close

კვლევები

კვლევები

ადამიანებს ფულზე მეტად ვარჯიში აბედნიერებთ — კვლევა

1.04K views on

იელისა და ოქსფორდის უნივერსიტეტების მიერ ჩატარებული კვლევის მიხედვით, ადამიანებს ვარჯიში უფრო აბედნიერებთ, ვიდრე ფული. უფრო ზუსტად კი, ფსიქიკური ჯანმრთელობისა და კეთილდღეობისთვის ვარჯიში უფრო მნიშვნელოვანია, ვიდრე ეკონომიკური სტატუსი.

კვლევის მიხედვით, ისინი, ვინც რეგულარულად ვარჯიშობენ, წელიწადის განმავლობაში მხოლოდ 35 დღე გრძნობენ თავს ცუდად, ხოლო არააქტიური მონაწილეები, საშუალოდ, 53 დღესა და მეტს.

მეცნიერების გუნდმა ასევე შენიშნა, რომ სპორტის კონკრეტული მიმართულებები სოციალიზაციასაც უწყობდა ხელს, რასაც არანაკლებ პოზიტიური ეფექტი ჰქონდა მოვარჯიშეებზე.

აშკარაა, რომ ვარჯიშს როგორც ფიზიკური, ისე ფსიქიკური კეთილდღეობა მოაქვს. თუმცა, როგორ ამტკიცებენ მეცნიერები, რომ ის ეკონომიკურ სტატუსზე უფრო მნიშვნელოვანი შეიძლება იყოს?

ჟურნალ The Lancet-ში გამოქვეყნებული კვლევის მიხედვით, მეცნიერებმა შეაგროვეს 1,2 მილიონი ამერიკელის მონაცემები ფიზიკურ აქტივობებსა და ფსიქოლოგიურ განწყობებზე.

წყარო : on.ge

სრულად ნახვა
ანალიტიკაეკოლოგიაეს საინტერესოაკვლევებიმსოფლიო

მეცნიერები ჩერნობილის კატასტროფის ახალ მიზეზებზე საუბრობენ

2.3K views on

1986 წელს უკრაინაში მდებარე ჩერნობილის ატომურ სადგურზე  ერთ-ერთი რეაქტორი აფეთქდა და კაცობრიობის ისტორიაში უდიდესი ატომური კატასტროფა გამოიწვია.

თავდაპირველად ფიქრობდნენ, რომ მიზეზი ორთქლის აფეთქება იყო, თუმცა, ახლა მეცნიერები სხვაგვარად ფიქრობენ.

1986 წლის 25 აპრილის დილას რამდენიმე შემთხვევა მოხდა, რამაც კატასტროფა გამოიწვია. ოპერატორები რეაქტორს დაბალი სიმძლავრის ქვეშ და შესაბამისი უსაფრთხოების ზომების დაცვის გარეშე ამუშავებდნენ.

ქარხნის მუშები ცდილობდნენ ექსპერიმენტის ჩატარებას,  რომლის მიზანი იყო პროექტული რეჟიმის შემოწმება, ის ითვალისწინებდა გენერატორის ტურბინის ინერციის გამოყენებას, შიდაელექტრომომარაგების გათიშვის შემთხვევაში.

თუმცა, მოხდა რეაქტორის ავტომატური კონტროლის სისტემის ჩარევა, მარეგულირებელი ღეროების ჩასმა და სიმძლავრის დაცემა.

