განათლება

6 დეკემბერს ალაბამას უნივერსიტეტში სწავლა წარმატებით დაასრულა დონზელა ვაშინგტონმა, რომელსაც 80 წლის ასაკში სოციალური მუშაკის ბაკალავრის ხარისხი მიენიჭა. მან ამავდროულად განსაკუთრებული აკადემიური მოსწრებითაც გამოიჩინა თავი: ბოლო სემესტრში მისი GPA 4.0 იყო.

ამ მიღწევით დონზელა ვაშინგტონი 144-წლიანი ისტორიის მქონე უნივერსიტეტის ყველაზე ასაკოვანი კურსდამთავრებული გახდა.

“ამით მინდა სხვებს შთაგონება და მოტივაცია მივცე, რომ ასაკი სულაც არ წამოადგენს დაბრკოლებას”, — განაცხადა ვაშინგტონმა.

ახალგაზრდა ანალიტიკოსთა და მეცნიერთა დარბაზი ,,დოქტრინა“

იტალია მომავალი წლიდან პირველი ქვეყანა გახდება, რომლის სკოლებშიც კლიმატის ცვლილების სწავლა სავალდებულო იქნება, – ამის შესახებ ქვეყნის განათლების მინისტრმა ლირენცო ფიორამონტიმ განაცხადა.

მისი თქმით, ცვლილება 2020 წლის სექტემბრიდან განხორციელდება და ქვეყანაში არსებულ სახელმწიფო სკოლებს შეეხება. საგნის სწავლებას მოსწავლეები პირველი კლასიდან დაიწყებენ სკოლაში სწავლის ბოლომდე გააგრძელებენ.

კლიმატის ცვლილების გაკვეთილებზე ბავშვებს მდგრადი განვითარების შესახებაც გაუღრმავებენ ცოდნას.

განათლების მინისტრის განცხადებით ახალ საგანს კვირაში ერთი საათი დაეთმობა.

წყარო : www.sciencealert.com

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

“სკოლის მოსწავლეებისა და პედაგოგების საყურადღებოდ! ცხოველთა მონიტორინგის სააგენტო, საზოგადოების ცნობიერების ამაღლების კამპანიის ფარგლებში, დედაქალაქის სკოლებში საინფორმაციო-შემეცნებით გაკვეთილებს ატარებს”, — წერია ცხოველთა მონიტორინგის სააგენტოს ფეისბუქის საჯარო პოსტში.

ამავე პოსტიდან ვიგებთ, რომ ახალი კამპანიის მიზანია მოზარდებში შინაური ცხოველების მიმართ სიყვარული და ჰუმანურ დამოკიდებულებები გააღვივოს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

დავით ჯინჭარაძე 2018 წელს ნიუ-იორკის აბუ- დაბის  უნივერსიტეტში ჩაირიცხა.  უნივერსიტეტს მსოფლიო მასშტაბით 11 აკადემური ცენტრი, 25-მდე მოკავშირე ქვეყანა და ათობით კამპუსი აქვს. მისი წარმატება ერთი წლით ადრე,  Flex- ის გაცვლითი პროგრამით  დაიწყო, საიდანაც ის  ამერიკის შეერთებულ შტატებში მოხვდა. „ მანამდე საზღვარგარეთ არასდროს ვყოფილვარ. ეს იყო უდიდესი გამოწვევა, რადგან მივდიოდი ოკეანის მეორე მხარეს,  სადაც ჩემს ქვეყანასთან არაფერი მაკავშირებდა. ძალიან ცოტამ იცოდა საქართველოს არსებობის შესახებ. პიროვნულად ორიენტირებული ვიყავი დამემტკიცებინა ჩემი ეროვნული იდენტობა. ვცდილობდი მაქსიმალური ინფორმაცია მიმეწოდებინა სხვებისთვის, თუ რამხელა კულტურის მატარებელია ჩემი სამშობლო.”

როგორც ამბობს,  განავითარა თავისუფალი აზროვნების უნარები. ის ხშირად საუბრობს სწავლის მეთოდების სხვაობაზე.

„ჩვენი განათლების სისტემა ძალიან განსხვავდება სხვა ქვეყნების სისტემისაგან. მთავარი განსხვავება ამერიკულ და ქართულ სკოლებს შორის საგნების სწავლების მეთოდია.ამერიკაშიცარის აუცილებელი კურსები – მათემატიკა, ისტორია და ინგლისური. თუმცა, მოსწავლე დამოუკიდებლად ადგენს თავის ცხრილს. იქ ისწავლება ისეთი მრავალფეროვანი დარგები როგორიცაა მეხანძრეობა, კრიმინალური დანაშაულის გამოძიება..   თუკი მოსწავლე გეგმავს გახდეს მეცნიერი, მისთვის ხელმისაწვდომია საუნივერსიტეტო დონის ბიოლოგია, პრაქტიკული მათემატიკა და გაძლიერებული ქიმია.”

