close

კვლევები

კვლევები

კვლევა – კორონავირუსის ახალ ვარიანტებს თაგვების დაინფიცირება შეუძლია

889 views on

კორონავირუსის ახალი ვარიანტებით თაგვების ინფიცირება შესაძლებელია, – ამის შესახებ ფრანგი მეცნიერების მიერ ჩატარებულ კვლევაშია აღნიშნული.

ვირუსის ორიგინალური, ჩინეთის ქალაქ უხანშიაღმოჩენილი ვარიანტი თაგვებში დაავადებას განვითარებას არ იწვევდა, ვინაიდან მის ზედაპირზე არსებული ე.წ. „სპაიკ-ცილები“ თაგვების უჯრედებზე მდებარე ACE2 რეცეპტორულ ცილას კარგად ვერ უკავშირდებოდა. ახალ ვარიანტებს კი, განსაკუთრებით ე.წ. „ სამხრეთ აფრიკულსა“ და „ბრაზილიურ ვარიანტებს“, B1.351 და P.1 ვარიანტებს, აქვთ მუტაციები, რაც ამ დაბრკოლების გადალახვისა და თაგვების დაინფიცირების შესაძლებლობასაძლევთ.

რაც შეეხება იმას, გადადის თუ არა ვირუსი დაინფიცირებული თაგვებისგან სხვა თაგვებზე ან ადამიანებზე, კვლევის ავტორი მეცნიერები აცხადებენ, რომ ეს საკითხი შემდგომ კვლევებს საჭიროებს.

კვლევა პარიზის უნივერსიტეტისა და პარიზისპასტერის ინსტიტუტის მეცნიერებმა ჩაატარეს. ის ჯერჯერობით არ დაბეჭდილა და bioRxiv-ზეა გამოქვეყნებული.

წყარო : reuters.com

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
კვლევებიმედიცინამსოფლიო

ჯანდაცვის მსოფლიო ორგანიზაციამ „სინოფარმს“ავტორიზაცია მიანიჭა

1.37K views on

ჯანდაცვის მსოფლიო ორგანიზაციამ ჩინურიწარმოების კორონავირუსის საწინააღმდეგო ვაქცინა„სინოფარმს“ გადაუდებელი მოხმარებისთვისავტორიზაცია მიანიჭა.

ჯანმოს ტექნიკური საკონსულტაციო ჯგუფისგადაწყვეტილებით იქმნება შესაძლებლობა, რომ“სინოფარმის” ვაქცინა  გაეროს მიერ მხარდაჭერილ “კოვაქსის“ ჩაერთოს, რომლის მიზანი დაბალი შემოსავლის მქონე ქვეყნებისთვის ვაქცინების მიწოდებაა.

„ჯანმო-მ პეკინის ვაქცინა გადაუდებელი მოხმარების ვაქცინების სიაში შეიტანა, რითაც ის გახდა მეექვსევაქცინა, რომელიც ჯანმო-ს მიერ დამტკიცდა უსაფრთხოების, ეფექტურობისა და ხარისხისთვის. ესაფართოებს ვაქცინების ჩამონათვალს, რომელთაშეძენა „კოვაქსს“ შეუძლია და ქვეყნებს მოუწოდებს,დააჩქარონ საკუთარი მარეგულირებელი ორგანოებისმიერ დამტკიცება და მოახდინონ ვაქცინის იმპორტიდა ადმინისტრირება“, – განაცხადა ჯანმო-საღმასრულებელმა დირექტორმა ტედროს ადჰანომგებრეიესუსმა.

ორგანიზაციაში ასევე აცხადებენ, რომ მომავალ კვირაში, შესაძლებელია გადაწყვეტილება მეორე ჩინურ ვაქცინა “სინოვაკთან“ დაკავშირებითაც მიიღოს.

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
კვლევები

არსებობს თუ არა კავშირი ეპიდურალურ ანესთეზიასა და აუტიზმს შორის?

948 views on

კანადაში ჩატარებულმა ფართომასშტაბუანმა კვლევის თანახმად, აზრი იმის შესახებ, რომ ეპიდურული ანესთეზია ბავშვებში აუტიზმის რისკს ზრდის, მცდარია.

კვლევის ფარგლებში 120 000-ზე მეტი ბუნებრივი გზით დაბადებული ბავშვი შეისწავლეს და მეცნიერებმა ამ ტიპის ტკივილგამაყუჩებლებსა და აუტიზმის სპექტრის აშლილობას შორის ვერანაირი კავშირის ვერანაირი მტკიცებულება ვერ აღმოაჩინეს.

