close

კულტურა

არქეოლოგიაკულტურარელიგია და მეცნიერება

“არქეოლოგებმა ბიბლიური არტეფაქტი აღმოაჩინეს, რომელიც სავარაუდოდ, მოსეს მიერ, 10 მცნების მიღებასთანაა კავშირში“ – ინსბრუკის უნივერსიტეტი კვლევის დეტალებს აქვეყნებს

223 views on
კულტურასაქართველო

თბილისს მიშელ უელბეკი ეწვევა

1.27K views on

ქართული წიგნის ეროვნული ცენტრის ინიცირებული, ფრანკფურტის წიგნის ბაზრობის სამი საპატიო სტუმარი ქვეყნის ერთობლივი პროექტის – ,,Guests of Honour Get Together-ის” ფარგლებში, თბილისს მიშელ უელბეკი ეწვევა. თანამედროვეობის ერთ-ერთი ყველაზე ცნობილი და აღიარებული ფრანგი მწერალი საქართველოს, ქართული წიგნის ეროვნული ცენტრისა და ბაკურ სულაკაურის გამომცემლობის მოწვევით, ფრანგ გამომცემელთან ერთად 23-26 ივნისს ესტუმრება. სამი დღის განმავლობაში მიშელ უელბეკს მასპინძლობას თანამედროვე ქართველი ავტორი არჩილ ქიქოძე გაუწევს.

ვიზიტის ფარგლებში, სასტუმროში Rooms Hotels Tbilisi-ში დაგეგმილია დისკუსია, რომელშიც მიშელ უელბეკთან და არჩილ ქიქოძესთან ერთად ქართული წიგნის ეროვნული ცენტრის დირექტორი – მედეა მეტრეველი და ფრანკფურტის წიგნის ბაზრობის პრეზიდენტი – იურგენ ბოსი მონაწილეობენ. რუსთაველის თეატრში გაიმართება შეხვედრა ქართველ მკითხველთან, რომელსაც მოდერაციას უელბეკის ქართული გამომცემლობის, ბაკურ სულაკაურის გამომცემლობის ხელმძღვანელი თინათინ მამულაშვილი გაუწევს. ფრანგი სტუმარი დაათვალიერებს თბილისსა და ესტუმრება ყაზბეგს.

ფრანკფურტის წიგნის ბაზრობის სამი საპატიო სტუმარი ქვეყნის ერთობლივი პროექტი – ,,Guests of Honour Get Together-ი” ფრანკფურტის წიგნის ბაზრობის ისტორიაში წელს პირველად განხორციელდება. აღსანიშნავია, რომ ფრანკფურტის წიგნის ბაზრობა აღნიშნული პროექტის ტრადიციად ქცევას აპირებს და ბაზრობის პროგრამაში ყოველწლიურ ხასიათს მიაღებინებს. პროექტის ფარგლებში, ფრანკფურტის წიგნის ბაზრობის საპატიო სტუმარი ქვეყანა – საქართველო 2017 და 2019 წლების საპატიო სტუმარი ქვეყნების – საფრანგეთისა და ნორვეგიის – მწერლებს მასპინძლობს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კულტურამსოფლიოსაქართველო

3 ქართული ჰაგიოგრაფიული ნაწარმოები გერმანულ ენაზე გამოიცემა

2.78K views on
ქართული წიგნის ეროვნული ცენტრი Georgian National Book Center-ის ხელშეწყობით, გამომცემლობის ,,Leipziger Literaturverlag-ის” მიერ გერმანულ ენაზე გამოიცემა ჰაგიოგრაფიული ნაწარმოებების კრებული: ,,შუშანიკის წამება”, ,,აბო თბილელის წამება” და ,,ევსტათე მცხეთელის მარტვილობა”.

