აშშ-ის დაავადებათა კონტროლის ცენტრმა მოსახლეობა კორონავირუსის გადადების ახლად აღმოჩენილი გზის შესახებ გააფრთხილა. ცენტრის ცნობით, ვირუსი, არამხოლოდ ახლო კონტაქტით, არამედ 1,8 მეტრის დისტანციაზეც გადამდებია. ამას უწყების საიტზე გამოქვეყნებული დოკუმენტიც მოწმობს.
„არსებობს მტკიცებულება, რომ კონკრეტულ გარემოებებში ადამიანებმა COVID-19 გადასდეს მათ, ვინც 6 ფუტზე მეტი მანძილით იყვნენ დაშორებულნი“ – ნათქვამია პუბლიკაციაში.
ახალგაზრდა ანალიტიკოსთა და მეცნიერთა დარბაზი ,,დოქტრინა”
ნიუ – მექსიკოს სახელმწიფო უნივერსიტეტის ბიოლოგები ცდილობენ, გაარკვიონ, თუ რა იწვევს ასობით ათასობით გადამფრენი ფრინველის დაღუპვას ნიუ-მექსიკოსა და აშშ-ის რამდენიმე სხვა შტატში.
ნიუ-მექსიკოს გარდა გადამფრენი ფრინველები, რომლებიც მოიცავს ისეთ სახეობებს, როგორებიცაა მგალობელი ფრინველები, ბეღურები, შაშვები, დასავლური ტყის პივები და მემატლიები კოლორადოში, ტეხასსა და მექსიკაშიც იღუპებიან.
„საშინელებაა, დაღუპულ ფრინვეთა რაოდენობა ექვსნიშნაა,“- განაცხადა ნიუ-მექსიკოს უნივერსიტეტის პროფესორმა მართა დესმონდმა.
ნიუ – მექსიკოს სახელმწიფო უნივერსიტეტის ბიოლოგები 300 მკვდარი ჩიტის იდენტიფიცირება, კატალოგიზაცია და გამოკვლევა დაიწყეს, რათა, ამ გზით, დაედგინათ, რა მდგომარეობაში იყვნენ ისინი გარდაცვალების დროს.
თვითმხილველებმა და ბიოლოგებმა განაცხადეს, რომ ფრინველები სიკვდილის წინ უცნაურად იქცეოდნენ. მაგალითად, ფრინველები, რომლებიც ჩვეულებრივ ბუჩქებსა და ხეებში გვხვდება, მიწაზე შენიშეს, რომლებიც საჭმელს ეძებდნენ და ხოჭოებს დასდევდნენ. ბევრი მათგანი კი ისეთი უსიცოცხლო და ურეაქციო იყო, მანქანები ეჯახებოდნენ. მერცხლები, რომლებიც საჰაერო მწერები არიან და არც კი დადიან, ისხდნენ მიწაზე და უშვებდნენ ხალხს მათთან, დასძინა მან.
მერცხლები, რომლებიც მწერიჭამია ფინველები არიან და არც კი დადიან, ისხდნენ მიწაზე და ადამიანებს მათთან მიახლოების საშუალებას აძლევდნენ.
ბიოლოგების აზრით, ფრინველების სიკვდილის ერთ-ერთი მიზეზი, შესაძლოა კალიფორნიასა და აშშ-ის სხვა დასავლეთ შტატებში გაჩენილი ტყის ხანძრები იყოს, რამაც ფრინველები იძულებული გახადა, მიგრაცია დროზე ადრე დაეწყოთ, მანამ, სანამ ისინი მზად იქნებოდნენ.
”ფრინველებს, რომლებიც მიგრირებდნენ, სანამ ისინი ამისთვის მზად იქნებოდნენ, შესაძლოა, გადარჩენისთვის საკმარისი ცხიმი არ ჰქონოდათ ”, – განმარტავენ მეცნიერები.
ზოგიერთ ფრინველს შეიძლება მიგრაციისას გზების შეცვლა მოუწია, ზოგს კი, შესაძლოა, კვამლის ჩაყლაპვის შედეგად ფილტვები დაუზიანდა.
თუმცა მეცნიერები აცხადებენ, რომ ფრინველების დახოცვის ცალკეული შემთხვევები ხანძრების დაწყებამდე, აგვისტოშიც დაფიქსირდა. „ასე რომ, მათი დახოცვის მიზეზი შეიძლება სხვა იყოს. ეს კი ძალიან საგანგაშოა,“- განმარტავენ ბიოლოგები.
