განათლება

ქვეყანაში სასწავლო პროცესის გაგრძელების საკითხზე ჯანდაცვის მინისტრმა ისაუბრა.

“მოქალაქეებს, რომლებიც ელოდებიან, რომ მათი შვილები წავლენ სკოლაში, ეს არის ძალიან მტკივნეული და ასევე მნიშვნელოვანი საკითხი ჩვენი საზოგადოებისთვის, ეს ყოველივე არის დამოკიდებული ჩვენს ქცევაზე. თუ ჩვენი ქცევა იქნება ისეთი როგორიც არის დღეს და დღეს გვაქვს არა ნიღბის ტარება, არა სოციალური დისტანცირება და ა.შ. ეს რა თქმა უნდა, მიგვიყვანს ჩვენ უკვე იმ გადაწყვეტილებაზე, რომ შეიძლება რისკი შეექმნას ოქტომბერში სწავლის დაწყებას. სწორედ აქედან გამომდინარე, სრული მობილიზაცია ჩვენი მოქალაქეების, არის ძალიან მნიშვნელოვანი, რომ ჩვენს ბავშვებს მიეცეთ საშუალება, უსაფრთხო სკოლებში მიიღონ განათლება,“ – განაცხადა ეკატერინე ტიკარაძემ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

თამარ გაბუნია ამბობს, რომ სწავლასთან დაკავშირებით არანაირი ცვლილებები არ იგეგმება.

„უსაფრთხოების პროტოკოლები საკმაოდ დეტალურია. არ გამოვრიცხავ, რომ შეიძლება გარკვეული მოდიფიკაციები შევიდეს, თუ ახალ რეკომენდაციას მოგვცემს ჯანდაცვის მსოფლიო ორგანიზაცია. ეს ცოცხალი პროცესია და რა საერთაშორისო რეკომენდაციაც იქნება, ის აისახება.

რაც შეეხება სწავლის დაწყების თარიღს, დღეს ამასთან დაკავშირებით ახალი გადაწყვეტილება არ მიღებულა“,- განაცხადა თამარ გაბუნიამ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

გასულ კვირას “მსოფლიო ბანკმა” ადამიანური კაპიტალის ინდექსი გამოაქვეყნა, რომელიც ზომავს – რა პოტენციალს მიაღწევდა დღევანდელი ბავშვი 18 წლის ასაკში თუკი ის მიიღებდა სრულყოფილ განათლებას და ჯანდაცვის სერვისებს.
კვლევის დეტალებზე “ანალიტიკასთან” მსოფლიო ბანკის წარმომადგენელმა საქართველოში სებასტიენ მოლინესუმა ისაუბრა.
მისი თქმით, შედეგები აჩვენებს, რომ საშუალოდ ბავშვი საქართველოში სკოლაში 12.9 წელს ატარებს, მაგრამ სწავლის ხარისხის მაჩვენებელი 8.3-ია

“ეს კი იმას ნიშნავს, რომ ბავშვები საქართველოში სხვა ქვეყნებთან შედარებით 4.6 წელს კარგავენ ხარისხიანი განათლების მიღების კუთხით”,- აცხადებს მოლინეუსი.

მისი შეფასებით, საქართველოს ქულა ამ ინდექსში გვაჩვენებს, რომ საქართველოში დღეს დაბადებული ბავშვი იმ პროდუქტიულობის 57%-ს მიაღწევს, რასაც მისი თანატოლები აღწევენ სხვა ქვეყნებში, სადაც უკეთესი განათლების და ჯანდაცვის სისტემებია.