კვლევისას მეცნიერებმა გააანალიზეს შესაძლო ხელშემწყობი ფაქტორების გრძელი სია, რომლებიც ადრე უგულებელყოფილი იყო – მათ შორის დედის ასაკი, სოციალურ-ეკონომიკური მდგომარეობა, ორსულობამდე მდგომარეობა, მათ შორის დიაბეტი, ჰიპერტენზია და დეპრესია. ასევე  ორსულობასთან დაკავშირებული მდგომარეობა, მათ შორის ნაყოფის პათოლოგიური მდგომარეობა, დედების მიერ მიღებული მედიკამენტები, ნარკოტიკების მოხმარება და ხელოვნური მშობიარობა.

გარდა იმისა, რომ მშობიარობის 123 000 შემთხვევის შესწავლისას ეპიდურულ ანესთეზიასა და აუტიზმის სპექტრის აშლილობის მომატებულ რისკს შორის კავშირი არ დადასტურდა, კვლევის ავტორების განმარტებით, კიდევ ერთხელ დადასტურდა ის ფაქტი, რომ ეპიდერულ ანესთეზიას სერიოზული გართულებები იშვიათად ახლავს.

”ეპიდურალი ანესთეზიის ირგვლივ არსებული მტკიცებულებების აბსოლუტური უმრავლესობა, მათ შორის ჩვენი ახალი კვლევა, აჩვენებს, რომ ის მშობიარობის დროს ტკივილის წინააღმდეგ ყველაზე ეფექტური საშუალებაა და სერიოზული გართულებები იშვიათად ახლავს თან,“- განაცხადა სტატისტიკოსმა და ჯანდაცვის პოლიტიკის მკვლევარმა მანიტობის უნივერსიტეტიდან ელიზაბეტ უოლ-ვილერმა.

მისი განმარტებით, ეპიდურალ მშობიარობას ტკივილის შემსუბუქების გარდა სხვა სარგებელიც აქვს. ვინაიდან იმ შემთხვევაში, თუ მოულოდნელი და სასწრაფო საკეისრო კვეთა გახდა საჭირო, ტკივილის შემსუბუქება უკვე უზრუნველყოფილია – ის ასევე ამცირებს ზოგადი ანესთეზიის საჭიროებას, რაც უფრო დიდ რისკებს წარმოადგენს დედისა და შვილისთვის.

კვლევა ჟურნალ JAMA Pediatrics-ში გამოქვეყნდა.

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
კვლევებიმსოფლიო

მსოფლიოს ყველაზე ჭკვიანი ქვეყნები დასახელდა. როგორია საქართველოს მაჩვენებელი

1K views on

პორტალმა World Population Review-მ 2021 წლის ყველაზე „ჭკვიანი ქვეყნების“ რეიტინგი დაასახელა. სია მოსახლეობის IQ-ის (ინტელექტის კოეფიციენტის) მაჩვენებლის მიხედვითაა შედგენილი. რეიტინგში საქართველოს მოსახლეობის მაჩვენებელი 94 ქულითაა შეფასებული.

პირველი 100 ქვეყნის მოსახლეობის IQ მონაცემები ასეთია:

1. სინგაპური 108

2. ჰონგ კონგი 108

3. სამხრეთ კორეა 106

4. იაპონია 105

5. ჩინეთი 105

6. ტაივანი 104

7. იტალია 102

8. ისლანდია 101

9. მონღოლეთი 101

10. შვეიცარია 101

11. ლუქსემბურგი 100

12. ნორვეგია 100

13. ავსტრია 100

14. ნიდერლანდები 100

15. გაერთიანებული სამეფო 100

16. ესტონეთი 99

17. ფინეთი 99

18. შვედეთი 99

19. ბელგია 99

20. პოლონეთი 99

21. კანადა 99

22. გერმანია 99

23. ანდორა 98

24. ლატვია 98

25. დანია 98

26. უნგრეთი 98

27. ჩეხეთი 98

28. ავსტრალია 98

29. ესპანეთი 98

30. საფრანგეთი 98

31. შეერთებული შტატები 98

32. მალტა 97

33. ბელორუსი 97

34. უკრაინა 97

35. რუსეთი 97

36. სლოვენია 96

37. ურუგვაი 96

38. მოლდოვა 96

39. სლოვაკეთი 96

40. ისრაელი 95

41. პორტუგალია 95

42. სომხეთი 94

43. საქართველო 94

44. ყაზახეთი 94

45. რუმინეთი 94

46. ვიეტნამი 94

47. ბულგარეთი 93

48. არგენტინა 93

49. ირლანდია 92

50. საბერძნეთი 92

51. მალაიზია 92

52. ბრუნეი 91

53. კვიპროსი 91

54. ლიტვა 91

55. სიერა ლეონე 91

56. კამბოჯა 91

57. ტაილანდი 91

58. ალბანეთი 90

59. ბოსნია და ჰერცეგოვინა 90

60. ხორვატია 90

61. ყირგიზეთი 90

62. ჩილე 90

63. თურქეთი 90

64. სურინამი 89

65. მავრიკი 89

66. კოსტა რიკა 89

67. ლაოსი 89

68. სერბეთი 89

69. სამოა 88

70. ეკვადორი 88

71. მექსიკა 88

72. ნაურუ 87

73. გაიანა 87

74. თურქმენეთი 87

75. ტაჯიკეთი 87

76. აზერბაიჯანი 87

77. ბოლივია 87

78. უზბეკეთი 87

79. ერაყი 87

80. მიანმარის 87

81. ინდონეზია 87

82. სეიშელის 86

83. ტონგა 86

84. ქუვეითი 86

85. ფილიპინები 86

86. კირიბატი 85

87. ფიჯი 85

88. ტრინიდადი და ტობაგო 85

89. ერიტრეა 85

90. კუბა 85

91. იემენი 85

92. პერუ 85

93. მარშალის კუნძულები 84

94. მიკრონეზია 84

95. ვანუატუ 84

96. ბაჰამის კუნძულები 84

97. ბელიზი 84

98. სოლომონის კუნძულები 84

99. პანამა 84

100. პარაგვაი 84.

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
კვლევებიმედიცინაფსიქოლოგია

რა კავშირია მარიხუანას მოხმარებასა და ფსიქოზს შორის?

2.24K views on

ათწლეულების განმავლობაში ჩატარებულმა გამოკვლევებმა აჩვენა, რომ ზოგიერთ ადამიანში მარიხუანას მოხმარება და შიზოფრენიისა და ფსიქოზის გაჩენა გარკვეულ დონეზე დაკავშირებულია ერთმანეთთან.

„ნარკომანიისა და ფსიქიკური ჯანმრთელობის ცენტრისა“ და „ლონდონის კინგსის კოლეჯის“ მკვლევარების ჯგუფის მიერ ჩატარებული ახალი კვლევის თანახმად, შიზოფრენიის გენები შეიძლება გახდეს იმის ახსნის გასაღები, თუ რატომ უვითარდება მარიხუანის ზოგიერთი მომხმარებელს ფსიქოზი, სხვებს კი – არა.

ფსიქოზი არის ფსიქიკური ჯანმრთელობის მძიმე მდგომარეობა, რომელიც გავლენას ახდენს იმაზე, თუ როგორ აყალიბებს ტვინი სამყაროს აღქმას.

ფსიქოტიური ეპიზოდი- მწვავე დეპრესიის, ბიპოლარული აშლილობისა და შიზოფრენიის ძირითადი სიმპტომი- შეიძლება გამოწვეული იყოს სხვადასხვა ფსიქოაქტიური ნივთიერებებით, მათ შორის კანაფში შემავალი აქტიური კომპონენტით, დელტა 9-ტეტრაჰიდროკანაბინოლით (დელტა 9-THC). სინამდვილეში, კვლევის თანახმად, ისინი, ვისაც მარიხუანა მოხმარებული აქვთ, ფსიქოზის რომელიმე ფორმის განვითარების თითქმის ოთხჯერ მაღალი რისკის ქვეშ არიან, ვიდრე ისინი, ვინც მას არ მოიხმარენ.

თუმცა, ადამიანების ნაწილი, რომლებიც კანაფს იყენებენ, არასდროს განიცდიან ფსიქოტიურ ეპიზოდს, რის გამოც მნიშვნელოვანია იმის გარკვევა, თუ რაზეა დამოკიდებული ეს განსხვავება.

გაერთიანებული სამეფოს ბიობანკიდან  100 000 მონაწილის ჩანაწერის გამოყენებით მეცნიერებმა გაანალიზეს კავშირი გენეტიკას, კანაფის გამოყენებასა და ფსიქოტიურ ეპიზოდს შორის.

საერთო ჯამში, მოჩვენება და ჰალუცინაცია ჩანაწერების 4 პროცენტზე მეტში, ისეთ პირებში დაფიქსირდა, რომლებსაც მარიხუანას არასდროს მოუხმარიათ, ეს მაჩვენებელი 7 პროცენტამდე გაიზარდა, როცა საქმე ისეთ პირებს ეხებოდა, რომლებიც წარსულში მარიხუანას იყენებდნენ.

რისკის ზრდა ყველაზე მეტად გამოხატული იყო შიზოფრენიის მაღალი გენეტიკური ქულის მქონე პირებში. მეხუთე – უმაღლესი – ქულის მქონე ჩანაწერებს შორის ზრდამ დაახლოებით 60 პროცენტი შეადგინა. მეხუთეზე ნაკლებში კი –  დაახლოებით 40 პროცენტი.