მათ რამდენიმე დახოცილი ფრინველი ორეგონის შტატში მდებარე „თევზისა და ველური ბუნების სამსახურის ექსპერტიზის ლაბორატორიაში“ (US Fish and Wildlife Service Forensics Laboratory) გადააგზავნეს, თუმცა, პასუხის მიღებას რამდენიმე კვირა დასჭირდება.
cnn.com
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
ბრიტანეთის კოლუმბიის უნივერსიტეტის მეცნიერებმა კვლევა ჩაატარეს, რომლის შედეგებმაც აჩვენა, რომ ადამიანები, რომლებსაც საჭიროზე ნაკლებ ხანს სძინავთ, ცხოვრებისგან ნაკლებ სიამოვნებას ღებულობენ.
„ღამღამობით ძილის მცირე დარღვევებიც კი კვალს ტოვებს იმაზე, თუ როგორი რეაქცია აქვს ადამიაებს თავიანთ ყოველდღიურ ცხოვრებაზე,“- განაცხადა ბრიტანეთის კოლუმბიის უნივერსიტეტის ფსიქოლოგმა ნენსი სინმა.
კვლევის ფარგლებში სინმა და მისმა კოლეგებმა 33-დან 84 წლამდე ასაკის 2 000-მდე ზრდასრული ადამიანის გამოკითხვის შედეგები შეისწავლეს და მათი ძილის ხანგრძლივობის, ყოველდღიური სტრესისა და დადებითი და უარყოფითი მოვლენების შესახებ ინფორმაცია შეაფასეს.
აღმოჩნდა, რომ ისინი, ვისაც საჭიროზე ნაკლებ ხანს სძინავთ, ნაკლებ სიამოვნებას ღებულობენ ცხოვრების პოზიტიური მოვლენებისგან, როგორიცაა, მაგალითად ბუნებაში გასეირნება, ჩახუტება, მათთან შედარებით, ვისაც საკმარისად სძინავთ.
კვლევის ავტორები აცხადებენ, რომ ხანგრძლივი ძილის შემთხვევაში ადამიანს პოზიტიური მოვლენები კიდევ უფრო უკეთესი ეჩვენება.
მეცნიერები გვირჩევენ, რომ ძილი ჩვენი ცხოვრების პრიორიტეტი იყოს, თუმცა, თანამედროვე ცხოვრების პირობებში ეს არცთუ იოლი შესასრულებელია. სტატისტიკის თანახმად, ამერიკელი ზრდასრული მოქალაქეების მესამედს რეკომენდირებულ 7-დან 9 საათამდე ნაკლებ ხანს სძინავს.
კვლევის შეეგები ჟურნა Health Psychology-ში გამოქვეყნდა.
წყარო : sciencealert.com
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
კოსტარიკელი მეცნიერები კორონავირუსის მკურნალობის ახალ მეთოდზე კლინიკური ცდების დაწყებას აპირებენ, რომელიც ცხენებიდან ამოღებული ანტისხეულებით კორონავირუსით ინფიცირებული პაციენტების განკურნებას ითვალისწინებს.
კოსტა- რიკას Clodomiro Picado Institute-ის (ICP) მეცნიერებმა ცხენებში კოვიდ 19-ის გამომწვევი SARS-Cov-2 ვირუსი შეიყვანეს.
რამდენიმე კვირის შემდეგ, როდესაც ცხოველებმა შეიმუშავეს საკმარისი ანტისხეულები, მკვლევარებმა მათ სისხლი აუღეს და პლაზმიდან ამოღებული ანტისხეულები, გამოიყენეს როგორც ნედლეული საინექციო შრატისთვის.
ცხენებიდან ამოღებული ანტისხეულებით მკურნალობის გამოცდას მედიკოსები 26 პაციენტზე სექტემბრის შუა რიცხვებიდან დაიწყებენ. იმ შემთხვევაში კი, თუკი ცდები წარმატებული აღმოჩნდება, მკურნალობის ამ მეთოდს საავადმყოფოებში უფრო ფართოდ გამოიყენებენ.
„ამას საკუთარი რესურსებით ვაკეთებთ, სხვა ქვეყნებისთვის კონკურენციის გაწევის გარეშე,“- აცხადებენ კვლევის ავტორები.
აღსანიშნავია, რომ კოვიდინფიცირებული პაციენტების მკურნალობისთვის ანალოგიური მეთოდის გამოყენებას ცდილობენ არგენტინასა და ბრაზილიაშიც. ბელგიელი მკვლევარები კი ლამებს იყენებენ.