გაუკრვეველი მიზეზის გამო,  ვიღაცამ ავარიული დახურვა განახორციელა. რეგულატორებმა და ავარიულმა ღეროებმა დაიწყო ქვევით მოძრაობა, აქტიურ ზონაში ჩასვლა, მაგრამ რამდენიმე წამის შემდეგ რეაქტორის სითბური სიმძლავრე მყისიერად გაიზარდა უცნობ მაღალ სიდიდეებზე (სიმძლავრემ გადააჭარბა ყველა გამზომი მოწყობილობის შკალას). მოხდა ორი აფეთქება რამდენიმე წამის ინტერვალით. შედეგად, რეაქტორი მთლიანად დაინგრა. პროცესის, რომელიც მიმდინარეობდა აფეთქებამდე, ზუსტი მიმდევრობის შესახებ არ არსებობს საერთო წარმოდგენა. ზოგადად მოიაზრება, რომ თავიდან მოხდა რეაქტორის არაკონტროლირებადი გაქანება, რომლის შედეგად, დაინგრა რამდენიმე ТВЭЛ (სითბოს გამომყოფი ელემენტი), ხოლო შემდგომ, ამით გამოწვეულ იქნა ტექნოლოგიური არხების ჰერმეტულობის დარღვევა, რომელშიც ეს ТВЭЛ-ები იმყოფებოდა. დაზიანებული არხების ორთქლი შევიდა არხთაშორის რეაქტორულ არეში. ამის შედეგად იქ სწრაფად გაიზარდა წნევა, რამაც რეაქტორის გამორთვა და მისი ზედა ფენის აქტივობა გამოიწვია. ამას კი – მექანიკურად არხების მასობრივი ნგრევა, აქტიური ზონის მთელი მოცულობის გადახურება და ორთქლის გარეთ გამოვარდნა მოჰყვა — ეს იყო პირველი აფეთქება (ორთქლით).

მაგრამ ბირთვული ფიზიკოსი ლარს-ერიკ დე გიერი და მისი გუნდი შვედეთის თავდაცვის კვლევის სააგენტოდან, შვედეთის მეტეოროლოგიისა და ჰიდროლოგიური ინსტიტუტისა და სტოკჰოლმის უნივერსიტეტიდან აცხადებდნენ, რომ პირველი აფეთქება ბირთვული იყო.

თუკი ეს სიმართლეა, მაშინ მათი დასკვნები ეწინააღმდეგება ადრე არსებულ შეხედულებას იმის შესახებ, რომ ბირთვულ ელექტროსადგურს არასდროს განუცდია ბირთვული აფეთქება, ან რომ ასეთი აფეთქება ,,შეუძლებელია”.

ორმა აფეთქებამ ჰაერში  რადიოაქტიური მასალის გაფანტვა გამოიწვია, რომელიც ქარმა ევროპის მასშტაბით გაავრცელა.

1986 წელს პეტერბურგში დაფუძნებულმა VG Khlopin Radium Institute -ის მკვლევარებმა აფეთქების ნალექები ქსენონის იზოტოპების სახით რუსეთის ქალაქ ჩერეპოვეცში აღმოაჩინეს, რომელიც ჩერნობილის ჩრდილოეთით 1000 კილომეტრში, ხოლო მოსკოვის ჩრდილოეთით 370 კმ-ში მდებარეობს.

დე გერსის და მისი გუნდის განცხადებით, თუ ქარხანაში ბირთვული აფეთქება მოხდა, ნივთიერება უფრო შორს უნდა გადასროლილიყო, ვიდრე ორთქლის აფეთქების დროს

VG Khlopin Radium Institute -ის მკვლევარებმა ჩერეპოვეცში აღმოჩენილი იზოტოპების ანალიზი ჩაატარეს და აღმოაჩინეს, რომ ისინი პირველი აფეთქებისთანავე წარმოიქმნენ ატომის დაყოფის შედეგად – რაც ბირთვულ აფეთქებაზე მეტყველებს.

რეაქტორის შესწავლამ ასევე დაადგინა, რომ აფეთქებამ ბირთვის ქვეშ არსებული  2 მეტრის სისქის რკინის ფირფიტა დაადნო. დე გეერის გუნდის ცნობით, ეს ასევე შეესაბამება ბირთვულ აფეთქებას და არა ორთქლის აფეთქებას.

ასეა თუ ისე, როგორც ჩანს, აფეთქების ზუსტი მიზეზის დადგენა ამ დრომდე ვერ ხერხდება. ჩერნობილის ატომური ელექტროსადგური RBMK-ის ტიპის იყო.  ის გაუმჯობესდა, თუმცა, როგორც ჩანს, მისი შემდგომი გაუმჯობესება აუცილებელია იმისათვის, რომ სამომავლო კატასტროფები ავიცილოთ.