წიგნის გერმანულენოვან თარგმანზე ივანე ჯავახიშვილმა, ნელი ამაშუყელმა და ადოლფ ფონ ჰარნაკმა იზრუნეს.
ჰაგიოგრაფიული ნაწარმოების რედაქტორები ლაშა ბაქრაძე, ვიქტორ კალინკე და იმოგენ პარე არიან.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაისტორიაკულტურასაქართველო

დღეს აკაკი წერეთლის დაბადების დღეა – საინტერესო ფაქტები მისი ცხოვრებიდან

3.98K views on

აკაკი წერეთელი 1840 წლის 21 ივნისს სოფელ სხვიტორში დაიბადა.  აკაკის მამა – როსტომ წერეთელი კარგი მოჭადრაკე,  გონებამახვილი და ენამოსწრებული მოსაუბრე ყოფილა, რასაც პოეტი თავის მოგონებებში ასე აღწერს:

„მამაჩემი… ძლიერი გონების კაცი იყო, მოსწრებული და ენა მჭევრი, თუმცა კი ხშირად ენამწარეც. დედაჩემი იტყოდა ხოლმე: „ამ ჩემ შვილებს მამამისის ენა გამოჰყვათ დახურდავებულიო“. ჩვენ ხუთნი და-ძმანი ვიყავით, ღვთის მადლით, არც ერთს არ გვქონია სუსტი ენა და აქედან შეგვიძლია ვიგულისხმოთ, თუ რა უნდა ყოფილიყო მამაჩემის დაუხურდავებელი ენა? სწორედ სასიამოვნო და საყვარელი სანახავი იყო მამაჩემი, როდესაც გუნებაზე იყო. იმას რომ სწავლა მიეღო და ცხოვრებაში განვითარება ჰქონოდა, შესანიშნავი რამე იქმნებოდა“.

აკაკის დედა – ეკატერინე, იმერეთის მეფის სოლომონ პირველისა  და  გურიის უკანასკნელი მთავრის, მამია გურიელის შთამომავალი იყო.

ოჯახში ხუთი შვილი იყო: ანა, დავითი, იასონი, აკაკი და მავრა.

ტრადიციის მიხედვით, პატარა აკაკი აღსაზრდელად ძიძას იქვე მდებარე სოფელ სავანეში მიაბარეს, სადაც ის უღარიბეს გლეხის ბავშვებთან ერთად გაიზარდა. როგორც თავად წერს მოგონებებში, ამან მასზე დიდი გავლენა მოახდინა: „არ შემიძლია არ გამოვტყდე, რომ, თუ კი რამ დარჩა ჩემში კარგი და კეთილი, უფრო იმის წყალობით, რომ მე სოფელში ვიყავი გაბარებული და გლეხის შვილებთან ერთად ვიზრდებოდი“ –  წერს აკაკი.

როგორც ცნობილია, პოეტს 8-10 წლის ბავშვს უკვე რამდენჯერმე ჰქონდა გადაკითხული „ვეფხისტყაოსანი“.

რაც შეეხება მის სიყვარულის ისტორას, როგორც ცნობილია, მისი მეუღლე ნატალია ბაზილევსკაია იყო. საინტერესოა, რას წერს ამაზე აკაკი:

„ნურავინ ნუ დაიჩემებს: მომავალში ამას ვიზამ, თუ იმასო! მე გადაწყვეტილი მქონდა გუნებაში, რომ ცოლი არ შემერთო და მერე ისიც უცხოელი, მაგრამ შემთხვევას ყველაფერი შესძლებია!“ 

პოეტმა ქალი რუსეთში ყოფნისას გაიცნო, მასზე დაქორწინდა. მათზე საკმაოდ ბევრი ჭორი დადიოდა, რაც აკაკის საკმაოდ სწყინდა.

აუცილებლად უნდა აღინიშნოს წერეთლის როლი ქართული სატირული ჟურნალისტიკის განვითარებაში – მისი რედაქტორობით გამოვიდა პირველი ქართული სატირული ჟურნალი ,,ხუმარა”, რომელიც საკმაოდ სარკასტული იყო და ამის გამო პოეტს რამდენიმე დღე ციხეში ყოფნაც კი მოუწია.

აკაკი ქართულ ენას ძალიან აფასებდა. აი, რას წერს ის თავის ერთ-ერთ წერილში:

„ძვირად, რომელიმე ხალხი გვეგულება, რომ ქართველებსავით მდიდარი ლექსიკონი ჰქონდეს… არა, ჩვენი ენა მდიდარი არის. ძვირად დარჩენილა ენა, რომელსაც არ შემოეწიროს ჩვენთვის რამდენიმე სიტყვა.”

