კვლევები

ამერიკელმა ექიმმა-დიეტოლოგმა ჰოლი კლამერმა დაასახელა სასმელი, რომელიც ხელს უწყობს ღამის ძილის გაუმჯობესებას. ამის შესახებ Eat This, Not That!-ი წერს.

სპეციალისტის თქმით, ძილის ხარისხი გაუმჯობესდება, თუ ალუბლის წვენს რეგულარულად მიირთმევთ. „ძილის წინ ამ წვენის დალევა სწრაფად ჩაძინებაში დაგვეხმარება. საქმე იმაშია, რომ ალუბალი შეიცავს მელატონინს. ეს არის ჰორმონი, რომელიც ძილის ციკლის მოწესრიგებაში გვეხმარება“, – ამბობს კლამერი.

მისივე თქმით, ჩატარდა კვლევა, რომლის ფარგლებშიც, 1 კვირის განმავლობაში მონაწილეების ნაწილი ალუბლის წვენს მიირთმევდა, ნაწილი კი – პლაცებოს. 7 დღის შემდეგ პირველი ჯგუფის მონაწილეებს ძილის ხარისხი შესამჩნევად გაუუმჯობესდა.

ანალიტიკოსთა და მეცნიერთა დარბაზი “დოქტრინა”

მილიონობით ადამიანი მთელ მსოფლიოში ყოველდღიურად მოიხმარს კოკა-კოლას. ფიქრობს ვინმე იმაზე, თუ რა მოუვა სხეულს, თუ კოკა-კოლას დალევა ყოველდღიურ ჩვევად აქცევთ?

უცხოური გამოცემა  ჯანმრთელობის ექსპერტების კვლევებსა და კომენტარებზე დაყრდნობით ამის შესახებ წერს.

კოკა-კოლა – 5 გვერდითი მოვლენა:

სისხლში შაქრის მაღალი და დაბალი დონე – ჩვეულებრივი არომატული კოკა-კოლის სტანდარტული ქილა შეიცავს თითქმის 39 გრამ შაქარს, რაც შეადგენს რეკომენდებული დღიური მნიშვნელობის დაახლოებით 77%-ს; რამდენიმე ყლუპმა შეიძლება გამოიწვიოს შაქრის ძლიერი მომატება.

ტიპი 2 დიაბეტის განვითარების რისკი –  არსებობს კორელაცია ტკბილი სასმელების დალევასა და სიმსუქნის და/ან ტიპის 2 დიაბეტის განვითარებას შორის

სტომატოლოგიური პრობლემები – სასმლის ყავისფერმა შეფერილობამ შეიძლება გამოიწვიოს კბილების გაყვითლება ხანგრძლივი პერიოდის განმავლობაში;

სიცოცხლის ხანგრძლივობის შემცირება – კოკა-კოლის რეგულარულად დალევამ, შესაძლოა, რეალურად შეამციროს თქვენი პოტენციური სიცოცხლის ხანგრძლივობა;

სიმსუქნის რისკი – კოკა-კოლა მზადდება დამატებული შაქრით და არ შეიცავს ბოჭკოს, პროტეინს ან ჯანსაღ ცხიმებს.

ექსპერტები ხაზს უსვამენ, რომ თუ ადამიანს ნამდვილად უყვარს ეს სასმელი და მასზე უარის თქმა არ შეუძლია, უნდა ეცადოს ის ზომიერად მიიღოს.

ანალიტიკოსთა და მეცნიერთა დარბაზი – ,,დოქტრინა”

მცირე რაოდენობის შუქის ფონზე ძილის დარღვევა შეუძლია, რაც ასაკოვან ზრდასრულებში ჯანმრთელობის სერიოზულ რისკებს ქმნის. ამის შესახებ CNN-ი ნორსვესტერნის უნივერსიტეტის ახალ კვლევაზე დაყრდნობით იტყობინება.

ტელეარხის ცნობით, კვლევაში 552 ქალი და კაცი მონაწილეობდა, რომელთა ასაკიც 63 – 84 წელს შორის მერყეობს. მეცნიერებმა მათ სპეციალური მოწყობილობები დაურიგეს, რომელიც ძილის ციკლებს, ძილის დროს მოძრაობასა და შუქის რაოდენობას ზომავდა.

კვლევის მონაწილეთა 53%-ზე მეტს ძილის დროს ოთახში ამა თუ იმ ფორმით შუქი ჰქონდათ ჩართული (სანათები, ტელევიზორი და ა.შ.). აღმოჩნდა, რომ რაც უფრო ინტენსიურია შუქი, მით უფრო მაღალი იყო ადამიანებში დიაბეტის, ჭარბი წონისა და ჰიპერტენზიის განვითარების შემთხვევები.

