კვლევები

ავსტრიაში კვირას კორონავირუსისგან გამოჯანმრთელებული პაციენტების რაოდენობა ინფექციის ახალი შემთხვევებს გადააჭარბა.

კვირას დილით ახალი შემთხვევების რაოდენობა 270-ით გაიზარდა წინა დღესთან შედარებით, თუმცა გამოჯანმრთელებული ადამიანების სტატისტიკა 491-ით მეტი იყო შაბათთან შედარებით. ინფორმაციას გარდიანი ავრცელევს ავსტრიის ჯანდაცვის სამინისტროზე დაყრდნობით.

“ეს იმედის მომცემი რიცხვებია, მაგრამ ახალა… უნდა დავრჩეთ მობილიზებულები და არ დავნებდეთ. არა – კერძო სააღდგომო დღესასწაულებსა და არდადეგებს”, – განაცხადა ავსტრიის ჯანდაცვის მინისტრმა.

ავსტრიაში კორონავირუსის პანდემიით 204 ადამიანი დაიღუპა, ინფიცირებულია 12 ათასზე მეტი ადამიანი.

კანცლერმა სებასტიან კურცმა მოსახლეობას მიმართა, რომ თუ სააღდგომო კვირა დისციპლინირებულად და წესების დაცვით ჩაივლის, “თანდათანობით და ფრთხილად”, ნორმალური ცხოვრება დაბრუნდება ქვეყანაში.

წყარო : netgazeti.ge

ახალგაზრდა ანალიტიკოსთა და მეცნიერთა დარბაზი ,,დოქტრინა”

დიდმა ბრიტანეთმა 3,5 მილიონი ერთეული ანტისხეულზე დამყარებული სწრაფი ტესტი შეიძინა, რომლის საშუალებითაც Covid-19-ის დიაგნოზირებაა შესაძლებელი.
დიდი ბრიტანეთის ხელისუფლება აცხადებს, რომ მალე ქვეყნის მოსახლეობა ანტისხეულზე დამყარებული სწრაფი ტესტის ჩატარებას სახლის პირობებში შეძლებს. ტესტების შეძენა კი უახლოეს მომავალში Amazon-ისა and Boots-ის საშუალებით იქნება ხელმისაწვდომი.
რა არის ანტისხეულზე დამყარებული სწრაფი ტესტი?
არსებობს 2 ტიპის სწრაფი ტესტი. ერთი არის ანტისხეულის სისხლში აღმოჩენაზე დაფუძნებული ტესტი. ტესტი ტარდება მოწყობილობით, რომელიც თითზე ჩხვლეტის საშუალებით სისხლის სინჯს იღებს სადაც მედიკოსები ეძებენ 2 ტიპის ანტისხულს, ესენია იმუნოგლობულინი G და იმუნოგლობულინი E. როდესაც ორგანიზმში შედის ინფექცია, ადამიანის ორგანიზმი ამის წინააღმდეგ გამოიმუშავებს ანტისხეულს. თუ გაჩნდა იმუნოგლობულინი G, ეს ნიშნავს, რომ ადამიანს ინფექცია გადატანილი აქვს და მის მიმართ გარკვეული იმუნიტეტი აქვს გამომუშავებული. სწრაფი ტესტი ამას დაახლოებით 15 წუთში ადგენს.
ის ტესტები, რომლებსაც ამჟამად დიდი ბრიტანეთის მთავრობა იყენებს, ადგენს მხოლოდ იმას, აქვს თუ არა ადამიანს კორონავირუსი მოცემული მომენტისთვის და არა იმას, გადატანილი აქვს თუ არა მას ინფექცია და არის თუ არა გამოჯანმრთელებული.
ანტისხეულებზე დაფუძნებულ ტესტებს „სეროლოგიური რეაქციასაც“ უწოდებენ.
რა არის ანტიგენზე დამყარებული სწრაფი ტესტი?
არსებობს კიდევ ერთი ტიპის სწრაფი ტესტი – ანტიგენზე დამყარებული სწრაფი ტესტი, რომელიცადგენს არა ანტისხეულების, არამედ ანტიგენების ყოფნას სისხლში. ანტიგენი არის ვირუსის ფარგლებში წარმოქმნილი სტრუქტურა, რომელიც განაპირობებს ინფექციის წინააღმდეგ საბრძოლველად იმუნური სისტემის პასუხის წარმოქმნას. მისი აღმოჩენა სისხლში ანტისხეულების წარმოქმნამდეა შესაძლებელი.
ანტიგენზე დაფუძნებული ტესტი ეფექტურია, ვინაიდან იმუნურ სისტემას საჭირო რაოდენობის ანტისხეულების წარმოსაქმნელად რამდენიმე დღე სჭირდება, ანტიგენების აღმოჩენა კი ინფექციის გაჩენისთანავეა შესაძლებელი.
ანტიგენებზე დაფუძნებული ტესტების საშუალებით ადამიანის იმუნოდეფიციტის ვირუსის, მალარიისა და გრიპის დიაგნოზირებას ახორციელებენ.
რა ეღირება ტესტი და რომელი კომპანია ამზადებს მათ?
დიდი ბრიტანეთის ხელისუფლებას ტესტის ღირებულების შესახებ ოფიციალური ინფორმაცია არ გაუვრცელებია, თუმცა, ცნობილია, რომ ბირტანული კომპანია SureScreen-ის მიერ დამზადებული ტესტების ფასი 6 გირვანქა სტერლინგია (1 £ = 1,25 $). კომპანია აცხხადებს, რომ ტესტის სიზუსტე 98 პროცენტია.
დიდი ბრიტანეთის ხელისუფლებამ პირველ ეტაპზე 3,5 მილიონი ტესტი შეიძინა, რაც, ბუნებრივია, ქვეყნის მთელი მოსახლეობისთვის საკმარისი არ იქნება, თუმცა მას შემდეგ, რაც ტესტები Amazon-ისა and Boots-ის საშუალებით გახდება ხელმისაწვდომი, მის შეძენასა და გამოყენებას გაცილებით მეტი ადამიანი შეძლებს.