პოეტი 1915 წლის 8 თებერვალს 75 წლის ასაკში ავადმყოფობის შედეგად გარდაიცვალა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კულტურასაქართველო

თუშეთის ორ სოფელს და 8 ნასოფლარს უძრავი ძეგლის სტატუსი მიენიჭა

1.39K views on

თუშეთში მდებარე სოფლებს – კვავლოს და ფარსმას, ასევე, ნასოფლარებს – აგეურთას, გირევს, დაქიურთას, ძველ დიკლოს, ინდურთას, წაროს, ჭონთიოსა და ჰეღოს  კულტურული მემკვიდრეობის უძრავი ძეგლის სტატუსი მიენიჭა.

შესაბამისი სამართლებრივი აქტი კულტურული მემკვიდრეობის დაცვის ეროვნული სააგენტოს გენერალურმა დირექტორმა 2018 წლის 15 ივნისს გამოსცა.

ყველა აღნიშნული სოფელი და ნასოფლარი გვიანი შუა საუკუნეების (XV-XVIII ს.ს.) არქიტექტურული ძეგლია.

მთავრობის გადაწყვეტილებით, ძველი დიკლოს, გირევის, ჭონთიოს, ჰეღოს, აგეურთას, წაროს, კვავლოს, ფარსმას, დაქიურთას და ინდურთას რეაბილიტაციისთვის კვლევითი სამუშაოები დაიწყება.

 

წყარო: რეგინფო

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კულტურასაქართველო

ბარათაშვილის სახლ-მუზეუმში „ფლირტის საღამო“ გაიმართება

1.69K views on

თბილისის მუზეუმების გაერთიანება აგრძელებს სალონური შეხვედრების ციკლს ნიკოლოზ ბარათაშვილის მემორიალურ სახლ-მუზეუმში, ამიტომაც, ზაფხულის საღამოების გასამრავალფეროვნებად და უფრო მხიარულად გასატარებლად გიწვევთ ,,ფლირტის საღამოზე”.

ფლირტი ანუ ,,ყვავილების ენა” XIX საუკუნის აღმოსავლური (სპარსული) თამაშია. ევროპაში, ორი ადამიანის ჩანაწერების შედეგად მოხვდა. მათგან ერთ-ერთი ლედი მერი იყო, ბრიტანეთის ელჩის მეუღლე სტამბულში. 1717 წელს მან ფლირტი თავის წერილებში, როგორც ,,სიყვარულის საიდუმლო ენა” აღწერა. ჩანაწერი, 1763 წელს მისი გარდაცვალების შემდეგ გამოქვეყნდა და დიდი პოპულარობა მოიპოვა. განსაკუთრებით დააინტერესა ვიქტორიანულ ინგლისისა და საფრანგეთის არისტოკრატული საზოგადოება. 1830 წელს რუსეთში გამოიცა წიგნი, რომელშიც 400-მდე ყვავილის ენა იყო აღწერილი.

საქართველოში, ,,ფლირტი” ლიტერატურული სალონების ერთ-ერთი ყველაზე საყვარელი გასართობი გახლდათ და თამაშის მონაწილეს საშუალებას აძლევდა ეარშიყა.

ნიკოლოზ ბარათაშვილის სახლ-მუზეუმი „ფლირტის საღამოზე“ მისულ სტუმრებს 22 ივნისს საღამოს 19:00 საათიდან მიიღებს.

დასწრება თავისუფალია!

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კულტურასაქართველო

დღეს ნატო ვაჩნაძის დაბადების დღეა

1.79K views on

ყველა დროის ულამაზეს ქართველ მსახიობ ქალად აღიარებული ნატო ვაჩნაძე 1904 წლის 14 ივნისს ვარშავაში დაიბადა.  მამა – გიორგი ანდრონიკაშვილი ვარშავაში მსახურობდა, მას შემდეგ კი, რაც ვლადიკავკაზის თერგის ოლქის უფროსად დანიშნეს, ოჯახით საქართველოში ჩამოვიდა. დედა – ეკატერინე სიმონის ასული სლივიცკაია პოლონელი იყო.