„იმის გამო, რომ გენეტიკური რისკის შეფასება ჯერ კიდევ ადრეულ პერიოდშია, გენეტიკის რეალური ზეგავლენა მარიხუანას მოხმარებასა და ფსიქოზის ურთიერთობაზე შეიძლება უფრო მეტი იყოს, ვიდრე ამ კვლევის დროს აღმოვაჩინეთ”, – აცხადებენ კვლევის ავტორები.

კვლევა ჟურნალ Translational Psychiatry-ში გამოქვეყნდა.

წყარო : sciencealert.com

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
კვლევებიმედიცინა

იაპონიამ კორონავირუსის სამკურნალოდ პრეპარატი „ბარიციტინიბი“ დაამტკიცა

1.47K views on

იაპონიის ჯანდაცვის სამინისტრომ რევმატოიდული ართრიტის სამკურნალო პრეპარატი „ბარიციტინიბი“ (ოლუმიანტი) კოვიდ 19-ით ინფიცირებული პაციენტების სამკურნალოდ გამოყენებისთვის დაამტკიცა.

ეს იაპონიაში დამტკიცებული კორონავირუსის სამკურნალო მესამე პრეპარატია „რემდესივირისა“ და „დექსამეტაზონის“ შემდეგ.

ფარმაცევტული კომპანია Eli Lilly & Co-ის იაპონიის ფილიალმა მედიკამენტის დამტკიცების თხოვნით მარეგულირებელ ორგანოებს 2020 წლის დეკემბერში მიმართა.

შეერთებულ შტატებში, „ბარიციტინიბი“ ანტივირუსულ პრეპარატ “რემდესივირთან“ კომბინაციაში გამოიყენება იმ კოვიდ პაციენტებისათვის, ჟანგბადის დამატებით მიწოდება სჭირდებათ.

წყარო : kyodonews.net

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
კვლევებიმედიცინა

CNN: კვლევებმა აჩვენა, რომ Pfizer-ის და Moderna-ს ვაქცინები ორსულთათვის სარისკო არ არის

816 views on

აშშ-ში ჩატარებულმა კლინიკურმა კვლევებმა აჩვენა, რომ Pfizer-ის და Moderna-ს ვაქცინების მიღება ორსულთათვის სარისკო არ არის. ამის შესახებ ინფორმაციას CNN- ავრცელებს.

გამოცემა წერს, რომ აღნიშნული კვლევის შედეგები ეხება მხოლოდ Pfizer-ის და Moderna-ს კორონავირუსის საწინააღმდეგო ვაქცინებს, ხოლო რაც შეეხება AstraZeneca-სა და Johnson & Johnson-ის ვაქცინებს, ამ ეტაპზე აღნიშნულ პრეპარატებზე მსგავსი კვლევა არ ჩატარებულა.

კვლევების მიხედვით, mRNA-ზე დაფუძნებული ვაქცინები სრულიად უსაფრთხოა, როგორც ორსულთათვის ასევე მეძუძური დედებისათვის და ვაქცინის სარგებელი მნიშვნელოვნად აჭარბებს პოტენციურ რისკებს.

CNN წერს, რომ ისეთი რისკები, როგორიც არის ნაადრევად შეწყვეტილი ორსულობა ან მშობიარობა, არ არის დაკავშირებული ვაქცინაციის შემთხვევებთან. აღსანიშნავია, რომ კვლევაში 3,958 ორსული ქალი მონაწილეობდა, რომლებიც Pfizer-ის ან Moderna-ს ვაქცინით აიცრნენ.

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
კვლევები

გადადის თუ არა COVID-19 დაბინძურებულ ზედაპირთან შეხების შედეგად – მეცნიერების ახალი დასკვნა

582 views on

ამერიკის დაავადებათა კონტროლისა და პრევენციის ცენტრის (CDC) თანამშრომლებმა გამოაქვეყნეს QMRA-ს შედეგები, რომელშიც დაბინძურებული ზედაპირებიდან SARS-CoV-2-ის გადაცემის მიკრობული რისკის რაოდენობრივი შეფასებაა მოცემული. აღმოჩნდა, რომ ასეთი რისკი არსებობს, თუმცა რეალურ და არა ლაბორატორიულ პირობებში, ის ძალიან დაბალია.

ეპიდემიის დასაწყისში ჯანმო მოსახლეობას ურჩევდა, ზედაპირები რაც შეიძლება ხშირად გაწმენდილიყო. ამის მიზეზად ინფექციის რისკის შემცირება სახელდებოდა

ეპიდემიის პირველ კვირებსა და თვეებში, მეცნიერებმა და ექიმებმა ივარაუდეს, რომ SARS-CoV-2, ისევე როგორც სხვა რესპირატორული ინფექციები, ძირითადად ორი გზით ვრცელდებოდა:

1.    ადამიანებს შორის კონტაქტის დროს ჰაერ-წვეთოვანი გზით. როდესაც ინფიცირებული პაციენტი აცემინებს ან ახველებს, დავირუსებული მცირე წვეთები ჰაერში ხვდება. სხვა ადამიანი ინფიცირდება, როდესაც ამ ნაწილაკებს შეისუნთქავს.

