კვლევები

ჯანდაცვის მსოფლიო ორგანიზაციამ მალარიის სამკურნალო პრეპარატი „ჰიდროქსიქლოროქსინი“ („პლაქველინი“) „სოლიდარობის კვლევიდან“ დროებით ამოიღო.

ჯანდაცვის მსოფლიო ორგანიზაციის დირექტორის, ტედროს ადჰანომ გაბრეიესუსის ინფორმაციით, ორგანიზაციამ აღნიშნული გადაწვეტილება უსაფრთხოების დაცვის მიზნით მიიღო.

„აღმასრულებელმა ჯგუფმა „სოლიდარობის კვლევიდან“ „ჰიდროქსიქლოროქსინის“ დროებით ამოღების გადაწყვეტილება მიიღო, ვინაიდან უსაფრთხოების მონიტორინგის საბჭო უსაფრთხოების შესახებ ინფორმაციას ამოწმებს,“ – განაცხადა ჯანმო-ს ხელმძღვანელმა.

ცნობისათვის, რამდენიმე დღის წინ სამედიცინო ჟურნალ „ლანცეტში“ გამოქვეყნდა კვლევის შედეგები, რომლის თანახმადაც, კორონავირუსით დაინფიცირებული პაციენტების „ჰიდროქსიქლოროქსინით“ მკურნალობას შედეგი არ მოაქვს და პირიქით, მისმა გამოყენებამ, შესაძლოა, გარდაცვლილი პაციენტების რაოდენობა კიდევ უფრო გაზარდოს.

„ლანცეტში“ გამოქვეყნებულ კვლევაში კორონავირუსით დაინფიცირებული 96 000 პაციენტი იყო ჩართული, მათგან დაახლოებით 15 000-ს „ჰიდროქსიქლოროქსინით“ მკურნალობდნენ. შედეგებმა აჩვენა, რომ აღნიშნულ პაციენტებში სიკვდილიანობისა და გულის რიტმის დარღვევასთან დაკავშირებული გართულებების მაჩვენებელი უფრო მაღალი იყო, ვიდრე დანარჩენებში.

შეგახსენებთ, „ჰიდროქსიქლოროქინი“ („პლაქვენილი“) კორონავირუსის სამკურნალო პრეპარატად არაერთ ქვეყანაში გამოიყენება. მისი აქტიური მხარდამჭერია აშშ-ის პრეზიდენტი, დონალდ ტრამპი. მან მედიკამენტს „გეიმ ჩეინჯერი“ უწოდადა  რამდენიმე დღის წინ განაცხადა, რომ „ჰიდროქსიქლოროქინს“ პროფილაქტიკის მიზნით სვამდა.

მასალა მოამზადა : თამარ ტაბატაძემ 

წყარო : BBC

ახალგაზრდა ანალიტიკოსთა და მეცნიერთა დარბაზი ,,დოქტრინა“

კორონავირუსის პანდემიის გლობალური მონაცემების ანალიზის შედეგად მეცნიერებმა ვიტამინ D-ს მწვავე დეფიციტსა და სიკვდილიანობის მაჩვენებელს შორის კავშირი აღმოაჩინეს.

მკვლევართა ჯგუფი, რომელსაც Northwestern University-ი ხელმძღვანელობდა, აცხადებს, რომ გლობალური მონაცემებზე დაკვირვებით ვიტამინ D-სა და ციტოკინურ ქარიშხლს (ზეაქტიური იმუნური სისტემისგან გამოწვეული ჰიპერანთებითი მდგომარეობა) შორის კავშირი დაადგინეს, ისევე როგორც კავშირი დადგინდა ვიტამინ D-ს დეფიციტსა და სიკვდილიანობას შორის.

„ციტოკინური ქარიშხალი, შესაძლოა, ფილტვების მნიშვნელოვნად დაზიანების, რესპირატორული დისტრეს სინდრომისა და პაციენტებში სიკვდილის გამოწვევის მიზეზი გახდეს. სავარაუდოდ, სწორედ ეს არის კოვიდ-19-ით დაინფიცირებული პაციენტების დაღუპვის მიზეზი და არა უშუალოდ ვირუსის მიერ ფილტვების განადგურება. ეს არის გართულებები, რასაც იმუნური სისტემის არასწორი „ქცევა“ იწვევს.

მეცნიერების აზრით, სწორედ აქ თამაშობს მნიშვნელოვან როლს ვიტამინი D. მათი განმარტებით,  ის არა მარტო აძლიერებს ჩვენს თანდაყოლილ იმუნურ სისტემას, არამედ იცავს მას იმისგან, რომ სახიფათოდ ზეაქტიური გახდეს, რაც იმას ნიშნავს, რომ ორგანიზმში ვიტამინი D-ს ჯანსაღ დონეს პაციენტების სერიოზული გართულებებისგან, მათ შორის სიკვდილისგან, დაცვა შეუძლია.

