოქმედება იმ ეპოქის ადამიანებისთვის დამახასიათებელი იყო. ისინი კანს ღეჭავდნენ, რათა ის  რათა ის რბილ ტყავად ექციათ.

კითხვაზე, თუ რატომ გამოიყურებოდა იგი გაბრაზებული, ორთოდონტიის პროფესორი მანოლის პაპაგრიკარქისი, რომელმაც სახის სილიკონის რეკონსტრუქცია შექმნა, ხუმრობით პასუხობს: ,,შეუძლებელია, იმ ეპოქაში, რომელშიც ის ცხოვრობდა, გაბრაზებული ყოფილიყო”.

გოგონას სავარაუდოდ ანემია ჰქონდა. მკვლევარები ვარაუდობენ, რომ ის სურავანდით იყო დაავადებული. გოგონას სხეულზე მენჯბარძაყის სახსრის პრობლემის ნიშანიცაა, რაც მას გადაადგილებაში უშლიდა ხელს. სავარაუდოდ, სორედ ეს გახდა მისი გარდაცვალების მიზეზიც.

გოგონა 1993 წელს თეოპეტრა მღვიმეშე აღმოაჩინეს და მას Avgi დაარქვეს (ბერძნული სიტყვა, რაც განთიადს ნიშნავს), ვინაიდან ის სწორედ ცივილიზაციის განთიადის პერიოდში ცხოვრობდა.

გოგონა ათენში, აკროპოლისის მუზეუმში იმყოფება.

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
არქეოლოგიაეს საინტერესოაკვლევებიმსოფლიო

გადაარჩენენ თუ არა მსოფლიოს უძველეს მუმიებს?

2.14K views on

ჩრდილოეთ ჩილეში აღმოჩენილი მუმიები, რომლებიც, სულ ცოტა, 7000 წლით თარიღდებიან, შავი ლორწოთი იფარებიან და მეცნიერები პროცესის შეჩერებას ვერ ახერხებენ.

ადგილობრივმა ხელისუფლებამ, „იუნესკოს“ მიმართა, მუმიები მსოფლიო მემკვიდრეობის ძეგლად გამოაცხადოს. ისინი იმედოვნებენ, რომ საერთაშორისო საზოგადოების გაზრდილი ყურადღება მათ გამოსავლის მოძებნაში დაეხმარებათ.

მეცნიერები ფიქრობენ, რომ ლორწო მუმიფიცირებულ კანში გაჩენილი ბაქტერიაა.

დაახლოებით 300 ადამიანის მუმია ჩილეში 90-იან წლებში აღმოაჩინეს. ისინი დაახლოებით ჩვ. წ. აღ.-მდე 5050 წლით თარიღდებიან და მსოფლიოში დღემდე აღმოჩენილ მუმიებს შორის უძველესები არიან. 

მუმიები დამზადებულია ადამიანებისგან, რომლებიც მონადირე-შემგროვებელთა ჯგუფს მიეკუთვნებოდნენ და რომლებიც ჩინჩოროს ხალხის სახელით არიან ცნობილი. განსხვავებით ეგვიპტელებისგან, რომლებიც მხოლოდ ფარაონების მუმიფიცირებას ახდენდნენ, ჩინჩოროები ინახავდნენ ყველას მუმიას, განურჩევლად ასაკისა, რაც მიუთითებს იმაზე, რომ ისინი ეგალიტარულ საზოგადოებას წარმოადგენდნენ.

მუმიების საიდუმლო იმაში მდგომარეობს, რომ ისინი ატაკამას უდაბნოში მშრალი ქვიშის ქვეშ იყვნენ შენახული ათასობით წლის განმავლობაში.

2015 წლიდან მუმიებმა დაშლა დაიწყეს. ბიოლოგები აცხადებენ, რომ მიზეზი მათთვის ამ დრომდე უცნობია.

მეცნიერები ძალისხმევას არ იშურებენ, რომ გადაარჩინონ იმ ადამიანის ნეშთები, რომლებიც ანტიკურ ეგვიპტელებამდე 2 ათასწლეულით ადრე ცხოვრობდნენ.

წყარო: http://www.sciencealert.com/

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
არქეოლოგიასაქართველოსოფლის მეურნეობა

ქართული ღვინო გინესის რეკორდების წიგნში შევიდა

33.3K views on

ქართული ღვინო გინესის რეკორდების წიგნში შევიდა, ეს მას შემდეგ, რაც საქართველოში ჩვენს წელთაღრიცხვამდე 6 000-5 800 წლით დათარიღებული ჭურჭელი აღმოაჩინეს, სადაც ღვინის ქიმიური შემადგენლობა დადასტურდა.

გინესის მსოფლიო რეკორდების ოფიციალურ ვებგვერდზე გამოქვეყნებულ ინფორმაციაში წერია, რომ საქართველოში არქეოლოგიური გათხრების შედეგად აღმოჩენილი უძველესი ქვევრიც ამ ფაქტს მოწმობს.