2.    პირდაპირი კონტაქტი. ადამიანი ინფიცირდება, როდესაც ის დაავადებულ პირს ან ვირუსით დაბინძურებულ ზედაპირს  ეხება. ნებისმიერ ზედაპირს, რომელზეც ინფექციური აგენტის შემცველი ნაწილაკები ხვდება, „ფომიტი“ ეწოდება. ეს შეიძლება იყოს ტუალეტის კარის სახელური, მეტროს მოაჯირი ან საოფისე მაგიდის ზედაპირი.

2020 წლის მარტის დასაწყისში ჯანდაცვის მსოფლიო ორგანიზაციამ შეადგინა ტექნიკური შენიშვნა, რომელშიც ნათქვამია, რომ საყოფაცხოვრებო ნივთებზე მოხვედრილი ახალი კორონავირუსი ორი საათიდან ცხრა დღემდე ცოცხლობს. ამ ინფორმაციის საფუძველზე, ორგანიზაციის წარმომადგენლები ურჩევდნენ საოფისე სამსახურში დასაქმებულ ადამიანებს, რომ ხელები რეგულარულად დაებანათ და  სამუშაო ზედაპირები ალკოჰოლის შემცველი სადეზინფექციო საშუალებებით რეგულარულად გაეწმინდათ.

უკვე აპრილში, The New England Journal of Medicine- ში გამოქვეყნდა სენსაციური სტატია, რომლის ავტორებმა გამოიანგარიშეს, რამდენ ხანს შეიძლება SARS-CoV-2 ნაწილაკებმა სხვადასხვა საგნის ზედაპირზე „იცოცხლონ“. ექსპერიმენტმა აჩვენა, რომ სპილენძის საგნებზე (მაგალითად, კალმებსა და მონეტებზე) ინფიცირების უნარს ვირუსი ოთხი საათის განმავლობაში ინარჩუნებს, ხოლო უჟანგავი ფოლადის ზედაპირებზე (მაგალითად, მეტროს მოაჯირები) – დაახლოებით 48 საათი.

 

CDC-მ რეალურ ცხოვრებაში ზედაპირიდან ინფიცირების რისკი შეაფასა. აღმოჩნდა, რომ ამას ხელს უშლის რამდენიმე ფაქტორი

 

2020 წელს მკვლევრებმა „ფომიტების“ საშუალებით (1 , 2 , 3) SARS-CoV-2-ის გადაცემის რამდენიმე შემთხვევის დარეგისტრირება შეძლეს და დაადასტურეს, რომ ხელების დაბანა ინფიცირების ალბათობას, ფაქტობრივად, ამცირებდა. თუმცა აქ არ იყო ნათლად მითითებული, ეპიდემიის საერთო სტურქტურის ჩამოყალიბებაში საგნების ზედაპირებიდან ვირუსის გადაცემა რამდენად მნიშვნელოვან როლს ასრულებდა. სწორედ ამის გასარკვევად, CDC-ს თანამშრომლებმა „ფომიტების“ მეშვეობით SARS-CoV-2-ის გავრცელების მიკრობული რისკის რაოდენობრივი კვლევა (QMRA) ჩაატარეს.

მეცნიერებმა დაადასტურეს, რომ ნამდვილად შესაძლებელია დაინფიცირება იმ ზედაპირთან შეხებით, რომელზეც ვირუსული ნაწილაკები დაეცა. თუმცა ავადობაზე გავლენას ახდენს რამდენიმე მნიშვნელოვანი ფაქტორი, რომლებიც ლაბორატორიულ ექსპერიმენტებში გათვალისწინებული არ ყოფილა:

ფაქტორი # 1: ზედაპირის სტრუქტურა, რომელზეც ვირუსული ნაწილაკები ხვდება. ფოროვან ზედაპირებზე SARS-CoV-2-ის სიცოცხლისუნარიანი ნაწილაკების დაფიქსირება რამდენიმე წუთის, მაქსიმუმ რამდენიმე საათის შემდეგ შეუძლებელია. სავარაუდოდ, ვირუსი ასე სწრაფად ორი მიზეზის გამო ინაქტივირდება. პირველ რიგში, კაპილარული წნევის ზემოქმედებით, ფოროვანი ზედაპირი აეროზოლის წვეთებს სწრაფად შთანთქავს. მეორე მხრივ, ეს წვეთები ფოროვანი ზედაპირებიდან უფრო სწრაფად ორთქლდება, ვიდრე – გლუვიდან. ამ უკანასკნელზე (მაგალითად, ლითონი, პლასტიკი ან მინა), სხვადასხვა სამეცნიერო ჯგუფმა სიცოცხლისუნარიანი ვირუსი სხვადასხვა დროს გამოავლინა. ზოგიერთ ექსპერიმენტში ეს ნაწილაკები რამდენიმე დღის განმავლობაში იყო სიცოცხლისუნარიანი, ზოგან კი – რამდენიმე კვირა. როდესაც მკვლევრებმა შეისწავლეს ბინის ან სახლის ტიპურ პირობებში არსებული გლუვი ზედაპირები, აღმოაჩინეს, რომ კორონავირუსის ნაწილაკები სამ დღეში (72 საათში) ინაქტივირდნენ.

ფაქტორი #2: გარემო პირობები. ამასთან, ეს არ ნიშნავს, რომ მთელი ამ 72 საათის განმავლობაში გლუვ „ფომიტებთან“ კონტაქტის შემდეგ ჯანმრთელი ადამიანისთვის დაინფიცირება ძალიან ადვილია. ექსპერიმენტისგან განსხვავებით, სინამდვილეში, ვირუსის “სიცოცხლისუნარიანობაზე” რამდენიმე მნიშვნელოვანი ფაქტორი ზემოქმედებს. ეს არის: ვენტილაცია (ჰაერის ნაკადს ზედაპირიდან ამ ნაწილაკების მოშორება შეუძლია) და ულტრაიისფერი გამოსხივება, რომელსაც ვირუსული ნაწილაკების განადგურების უნარი აქვს.

 

ამის მიუხედავად, მაინც ფრთხილად უნდა იყოთ. თუმცა სამუშაო მაგიდის დღეში რამდენჯერმე დეზინფექცია საჭირო ნამდვილად არ არის

 

აღმოჩნდა, რომ კორონავირუსი, რეალურ და არა ლაბორატორიულ პირობებში, ზედაპირთან კონტაქტის შედეგად იშვიათად გადადის. ეს არაერთი კვლევით დადასტურდა. თუ ყველა ფაქტორს გავითვალისწინებთ, დაბინძურებული ზედაპირიდან ინფიცირების მაჩვენებელი 10 ათას შემთხვევაზე ერთია.
მიუხედავად ზემოთ ხსენებული დასკვნებისა, იმაზე არავინ დავობს, რომ პირბადის ტარება, ხელების ხშირი და სწორი დაბანა და დისტანციის დაცვა  აუცილებელია.

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
კვლევები

რამდენად აუცილებელი და საჭიროა დახურულ სივრცეში შესვლისას ბახილები?

676 views on

ახალი კორონავირუსის პანდემიამ, პირბადესა და ხელთათმანთან ერთად, ბახილები უფრო აქტუალური გახადა. თუმცა ამ უკანასკნელისადმი მიდგომა არაერთგვაროვანია. ზოგიერთი მიიჩნევს, რომ ბახილები ქუჩაში არსებული ჭუჭყისა და ინფექციისგან თავდაცვის ერთ-ერთი საშუალებაა, თუმცა მეორე კატეგორია ამ გამოგონებას ადამიანებისა და გარემოსთვის სახიფათოდ მიიჩნევს. არის თუ არა ნამდვილად საჭირო ბახილები?

არის თუ არა ბახილებისგან რამე სარგებელი?

ინფექციური თვალსაზრისით, პაციენტის ან სამედიცინო ორგანიზაციის ვიზიტორის ფეხსაცმელზე ამოცმული ბახილების სარგებელი საკმაოდ საეჭვოა. ეს ბევრ შემთხვევაში სამედიცინო პერსონალსაც ეხება. მთელ სამედიცინო დაწესებულებაში ინფექცია რომ არ გავრცელდეს, რეკომენდებულია ხელების ხშირი დაბანა. სწორედ მათ გადააქვთ ბაქტერიები და ვირუსები ზედაპირიდან ზედაპირსა და ლორწოვან გარსზე, რომელთა საშუალებითაც პათოგენები სხეულში ადვილად აღწევენ.

როდესაც ბახილები რეკომენდებულია ინფექციისგან დაცვის მიზნით (ეს ყოველთვის არ ხდება), როგორც წესი, ის ინდივიდუალურად დამცავი უფრო სერიოზული  აღჭურვილობის შემადგენელი ნაწილია.  ამავე დროს, საჭიროა ბახილების სწორად ჩაცმა და გახდა, რომ არ დაინფიცირდეთ.

მაგრამ ბახილებში ხომ ცუდი არაფერია?