ასევე დადგინდა, რომ შუქი ძილის ციკლს არღვევს. კერძოდ კი, მის იმ სტადიას, რომლის დროსაც უჯრედების განახლება ხდება.

ანალიტიკოსთა და მეცნიერთა დარბაზი – ,,დოქტრინა”

ოპერაციამდე მუსიკის მოსმენას დამამშვიდებელი მედიკამენტების ეფექტი აქვს, ამ დასკვნამდე ამერიკელი მეცნიერები მივიდნენ. თემაზე სტატია BBC-მ რამდენიმე მაგალითსა და კვლევაზე დაყრდნობით მოამზადა. 

სიმღერა ამცირებს შფოთვას, დადებითად მოქმედებს არტერიულ წნევასა და გულისცემაზე-ამის თქმის საფუძველს მეცნიერებს ჩატარებული კვლევა აძლევს.

კვლევის მონაწილე 157 ადამიანიდან უმეტესობა ამბობს, რომ უპირატესობას მათ მიერ შერჩეული მუსიკის მოსმენას ანიჭებენ.

ექსპერიმენტის მონაწილეებს დამამშვიდებელი საშუალება მიაღებინეს, მეორე ჯგუფს კი ბრიტანული ბენდის მუსიკა მოასმენინეს-შედეგად პაციენტის შფოთვა ორივე მხარეს იდენტურ დონეზე შემცირდა, ამტკიცებენ მკვლევარები.

პენსილვანიის უნივერსიტეტის პროფესორი ვიინა გრაფი ამბობს, რომ მუსიკა ტვინს ემიციური ფონისგან ათავისუფლებს და ახალისებს ნერვულ სისტემას.

„ეს ნიშნავს, რომ პაციენტებს შეუძლიათ, თავიანთ სამყაროში კომფორტულად იგრძნონ თავი და მთლიანად აკონტროლონ ის“. – ამბობს პროფესორი.

ანალიტიკოსთა და მეცნიერთა დარბაზი – ,,დოქტრინა”

კლიმიტის ცვლილებასთან ბრძოლის ყველაზე ეფექტური საშუალება ახალი ტყეების გაშენებაა- ასეთია შვეიცარიელი მეცნიერების დასკვნა. ამის შესახებ Deutsche Welle წერს.

ციურიხის ტექნიკური ინსტიტუტის ექსპერტების განმარტებით, ტყეებს შეუძლიათ ნახშირორჟანგის გამოყოფის მოცულობა ორი მესამედით შეამცირონ.

კვლევის ავტორების თქმით, გლობალური დათბობის შესაჩერებლად ატმოსფეროში არა მხოლოდ ნახშირორჟანგის გამოყოფის შემცირებაა საკმარისი, არამედ აუცილებელია მთლიანობაში 1 მილარდი ჰექტარი ტყის გაშენება.

სპეციალისტები მიიჩნევენ, რომ ყველაზე დიდი პოტენციალი ახალი ტყეების გასაშენებლად რუსეთს აქვს. ამავე სიაში არიან აშშ, კანადა, ავსტრალია, ბრაზილია და კანადა.

ამ დროისთვის დედამიწაზე ტყის მასივების საერთო ფართობი 2,8 მილიარდ ჰექტარს შეადგენს.

ანალიტიკოსთა და მეცნიერთა დარბაზი – ,,დოქტრინა”

ბრიტანელმა გენეტიკოსებმა დაადგინეს, რომ მოწვევა შიზოფრენიისა და დეპრესიის განვითარების რისკს ზრდის. მათი კვლევა Psychological Medicine-ში გამოქვეყნდა.

ექსპერიმენტისთვის სპეციალისტებმა ნახევარ მილიონ ადამიანს დნმ-ს ანალიზი ჩაუტარეს. საბოლოოდ, მეცნიერებმა დაასკვნეს, რომ ადამიანები, რომლებსაც შიზოფრენია და დეპრესია აქვთ, ექსპერიმენტის სხვა მონაწილეებზე გაცილებით მეტს ეწეოდნენ.

გენეტიკოსები მიიჩნევენ, რომ ნიკოტინი უარყოფითად მოქმედებს ტვინის ნეირომედიატორებზე, სეროტონინსა და დოფამინზე, რომლებიც შიზოფრენიისა და დეპრესიის განვითარებაში მონაწილეობენ.

ანალიტიკოსთა და მეცნიერთა დარბაზი – ,,დოქტრინა”

შოკოლადის მოხმარება არ აუმჯობესებს იმ ადამიანების განწყობას, რომლებიც დეპრესიით იტანჯებიან, მიუხდავად იმისა, რომ სხვადასხვა გამოცემები საპირისპიროს ამტკიცებენ. ამის შესახებ MedicalХpress-ი წერს.