წყარო: http://www.sciencealert.com

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კვლევები

კვლევა : ბავშვობის პერიოდში მიღებულმა ანტიბიოტიკებმა შესაძლოა ფსიქიკურ ჯანმრთელობაზე იმოქმედოს

1.39K views on

ბავშვობის პერიოდში მიღებულმა ანტიბიოტიკებმა შესაძლოა  ფსიქიკურ ჯანმრთელობაზე იმოქმედოს, – ამის შესახებ დანიელი მეცნიერების მიერ ჩატარებულ კვლევაშია ნათქვამი, რომლის შედეგები სამეცნიერო ჟურნალ JAMA Psychiatry-შია გამოქვეყნებული.

კვლევის ავტორები აცხადებენ, რომ ანტიბიოტიკები ინტენსიურ მიკრობიომაზე მოქმედებენ, რის გამოც ანტიბიოტიკები ფსიქიკური დაავადების მაღალ რისკთან არიან დაკავშირებული.

კვლევა 17 წლამდე ასაკის მილიონ ზე მეტი ადამიანის კლინიკურ მონაცემებს ეფუძნება.

 

ანტიბიოტიკები, აუტიზმი და დეპრესია

მეცნიერები ვარაუდობენ, რომ ნაწლავების მიკრობიომი, ბაქტერიების მრავალფეროვანი ჯგუფი , რომელიც ჩვენს ნაწლავებში ბინადრობს, ტვინს სიგნალებს უგზავნის, რომელიც ახდენს ჩვენი განწყობის, ფსიქიკური დაავადების მიმართ ჩვენი მგრძნობელობის მოდულირებას.

ცხოველებზე ჩატარებული კვლევების შედეგად ბაქტერიასა და დეპრესიას შორის კავშირი დადასტურებულია. ერთ-ერთმა ცდამ აჩვენა, რომ იმ თაგვების ნაწლავების მიკრობიომმა, რომლებსაც ანტიბიოტიკებით მკურნალობდნენ, ცვლილება განიცადა და მახსოვრობაზე უარყოფითად აისახა.

ცხოველებს, რომლებსაც ფართო სპექტრის ანტიბიოტიკებით მკურნალობის შედეგად ნაწლავების ბაქტერია ამოეწურათ, სხვადასსხვა დარღვევა აღენიშნათ, მათ შორის, აუტისტური სპექტრი, ნეიროდეგენერაციული დარღვევები, როგორიცაა მაგალითად ალცჰეიმერის დაავადება და დეპრესია.

 

ბაქტერია, როგორც დეპრესიის სამკურნალო საშუალება?

2018 წლის დეკემბერში ჟურნალ Nature Microbiology-ში გამოქვეყნდა ნაშრომი, რომელშიც ბოსტონის უნივესრიტეტის მეცნიერები ფილიპ სტრადვიცი და მისი კოლეგები იშვიათი, KLE1738-ის სახელით ცნობილი ბაქტერიის შესახებ საუბრობენ.

ეს იშვიათი ბაქტერია გამა-ამინოობიტური მჟავით იკვებება, რომელიც ასევე ცნობილია როგორც GABA. სხვადასხვა ტიპის ბაქტერიები, ბაქტერიოიდები, აწარმოებენ GABA-ს და უნარჩუნებენ სიცოცხლეს KLE1738-ს რომელიც  გამა-ამინოობიტური მჟავით იკვებება.

აღნიშნული კვლევის შედეგებმა აჩვენა, რომ ნაწლავებში სხვადასხვა სახის ბაქტერია ერთად მუშაობს. GABA გახლავათ ნეიროაქტიური ნარევი, რომელიც ჩვენი ცენტრალური ნერვული სისტემის ნორმალური ფუნქციონირებისთვისაა საჭირო. ძირითადი დეპრესიული აშლილობები კი GABA-ს დონის შემცირებასთანაა დაკავშირებული.

სტრადვიცი ვარაუდობს, რომ ის ადამიანები, რომელთა მიკრობიომები გამა-ამინოობიტური მჟავის წარმომქმნელ მეტ ბაქტერიას შეიცავენ, უფრო ბედნიერები არიან.