აი, ეს დამტკიცებული ნამდვილად არ არის. მაგალითად, ეკოლოგიური თვალსაზრისით: ხელახლა გადასამუშავებლად მათი ჩაბარება რთულია, რადგან ასეთ შემთხვევაში საჭიროა, რომ ბახილებს რეზინი მოაშოროთ. გარემოს დამცველთა შეფასებით, უმრავლეს შემთხვევაში კლინიკები ასე არც იქცევიან.
აქვე ისიც უნდა ითქვას, რომ არ ჩატარებულა კვლევები, თუ რამდენად მოსახერხებელია ბახილები გადაადგილების პრობლემების მქონე პირებისა და ორსულობის ბოლო თვეებში მყოფი ქალებისთვის. თუმცა აშკარაა, რომ მათთვის ეს კომფორტული ნამდვილად არ იქნება და ტრავმირების გარკვეული საფრთხეც არსებობს.

სანიტარული წესებით არ არის დადგენილი სამედიცინო დაწესებულების მისაღებსა თუ სხვა განყოფილებაში, ჰაერში მიკროორგანიზმების შემადგენლობის ზღვრული ოდენობა. ასე რომ, ჰიგიენური ნორმების დაცვის მოტივით ბახილების ტარების მოთხოვნასაც ბევრი სპეციალისტი სკეპტიკურად უყურებს.

თქვენ გინდათ, რომ ქუჩის მთელი ჭუჭყი კლინიკაში მოხვდეს?

ქუჩაში არსებული სიბინძურე რეალური პრობლემაა. თუმცა არსებობს სხვადასხვა რეკომენდაცია, რაც ტროტუარზე მტვრის რაოდენობის შემცირების საშუალებას იძლევა.
სპეციალისტების განმარტებით, ქუჩის მთელი მტვერი სამედიცინო დაწესებულებაში რომ არ მოხვდეს, ამისთვის კლინიკას სხვა ჰიგიენური ზომების მიღებაც შეუძლია. სწორედ ამიტომ ბახილებზე ბევრმა სამედიცინო დაწესებულებამ თქვა უარი.

და რა არის ბახილების ალტერნატივა?

არსებობს სპეციალური მოწყობილობები, რომლებიც ფეხსაცმელს ლანჩზე არსებული ჭუჭყისგან მექანიკურად ასუფთავებს. ამავე დანიშნულებით გამოიყენება შემწოვი ხალიჩები, რომ აღარაფერი ვთქვათ დამლაგებლებზე, რომლებიც კლინიკის იატაკს სველი წესით ხშირად წმენდენ. როგორც სპეციალისტები განმარტავენ, სინამდვილეში ბახილები ხშირად იხევა, ფეხსაცმელს ბოლომდე ვერ ფარავს და შესაბამისად, ვერც ქუჩიდან შემოტანილი მტვრისგან იცავს სამედიცინო დაწესებულებას. ასე რომ, განსაკუთრებით ახალი კორონავირუსის პანდემიის პირობებში, ექიმები პირბადის ტარების აუცილებლობასა და ხელების ხშირ და სწორ დაბანაზე ამახვილებენ ყურადღებას.

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
კვლევებიმედიცინა

ასთმის სამკურნალო პრეპარატი შესაძლოა კოვიდის მკურნალობაში გარღვევა აღმოჩნდეს – ბრიტანელი მეცნიერების დასკვნა

984 views on

სტეროიდი, სახელწოდებით ბუდესონიდი, რომელიც გამოიყენება ინჰალატორებში ბრონქული ასთმით დაავადებულებისათვის, ეფექტიანია COVID-19-ის სიმპტომების მოსახსნელად დაავადების ადრეულ სტადიაზე. ამის შესახებ საუბარია ოქსფორდის უნივერსიტეტის კვლევაში, რომელიც ახლახან გამოქვეყნდა ავტორიტეტულ სამედიცინო ჟურნალ The Lancet-ში. 

მეცნიერების მონაცემების თანახმად, კოვიდ-19-ით დაავადებული პაციენტები, რომლებიც ბუდესონიდს დაავადების პირველი სიმპტომების გამოჩენისთანავე იღებენ, უფრო იშვიათად საჭიროებენ ჰოსპიტალიზაციას და მათი გამოჯანმრთელებაც უფრო სწრაფად ხდება. ამასთან, COVID-19-ის სიმპტომები, მათ შორის, მაღალი ტემპერატურა უფრო მალე იხსნება, ვიდრე იმ ავადმყოფების შემთხვევაში, რომლებსაც ტრადიციული მეთოდებით მკურნალობენ.