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
მიჩიგანის უნივერსიტეტის მეცნიერები დაინტერესდნენ, რა იწვევს იმას, რომ ზოგიერთ საკვებზე დამოკიდებული ვხდებით.
კვლევის ფარგლებში მათ რამდენიმე ასეული ადამიანი გამოკითხეს და დაადგინეს, რომ დამოკიდებულებას ყველზე მეტად ყველის შემცველი საკვები პროდუქტები იწვევენ.
მეცნიერებმა აღმოაჩინეს, რომ ყველი შეიცავს ქიმიკატ კაზეინს რომელიც ნარკოტიკებში გვხვდება. დამუშავების შემდეგ, ის გარდაიქმნება კაზომორფინად. კაზომორფინს კი ოპიუმის ეფექტი აქვს.
ამ ნივთიერებას, რომელიც რძის ყველა პროდუქტშია, ტვინში ოპიოიდური რეცეპტორების გამოწვევა შეუძლია, რომლებიც დაკავშირებულია დამოკიდებულებასთან.
კვლევა სამეცნიერო ჟურნალ Public Library of Science One-ში გამოქვეყნდა.
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
ჩინელი მეცნიერები ვარაუდობენ, რომ სათვალის მტარებელ ადამიანებს კორონავირუსით ინფიცირების უფრო დაბალი რისკი აქვთ. კვლევის ავტორებმა თავიანთი ნაშრომი აკადემიურ გამოცემაში JAMA Ophthalmology გამოაქვეყნეს.
მკვლევრებმა შეამჩნიეს, რომ 2019 წლის დეკემბრიდან მოყოლებული დღემდე, კორონავირუსით ინფიცირების გამო მათ ჰოსპიტალში მოხვედრილთა მხოლოდ მცირე ნაწილი ატარებდა სათვალეს. აღნიშნულის გამო მათ COVID-19-ით დაავადებული ყველა სათვალიანი ადამიანის სამედიცინო ისტორია გამოიკვლიეს. თავიანთ მცირე კვლევაში მათ აღმოაჩინეს, რომ 276 პაციენტიდან სათვალეს მხოლოდ 16 (5,8%) ატარებდა.
ჩინელმა მეცნიერებმა დაადგინეს, რომ ყველა ეს პაციენტი ახლომხედველი გახლდათ. ამის შემდგომ მათ ჰუბეის პროვინციაში მცხოვრებ მიოპიით დაავადებულთა ინფიცირების სტატისტიკა გააანალიზეს. როგორც გაირკვა, ინფიცირების მაჩვენებელი მნიშვნელოვნად უფრო მაღალი აღმოჩნდა (31,5%), მაგრამ მიუხედავად ამისა, ახლომხედველთა საავადმყოფოში მოხვედრის ალბათობა მოსალოდნელზე 5-ჯერ უფრო დაბალი იყო.
აღნიშნული კვლევა ნამდვილად საყურადღებო ნაშრომია, მაგრამ მიღებულ შედეგებს ინტერპრეტაცია სიფრთხილით უნდა გავუკეთოთ.
მართალია, თვალების დაცვა პირველადი თავდაცვის აღჭურვილობაში მნიშვნელოვან ადგილს იკავებს, მაგრამ ნაშრომში მოყვანილი განსხვავების მაგნიტუდა მაინც ეჭვებს ბადებს. ეს იმას არ ნიშნავს, რომ მიღებული შედეგები მცდარია, უბრალოდ, ფართო პოპულაციისთვის ქცევის შეცვლისკენ (სათვალის პირბადესთან ერთად ტარება) მიმართული ახალი რეკომენდაციისათვის ეს კვლევა საკმარისი არ გახლავთ.
ახალგაზრდა ანალიტიკოსთა და მეცნიერთა დარბაზი ,,დოქტრინა“
ახალი კვლევების თანახმად, D ვიტამინს COVID-19-ის განვითარების რისკისა და დაავადების სიმძიმის შემცირება შეუძლია.
ექსპერტების თქმით, ვიტამინი D აძლიერებს იმუნურ სისტემას, რაც ხელს უწყობს ისეთი დაავადებების წინააღმდეგ ბრძოლას, როგორიცაა COVID-19. D ვიტამინის მისაღებად საუკეთესო გზაა მზის სხივები და ჯანსაღი კვება, მაგრამ ასევე შესაძლებელია დანამატების გამოყენება.