მსახიობობაზე არასოდეს უფიქრია. მაგრამ, ერთ მშვენიერ დღეს, რუსთაველზე, შიხმანების ფოტოატელიეში, ნატოს ფოტო ნახა რეჟისორმა ამო ბეკ-ნაზაროვმა, ნატო მოაძებნინა და იგი თავის ფილმში („მამის მკვლელი”) მიიწვია. მაგრამ ამოს ვლადიმერ ბარსკიმ დაასწრო და ნატო პირველმა გადაიღო ფილმში „არსენა ყაჩაღი”. იქიდან მოყოლებული ნატო ვაჩნაძე არაერთი ქართული (და არა მხოლოდ) კინოშედევრის სახე გახდა.

ნატო ვაჩნაძე გარდაიცვალა 1953 წელს. თვითმფრინავი, რომლითაც ის მოსკოვიდან თბილისში მოფრინავდა, მთებს შეეჯახა და აფეთქდა. ნატოს დამწვარი სხეული მისმა დამ კირა ანდრონიკაშვილმა საგვარეულო პატარა ბრილიანტის ბეჭდით ამოიცნო. დაკრძალულია მწერალთა და საზოგადო მოღვაწეთა დიდუბის პანთეონში.

ნატო ვაჩნაძეს მონაწილეობა აქვს მიღებული ისეთ ცნობილ ფილმებში, როგორიცაა – ,,არსენა ყაჩაღი”, ,,მამის მკვლელი”, ,,არსენა”, ,,აკაკის აკვანი”, ,,ქეთო და კოტე” და ა.შ.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქიტექტურა/დიზაინიისტორიაკულტურასაქართველო

ქართველ ექსპერტთა ჯგუფი ოშკის სარეაბილიტაციო პროცესის მოსამზადებელ ეტაპს გაეცნო

1.32K views on

თურქეთის რესპუბლიკის ერზრუმის პროვინციაში (ისტორიულ ტაო–კლარჯეთში), ოშკის ტაძრის გუმბათის გამაგრებით სამუშაოების მიმდინარეობის პროცესზე დასაკვირვებლად ქართველ სპეციალისტთა ჯგუფის პირველი ვიზიტი დასრულდა.

არქიტექტორ–რესტავრატორის, არქეოლოგის, ხელოვნებათმცოდნისა დაკონსტრუქტორისაგან დაკომპლექტებული ჯგუფი მე-10 საუკუნის კულტურული მემკვიდრეობის ტაძარზე სარეაბილიტაციო პროცესის მოსამზადებელ  ეტაპს გაეცნო.

ოშკის რეაბილიტაციის პროექტის მოსამზადებელი ეტაპი, რომელსაც ქართველი სპეციალისტების აქტიური ჩართულობით  თურქეთის მხარე სრულად უზრუნველყოფს,  ტაძრის კონსტრუქციული ნაწილის სრულფასოვან შესწავლას და სათანადო რეკომენდაციების საფუძველზე საპროექტო დოკუმენტაციის მომზადებას გულისხმობს. წინა სარეაბილიტაციო  ეტაპი ტაძრის გუმბათის ყელის კონსტრუქციულ გამაგრებასაც მოიცავს, რასაც თურქი არქიტექტორ-რესტავრატორები ქართველი კოლეგების მიერ გადაცემული პროექტის მიხედვით მომზადებული ძალოვანი ხარაჩოს მეშვეობით განახორციელებენ. აღნიშნული სამუშაოების ფარგლებში ეს  ქართველ ექსპერტთა პირველი ვიზიტი იყო, შემდგომ ეტაპზეც ისინი აქტიურად ჩაერთვებიან და პროცესს დააკვირდებიან.