მეცნიერები მიიჩნევენ, რომ  საქართველოში აღმოჩენილი, 8000 წლის წინანდელი თიხის ჭურჭელი ღვინის დამზადების უძველესი ტრადიციის მაჩვენებელია. აღნიშნული ჭურჭელი ქვეყნის დედაქალაქის სამხრეთ ნაწილში, ორ უბანშია აღმოჩენილი და  ზოგიერთ მათგანზე გამოსახულია ყურძნის მტევნები და მოცეკვავე ადამიანები. ამ აღმოჩენამდე მეღვინეობის უძველესი ტრადიციის მტკიცებულებად  მეცნიერები, როგორც წესი, ირანის ჩრდილო-დასავლეთ ნაწილში ნაპოვნ თიხის ჭურჭელს მიიჩნევდნენ.

არქეოლოგიური აღმოჩენის ავტორი პენსილვანიის ანთროპოლოგიისა და არქეოლოგიის უნივერსიტეტის პროფესორი პატრიკ მაკგოვერნია. საქართველოს ღვინისა და ყურძნის შემსწავლელ კვლევაში საქართველო, საფრანგეთი, იტალია, ისრაელი, კანადა, დანია და ამერიკის შეერთებული შტატები მონაწილეობდნენ.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
არქეოლოგიამსოფლიო

ვანის ტბაში უძველესი ნანგრევები აღმოაჩინეს?

2.08K views on

ვანის ტბაში უძველესი ნანგრევები აღმოაჩინეს, რომელიც, მეცნიერების ვარაუდით, სამი ათასი წლით თარიღდება. ნანგრევებს  ვანის ტბაში 10 მეტრის სიღრმეზე მიაგნეს. 

ვანის ტბა თურქეთის აღმოსავლეთ ნაწილში მდებარეობს.

ამბავს თურქული მედია ავრცელებს და აქვე დასძენს ადგილობრივი ხელისუფლების კომენტარს, რომელიც  თურქეთის უძველესი მემკვიდრეობის შესწავლის მნიშვნელობაზე საუბრობს, რათა ქვეყნის ისტორიული კონტექსტი კიდევ უფრო გამოიკვეთოს. როგორც ისინი აღნიშნავენ, ამ აღმოჩენებმა და კიდევ სხვა ჯერ კიდევ უცნობმა ,,საიდუმლოებებმა” შესაძლოა ენთუზიასტი მყვინთავები და არქეოლოგები მოიზიდოს, რაც  დადებითად აისახება ქვეყნის ტურიზმზე.

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
არქეოლოგიაკვლევები

მეცნიერებმა ცუნამის უძველესი მსხვერპლი აღმოაჩინეს

1.74K views on

 პაპუა-ახალ-გვინეაში 1929 წელს თავის ქალის ნაწილი აღმოაჩინეს. თავდაპირველად, ფიქრობდნენ, რომ ის ადამიანის გადაშენებულ სახეობას განეკუთვნებოდა. ახლა კი, მეცნიერები მიიჩნევენ, რომ ქალა იმ ადამიანს განეკუთვნება, რომელიც ცუნამის დღემდე ცნობილ მსხვერპლებს შორის უძველესია.

მკვლევარების განცხადებით, დანალექების ახალმა გამოკვლევებმა აჩვენა, რომ 6000 წლის  თავის ქალას ცუმანის კვალი ემჩნევა, რომელიც თავისი შემადგენლობით 1998 წლის დამანგრეველი ცუნამის ნაშთის მსგავსია და იმავე ტერიტორიაზე მოხდა.

თავის ქალა პაპუა-ახალი-გვინეის ჩრდილოეთ სანაპიროდან დაახლოებით 7 კილომეტრით დაშორებულ ქალაქ აიტაპის მახლობლად აღმოაჩინეს. ის კუნძულ ახალი გვინეის ერთ–ერთი ყველაზე ადრეულ ადამიანს ეკუთვნის და მას თავდაპირველად 140,000 წლის წინ დაღუპული სახეობების Homo Erectus-ის წარმომადგენლად მიიჩნევდნენ. მოგვიანებით მეცნიერებმა ის 6000 წლით დაათარიღეს.

მეცნიერებმა იმ მდინარის კალაპოტში არსებული გეოლოგიური ნარჩენები გამოიკვლიეს, სადაც თავის ქალა იპოვნეს და ცუნამის უტყუარი კვალი აღმოაჩინეს. მათ მიერ ნალექებში აღმოჩენილი მიკრო ორგანიზმები 1998 წლის ცუნამის შემდეგ ნიადაგში აღმოჩენილი მიკროორგანიზმების მსგავსი იყო.