კიდევ ერთმა კვლევამ, რომელიც აღნიშნულ საკითხზე ჩატარდა, აჩვენა, რომ იმ პაციენტებს, რომელთა ორგანიზმშიც მეტი ფეკალური ბაქტეროიდებია, რომელიც GABA-ის წარმომქმნელი ბაქტერიაა, შედარებით მსუბუქი დეპრესია ჰქონდათ.

მიუხედავად იმისა, რომ კვლევის შედეგები საბოლოო არაა, ის ძლიერი დეპრესიის მოდიფიცირებაში ბაქტერიების როლზე მიანიშნებს.

www.sciencealert.com

სრულად ნახვა
არქიტექტურა/დიზაინიეკოლოგიაეს საინტერესოაკვლევებიმსოფლიო

რატომ შეიცვალა მსოფლიოს მერვე საოცრებად წოდებულმა ტაჯ მაჰალმა ფერი?

2.45K views on

ინდოეთის უზენაესმა სასამართლომ მთავრობას დაავალა, დახმარებისთვის უცხოეთს მიმართოს, რათა გაირკვეს, რატომ ეცვლება ტაჯ მაჰალს, მსოფლიოს ერთ-ერთ ყველაზე პოპულარულ ტურისტულ ღირსშესანიშნაობას, ფერი.

სასამართლომ განაცხადა, რომ მე-17 საუკუნეში თეთრი მარმარილოსგან აშენებული მავზოლეუმი ჯერ გაყვითლდა, ახლა კი ყავისფერი და მწვანე შეფერილობის ხდება.
მიზეზებს შორის ასახელებენ დაბინძურებას, მშენებლობასა და მწერების ფეკალიებს.
მთავრობამ ტაძრის მახლობლად ათასობით ქარხანა დახურა, მაგრამ სპეციალისტები აცხადებენ, რომ მარმარილო ბრწყინვალებას მაინც კარგავს.

ტაჯ მაჰალის მშენებლობა 1632 წელს დაიწყო და 21 წლის განმავლობაში გაგრძელდა. აშენების ბრძანება იმპერატორმა შაჰ-ჯაჰანმა გასცა. ის მან  საყვარელი მეუღლის მუმთაზ-მაჰალის ხსოვნას მიუძღვნა, რომელიც მშობიარობის დროს დაიღუპა. მშენებლობაზე 20 ათასი მუშა იყო დაკავებული. ტაჯ მაჰალს ყოველდღიურად დაახელოებით 70,000 ადამიანი სტუმრობს ის მსოფლიოს ერთ-ერთ ყველაზე პოპულარულ ტურისტულ ღირსშესანიშნაობად მიიჩნევა.
წყარო: http://www.bbc.com
მასალა მოამზადა:  თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკატეგორიის გარეშეკვლევებისაქართველო

თბილისი მსოფლიოს ყველაზე უსაფრთხო 15 ქალაქს შორის დასახელდა

840 views on

ავტორიტეტული საერთაშორისო კვლევით პორტალ  Numbeo-ზე, თბილისი უსაფრთხო ქალაქების რეიტინგში დაწინაურდა. საერთაშორისო კვლევით პორტალზე Numbeo გამოქვეყნებული დანაშაულისა და უსაფრთხოების ინდექსების შესაბამისად, 2019 წლის მონაცემებით, თბილისი მსოფლიოს ყველაზე უსაფრთხო 15 ქალაქს შორის მოხვდა.

Numbeo-მ ჩატარებული გამოკითხვის შედეგად 337 ქალაქის უსაფრთხოება და კრიმინალური ინდექსები გამოიანგარიშა. უსაფრთხოების ძალიან მაღალი და ძალიან დაბალი კრიმინალური ინდექსის მქონე ქალაქებიდან, თბილისთან ერთად მსოფლიოს უსაფრთხო ქალაქებს შორის დასახელდა: მიუნხენი, ციურიხი, ჰონგ-კონგი, აბუ-დაბი და ოსაკა.

