კვლევები

“ფაიზერით” ვაქცინირებული ქალების ნაწილს ნორვეგიაში მკერდის ზრდა დაეწყო.

როგორც ადგილობრივი საინფორმაციო პორტალი NRK წერს, მსგავსი უცნაური გვერდითი ეფექტის შესახებ პირველმა სოციალურ ქსელში 17 წლის ემა ფეკკმა დაწერა, რომელმაც ვაქცინირებიდან ორი კვირის თავზე შენიშნა, რომ ერთი ზომით დიდი ბიუსტჰალტერი ესაჭიროებოდა.

„ეს ჩემთვის ერთგვარი კრიზისი იყო. დამჭირდა შემეძინა ერთი ზომით დიდი ბიუსტჰალტერი“, — წერდა ემა სოციალურ ქსელში, მან ტიკ-ტოკზე ვიდეოც გამოაქვეყნა.

პოსტის კომენტარებიდან გაირკვა, რომ ანალოგიური სიტუაცია ჰქონდა არაერთ სხვა ქალსაც.

გამოცემის ცნობით, როგორც ექიმ ჰენრიხ ბაკმანს მიაჩნია, აღწერილ სიმპტომებს შესაძლოა სრულიად ბუნებრივი მიზეზი ჰქონდეს: აცრის შემდეგ ლიმფური კვანძები დიდდება და ამის გამო მკერდიც იმატებს მოცულობაში.

„ვაქცინირებული ქალების დაახლოებით 10%-ს იღლიებში ლიმფური კვანძები უდიდდებათ. ამის გამო მკერდი ცოტა წინ იწევს და გვეჩვენება, რომ ის გაიზარდა“, – განმარტა ნორვეგიის წამლების სააგენტოს სპეციალისტმა სტეინარ მადსენმა.

ამასთან, მისი თქმით, ეს დროებითი მოვლენაა და მალევე ქრება.

Pfizer-ის ნორვეგიულ წარმომადგენლობაში ირწმუნებიან, რომ მათთვის ცნობილი არ არის მსგავსი გვერდითი ეფექტების შესახებ ქალებში, თუმცა ვაქცინის შემქმნელები არ გამორიცხავენ, რომ ასეთი შემთხვევები მართლაც ხდებოდეს.

წყარო: exclusivetv.ge

ახალგაზრდა ანალიტიკოსთა და მეცნიერთა დარბაზი ,,დოქტრინა”

2020 წელს კიბოს 740 ათასი შემთხვევა (დაახლოებით 4% ახალი შემთხვევების რაოდენობიდან) ასე თუ ისე ალკოჰოლის მოხმარებით იყო გამოწვეული. ამის შესახებ The Guardian-ი სამეცნიერო ჟურნალში The Lancet Oncology გამოქვეყნებულ კვლევაზე დაყრდნობით წერს.

გამოცემის ინფორმაციით, ამ 740 ათასი პაციენტიდან 77% კაცი, 23% კი ქალია. ყველაზე ხშირად სიმსივნე საყლაპავ მილს, ხახას, ღვიძლსა და სარძევე ჯირკვლებში დაფიქსირდა.

შემთხვევების უმეტესობა ალკოჰოლის ჭარბ და ხშირ მოხმარებას უკავშირდება, თუმცა შესწავლილი შემთხვევების 14%-ში საქმე სასმლის ზომიერ მოხმარებასთან გვაქვს. აქედან გამომდინარე, მეცნიერები აღნიშნავენ, რომ ალკოჰოლის მცირე რაოდენობაც კი კიბოთი დაავადების რისკს ზრდის.

კვლევა სხვადასხვა ქვეყნის მოსახლეობის მიერ მოხმარებული ალკოჰოლური სასმლის რაოდენობას ეფუძნება. შემდეგ სპეციალისტებმა ეს ინფორმაცია შეუთავსეს სტატისტიკურ მონაცემებს იმის შესახებ, თუ რამდენად ხშირია ამა თუ იმ სახელმწიფოში ორგანიზმზე ალკოჰოლის გავლენასთან დაკავშირებული სიმსივნის სხვადასხვა ფორმით დაავადების შემთხვევები.

ახალგაზრდა ანალიტიკოსთა და მეცნიერთა დარბაზი ,,დოქტრინა”

