მომავალი თვის დასაწყისში ევკლიდის კოსმოსური ტელესკოპი ფლორიდაში მდებარე კეიპ კანავერალიდან კოსმოსში გაემგზავრება და ერთი მილიარდი გალაქტიკის კვლევას დაიწყებს. კვლევის ფარგლებში, ტელესკოპი ცის ერთ მესამედზე მეტს დაფარავს. მიუხედავად იმისა, რომ ამოცანა უზარმაზარია, ევკლიდის მთავარი მიზანია მის მიერ შეგროვებული მონაცემები დავიდეს ერთ რიცხვამდე, რომელიც w-ით აღინიშნება.
w აღწერს ბნელი ენერგიის ეფექტს, იდუმალ ანტიგრავიტაციულ ძალას, რომელიც აჩქარებს სამყაროს გაფართოებას. მონაცემებზე დაყრდნობით მეცნიერები ვარაუდობენ, რომ w არის -1-თან ახლოს მდებარე რიცხვი და თუ ასეა, მეცნიერები დარწმუნდებიან, რომ ბრნელი ენერგია არც ისეთი ძლიერია, როგორიც მათ აქამდე ეგონათ. სამყაროს გაფართოებასთან ერთად, მეტი სივრცის წარმოშობასთან ერთად, ბნელი ენერგიის მთლიანი რაოდენობაც იზრდება ისე, რომ ენერგიის სიმკვრივე ყოველთვის რჩება მუდმივი.
„თუ w უდრის -1-ს, ჩვენ ჯერ კიდევ არ ვიცით რა არის ეს“, ამბობს ლონდონის საუნივერსიტეტო კოლეჯის ასტროფიზიკოსი ოფერ ლაჰავი. მცირე გადახრა -1-დან ან, კიდევ უკეთესი, w-ის მნიშვნელობიდან, რომელიც დროთა განმავლობაში იცვლება, შეიძლება კოსმოლოგებს მიანიშნებდეს ახალი, ყოვლისმომცველი თეორიისკენ, რომელიც გულისხმობს ფიზიკის ახალ გაგებას.
ევკლიდი პირველი მულტიმილიარდიანი პროექტია, რომელსაც სულ მალე ექნება დებიუტი.
„საზოგადოება მილიარდობით დოლარს ხარჯავს იმის გასაგებად, უდრის თუ არა w –1-ს. თუ ეს ასე არ არის, სავარაუდოდ, კიდევ ერთი ნობელის პრემიაც შეიძლება მივიღოთ“, – ამბობს მეცნიერი.
მკვლევრები იმედოვნებენ, რომ ტელესკოპები შეამცირებენ კოსმოლოგიური მუდმივობის ალტერნატივების მზარდ ჩამონათვალს, მათ შორის აინშტაინის გრავიტაციის თეორიის გადასინჯვას.
კვლევის ფარგლებში ევკლიდი დაფარავს ცის 36%-ს. ის სულ რაღაც ორ დღეში დაათვალიერებს იმდენ ცას, რამდენიც ჰაბლის კოსმოსურმა ტელესკოპმა სამ ათწლეულში დაათვალიერა და დააფიქსირებს დაახლოებით 10 მილიარდ გალაქტიკას, ვარსკვლავს და მზის სისტემის ობიექტებს.
ანალიტიკოსთა და მეცნიერთა დარბაზი “დოქტრინა”