ახლახან გამოქვეყნებული კვლევების სერია ამბობს, რომ დანამატს ასევე შეუძლია დაგიცვას SARS-CoV-2 ვირუსისგან, რომელსაც შეუძლია COVID-19 გამოიწვიოს.
ჩიკაგოს უნივერსიტეტის მედიცინის მკვლევრებმა უნივერსიტეტის საავადმყოფოს მედიცინის ხელმძღვანელის, დოქტორ დევიდ მელცერის ხელმძღვანელობით ჩატარებული კვლევით დაადგინეს, რომ D ვიტამინის ნაკლებობასა და COVID-19-ის განვითარების რისკს შორის კავშირი არსებობს.
მკვლევრებმა საავადმყოფოში 489 პაციენტი შეისწავლეს და დააკვირდნენ, რომ D ვიტამინის ნაკლებობის მქონე პაციენტებში (მინიმუმ 20 ნანოგრამზე ნაკლები მილილიტრ სისხლში) თითქმის ორჯერ მეტია (1.77-ჯერ მეტი) კორონავირუსზე დადებითი პასუხები, ვიდრე მათთან, ვისაც D ვიტამინის ნორმალური დონე აქვთ.
ვიტამინსა და დაავადებას შორის შესაძლო კავშირის შესახებ მათ მოითხოვეს შემდგომი კლინიკური კვლევების ჩატარება.
“უამრავი მტკიცებულება არსებობს იმისა, რომ [D ვიტამინის ნაკლებობას] ძალიან სერიოზული შედეგები მოაქვს. თუ ვიტამინ D–ს გონივრულ დოზას იღებთ, ვერ მიხვდები, თუ სხვას როგორ ტკივა, ეს შეიძლება ბევრს დაეხმაროს”, — განაცხადა მელცერმა Healthline-თან.
D ვიტამინის მნიშვნელობის შესახებ ისაუბრა აშშ-ის ალერგიისა და ინფექციური დაავადებების ეროვნული ინსტიტუტის დირექტორმა, ენტონი ფაუჩმაც. მსახიობ ჯენიფერ გარნერთან ინტერვიუში მან აღნიშნა, რომ D ვიტამინის ნაკლებობა ინფექციისადმი მგრძნობელობაზე გავლენას ახდენს.
“წინააღმდეგი არ ვიქნები რეკომენდაციის, რადგან მე თვითონ ვაკეთებ ამას და ვიღებ D ვიტამინს დანამატების სახით”, — განაცხადა ფაუჩმა.
ამასთან, ბოლოდროინდელი 40 კვლევის მეტაანალიზმა აჩვენა, რომ ვიტამინის ყოველდღიური, გრძელვადიანი მიღება ორგანიზმს მწვავე რესპირატორული ინფექციებისგან იცავს. ასევე, სხვა კვლევევებმაც დაადგინა კავშირი D ვიტამინის დონესა და COVID-19 მგრძნობელობას შორის.
ესპანეთის გრენადის უნივერსიტეტმა მცირე რანდომიზირებული კვლევით დაადგინა, რომ კორონავირუსით ინფიცირებული 50 ადამიანიდან, რომელთაც კალციფედიოლით (D ვიტამინის ჯგუფი) მკურნალოდნენ, მხოლოდ ერთი მოხვდა ინტენსიური თერაპიის განყოფილებაში. ხოლო 26 ადამიანიდან, რომელთაც მსგავსი მეთოდით არ მკურნალობდნენ, რეანიმაციაში 13 ადამიანი მოხვდა.
“ჩვენმა საპილოტე კვლევამ აჩვენა, რომ კალციფედიოლის ან 25-ჰიდროქსივიტამინის D-ს მაღალი დოზის მიღებამ მნიშვნელოვნად შეამცირა პაციენტების მკურნალობა ინტენსიური თერაპიის განყოფილებაში, რომლებიც COVID-19-ის გამო ჰოსპიტალიზაციას საჭიროებენ”, – განაცხადეს კვლევის ავტორებმა.
დოქტორმა ლუიჯი ჯენარმა, იტალიის სიენის უნივერსიტეტის მედიცინის ასოცირებულმა პროფესორმა, ამერიკული საზოგადოების შეხვედრაზე ახლახან წარადგინა მონაცემები ძვლისა და მინერალების კვლევის შესახებ, რომელიც D ვიტამინის დონესა და COVID-19 ინფექციების რისკს შორის კავშირს აჩვენებს.