თურქი სპეციალისტები უზრუნველყოფენ ტაძრის მთლიანი ქსოვილის ზემგრძნობიარე დეტექტორებით აღჭურვას, რომელთაგან მიღებულ ციფრულ მონაცემებზე დაყრდნობით განისაზღვრება  ოშკის ყველა კონსტრუქციული ბზარის რეგრესული დინამიკა, დადგინდება  მათი წარმოქმნის რეალური მიზეზები და პროგრესირების ხარისხი. ტაძრის  ქსოვილის ყველა მნიშვნელოვან სეგმენტზე ელექტრონული აპარატურის განთავსება სწორედ  ძალოვანი ხარაჩოს მეშვეობით განხორციელდება. მოპოვებულ მონაცემებს კი სტამბულში, სპეციალურად ოშკის ტაძრის სარეაბილიტაციოდ შეკრებილი სწავლულ ექსპერტთა ჯგუფი შეისწავლის, რომელთა მეთოდოლოგიური რეკომენდაციების საფუძველზეც მომზადდება ოშკის სრულმასშტაბიანი სარეაბილიტაციო გეგმა და საპროექტო დოკუმენტაციაც.  სტამბულში მომუშავე ჯგუფის შეამდგენლობაში საქართველოდან წარგზავნილი არქიტექტორ-რესტავრატორიც ჩაერთვება.

მოსამზადებელი ეტაპის ფარგლებში, ოშკის ტაძრის ტერიტორიაზე ჩატარდება გეოლოგიური კვლევებიც. სარეაბილიტაციო პროცესის მსგავსად, კულტურული მემკვიდრეობის ძეგლზე დაგეგმილი არქეოლოგიური კვლევის პროცესიც ქართველი არქეოლოგების აქტიური ზედამხედველობის ქვეშ წარიმართება. ამჟამად  არქეოლოგების მონიტორინგის ქვეშ ოშკზე  უკვე მიმდინარეობს XX საუკუნის დასაწყისში დაფიქსირებული იატაკის გაწმენდითი სამუშაოები,  რომელიც  ექვთიმე თაყაიშვილისეულ  ნაშრომებშია  დაფიქსირებული.

თურქეთში წარგზავნილი სამეცნიერო ჯგუფის წევრების დასკვნის მიხედვით, ოშკის ტაძარზე მიმდინარე მასშტაბური პროცესი კვალიფიციურად ვითარდება.

თურქული მხარის მიწვევით ერზრუმის პროვინციაში მყოფ სპეციალისტების ჯგუფს თან ახლდა  თურქეთში საქართველოს  საგანგებო და სრულუფლებიანი ელჩი ირაკლი კოპლატაძე და საელჩოს მრჩეველი დიანა მალაზონია, რომელთა აქტიური თანამონაწილეობითაც განხორცილდა ქართველი სპეციალისტების ოშკის სარეაბილიტაციო პროცესში დროული ჩართვაც.

ოშკის გუმბათზე გამაგრებითი სამუშაოები საქართველოსა და თურქეთის მთავრობებს შორის 2017 წლის 23 მაისს ხელმოწერილი იმ დოკუმენტის საფუძველზე ხორციელდება, რომელიც 2 ქვეყანას შორის კულტურული მემკვიდრეობის დაცვის სფეროში თანამშრომლობის ფართო სპექტრს მოიცავს.

ოშკის წმინდა იოანე ნათლისმცემლის სახელობის ტაძარი მე-10 საუკუნეშია აშენებული.იგი ორნამენტების სიუხვით და ქვაზე კვეთილი გამოსახულებებით გამოირჩევა.ოშკისამონასტრო კომპლექსს წარმოადგენდა. ტაძრის გვერდით დღემდე შემორჩენილია ასევე სასულიერო აკადემიის ნანგრევები და სამლოცველო.

 

 

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქეოლოგიაარქიტექტურა/დიზაინიკულტურარელიგია და მეცნიერებასაქართველო

მიწისძვრის გამო დანგრეულ ჯრუჭის მონასტერს აღადგენენ

1.81K views on

საჩხერის მუნიციპალიტეტში 1991 წლის მიწისძვრის გამო დანგრეული ჯრუჭის მონასტრის რეაბილიტაცია იწყება. პროექტი გარდამავალია და ორწლიანი სამუშაოების სატენდერო ღირებულება შეადგენს 685 000 ლარს.

თანხა გამოიყოფა რეგიონული განვითარების ფონდისა და ადგილობრივი ბიუჯეტის 5% თანადაფინანსებით.