“ვხედავთ, რომ გაუმჯობესებისთვის ადგილი ნამდვილად რჩება, თუმცა 10 წლის წინანდელ მონაცემებს თუ შევხედავთ, საქართველო ნელა, მაგრამ თავის ქულას მაინც აუმჯობესებს. ცოტა უფრო ღრმად თუ ჩავალთ ამ რიცხვებში, ელენე, ვნახავთ, რომ საშუალოდ ბავშვი საქართველოში სკოლაში 12.9 წელს ატარებს, რაც ცუდი მაჩვენებელი ნამდვილად არ არის, მაგრამ როცა საქმე მიდგება ამ სწავლის ეფექტიანობაზე და ხარისხზე – ეს მაჩვენებელი 8.3-ია – ეს კი იმას ნიშნავს, რომ ბავშვები საქართველოში სხვა ქვეყნებთან შედარებით 4.6 წელს კარგავენ ხარისხიანი განათლების მიღების კუთხით. ახლა, თუ შევხედავთ ეს რატომ ხდება – ამას პიზას შედეგებიც აჩვენებს. აქაც მონაცემების გაუმჯობესება ნამდვილად შესაძლებელია”,- აცხადებს მოლინეუსი.

ახალგაზრდა ანალიტიკოსთა და მეცნიერთა დარბაზი ,,დოქტრინა“

საქართველოს განათლების, მეცნიერების, კულტურისა და სპორტის ფეისბუქგვერდზე ვრცელდება მინისტრ მიხეილ ჩხენკელის განცხადება. ჩხენკელი ახალი სასწავლო წლის დაწყების პირველ დღეს პედაგოგებს, მოსწავლეებს, მშობლებს, სტუდენტებსა და პროფესორ-მასწავლებლებს მიმართავს:

„2020 წელი, პანდემიიდან გამომდინარე, გამოწვევებით სავსე აღმოჩნდა მთელი მსოფლიოსთვის. შესაბამისად წლევანდელი სასწავლო წლის დაწყებაც უჩვეულო პირობებში გვიწევს.

თითოეული მოსწავლის, მასწავლებლის, სტუდენტის, ლექტორისა და თითოეული მოქალაქის ჯანმრთელობისა და უსაფრთხოების დაცვა ჩვენი ხელისუფლების უპირველესი საზრუნავია, ამიტომ კორონავირუსის გავრცელების პრევენციის მიზნით, პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს გადაწყვეტილებით, საქართველოს ზოგიერთ ქალაქსა და სოფელში სკოლებსა და უმაღლეს სასწავლებლებში
სასწავლო პროცესი 15 სექტემბრიდან დისტანციურ რეჟიმში, ხოლო დანარჩენ მუნიციპალიტეტებში საკლასო ოთახებში დაიწყო. 1-ლი ოქტომბრიდან კი სწავლა მთელი ქვეყნის მასშტაბით საკლასო ოთახებსა და აუდიტორიებში გაგრძელდება.

გაზაფხულის სემესტრში პანდემიის პირობებში საქართველოს განათლების სისტემა უმოკლეს დროში ადაპტირდა ახალ რეალობასთან და ჩვენ გუნდურად, უცხოელ პარტნიორებთან თანამშრომლობით, ღირსეულად და სამაგალითოდ გავუმკლავდით არსებულ გამოწვევას. შედეგად, შევინარჩუნეთ განათლების უწყვეტობა და ხარისხი. ამიტომ, ჩვენს საგანმანათლებლო სისტემას ჰიბრიდული სწავლების თვალსაზრისით უკვე საკმაო გამოცდილება აქვს მიღებული.

წინა სემესტრში პროექტი „ტელესკოლა“ იყო ერთ-ერთი მნიშვნელოვანი ბურჯი, რომელმაც საშუალება მოგვცა მაქსიმალურად შეგვენარჩუნებინა სწავლაზე ხელმისაწვდომობა. ამჟამადაც, 15 სექტემბერს, პროექტი „ტელესკოლა“ იწყებს ფუნქციონირებას. ეს იქნება დისტანციური სწავლების მნიშვნელოვანი კომპონენტი, სერიოზული დამატებითი რესურსი ყველა მოსწავლისა და მასწავლებლისთვის.