გასული წლის ანალოგიური კვლევით, თბილისი 327 ქალაქს შორის მე-16 ადგილზე იყო. წელს თბილისში დანაშაულის დონე შეფასებულია მაჩვენებლით – ძალიან დაბალი (15,64); ასევე ძალიან დაბალი მაჩვენებლით არის შეფასებული ავტომანქანების გატაცება (10,73), თავდასხმა და შეიარაღებული ძარცვა (16,86) და სხვ.

თბილისში, პიროვნების უსაფრთხოების ინდექსი, დღის საათებში 91,4, შეფასებულია როგორც ძალიან მაღალი, ხოლო იგივე ინდექსი ღამის საათებში – 78,18, შეფასებულია როგორც მაღალი.

საქართველოში უსაფრთხოების ხარისხი Numbeo-ს კვლევებით 2018 წელსაც გაუმჯობესდა. ცნობილ კვლევით პორტალზე გამოქვეყნებული მონაცემების თანახმად, შარშან საქართველომ მსოფლიოს 125 ქვეყანას შორის დანაშაულისა და უსაფრთხოების ინდექსების მიხედვით მე-5 ადგილი დაიკავა.

საერთაშორისო კვლევითი პორტალი Numbeo მსოფლიოში ერთ-ერთი უდიდესი მონაცემთა ბაზაა, რომელიც მომხმარებელთა ინფორმაციაზე დაყრდნობით, მთელი მსოფლიოს მასშტაბით, ქვეყნებსა და ცალკეულ ქალაქებში ცხოვრების პირობების, მათ შორის ჯანმრთელობის დაცვის, საგზაო მოძრაობის, დანაშაულისა და უსაფრთხოების კუთხით არსებულ ვითარებას აფასებს.

სრულად ნახვა
განათლებაკვლევები

მეცნიერების თქმით, წიგნის კითხვა სიცოცხლეს ახანგრძლივებს

2.68K views on

დღეში საშუალოდ  ერთი თავის წაკითხვა ცოტახნით მაინც ,,გადაწევს” სიკვდილს.

იელის უნივერსიტეტის ბოლო კვლევების თანხმად, რომელიც ონლაინჟურნალ – ,, Social Science & Medicine-ში“ გამოქვეყნდა, აღნიშნულია, რომ ,,12-წლიანი კვლევის საფუძველზე, წიგნის მკითხველებს არამკითხველებთან შედარებით, 20 პროცენტით ნაკლები  სასიკვდილო რისკი ახასიათებთ.“

კვლევისას შეისწავლეს 3 635 ადამიანი, ყველა 50 წელზე უფროსი, რომლებიც, მკვლევრებმა დაყვეს 3 ჯგუფად: 1. ისინი, ვინც არ კითხულობდნენ წიგნებს, 2. ისინი, ვინც  3,5 საათზე ნაკლებს კითხულობდნენ კვირაში და 3. ისინი, რომლებიც 3,5 საათზე მეტხანს კითხულობდნენ კვირის განმავლობაში.

კვლევის შედეგი გასაოცარი აღმოჩნდა – წიგნის მკითხველები, საშუალოდ, 2 წლით მეტხანს ცოცხლობდნენ, ვიდრე ისინი, ვინც კითხვით თავს არ იწუხებდნენ.

ისეთი ცვლადების აღრიცხვის მსგავსად, როგორიცაა, მაგალითად, სხადასხვა ტიპის საგანმანათლებლო საფეხური, შემოსავლისა და ჯანმრთელობის სტატუსი, კვლევამ აჩვენა, რომ ისინი, რომლებიც კვირაში 3,5 საათზე მეტ დროს უთმობდნენ კითხვას, 23 %-ით ნაკლებად იყვნენ მიდრეკილი სიკვდილიანობისკენ აღებული 12-წლიანი პერიოდის განმავლობაში. ისინი კი, რომლებიც 3,5 საათზე ნაკლებ დროს უთმობდნენ ანუ საშუალოდ, ნახევარ საათს დღეში, 17 %-ით ნაკლებად.

სხვა სიტყვებით რომ ვთქვათ, ჯანსაღი დიეტისა და ვარჯიშის მსგავად, წიგნებს ,,აღსანიშნი გადამრჩენი უპირატესობა აქვთ,“ – აღნიშნავენ მეცნიერები.