უკან დაბრუნების შემდეგ, დავითისთვის რთული აღსაქმელი იყო ქართული რეალობა –
„უნდა აღინიშნოს მასწავლებლებისა და მოსწავლეების ურთიერთპატივისცემა.ამერიკული განათლება თავისუფლებასა და თანასწორობაზეა დაფუძნებული. ეს მოსწავლეთა გახსნილობასაც განაპირობებს. აქ გაკვეთილზე მუშაობის დროს მუსიკის მოსმენა დარღვევად არ ითვლება.”

როგორც სტუდენტი ამბობს, ამერიკიდან ჩამოსვლისთანავე იცოდა, რომ ქართული უნივერსიტეტები მოლოდინებს არ გაუმართლებდა. მან გააგზავნა განაცხადი მსოფლიო დონის უნივერსიტეტებში და მალევე დადებითი პასუხი მიიღო რამდენიმე მათგანისგან. საბოლოო არჩევანი ნიუ – იორკის აბუ-დაბის უნივერსიტეტზე(NYUAD) შეაჩერა. დავითმა სრული სასწავლო გრანტი მიიღო, რაც მოიცავს სწავლის, ცხოვრების,სასწავლო საჭიროებებისა და მგზავრობის ხარჯების ანაზღაურებას.„მილიარდობით დოლარი იხარჯება, სტუდენტებისთვის ყველა პირობაა შექმნილი სწავლისა და განვითარებისთვის. ლექტორები და სტუდენტები, თანაბარ პირობებში ცხოვრობენ კამპუსში. ძალიან მცირე შანსია, რომ ამ უნივერსიტეტში მოხვდე. ათი ათასი აპლიკანტიდან 150 შეგვარჩიეს მსოფლიოდან,“.

გაერთიანებულ საამიროებში გაფრენამდე დავითი ემზადებოდა მკაცრ გარემოსთან ასიმილაციისთვის. მისი მოლოდინით, მინიმუმ ტანსაცმელზე მაინც ექნებოდა შეზღუდვა, თუმცა ასე არ აღმოჩნდა. „მიუხედავად იმისა, რომ  ემირატები ახლო აღმოსავლეთშია, ყველაფერი არის მორგებული დასავლურ პირობებზე. საინტერესო ისაა,რომ აქ შეხვდებით მრავალი ეროვნების ადამიანს განხვავებული ფასეულობებით, მსოფლმხედველობით.“

სწავლასთან დაკავშირებით მისი მოლოდინები გამართლდა. ეს არის ლიბერალური განათლების მიქსი პროფესიონალიზმთან. ამ ეტაპზე ის სწავლობს ნეიროფსიქოლოგიასა და ტვინს. მის უნივერსიტეტში  სწავლასთან ერთად პრაქტიკული გამოცდილების შეძენაცაა შესაძლებელი. დავითი  ბიოლოგიის ლაბორატორიაში მოხალისეობს,   სადაც თაგვებში სტრესის წარმოშობის გზებს იკვლევს.

მიმდინარე წელი დავითისთვის კიდევ ერთი წარმატების მომტანი აღმოჩნდა. ის ჩაირიცხა ნიუ- იორკის უნივერსიტეტში, ამჯერად იტალიაში. „შემდეგ სემესტრს იტალიაში ვატარებ. უნივერსიტეტი გვაძლევს უცხოეთში უფასოდ სწავლის საშუალებას, რათა უცხო ქვეყნის კულტურას გავეცნოთ და ვიცხოვროთ ისე, როგორც ადგილობრივები. ყველამ მითხრა, სადაც მარტივად ვერ მოხვდები, იქ უნდა წახვიდეო. შემეძლო, ბუენოს აირესში ან სიდნეიში წასვლა.მაგრამ, ასე გადავწყვიტე, ვამჯობინე იტალია. ვფიქრობ,იქ უნდა გამოსცადო ცხოვრება, სადაც თვლი, რომ მოერგები.“