ცუნამი, გიგანტური ტალღები, როგორც წესი, წყალქვეშა მიწისძვრების ან ვულკანური ამოფრქვევის შედეგად წარმოიქმნება და განსაკუთრებით საშიში ბუნებრივი კატასტროფაა. 2004 წლის ინდოეთის ოკეანის ცუნამმა, რომელიც სუმატრაზე მომხდარმა მიწისძვრამ გამოიწვია, 230 000-ზე მეტი ადამიანის სიცოცხლე შეიწირა.

1998 წელს პაპუა-ახალ გვინეაზე მომხდარმა ცუნამმა კი 2 000-ზე მეტი ადამიანი იმსხვერპლა, წალეკა სოფლები, გაანადგურა მარცვლეული და უამრავი ადამიანი აიძულა, საცხოვრებელი ადგილი შეეცვალა. მეცნიერები ვარაუდობენ, რომ 6000 წლის წინ მომხდარი ცუნამიც მსგავსი იყო.

კვლევა სამეცნიერო ჟურნალ PLOS ONE-ში გამოქვეყნდა.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

 

სრულად ნახვა
არქეოლოგიაკვლევებიმსოფლიორელიგია და მეცნიერება

არქეოლოგები ამტკიცებენ, რომ თურქეთში ,,სანტა კლაუსის” საფლავი აღმოაჩინეს

3.32K views on

თურქი არქეოლოგები ფიქრობენ, რომ სანტა კლაუსის სამუდამო განსასვენებელს მიაკვლიეს.
წმინდა ნიკოლოზი იყო მე -4 საუკუნის ეპისკოპოსი, რომელმაც თანამედროვე სანტას მითის ინსპირირება მოახდინა. არქეოლოგები აცხადებენ, რომ მისი საფლავი სამხრეთ თურქეთის უძველესი ეკლესიის ქვეშ მდებარეობს.
სამთვიანი გამოძიების შემდეგ, თურქმა არქეოლოგებმა განაცხადეს, რომ ანტალიის პროვინციაში, ქალაქ დემრეში, იქ, სადაც წმინდა ნიკოლოზი ეპისკოპოსი გახდა, წმინდა ნიკოლოზის ეკლესიის ქვეშ, მათ აღმოაჩინეს დაუზიანებელი ტაძარი და საფლავი.
„ეკლესიის ქვეშ მდებარე ტაძარი კარგ მდგომარეობაშია. თუმცა იქ შესვლა რთულია, ვინაიდან იქ ბევრი ორნამენტიანი ქვაა, რომლებიც შესაძლოა შესვლისას ჩამოიშალოს,“ – განაცხადა ანტალიის კვლევისა და ძეგლების დირექტორმა – ქემილ კარაბაირამმა.
თუ არქეოლოგები მართლები არიან, ეს იმას ნიშნავს, რომ ისტორიული წიგნები გარკვეულ განახლებას საჭიროებენ.
ტრადიციულად ფიქრობდნენ, რომ წმინდა ნიკოლოზის ნაშთი იტალიაში 1087 წელს, გარდაცვალებიდან 700 წლის შემდეგ, ქალაქ ბარში იტალიელმა ვაჭრებმა ჩაიტანეს.
ამ ინტერპრეტაციის თანახმად, მეზღვაურებმა მოიპარეს მისი ძვლები, რათა ისინი სელჩუკების თავდასხმებისგან გადაერჩინათ. თუ ეს სიმართლეა, შესაძლოა, მოვაჭრეებმა ვერ მოახერხეს ყველა ძვლის დაბრუნება, ვინაიდან წმინდანის სხვა ნაწილები ვენეციასა და სხვადასხვა ადგილში განისვენებენ.
ზოგიერთი დოკუმენტის თანახმად, წმინდა ნიკოლოზი დაკრძალულია ხელუხლებელ საკანში. მკვლევარები აცხადებენ, რომ მათ ნეშტი CT სკანერისა და ჩამონტაჟებული რადარის საშუალებით აღმოაჩინეს.
ეკლესიის ქვის რამდენიმე მოზაიკა ზოგიერთ ნაწილს მოიწვდომელს ხდის, მაგრამ მკვლევარები იმედოვნებენ, რომ მომავალი გათხრები მათი აღმოჩენის ლეგიტიმურობას დაამტკიცებს.
,,ჩვენ ძალიან კარგი შედეგები მოვიპოვეთ, მაგრამ რეალური სამუშაოები ახლა დაიწყება. შესაძლოა, ძალიან მალე წმინდა ნიკოლოზის ხელუხლებელი სხეული აღმოვაჩინოთ”, – განაცხადა კარაბეირამმა.
თუმცა ჯერჯერობით გამოძიება მიმდინარეობს. არქეოლოგების პრეტენზიები კვლავ დაუსაბუთებელია და მის გარშემო უამრავი ეჭვი არსებობს.

 

წყარო: http://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 15 16 17 18 19
Page 17 of 19