უნდა ითქვას, რომ კვლევა მთლიანად  ცხადიც ვერ არის, რადგან ის მხოლოდ ასოციაციას წარმოგვიდგენს წიგნის კითხვასა და ცხოვრების ხანგრძლივობას შორის, თუმცა, არა მათ კაუზალურობას, ურთიერთკავშირს.  არც აღმოჩენებია დიდად გასაოცარი, რადგანაც ამ თემაზე ხშირად მიდის განხილვა. მაგალითად, ერთ-ერთი უკანასკნელი კვლევის თანახმად, რომანების კითხვა ამაღლებს ორივე – როგორც კოგნიტურ, ასევე ემოციურ, მდგომარეობას.

კითხვის სტატისტიკა ბოლო 5 წლის განმავლობაში უჩვეულოდ გაიზარდა, ,,Nielsen BookScan-ის“,  ყველაზე მთავარი მონაცემთა შემგროვებლის წიგნების გამოცემის ინდუსტრაში, მიხედვით,  სულ მცირე, 652 მილიონი ბეჭდური და ელექტრონული წიგნი გაიყიდა ამერიკის შეერთებულ შტატებში 2015 წელს.

 

წყარო: The Washington Post

ახალგაზრდა ანალიტიკოსთა და მეცნიერთა დარბაზი  – ,,დოქტრინა”

სრულად ნახვა
კვლევებიფსიქოლოგია

ბრიტანელი მეცნიერი ბედნიერებისა და წარმატების „რეცეპტს“ გვთავაზობს

2.62K views on

 მეცნიერები აცხადებენ, რომ ბედნიერებისა და წარმატების საიდუმლო მარტივია.

დღემდე არ არსებობს კონსენუსი იმის შესახებ, თუ რა განაპირობებს ადამიანის წარმატებას, ან როგორ ცდილობენ ან აღწევენ ადამიანები იმას, რასაც აკეთებენ.

თუმცა, პორტსმუთის უნივერსიტეტის სპორტისა და ვარჯიშის მეცნიერი დოქტორ დენიელ ბრაუნი ამტკიცებს, რომ ცხოვრების კოდი „გატეხა“ და შინაარსიანი ცხოვრების ,,საყიდლების სია“  შეადგინა.

ექსპერტმა ჩაატარა კვლევა იმის შესახებ, თუ რა აბედნიერებთ ადამიანებს. სიაში შედის თვისებები, როგორიცაა ოპტიმიზმი, მოტივაცია და თვითდაჯერებულობა.

 ადამიანებს ბედნიერების მიღწევაში შესაძლოა ეკლესიურობა ან რელიგიურობა, მშვიდი გარემო და მაღალი ხარისხის ავტონომიაც დაეხმაროს.

დოქტორ ბრაუნი აცხადებს, რომ  წარმატების გასაღებს წარმოადგენს ასევე ,,გამოწვევებსა და სირთულეებთან ბრძოლა მართვად დონეზე”.

მისი ,,საყიდლების სია” მოიცავს ორ სვეტს, თუ „როგორი უნდა იყოს ადამიანი” და „რა უნდა ჰქონდეს” მას.

ის ამბობს, რომ ცხოვრებაში ,,წარმატება” მოდის პოზიტიურობისგან, სულიერებისგან, პრო-აქტიურობისგან, მოქნილობისგან, თავდაჯერებულობისა და სოციალურად კომპეტენტურობისგან. თუმცა შესაძლებლობები, ოჯახის მხარდაჭერა, გამოწვევები, მშვიდი გარემო, ნდობა და ავტონომია ასევე ძალიან მნიშვნელოვანია.

წარმატებული ადამიანი არის:

ოპტიმისტი,

ეკლესიური ან რელიგიური,

მოტივირებული,

აქტიური,

ბეჯითი,

მოხერხებული,

ადაპტირებადი,

სოციალურად კომპეტენტური,

თვითდაჯერებული/თვითშეფასების უნარის მქონე.