„ჩვენმა კვლევამ აჩვენა, რომ ამ გზით, შესაძლოა, სიკვდილიანობის მაჩვენებელი განახევრდეს. ორგანიზმში ვიტამინი D-ს საჭირო დონე პაციენტებს კორონავირუსისგან დაინფიცირებისგან ვერ დაიცავს, თუმცა მას დაინფიცირებულებში გართულებებისა და სიკვდილიანობის შემცირება შეუძლია,“- აღნიშნავენ კვლევის ავტორები.

მათივე განმარტებით, აღნიშნულმა კავშირმა, შესაძლოა, მედიკოსებს „კოვიდ-19“-ის გარშემო არსებული ბევრი საიდუმლოს ახსნის საშუალება მისცეს. „მაგალითად, როგორიცაა სიკვდილიანობის უფრო დაბალი მაჩვენებელი ბავშვებში. ბავშვებს შეძენილი იმუნური სისტემა ჯერჯერობით ბოლომდე განვითარებული არ აქვთ, რომელიც იმუნური სისტემის დაცვის მეორე ხაზია და მისი ზეაქტიურად გადაქცევის უფრო მაღალი ალბათბა არსებობს.“

მეცნიერების განცხადებით, მათი კვლევის შედეგი არ ნიშნავს იმას, რომ ვიტამინი D-ს მიღება ყველამ უნდა დაიწყოს. ის, თუ რა დოზით, ფორმით და რა დროს უნდა მიიღონ პაციენტებმა ვიტამინი D, ამას მედიკოსები შემდგომი კვლევების შედეგებზე დაყრდნობით დაადგენენ. ისინი მოქალაქეებს აფრთხილებენ, რომ ვიტამინი D-ს თვითნებურად და გადაჭარბებული დოზით მიღებამ, შესაძლოა, მნიშვნელოვანი უარყოფითი შედეგები გამოიწვიოს.

ცნობისათვის, კვლევის ფარგლებში მევცნიეებმა ჩინეთის, საფრანგეთის, გერმანიის, იტალიის, ირანის, სამხრეთ კორეის, ესპანეთის, შვეიცარიის, გაერთიანებული სამეფოსა და აშშ-ს კლინიკებსა და საავადმყოფოებში არსებული მონაცემების სტატისტიკური ანალიზი განახორციელეს.

წყარო : sciencedaily.com

მასალა მოამზადა : თამარ ტაბატაძემ  

ახალგაზრდა ანალიტიკოსთა და მეცნიერთა დარბაზი ,,დოქტინა”

ბრიტანულმა ფარმაცევტულმა კომპანია GlaxoSmithKline-მა (GSK) მალარიის საწინააღმდეგო ვაქცინა შექმნა, რომელსაც ექსერტებმა „გეიმ ჩეინჯერი“ უწოდეს და აცხადებენ, რომ ის 80 მილიონ ბავშვის მალარიისგან იცავს.

ვაქცინის ეფექტურობა 40 პროცენტს შეადგენს ვაქცინაციის საპილოტე პროგრამა ჯანდაცვის მსოფლიო ორგანიზაციის რეკომენდაციით, პირველ ეტაპზე სამ ქვეყანაში : განაში, კენიასა და მალავში მიმდინარეობს და ყოველწლიურად 360 000 ბავშვის ვაქცინაცია იგეგმება.

ჯანდაცვის მსოფლიო ორგანიზაციის მონაცემებით, გასულ წელს მალარიის 228 მილიონი შემთხვევა დადასტურდა და 405 000 ადამიანი გარდაიცვალა. ამავე სტატისტიკის თანახმად, შემთხვევების 90 პროცენტი სუბსაჰარული აფრიკის ქვეყნებში დაფიქსირდა, დაღუპულთა ორი მესამედი კი 5 წლადმე ასაკის ბავშვი იყო.

მალარია-ინფექციურ დაავადებათა ჯგუფია, რომელსაც იწვევს უმარტივესი სისხლის Plasmodium-ის გვარის პარაზიტები. მათი გადაცემა ბუნებრივ პირობებში Anopheles-ის გვარის მდედრი კოღოების კბენის შედეგად ხდება. მალარიის პარაზიტები ე.წ. ჰიპნოზოიტური ფორმები ღვიძლში ხანგრძლივად ცოცხლობენ. მალარიის ყველა ფორმის დროს აღინიშნება ანემია , დიდდება ღვიძლი და განსაკუთრებით კი ელენთა.