იმისათვის, რომ წარმატებით დავძლიოთ
ჩვენ წინაშე არსებული გამოწვევა, თითოეული მოქალაქისაგან საჭიროა უდიდესი მოქალაქეობრივი პასუხისმგებლობის გამოჩენა, რომ ეპიდსიტუაცია არ გაუარესდეს. მჯერა, რომ საერთო ძალისხმევით შევძლებთ ამ ყველაფერთან გამკლავებას და სასწავლო პროცესი დაუბრუნდება ჩვეულ გარემოს – ყველა სკოლაში დავბრუნდებით საკლასო ოთახებში, ხოლო უნივერსიტეტებში – აუდიტორიებში.

მე, როგორც, მინისტრი და ამ ქვეყნის რიგითი მოქალაქე, უდიდეს მადლობას გიხდით თითოეულ მოსწავლესა და მასწავლებელს, სტუდენტსა და ლექტორს, მშობელს, საგანმანათლებლო დაწესებულებების უკლებლივ ყველა თანამშრომელს თქვენი გამძლეობის, პროფესიონალიზმის, პასუხისმგებლობისა და თავდადებისთვის.

ჯანმრთელობას, წარმატებასა და დასახული მიზნების მიღწევას გისურვებთ!“

ახალგაზრდა ანალიტიკოსთა და მეცნიერთა დარბაზი ,,დოქტრინა“

18 წლის მა­რი­ამ გე­დე­ნი­ძე საფ­რან­გე­თის ერთ-ერ­თმა წამ­ყვან­მა სა­მეც­ნი­ე­რო-ტექ­ნო­ლო­გი­ურ­მა უნი­ვერ­სი­ტეტ­მა, École polytechnique-მა სწავ­ლის სრუ­ლი და­ფი­ნან­სე­ბით მი­ი­ღო.

ქარ­თვე­ლი გო­გო­ნა უკვე 2 წე­ლია, დიდი ბრი­ტა­ნე­თის Worksop College-ში სწავ­ლობს, ახლა კი, თუ სა­ცხოვ­რებ­ლის თან­ხე­ბის სპონ­სო­რის მო­ძი­ე­ბას შეძ­ლებს, პა­რი­ზის პრეს­ტი­ჟულ სა­მეც­ნი­ე­რო სას­წავ­ლე­ბელ­ში ფი­ზი­კა-მა­თე­მა­ტი­კის ფა­კულ­ტეტ­ზე ის­წავ­ლის.

École polytechnique მსოფ­ლი­ოს უნი­ვერ­სი­ტე­ტე­ბის რე­ი­ტინ­გის ასე­ულ­ში იკა­ვებს ად­გილს, საფ­რან­გეთ­ში კი ნო­მერ პირ­ველ სა­მეც­ნი­ე­რო-ტექ­ნო­ლო­გი­ურ უნი­ვერ­სი­ტე­ტად ით­ვლე­ბა. სას­წავ­ლე­ბელს უამ­რა­ვი წარ­მა­ტე­ბუ­ლი ადა­მი­ა­ნი ჰყავს აღ­ზრდი­ლი: ნო­ბე­ლის 3 ლა­უ­რე­ა­ტი, საფ­რან­გე­თის 3 პრე­ზი­დენ­ტი, ფრან­გუ­ლი თუ სა­ერ­თა­შო­რი­სო კომ­პა­ნი­ე­ბის დამ­ფუძ­ნებ­ლე­ბი.

კო­მა­რო­ვის სკო­ლის კურსდამ­თავ­რე­ბუ­ლი მა­თე­მა­ტი­კი­სა და ფი­ზი­კის მრა­ვალ, მათ შო­რის, ბრი­ტა­ნე­თის ოლიმ­პი­ა­დის ვერ­ცხლი­სა და ოქ­როს სერ­ტი­ფი­კა­ტებს ფლობს, ამის პა­რა­ლე­ლუ­რად კი უამ­რა­ვი სხვა­დას­ხვა ინ­ტე­რე­სი აქვს: სა­მო­ქა­ლა­ქო აქ­ტი­ვიზ­მი, სპორ­ტის რამ­დე­ნი­მე სა­ხე­ო­ბა, ლაშ­ქრო­ბა და ა.შ.

წყარო: ambebi.ge

ახალგაზრდა ანალიტიკოსთა და მეცნიერთა დარბაზი ,,დოქტრინა“