ოქსფორდის უნივერსიტეტის რანდომიზებულ კონტროლირებად კვლევაში მონაწილეობდა 146 ზრდასრული პაციენტი COVID-19-ის მსუბუქი სიმპტომებით, რომლებიც მათ კვლევის დაწყებიდან არაუადრეს ერთი კვირის წინ გამოუვლინდათ. კვლევის მონაწილეთა უმეტესობა ბუდესონიდს დღეში ორჯერ იღებდა მანამ, სანამ დაავადების სიმპტომები მთლიანად არ გაქრა. კვლევის მონაწილეთა მეორე ნაწილი ტრადიციულად მკურნალობდა მათი ასაკისა და თანმხლები დაავადებების გათვალისწინებით. შედეგად, პირველ ჯგუფში მხოლოდ ერთ პაციენტს დასჭირდა გადაუდებელი სამედიცინო დახმარება, მაშინ როდესაც მეორე ჯგუფის 73 მონაწილეს შორის გადაუდებელი სამედიცინო დახმარება 10-ის შემთხვევაში გახდა აუცილებელი.

სტეროიდები COVID-19-ის დროს ანთების რისკს ამცირებენ

DW-სთან ინტერვიუში დოქტორი ქლოე ბუმი, რომელიც გულის და ფილტვის დაავადებების ლონდონის საიმპერიო კოლეჯის ნაციონალური ინსტიტუტის მედიცინის ფაკულტეტზე  კვლევებით არის დაკავებული, ამბობს, რომ კორტიკოსტეროიდები ეფექტიანია  COVID-19-ის მკურნალობისას და ეს შეიძლება ბიოლოგიური მიზეზებით აიხსნას. უნდა ითქვას, რომ ქალბატონი ბლუმი ოქსფორდის უნივერსიტეტის ზემოხსენებულ კვლევაში არ მონაწილეობდა.

ექსპერტის თქმით, ისეთი კორტიკოსტეროიდები, როგორიც, მაგ., დექსამეტაზონია, უკვე ეფექტიანად გამოიყენება სამკურნალოდ COVID-19-ის გართულებების დროს. იგი ვარაუდობს, რომ ეს პრეპარატები ანთების რისკს ამცირებენ, რომელიც კოვიდის მძიმე მიმდინარეობისას ვითარდება. სავარაუდოა, რომ ბუდესონიდიც ანალოგიურ ზემოქმედებას ახდენს, ოღონდ უფრო ლოკალურად.

ინჰალატორებში გამოყენებული სტეროიდების მეორე პოზიტიური ეფექტი, მეცნიერთა მონაცემებით, არის ის, რომ მცირდება  კორონავირუს SARS-CoV-2 -ის ფილტვებში მოხვედრის რისკი ასთმის ან ფილტვების ქრონიკული ობსტრუქციული დაავადების მქონე პაციენტებში. ამასთან, ლაბორატორიულმა კვლევებმა დაადასტურა, რომ ასეთი პრეპარატები ორგანიზმში კორონავირუსის  გამრავლებას უშლიან ხელს.

ოქსფორდის უნივერსიტეტის კვლევების ერთ-ერთი ავტორი, ოქსფორდის უნივერსიტეტის ფილტვის მედიცინის განყოფილების დოცენტი დონა ბაფადჰელი ხაზს უსვამს, რომ ეს სტეროიდი ძვირი არ არის და ფართოდ ხელმისაწვდომია, აგრეთვე, შედარებით უსაფრთხო პრეპარატია. ექსპერტის თქმით, კოვიდ-19-ის ადრეულ სტადიაზე მისი გამოყენება საავადმყოფოებს განტვირთავს, სადაც პაციენტები კორონავირუსით გამოწვეული დაავადების გართულების გამო ხვდებიან.

გერმანიაში ოქსფორდის უნივერსიტეტის კვლევას მაღალი შეფასება მისცა რამდენიმე ექსპერტმა. დეპუტატმა გერმანიის სოციალ-დემოკრატიული პარტიიდან, ყოფილმა ეპიდემიოლოგმა კარლ ლაუტერბახმა თავის ტვიტერზე დაწერა, რომ მას შეუძლია „კარდინალურად შეცვალოს სიტუაცია“, მათ შორის, იმიტომაც, რომ კოვიდ-19-ის ადრეულ სტადიაზე მკურნალობის შესაძლებლობას განსაზღვრავს.

თავის მხრივ, ჯანმოს პროგრამების გენერალურმა დირექტორმა სუმია სვამინათანმა კვლევის შედეგებს „იმედისმომცემი“ უწოდა. მისი თქმით, კოვიდ-19-ის მქონე პაციენტების  ამბოლატორიული მკურნალობის შესაძლებლობების შესწავლა უნდა გაგრძელდეს.

 

ავტორი : ნინო ხოშტარია

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
1 … 57 58 59 60 61 … 108
Page 59 of 108