გამოცემის მტკიცებით, არ არსებობს იმის მტკიცებულება, რომ შავი შოკოლადის მოხმარება ადამიანებს დეპრესიისგან დაიცავს.

გამოცემის კვლევაში „დეპრესია და შფოთვა“ საუბარია შავი შოკოლადის დადებით გავენაზე კლინიკური დეპრესიის მქონე ადამიანებზე, თუმცა MedicalХpress-ი ამ არგუმენტებს უარყოფს. გამოცემა არ ეთანხმება მეცნიერების მოსაზრებებს, რომლებიც ამტკიცებენ, რომ შავი შოკოლადი პაციენტების განწყობაზე გავლენას ახდენს.

გამოცემის ოპონენტები იმ ფაქტს ეყრდნობიან, რომ ექსპერიმენტის მონაწილეები დაახლოებით 12 გრამ შოკოლადს მიირთმევდნენ, რის შემდეგაც მათი განწყობა უმჯობესდებოდა. თუმცა ისინი, რომლებიც დღეში 100 გრამზე მეტ შოკოლადს მიირთმევდნენ, საერთოდ არანაირ შედეგს არ ხედავდნენ.

MedicalХpress-ის მტკიცებით, ამ შემთხვევაში საუბარი შეიძლება დამთხვევაზე და არა სამეცნიერო ესპერმენტზე.

ჯანმრთელობის ინსტიტუტის მეცნიერის ბენ დესბროუს თქმით, სასურველია შავი შოკოლადის არჩევა, თუმცა ეს დეპრესიაზე არანაირ გავლენას არ ახდენს.

ანალიტიკოსთა და მეცნიერთა დარბაზი – ,,დოქტრინა”

ამერიკელმა მეცნიერებმა დაასკვნეს, რომ ოპტიმისტ ადამიანებს ხანგრძლივი ცხოვრების უფრო დიდი შანსი აქვთ, ვიდრე მათ, ვისაც ცხოვრებაზე ნეგატიური შეხედულებები აქვთ. ამის შესახებ BBC წერს.

ბოსტონის მედიცინის სკოლის სპეციალისტებმა აღმოაჩინეს, რომ ადამიანები, რომლებსაც სიცოცხლისადმი პოზიტიური დამოკიდებულება აქვთ, ხშირად 85 წლამდე ცოცხლობენ.

მათი ჰიპოთეზა იმაში მდგომარეობს, რომ ოპტიმისტებს მარტივად შეუძლიათ ემოციების კონტროლი, ამიტომაც ისინი სტრესის უარყოფითი ეფექტებისგან უფრო მეტად არიან დაცულები.

კვლევაში ადამიანების 2 ჯგუფი მონაწილეობდა: 70 000 ქალი და 1500 კაცი. სპეციალისტები მათი ოპტიმიზმის დონეს და ჯანმრთელობის საერთო მდგომარეობას ამოწმებდნენ. გარდა ამისა, მათ კითხვებს უსვამდნენ ფიზიკურ დატვირთვაზე, დიეტაზე, მოწევასა და ალკოჰოლის მოხმარებაზე.

როგორც გაირკვა, ოპტიმისტი ადამიანების სიცოცხლის ხანგრძლივობა საშუალოდ 11-15%-ით მეტი იყო, ვიდრე იმ ადამიანების, ვინც ნაკლებად ოპტიმისტი იყო.

ანალიტიკოსთა და მეცნიერთა დარბაზი – ,,დოქტრინა”

ქალები, რომლებთაც განუცდიათ სექსუალური ძალადობა, სამუშაო ადგილზე სექსუალური შევიწროება ან ორივე ერთად, აქვთ მაღალი არტერიული წნევის განვითარების გრძელვადიანი რისკი, იმ ქალებთან შედარებით, რომელთაც მსგავსი ტრავმა არ აქვთ, – ამის შესახებ CNN-ი ახალ კვლევაზე დაყრდნობით წერს.

„ჩვენი კვლევის დასკვნა ხაზს უსვამს მრავალჯერადი სექსუალური ძალადობის ზემოქმედების პოტენციურ ეფექტს ქალების გულ-სისხლძარღვთა სისტემის ჯანმრთელობაზე“, – ამბობს კვლების ავტორი, ჰარვარდის უნივერსიტეტის საზოგადოებრივი ჯანდაცვის სკოლის წარმომადგენელი, რებეკა ლოუნი.

კვლევა 33 ათასზე მეტი ქალის 2008 წლიდან შეგროვებულ მონაცემებს აერთიანებ

ანალიტიკოსთა და მეცნიერთა დარბაზი – ,,დოქტრინა”