განათლება

დიღომში კომაროვის სკოლის ფილიალი გაიხსნება, რომლის პროექტირებისა და მშენებლობისთვის 11.7 მილიონი ლარია გამოყოფილი. სახელმწიფო შესყიდვა საგანმანათლებლო და სამეცნიერო ინფრასტრუქტურის განვითარების სააგენტოს აქვს გამოცხადებული. 

შედეგად, კომაროვის ახალი ფილიალის ამოქმედება დიღომში, “ახალი განათლებისა და მეცნიერების ქალაქის” პროექტის ფარგლებშია დაგეგმილი. 

პროექტით გათვალისწინებულია 3-სართულიანი შენობის აშენება. 

შესყიდვის ობიექტის მიწოდების ვადა განსაზღვრულია ხელშეკრულების გაფორმებიდან 2020 წლის 30 ივნისის ჩათვლით. 

ტენდერში წინადადებების მიღება მთავრდება 1 აგვისტოს. 

„ახალი განათლებისა და მეცნიერების ქალაქის“ მშენებლობას იანვარში ჩაეყარა საფუძველი, რომელიც დავით აღმაშენებლის ხეივნის მე-12 კმ-ზე აშენდება. 

საქართველოს განთლების, მეცნიერების, კულტურისა და სპორტის მინისტრის მოადგილე, ირინა აბულაძე, ბათუმის საერთაშორისო კონფერენციის ფარგლებში, საქართველოში იტალიის რესპუბლიკის ელჩს, ანტონიო ენრიკო ბარტოლის შეხვდა.

როგორც ანტონიო ბარტოლიმ განაცხადა,  იტალიის მთვარობის ინიციატივითა და საქართველოში იტალიის საელჩოს ძალისხმევით, სექტემბერიდან თბილისის ოც სკოლაში იტალიურის, როგორც მეორე უცხო ენის სწავლება დაიწყება.  საელჩო უზრუნველყოფს პედაგოგების გადამზადებას, მათ შრომით ანაზღაურებასა და მოსწავლეების სახელმძღვანელოებით მომარაგებას.

სამუშაო შეხვედრაზე აღინიშნა, რომ წელს პირველად, განათლების საერთაშორისო ცენტრთან თანამშრომლობის საფუძველზე, ქართველი ახალგაზრდები სამაგისტრო პროგრამას იტალიის სხვადასხვა უმაღლეს სასწავლებელში გაივლიან.

გოგონათა მათემატიკის საერთაშორისო ოლიმპიადა(EGMO 2019) საქართველოსთვის საკმაოდ წარმატებული აღმოჩნდა. 2019 წლის მათემატიკის საერთაშორისო ოლიმპიადა უკრაინაში ჩატარდა და მასში მონაწილეობა ევროპისა თუ აზიის 50-მა ქვეყანამ მიიღო.

საქართველო გოგონათა გუნდი ოთხი წევრისგან შედგებოდა:

1. თამარ კორკოტაშვილი – 16 წლის – ვერცხლის მედალი

2. ანა ონოპრიშვილი – 16 წლის – ოქროს მედალი

3. ქეთი სულამანიძე – 16 წლის

4. მარიამ ივარდავა – 15 წლის – ვერცხლის მედალი

საქართველომ აღნიშნულ საერთაშორისო ოლიმპიადაში რეიტინგში მე-11 ადგილი დაიკავა და ჩამოიტავა იაპონია, ავსტრალია, საფრანგეთი, ბრაზილია, იტალია, ნიდერლანდები, გერმანია, კანადა, საბერძნეთი, შვეიცარია, ესპანეთი, ფინეთი და კიდევ 26 სხვა ქვეყანა.

–

ოქროს მედალი სულ 19 მონაწილემ მიიღო, მათ შორის ერთ-ერთი 16 წლის ანა ონოპრიშვილია.

რეიტინგში 24-ეა – თამარ კორკოტაშვილი, 56-ე მარიამ ივარდავა, 149-ე – ქეთი სულამანიძე.

აღსანიშნავია, რომ 2018 წლის მარტში, კომაროველმა მოსწავლეებმა რუმინეთში გამართულ ინფორმატიკის საერთაშორისო შეჯიბრში ( 190 მოსწავლე 23 ქვეყნიდან) გვასახელეს – ალესანდრე ხოსიაშვილმა ოქროს, ხოლო გიორგი კლდიაშვილმა, ვანო გამეზარდაშვილმა და ნიკოლოზ ბირკაძემ კი ვერცხლის მედლები მოიპოვეს.

–

2019 წლის გოგონათა მათემატიკის საერთაშორისო ოლიმპიადის გამარჯვებული, პირველადგილოსანი ქვეყანა, ამერიკის შეერთებული შტატები გახდა.

მეორე ადგილზე – უკრაინა გავიდა, ხოლო მესამეზე – ბულგარეთი.

–