წარმატებულ ადამიანს აქვს:

შესაძლებლობა,

დამსაქმებლის/ ოჯახის / სხვათა მხარდაჭერა,

გამოწვევები და სირთულეები მართვად დონეზე,

მშვიდი გარემო,

ავტონომიის მაღალი ხარისხი,

მიიჩნევენკომპეტენტურად.

 

დენიელ ბრაუნი აცხადებს, რომ წარმატების მისაღწევად საკმარისია სიიდან რამდენიმე დასახელების კომბინაცია და არა მთელი ჩამონათვალი.

 სიის შესაქმნელად, დოქტორმა ბრაუნმა გამოიყენა ბავშვებსა და მოზარდებზე, მხატვრებზე, დასაქმებულ ადამიანებზე, სპორტსმენებსა და მოხუცებზე ჩატარებული კვლევები.

,,წარმატებული – ეს არის სიტყვა, რომლის მოსმენას საკუთარი თავის დახასიათებისას ყველა ისურვებდა, თუმცა მეცნიერებამ დღემდე ვერ მოახერხა მისი აღწერა და კლასიფიცირება. წარმატება ესაა ცხოვრებითა და საკუთარი თავით ტკბობა და რაიმეს კარგად კეთების უნარი ,“ – აცხადებს დოქტორ ბრაუნი.

წარმატებისკენ სწრაფვა განიხილეს ადამიანის ცხოვრების სხვადასხვა ეტაპზე.

ზოგჯერ მას აღწერდნენ, როგორც სიცოცხლისუნარიანობას, სწავლას, გონებრივ სიმტკიცეს, ან ამ და სხვა თვისებებს კომბინაციას.

იგი ასევე განიხილებოდა სხვადასხვა კონტექსტში, მათ შორის სამხედრო, ჯანმრთელობა და ბავშვთა განვითარება.

 ,,XX საუკუნის დასასრულის შემდეგ, მეცნიერებაში დაისვა საკითხი ადამიანის თვით რეალიზებისა და წარმატების უკეთ გაგების შესახებ, თუ როგორ ახერხებენ ადამიანები შესაძლებლობების მაქსიმუმი გააკეთონ. თუმცა, კონსესუსის მიღწევა ვერ მოხერხდა ერთი მიზეზის გამო – არ არსებობს სათანადო კვლევები,“ – აცხადებს დოქტორი ბრაუნი.

მისი კვლევა მომავალი კვლევებისთვის ექვს რეკომენდაციას იძლევა, მათ შორის ზუსტი გამოკვლევის საჭიროება იმის შესახებ, თუ რა ხდის წარმატების მიღწევას შესაძლებელს და აქვს თუ არა წარმატებას გრძელვადიანი და კუმულაციური გავლენა ადამიანებზე.

ბრაუნის კვლევა სამეცნიერო ჟურნალ ,,European Psychologist-ში” გამოქვეყნდა.

 

წყარო: https://medicalxpress.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკვლევებიმსოფლიო

კვლევა : დენისოვანები იმაზე მეტად განვითარებული იყვნენ, ვიდრე აქამდე ფიქრობდნენ

1.44K views on

მეცნიერებმა ციმბირის ერთ-ერთ გამოქვაბულში აღმოჩენილი ძვლის ფრაგმენტებისა და კბილების გამოსაკვლევად თანამედროვე ტექნიკა გამოიყენეს და ადამიანის ერთ-ერთი გადაშენებული სახეობის შესახებ საინტერესო აღმოჩენაც გააკეთეს.

ახლახანს ახალი კვლევა გამოაქვეყნდა, რომელიც დენისოვანის სახელწოდებით ცნობილი სახეობის შესახებ მნიშვნელოვანი ინფორმაციის მატარებელია და მიანიშნებს, რომ ისინი იმაზე უფრო განვითარებულები ყოფილა, ვიდრე აქამდე ეგონათ.

ამ სახეობის წარმომაგდენლის სამი კბილი და ხელის თითის ძვალი გახლავთ ის უმწირესი მასალა, რომელიც დღემდეა აღმოჩენილი. ახალგაზრდა გოგონა, რომლის დედა სავარაუდოდ ნეადერტალელი იყო, მამა კი – დენისოვენელი რუსეთში, ალთაის მთებში მდებარე დენისოვას მღვიმეში აღმოაჩინეს.