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა“

მინდა, სიამაყით განვაცხადო, 6 შტამი, ანუ 6 ქართველი პაციენტის კორონავირუსის გენი გაშიფრულია, – ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ იმედის გადაცემა „პრაიმშოუს“ ეთერში განაცხადა.

მისი თქმით, აღნიშნულის შედეგად შესაძლებელია, თვალი მიადევნონ, პაციენტებში აღმოჩენილი შტამები უცხოეთის რომელ ქვეყანაშია გავრცელებული.

„მინდა, სიამაყით განვაცხადო, რომ 6 შტამი, ანუ 6 ქართველი პაციენტის ვირუსის გენი გაშიფრულია. ატვირთულია ვირუსების გენომების მსოფლიო ბაზაში. მაგალითად, ირანული წარმოშობის ავადმყოფის ვირუსის გენი კარგად ჩაჯდა ირანულ ჯგუფში, იტალიური წარმოშობის – იტალიურ ჯგუფში. ეს ვირუსები განსხვავდებიან. ვირუსის გავრცელებასთან ერთად მისი მუტაცია სულ ხდება და კორონავირუსის ეს შტამები ერთმანეთისგან განსხვავდება. შედეგად, ჩვენ ადვილად მივადევნებთ თვალყურს, არა მარტო ჩვენი პაციენტები საიდან ჩამოვიდნენ, არამედ ვირუსს რომ გამოვყოფთ, ვიცით ის ვირუსი, რომლის ნათესავია, რომელი ქვეყნაშია გავრცელებული. სხვათა შორის, გვქონდა შემთხვევა, ჩვენი პაციენტი ამბობდა, რომ მას შეხვედრა ჰქონდა რამდენიმე ქვეყნის უცხოელთან. დავადგინეთ, რომელი უცხოელისგან იყო ინფიცირებული, რადგან იმ ქვეყანაში გავრცელებული შტამის იდენტური იყო მისი ვირუსი. ამას აკეთებს დღეს ლუგარის ცენტრი ზუსტად ისე, როგორც მსოფლიოს წამყვანი ლაბორატორიები“, – განაცხადა პაატა იმნაძემ.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სისხლის ჩვეულებრივ ანალიზს 99%-ის სიზუსტით შეუძლია კიბოს 50-მდე ტიპის დადგენა ჯერ კიდევ მაშინ, სანამ სიმპტომები დაიწყებს გამოვლენას.

ამ საკითხთან დაკავშირებით კვლევას ჰარვარდის მედიცინის სკოლისა ლონდონის კოლეჯის მეცნიერები ერთობლივად ატარებდნენ. ინფორმაციას BBC ავრცელებს.

კვლევაში მონაწილეობას 6 ათასამდე ადამიანი იღებდა, რომელთა სისხლი მეცნიერებმა შეისწავლეს. მკვლევარები იმედოვნებენ, რომ ასეთი ანალიზები საშუალებას მისცემენ ექიმებს ადრეულ სტადიაზე გამოავლინონ სიმსივნური უჯრედები, რათა მკურნალობა წარმატებული იყოს.

მიუხედავად იმისა, რომ ანალიზების 99%-ში ანალიზებმა კიბო გამოავლინა, ექსპერტებს სურთ, რომ ეს საკითხი კიდევ ერთხელ გადამოწმდეს, ამიტომ კვლევას აგრძელებენ.

აღსანიშნავია, რომ კლინიკურმა შემოწმებამ აჩვენა, რომ სისხლის ანალიზი ავლენს პროგრესირებად ონკოლოგიას უფრო კარგად, ვიდრე თავად დაავადების საწყისს.

როგორ მუშაობს ეს?

ანალიზი ქიმიური ცვლილების ნიშნებს ეძებს, რომელიც სისხლში, გენეტიკურ კოდში (დნმ) სიმსივნედან ხვდება. კვლევაში შედიოდა კიბოს 50 ტიპი, მათ  შორის სწორი ნაწლავის კიბო, პროსტატისა და ფილტვების.

ახალგაზრდა ანალიტიკოსთა და მეცნიერთა დარბაზი ,,დოქტრინა“