მიუხედავად იმისა, რომ ამ დროის მანძილზე დავითმა უამრავი უცხოელი მეგობარი გაიჩინა და შეისწავლიდა მათ ფასეულობებს, რთული იყო კონფლიქტური სიტუაციებისგან თავის არიდებაც. „ XXI საუკუნეში გვიწევს, სხვა კულტურის წარმომადგენლებთან ვიპოვოთ საერთო ენა. გავუზიაროთ აზრები და იდეები ერთმანეთს. შეუძლებელია სადღაც გაუგებრობა არ მოხდეს. სწორედ ამ კამათებმა მასწავლა, რომ არსებობს რაღაცები, რაც ჩემი ღირებულებების ნაწილია. თუ ეს ღირებულებები დრო და დრო იცვლება, მაშინ ის აზრი ყოფილა. საუბარი იქითკენ მიმყავს, რომ რუსეთი ოკუპანტია და საქართველოს 20 % ოკუპირებულია მის მიერ.
საერთაშორისო გარემოში ხშირად მქონია შემთხვევა, როცა მიმტკიცებდნენ, რომ კონფლიქტი ორივე ქვეყნის ბრალი იყო.ყველა კონფლიქტს არ აქვს ორი მხარე!მე არაერთხელ მითქვამს, ამ საკითხზე პრინციპული პოზიცია მაქვს — რუსეთი ოკუპანტია, და ეს გუშინ კი არა, ორი საუკუნის წინ დაიწყო.“

2020 წლის აბიტურიენტებისთვის გამოცდების ახალი მოდელით ჩატარების პრინციპის განსაზღვრის შემდეგ, დღეს ცნობილი გახდა იმ დამატებითი საგნების პირველადი ჩამონათვალი, რომლებიც უნდა ჩააბარონ აბიტურიენტებმა კონკრეტულ პროგრამაზე ჩარიცხვის სურვილის შემთხვევაში.

როგორც ცნობილია, ზოგადი უნარების გამოცდა სავალდებულო გამოცდების ნუსხიდან ამოღებულია და ის თავად უნივერსიტეტებმა უნდა აირჩიონ ან სავალდებულოდ შესთავაზონ აბიტურიენტს ან, როგორც აღმოჩნდა არჩევითად.

EDU.ARIS.GE-მ პირველად მონაცემებზე დაყრდნობით ის უნივერსიტეტები და საგანმანათლებლო პროგრამები შეკრიბა, სადაც ზოგადი უნარები ან სავალდებულოდ დააწესა უმაღლესმა, ან არჩევითად სხვა საგნებთან ერთად. მონაცემები ასე გამოიყურება:

ზოგადი უნარების გამოცდა აბიტურიენტისთვის სავალდებულოა:

ივანე ჯავახიშვილის სახელობის  თბილისის სახელმწიფო უნივერსიტეტი – საერთაშორისო სამართალი (სხვა სავალდებულო საგნებთან ერთად)

ზოგადი უნარების გამოცდის არჩევით ჩაბარება აბიტურიენტს შეუძლია შემდეგ შემთხვევაში:

თბილისის სახელმწიფო უნივერსიტეტი – საერთაშორისო ურთიერთობები. ბარდება: ზოგადი უნარები, ან გეოგრაფია (სავალდებულო საგნებთან ერთად)

თბილისის სახელმწიფო უნივერსიტეტი – სამართალი. ბარდება: ზოგადი უნარები, ან ლიტერატურა (სავალდებულო საგნებთან ერთად)

ილიას სახელმწიფო უნივერსიტეტი – სამართალი. ბარდება: ზოგადი უნარები, ან ლიტერატურა, ან სამოქალაქო განათლება (სავალდებულო საგნებთან ერთად)

საქართველოს უნივერსიტეტი – ბიზნესის ადმინისტრირება. ბარდება: ზოგადი უნარები, ან ფიზიკა, ან ქიმია, ან ბიოლოგია, ან გეოგრაფია, ან ლიტერატურა (სავალდებულო საგნებთან ერთად)

საქართველოს უნივერსიტეტი – ბიზნესის ადმინისტრირების ინგლისურენოვანი პროგრამა. ბარდება: ზოგადი უნარები, ან ფიზიკა, ან ქიმია, ან ბიოლოგია, ან გეოგრაფია, ან ლიტერატურა (სავალდებულო საგნებთან ერთად)

საქართველოს უნივერსიტეტი – ეკონომიკა. ბარდება: ზოგადი უნარები, ან ფიზიკა, ან ქიმია, ან ბიოლოგია, ან გეოგრაფია, ან ლიტერატურა (სავალდებულო საგნებთან ერთად)

საქართველოს უნივერსიტეტი – საჯარო მმართველობა. ბარდება: ზოგადი უნარები, ან ფიზიკა, ან ქიმია, ან ბიოლოგია, ან გეოგრაფია, ან ლიტერატურა (სავალდებულო საგნებთან ერთად)

საქართველოს უნივერსიტეტი – ტურიზმი. ბარდება: ზოგადი უნარები, ან ფიზიკა, ან ქიმია, ან ბიოლოგია, ან გეოგრაფია, ან ლიტერატურა (სავალდებულო საგნებთან ერთად)

წყარო : edu.aris.ge

ახალგაზრდა ანალიტიკოსთა და მეცნიერთა დარბაზი ,,დოქტრინა”