კვლევები

კვლევამ, რომლის დროსაც Pfizer/BioNTech-ის კორონავირუსის საწინააღმდეგო ვაქცინა 12-დან 15 წლამდე მოზარდებში გამოსცადეს, აჩვენა, რომ ის უსაფრთხოა და ამასთან, დაინფიცირებისგან 100%-ით იცავს.

კვლევაში 12-დან 15 წლამდე ასაკის 2 260 მოზარდი მონაწილეობდა.

Pfizer-ში ფიქრობენ, რომ აღნიშნულ ასაკობრივ ჯგუფში შემავალი პირების ვაქცინაცია მომავალი სასწავლო წლის დაწყებამდე დაიწყება.

კომპანიის ხელმძღვანელის ალბერტ ბურლას განცხადებით, ისინი აშშ-ის საკვებისა და წამლის ადმინისტრაციასა და სხვა მარეგულირებლებს აღნიშნული ასაკის პირებში ვაქცინის  გამოყენების ავტორიზაციის მინიჭების თხოვნით უახლოეს კვირებში მიმართავენ.

აშშ-ში Pfizer/BioNTech-ის ვაქცინის 16 წლისა და მეტი ასაკის პირებში გამოყენება უკვე ნებადართულია. საზოგადოებრივი ჯანდაცვის წარმომადგენლებისა და ინფექციური დაავადებების ექსპერტების შეფასებით, ბავშვების ვაქცინაციას პანდემიის დასრულებისთვის გადამწყვეტი მნიშვნელობა აქვს. სტატისტიკის თანახმად, ბავშვები აშშ-ის მოსახლეობის დაახლოებით 20% -ს შეადგენს. ექსპერტების თქმით, ვირუსის მიმართ კოლექტიური იმუნიტეტის გამოსამუშავებლად აშშ-ის მოსახლეობის 70%- 85% -ის ვაქცინაციაა საჭირო.

Pfizer-მა რამდენიმე დღის წინ განაცხადა, რომ დაიწყეს კლინიკური ცდები, რომლის ფარგლებშიც თავიანთ ვაქცინას 6 თვიდან 11 წლამდე ასაკის ბავშვებში გამოცდიან.

წყარო : cnbc.com

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

გამოკითხვის თანახმად, მარტოხელა ქალების თითქმის 75% უპირატესობას ღიპიან მამაკაცს ანიჭებს.

ახალგაზრდა ანალიტიკოსთა და მეცნიერთა დარბაზი ,,დოქტრინა

გუანჩჟოუს დაავადებათა კონტროლის ცენტრის ინფექციონისტებმა გაარკვიეს, რამდენ ხანს შეიძლება კორონავირუსის კვალი დარჩეს ყოველდღიურ ნივთებზე, რომლებსაც ინფიცირებულები იყენებდნენ. კვლევა ჟურნალ International Journal of Infectious Diseases-ში გამოქვეყნდა.

2020 წლის გაზაფხულზე მეცნიერები სასტუმროს იმ ნომრებს აკვირდებოდნენ, სადაც 39 ინფიცირებული პაციენტი იმყოფებოდა.

როგორც გაირკვა, ინფექცია შენობაში 28 დღემდე რჩება. სპეციალისტებმა 4 კვირის განმავლობაში ზედიზედ, ვირუსი აბაზანაში, პირსაბანზე აღმოაჩინეს, 2 კვირა შენარჩუნდა უნიტაზის ზედაპირზე. საშუალოდ ინფექციის კვალი სხვადასხვა საგნის ზედაპირზე 5 დღის განმავლობაში რჩებოდა.

ამასთან, ყველაზე ხშირად კორონავირუსის კვალს ჭიქების, ხელსაბანის, ტუალეტის, ტელეფონისა და საწოლთან მდებარე მაგიდის ზედაპირზე პოულობდნენ.

ახალგაზრდა ანალიტიკოსთა და მეცნიერთა დარბაზი ,,დოქტრინა

დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე ვაქცინების შემადგენლობას ასახელებს

„ვაქცინების ძალიან დიდი ნაწილი არის, ეს არის ხაზგასასმელი რომელიც არ შეიცავენ აბორტირებული ნაყოფის უჯრედებს, მაგრამ მათი დამზადების ტექნოლოგიის ადრეულ ეტაპზე გამოიყენება 1973 წელს აბორტირებული ნაყოფის ქსოვილოვანი კულტურის ხაზები, რომელიც არის მთელი მსოფლიოს ლაბორატორიებში, ანუ ეს არის კლონი 1973 წელს, რომ მოხდა ლეგალური აბორტი იმ აბორტირებული ნაყოფის კლონი, რომელიც დღემდე გამოიყენება ბევრ ლაბორატორიაში ბევრი ვირუსის გასაზრდელად.

ამიტომ ის, რომ დღეს ვიღაცა ახლა ბავშვების აბორტს აკეთებს იმიტომ, რომ ვაქცინა დაამზადოს, ეს, რა თქმა უნდა, ტყუილია. არ არის უკვე რელიგიური საკითხი, ამაზე იყო ძალიან დიდი კამათი, რელიგიურ ეთიკაზე კამათს არ მოვყვები. არა მარტო ქრისტიანულ სამყაროში, სხვადასხვა მოსაზრებები არსებობს ამაზე, მათ შორის რელიგიის სპეციალისტებიც თავისებურად ხსნიან ამას სახარებაზე დაყრდნობით. ეს უკვე ჩემი პრეროგატივა არ არის, ეს შეგიძლიათ მათ ჰკითხოთ.

მაგრამ, ამისათვის არსებობს მეორე გამოსავალი, ვისაც რაღაცა ეთიკური მიზნებით მიაჩნია, რომ ან „ფაიზერი“ ან „ასტრაზენეკა“, რომელშიც კიდევ ერთხელ ვიმეორებ, მართლაც ტექნოლოგიის საწყის ეტაპზე ქსოვილოვანი კულტურა გამოიყენება, რომელიც არის 1973 წელს აბორტირებული ნაყოფის კლონებისაგან დამზადებული. ამათ შეუძლიათ გამოიყენონ თავისუფლად მაგალითად ჩინური ვაქცინა, რომელიც ტექნოლოგიურად დამზადებულია ვეროუჯრედებზე, ხოლო ვეროუჯრედები დამზადებულია მაიმუნის თირკმლის ქსოვილისაგან“, – განაცხადა პაატა იმნაძემ.

ახალგაზრდა ანალიტიკოსთა და მეცნიერთა დარბაზი ,,დოქტრინა“