ასახის ახალ ნიღაბს შეუძლია გვითხრას გვაქვს თუ არა COVID-19 ტარებიდან 90 წუთის განმავლობაში. ამას უზრუნველყოფს სენსორები, რომლებიც ნიღაბშივეა ჩამაგრებული. აღნიშნული ტექნოლოგიის განვითარება რამდენიმე წლის წინ დაიწყო.
სახის ნიღაბში ჩანერგილია ერთჯერადი სენსორი, რომელიც შეიძლება მოთავსდეს ყველგან და ასევე ადაპტირდეს კიდეც სხვა ვირუსების დასადგენადა. მეცნიერებმა კვლევის საწყის ეტაპზე სხვადასხვა ტიპის ქსოვილი გამოიყენეს, რომ გაერკვიათ, რომელი მათგანი იქნებოდა სენსორთად თავსებადი, საბოლოოდ კი შეჩერდნენ პოლიესტერზე და სხვა სინთეზური ბოჭკოს კომბინაციაზე.
საინტერესოა, როგორ მუშაობს სენსორი. სახის ნიღბის ვირუსული ნაწილაკების შემცველი სითხით მცირე გაჟღენთვისასაც კი ტენიანდება მასში არსებული გაყინული უჯრედები და აქტიურდება სენსორები, რაც სხვადასხვა ტიპის სიგნალით გვანიშნებს პასუხს. MIT-ისა და ჰარვარდის უნივერსიტეტის ინჟინრებმა შეიმუშავეს ასევე მექანიზმი, რომლის საშუალებითაც ნიღბის სენსორის გააქტიურება შეუძლია იმ ადამიანს, ვინც მას ატარებს, როდესაც ის მზად არის ტესტის ჩასატარებლად. ნიღაბი შეიცავს წყლის მცირე სათავსოს, რომელიც ღილაკის დაჭერით გამოიყოფა მაშინ, როდესაც მომხმარებელი მზად არის. კონფიდენციალურობისთვის კი შედეგი ნაჩვენებია ნიღბის შიგნით.
მასალა მოამზადა : ნინი ხეცურიანმა 

ახალგაზრდა ანალიტიკოსთა და მეცნიერთა დარბაზი ,,დოქტრინა“

ცოტა ხნის წინ დიდ ბრიტანეთში, ლივერპულის უნივერსიტეტის მკვლევარებმა გამოაქვეყნეს ახალი კვლევა, რომლის თანახმადაც, ძაღლების პატრონები უფრო ხშირად კავდებიან ფიზიკური აქტივობებით, ვიდრე ის ადამიანები, რომლებსაც არ ჰყავთ შინაური ცხოველი.

მიუხედავად იმისა, რომ კვლევაში მონაწილეობა მხოლოდ 385-მა ოჯახმა მიიღო, თავდაპირველი მტკიცებულებები საკმაოდ დამაჯერებელია. თუმცა მაინც იგეგმება დამატებითი კვლევების ჩატარება. რეალურად, ეს შედეგები ამყარებს წინა კვლევას, რომლის თანახმადაც, ძაღლის მეპატრონეები ფიზიკურად უფრო აქტიურები არიან.

ამ კვლევას განსაკუთრებით უნიკალურს ხდის, ის ფაქტი, რომ იგი არ შეისწავლის მხოლოდ იმ ფიზიკურ დატვირთვას, რომელიც აუცილებელია შინაური ცხოველების მოვლისთვის – ის შეისწავლის თითოეული ადამიანის ფიზიკური დატვირთვის დონეს, ძაღლთან, ბავშვებთან ერთად.

ეს არის შესანიშნავი სიახლე ძაღლების მოყვარულთათვის. როგორც ჩანს, ვინც გაბედავს შინაური ცხოველის აყვანას, ბონუსად ჯანმრთელობის ბენეფიტებსაც მიიღებს. შედეგები აჩვენებს, რომ ძაღლების პატრონებს გაცილებით ხშირად დადიან დასასვენებლად და უფრო მეტ მანძილს დადიან ფეხით, ვიდრე სხვები. ისინი ოთხჯერ უფრო ხშირად ასრულებდნენ რეკომენდებულ დატვირთვას, კვირაში 150 წუთს.

ამასთანავე ეს შედეგები იდენტურია ძაღლის მეპატრონე ბავშვებისა და სხვა ბავშვების შემთხვევაში. ისინი თანაბრად აქტიურობენ – სავარაუდოდ, მათ კვირაში უფრო მეტი წუთია ფიზიკური აქტივობებისთვის თავისუფალი. ბავშვები მეტ დროს ხარჯავენ სტრუქტურირებული ფიზიკურად აქტიური საქმიანობისთვის.

წინა კვლევებმა ასევე აჩვენა, რომ ძაღლის ყოლა კარგია ემოციური კეთილდღეობისთვისაც. რა თქმა უნდა, მნიშვნელობა არ აქვს ძაღლის რომელ ტიპს ანიჭებთ უპირატესობას (დიდსა თუ პატარას), როგორც ჩანს, ყველა ძაღლი ეხმარება ადამიანს მიიღოს ფიზიკური ჯანმრთელობისა სარგებელი.

წინა კვლევებმა ასევე აჩვენა, რომ ძაღლის ყოლა დაკავშირებულია ადრეული სიკვდილის და გულ-სისხლძარღვებთან დაკავშირებული რისკების შემცირებასთან.

ცხადია, ძაღლების ყველა მეპატრონე არ არის ფიზიკურად აქტიური – ზოგი უბრალოდ უშვებს ეზოში, ამიტომ ეს მტკიცებულებები ეხება მათ, ვინც რეალურად რეგულარულად თამაშობს და ასეირნებს შინაურ ცხოველებს.

ეს დასკვნები ხელს უწყობს შინაური ცხოველების როლის პოპულარიზაცის და ისეთი სასარგებლო ჩვევების გაძლიერებას, როგორიცაა სიარული. ძაღლების გარეშე, სავარაუდოდ, მოსახლეობის ფიზიკური აქტივობის დონე გაცილებით დაბალი იქნება.

ახალგაზრდა ანალიტიკოსთა და მეცნიერთა დარბაზი ,,დოქტრინა“