წყარო : metro.co.uk

მასალა მოამზადა : თამარ ტაბატაძემ  

ახალგაზრდა ანალიტიკოსთა და მეცნიერთა დარბაზი ,,დოქტინა”

ჯანდაცვის მსოფლიო ორგანიზაცია ქვეყნების ხელისუფლებებს მოუწოდებს, კორონავირუსისგან განკურნებულებს ე.წ. „იმუნიტეტის პასპორტები“ ან „არასარისკო კატეგორიის სერტიფიკატებს“, ვინაიდან ამან, შესაძლოა ვირუსის ფართოთ გავრცელების საფრთხე გაზარდოს.
ორგანიზაციის განცხადებით, ჯერჯერობით არ არსებობს იმის მტკიცებულება, რომ იმ ადამიანებს, რომლებიც კორონავირუსისგან განიკურნენ და ანტისხეულები გამოუმუშავდათ, ვირუსი ხელახლა აღარ შეხვდებათ.
„ჯერჯერობით არ არსებობს იმის მტკიცებულება, რომ ვირუსისგან გამოწვეული ანტისხეულები ქმნის იმუნიტეტს, რომელიც ადამიანებში ინფექციის გამეორებას აღარ იწვევს, შესაბამისად „იმუნიტეტის პასპორტების,“ – აცხადებს ჯანმო.
გარდა ამისა, ორგანიზაციის მტკიცებით, ლაბორატორიებში ანტისხეულებზე ჩატარებული ტესტებიც გადამოწმებას საჭიროებს. ამასთან, საჭიროა, SARS-CoV-2-ი (ახალი კორონავირუსის მეცნიერული სახელწოდება) და კორონავირუსის დანარჩენი ექვსი სახეობა ერთმანეთისგან განვასხვავოთ.
„ჯანმო“-მ აღნიშნული განცხადება მას შემდეგ გააკეთა, რაც ზოგიერთმა მთავრობამ დაიწყო მსჯელობა იმის შესახებ, რომ იმ პირებს, რომლებიც კორონავირუსისგან განიკურნენ, მოგზაურობის, ან სამსახურებში დაბრუნების უფლება მისცენ.

წყარო : bbc.com

ახალგაზრდა ანალიტიკოსთა და მეცნიერთა დარბაზი ,,დოქტრინა“

კომპანია Gilead Sciences-ის მიერ შექმნილ ანტი-ვირუსულ პრეპარატ „რემდესივირზე“ ჩატარებულმა კლინიკურმა ცდებმა, რომელშიც 1 000-ზე მეტი კოვიდ ინფიცირებული მონაწილეობდა, აჩვენა, რომ ის პაციენტების 31 პროცენტით უფრო სწრაფად გამოჯანმრთელებას უწობს ხელს.
„შედეგებმა აჩვენა, რომ „რემდესივირს“ მნიშვნელოვანი, დადებითი ეფექტი აქვს გამოჯანმრთელების დროის შემცირებაზე. მიუხედავად იმისა, რომ 31 პროცენტიანი მაჩვენებელი 100 პროცენტი არ არის, ეს ამტკიცებს, რომ მედიკამენტს ვირუსის ბლოკირება შეუძლია,“ – განაცხადა აშშ-ის ალერგიული და ინფექციური დაავადებების ეროვნული ინსტიტუტის დირექტორმა, ენტონი ფაუჩიმ.
აშშ-ის ალერგიული და ინფექციური დაავადებების ეროვნული ინსტიტუტის ინფორმაციით, მედიკამენტზე ჩატარებულმა ცდებმა ასევე აჩვენა, რომ ის, კორონავირუსით დაინფიცირებულ პაციენტებში სიკვდილიანობის მაჩვენებელს მნიშვნელოვნად ამცირებს.
„შედეგებმა ასევე აჩვენა, რომ იმ პაციენტებში, რომლებიც „რემდესივირს“ ღებულობდნენ, სიკვდილიანობის მაჩვენებელი 8 პროცენტი იყო, პლაცებოს ჯგუფში კი – 11.6 პროცენტი,“- აღნიშნულია აშშ-ის ალერგიული და ინფექციური დაავადებების ეროვნული ინსტიტუტის მიერ გავრცელებულ ინფორმაციაში.
თუმცა, პრეპარატზე ჩატარებული კიდევ ერთი კვლევა ნაკლებად დამაიმედებელი აღმოჩნდა. „რემდესივირი“ ჩინეთში, მძიმე მდგომარეობაში მყოფ პაციენტებში გამოიყენეს, თუმცა არცთუ ისე ეფექტური აღმოჩნდა.
ჯანდაცვის მსოფლიო ორგანიზაციის გადაუდებელი სიტუაციების პროგრამის აღმასრულებელმა დირექტორმა მაიკლ რაიანმა „რემდესივირზე“ აშშ-ში ჩატარებულ კვლევაზე კომენტირებაზე უარი განაცხადა და აღნიშნა, რომ ის ჯერჯერობით კვლევას სრულად არ გაცნობია.
ცნობისათვის, ანტი-ვირუსული პრეპარატი „რემდესივირი“ 2015 წელს ებოლას სამკურნალოდ შეიქმნა, თუმცა, ამ კუთხით, დადებითი შედეგები ვერ აჩვენა.

მასალა მოამზადა :  თამარ ტაბატაძემ 

წყარო : vice.com , reuters.com

ახალგაზრდა ანალიტიკოსთა და მეცნიერთა დარბაზი ,,დოქტრინა“