იტალიელმა მკვლევრებმა განაცხადეს, რომ მილანის სან-ლუკას საავადმყოფოს ინტენსიური თერაპიის განყოფილებაში მყოფ პაციენტებს, რომელთაც კორონავირუსის მწვავე სიმპტომები ჰქონდათ, 25-ჰიდროქსივიტამინ D-ს დაბალი დონე და ინტერლეიკინი-6-ის (ცილა,რომელიც დაკავშირებულია ანთებასთან) მაღალი დონე აღმოაჩნდათ საავადმყოფოში მყოფ უფრო მსუბუქი სიმპტომების მქონე პაციენტებთან შედარებით, რომლებიც ინტენსიური თერაპიის განყოფილებაში არ მკურნალობდნენ.
ვაშინგტონის ბრიჯიტ ჰოსპიტლის წარმომადგენელი, დოქტორი მანიშა სინგალი Healthline-თან ამბობს, რომ ვიტამინი D მნიშვნელოვან როლს თამაშობს როგორც ჯანმრთელობის შენარჩუნებაში, ასევე, ავადმყოფობასთან ბრძოლის დროსაც.
მისი განმარტებით, D ვიტამინს ჯანმრთელობის შენარჩუნებასა და დაავადებასთან ბრძოლაში მნიშვნელოვანი წვლილი შეაქვს, რაც გულისხმობს ორგანიზმში ზომიერი იმუნური რეაქციის გამოწვევას. ეს მნიშვნელოვანია, რადგან, როგორც ცნობილია, კოვიდ-19-ის გართულებისას ორგანიზმში იწყება მომატებული იმუნური რეაქცია, ე.წ. ციტოკინური შტორმი, რამაც შეიძლება სერიოზული პრობლემები გამოიწვიოს.
როგორვ სინგალმა თქვა, უმჯობესია, D ვიტამინის ბუნებრივი წყაროებიდან მიღება, მაგრამ დანამატები ასევე შეიძლება ეფექტური იყოს იმუნური სისტემის გასაძლიერებლად. მან ასევე ურჩია საზოგადებას, რომ D ვიტამინის დონე ექიმთან შეამოწმონონ. მისი თქმით, კორონავირუსის პანდემიის გამო D ვიტამინის დონის გაკონტროლება ახლა კიდევ უფრო მნიშვნელოვანია, ვიდრე ოდესმე.
ახალგაზრდა ანალიტიკოსთა და მეცნიერთა დარბაზი ,,დოქტრინა“
WHO კორონავირუსის წინააღმდეგ ბრძოლის წინა ხაზზე მომუშავე მედიკოსების დამცავი აღჭურვილობით უზრუნველყოფის აუცილებლობაზე საუბრობს.
WHO-ს მონაცემებით, მსოფლიოში ყოველი 7 კოვიდინფიცირებულიდან 1 სამედიცინო მუშაკია, ხოლო ზოგიერთ ქვეყანაში კი ყოველი 3 ინფიცირებულიდან 1. ინფორმაციას Reuters-ი ავრცელებს.
„გლობალურად ჯანდაცვის მსოფლიო ორგანიზაციის მიერ „კოვიდ-19“-ის რეგისტრირებული შემთხვევების 14 პროცენტი ჯანდაცვის სფეროს მუშაკებზე მოდის, ზოგიერთ ქვეყანაში ეს მაჩვენებელი 35 პროცენტს აღწევს“, – განაცხადა ტედროს ადჰანომ გებრეიესუსმა.
ახალგაზრდა ანალიტიკოსთა და მეცნიერთა დარბაზი ,,დოქტრინა“
აშშ-ის პიტსბურგის უნივერსიტეტში მეცნიერებმა აღმოაჩინეს ცილა, რომელსაც უნარი შესწევს, მინიმალური დოზის შემთხვევაშიც კი სრულად გაანეიტრალოს ახალი ტიპის კორონავირუსი. კერძოდ, ცილას შეუძლია კონტაქტში შევიდეს კორონავირუსის S-ცილასთან, შეაღწიოს მასში და გაანადგუროს ის. ამის შესახებ რადიო „თავისუფლების“ ცნობით, გამოკვლევა ჟურნალ Cell-ში გამოქვეყნდა.
საუბარია ცილოვან შენაერთზე, რომელიც ათჯერ უფრო მცირე ზომისაა სრული ზომის ანტისხეულთან შედარებით და რომელიც COVID-19-ის საწინააღმდეგო პრეპარატ Ab8-ის შესაქმნელად გამოიყენება.