ჯრუჭის მონასტერი X საუკუნეშია დაარსებული და ერთ-ერთ გამორჩეულ კულტურულ და საგანმანათლებლო კერას წარმოადგენდა. ცნობილია ჯრუჭის სახარება (ოთხთავი), რომელიც ქართული კალიგრაფიის უბრწყინვალეს ნიმუშს წარმოადგენს და დაცულია საქართველოს კორნელი კეკეკლიძის სახელობის ხელნაწერთა სახელმწიფო ინსტიტუტში.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკულტურასაქართველო

ბორჯომი სამუზეუმო ქალაქი გახდება

1.56K views on

ბორჯომი სამუზეუმო ქალაქი გახდება. ამ ინფორმაციას საქართველოს კულტურისა და სპორტის სამინისტრო ავრცელებს.

უწყების ცნობით, საქართველოს კულტურული მემკვიდრეობის დაცვის ეროვნული სააგენტოს პროექტი „ბორჯომი-სამუზეუმო ქალაქი“ XIX-XX საუკუნეების მიჯნაზე აგებული ხუთი უნიკალური ისტორიული შენობის რეაბილიტაციას, ერთი საიტი-ატრაქციის შექმნასა და ერთიან სამუზეუმო კონცეფციაში მოქცევას ითვალისწინებს.

პროექტის მიხედვით ბორჯომში ხუთი მუზეუმი იმუშავებს. ესენია:

• ახალი კავალერიის კორპუსში – გამოყენებითი ხელოვნების მუზეუმი;

• რომანოვების ყოფილ კანცელარიაში – ბორჯომის მხარის ისტორიის მუზეუმი;

• მოლდენჰაუერის ჰიდროელექტროსადგურის შენობაში – ინდუსტრიული მემკვიდრეობის მუზეუმი;

• ბორჯომის მინერალური წყლის ქარხანაში – ბორჯომის მინერალური წყლის ისტორიის მუზეუმი;

• ლიკანის სასახლეში – სასახლე-მუზეუმი და მრავალფუნქციური კომპლექსი;

ასევე, კულტურული მემკვიდრეობის დაცვის ეროვნული სააგენტოს ინიციატივით, მოეწყობა საიტი- ატრაქცია. ღია ცის ქვეშ ,,პირველი რკინიგზა”, რომელიც პირველი ორთქმავლისა და ცემი-ბაკურიანის ეიფელის სარკინიგზო ხიდის გამოყენებით იქნება შექმნილი.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქიტექტურა/დიზაინიკულტურასაქართველო

ახალქალაქში მერენიის ეკლესიას კულტურული მემკვიდრეობის ძეგლის სტატუსი მიენიჭა

1.45K views on

ახალქალაქის მუნიციპალიტეტის სოფელ მერენიაში მდებარე X ს-ის ეკლესიას კულტურული მემკვიდრეობის უძრავი ძეგლის სტატუსი მიენიჭა.

კომპლექსი მოიცავს ეკლესიას, ნაგებობათა ნაშთებს და გალავანს. ის მდებარეობს სოფელ მერენიის ჩრდილო-აღმოსავლეთით, სამსარის სოფლებისკენ მიმავალი გზის ნაპირზე. ეკლესია ნაგებია დამუშავებული ყვითელი ქვით.

ტაძრის მორთულობას წარმოადგენდა ტაძრისა და სამხრეთი მინაშენის სარკმელთა საპირეები, რომლებიც გრეხილი ლილვით იყო მოჩარჩოებული და სრულდებოდა ჯვრის გამოსახულებით. გალავანი დიდი ზომის ნატეხი ქვის მშრალი წყობითაა ნაგები. დასავლეთით მასში კარია გაკეთებული, რომელიც სამი დიდი ფილითაა გადახურული. კომპლექსის სხვა ნაგებობებიდან მხოლოდ საძირკვლის კონტურები იკითხება.

მათი დანიშნულების გარკვვევა ამჟამად, არქეოლოგიური გათხრების გარეშე, შეუძლებელია.

სრულად ნახვა
1 … 17 18 19 20 21 … 24
Page 19 of 24