კვლევაში აღნიშნულია, რომ ამ პრეპარატმა მაღალი ეფექტიანობა გამოავლინა კორონავირუსის ინფექციის მკურნალობისას თაგვებსა და ზაზუნებში. ამასთან, სპეციალისტებმა ყურადღება მიაქციეს იმას, რომ აღმოჩენილი ნივთიერების მოლეკულები კავშირში არ შედის ადამიანის უჯრედებთან, რის ხარჯზეც შესაძლებელია არასასურველი თანმდევი ეფექტების მინიმუმამდე დაყვანა.
„Ab8-ს არა მხოლოდ COVID-19-ის თერაპიის პოტენციალი მოეპოვება, არამედ განიხილება როგორც პროფილაქტიკური საშუალება ახალი ტიპის კორონავირუსით ადამიანების დაავადების თავიდან ასაცილებლად“, – განაცხადა გამოკვლევის ავტორმა ჯონ მელორსმა.
ახალგაზრდა ანალიტიკოსთა და მეცნიერთა დარბაზი ,,დოქტრინა“
აღმოჩნდა, რომ იდუმალი ცილა, რომელიც რიბონუკლეინის მჟავას კრავს, ვირთაგვებში მახსოვრობის ფორმირების პროცესში მნიშვნელოვან როლს ასრულებს.
ეს არის პირველი შემთხვევა, როცა მოლეკულური ფაქტორი სინაფსურ პლასტიკურობასა და ცოდნასთან დააკავშირეს.
მეცნიერებმა ჩაახშეს ცილებ სტეფენ ჰომოგო 2-ის სინთეზი (Stau2) ვირთაგვებში და აღმოაჩინეს, რომ შედეგად, მათი სწავლის უნარი დაქვეითდა ანუ პროტეინების დაბალი დონის მქონე ვირთაგვებს მეხსიერების გაუარესება აღენიშნებოდათ.
როდესაც ჩვენ რაღაცას ვსწავლობთ, ჩვენი ტვინის სტრუქტურა მკაფიოდ იცვლება ახალი ინფორმაციის შესანახად, „სინასპტიკურ პლასტიკურობაში“.
ამ ცვლილების გრძელვადიანი მოლეკულური ალტერაცია იშიფრება მაცნე რიბონუკლეინის მჟავის მოლეკულებში, რომლებიც შემდეგ მოგზაურობენ ადგილზე და კონკრეტულ პროტეინებ აპროგრამებენ, რომელიც ინფორმაციის შენახვაში გვეხმარება.
გასული წლის კვლევაში, მიუნხენის ლუდვიგ-მაქსიმილის უნივერსიტეტის ნეირომეცნიერმა მაიკლ კეიბლერმა აჩვენა, რომ Stau2 არის ცილა, რომელიც ეხმარება mRNA-ის ნეირონული სინაპეციებისკენ გაგზავნას – ნეირონსა და სხვა ნეირონს, ან უჯრედი – მიშენის შორის კომუნიკაციის წერტილი.
მაგრამ რა როლი ითამაშა მან სწავლისა და მეხსიერების ფორმირების პროცესში, ჯერ კიდევ არ იყო კარგად ახსნილი.
გერმანიის მანჰაიემის უნივერსიტეტსა და ესპანეთის სევილიის უნივერსიტეტის მეცნიერებმა მოამზადეს ვირთაგვები Stau2- ის დეფიციტით, რათა მოქმედებაში დაკვირვებიდნენ სწავლის უნარზე მის ზეგავლენას.
,,პირველად მეცნიერების ისტორიაში, ეს ნამუშევარი საშუალებას გვაძლევს, კონკრეტული მოლეკულური ფაქტორი – რიბონუკლეინის მჟავის შემაკავშირებელი ცილა – Stau2-ი, სინაფსურ პლასტიკურობასა და სწავლის უნართან დაგვეკავშირებინა”, – განაცხადეს კვლევის ავტორებმა.
ცდის ფარგლებში ვირთაგვებს სხვადასხვა სახის დავალება მისცეს, Stau2-ის დეფიციტის მქონე ვირთაგვებმა საკონტროლო ჯგუფთან შედარებით მუშა მეხსიერების შესამჩნევად დაბალი დონე აჩვენეს.
მეცნიერები აცხადებენ, რომ სწავლისა და მახსოვრობის პროცესში Stau2-ის ზუსტი როლის განსასაზღვრად დამატებითი კვლევების ჩატარებაა საჭირო.
წყარო: http://www.sciencealert.com
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