გამოქვაბულში აღმოჩენილ დნმ-ზე ჩატარებული ახალი კვლევის თანახმად, დენისოვანები გამოქვაბულში დაახლოებით 200,000-50,000 წლის წინ ცხოვრობდნენ, ხოლო ნეადერტალელები -200,000 -80,000 წლის წინ. აღმოჩენილი ქვის იარაღები კი მიანიშნებს, რომ ერთ-ერთმა, ან ორივე სახეობამ, გამოქვაბული 300,000 წლის წინ დაიკავა.

რაც შეეხება გოგონას, რომელსაც ზედმეტსახელად „დენი“ უწოდეს და რომლის ძვლის ფრაგმენტიც დენისოვას გამოქვაბულში აღმოაჩინეს, ახალი კვლევის თანახმად ის დაახლოებით 100,000 წლის წინ ცხოვრობდა.

მეცნიერები ვარაუდობენ, რომ ცხოველების კბილებითა და ძვლებით მიერ დამზადებული სამკაულები, დაახლოებით 43,000-49,000 წლის წინანდელია და დენისოვანებს ეკუთვნით, ეს კი მათ ინტელექტუალურ განვითარებაზე მიანიშნებს.

„ტრადიციულად, ეს ნივთები დასავლეთ ევროპაში ადამიანის სახეობის გავრცელებასთანაა დაკავშირებული, თუმცა ამ კონკრეტულ გამოქვაბულში აღმოჩენილი ნაკეთობების ავტორი შესაძლოა დენისოვანები იყვნენ, ვინაიდან არ არსებობს ამ გამოქვაბულში თანამედროვე ადამიანის წინაპრის – ჰომო საპიენის ყოფნის მტკიცებულება. ეს კი იმაზე მეტყველებს, რომ დენისოვანები გაცილებით უფრო განვითარებულები ყოფილან, ვიდრე აქამდე მივიჩნევდით,“ განაცხადა მაქს პლანკის ინსტიტუტის ადამიანის ისტორიის მეცნიერების არექოლოგიურმა მეცნიერმა კატერინა დუკმა.

კვლევის შედეგები სამეცნიერო ჟურნალ Nature-ში გამოქვეყნდა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კვლევები

კვლევა – პირდაპირი ადამიანები საუკეთესო მეგობრები არიან

1.1K views on

თითქმის ყველას გვყავს ისეთი მეგობარი, რომელიც ძალიან გვიყვარს, მაგრამ ამავდროულად, გვაღიზიანებს, რადგანაც გამუდმებით შეცდომებზე მივგითითებს და რასაც ფიქრობს პირდაპირ გვეუბნება.

კვლევის თანახმად, თუ გვერდით ასეთი ვინმე გყავთ, უნდა გიხაროდეთ, ვინაიდან ის არის ადამიანი, რომელსაც ძალიან უყვარხართ და საუეთესო სურს თქვენთვის.

კვლევა პლიმუთის უნივერსიტეტის პროფესორებმა ჩაატარეს და დაასკვნეს, რომ ადამიანები, რომლებიც ცდილობენ, მეგობრებს შეცდომები დაანახონ, რეალურად ასე იმიტომ იქცევიან, რომ საუკეთესო სურთ მათთვის.

უნდათ, რომ თვალი აუხილონ და სწორი გზა უჩვენონ, ღელავენ მათზე და სურთ გულწრფელად, პატიოსნად, პირფერობის გარეშე დაანახონ რეალობა. შედეგად, ასეთი ქცევით დიდი სარგებელი მოაქვთ მეგობრებისთვის.

კვლევის ავტორი, ბელენ ლოპეზ-პერესი წერს, რომ ზოგჯერ, როცა ადამიანი გვეჩხუბება, ასე იმიტომ კი არ იქცევა, რომ ვეზიზღებით და სურს გული გვატკინოს. არამედ იმიტომ, რომ ის ზრუნავს ჩვენზე და საუკეთესო სურს. უხეშობითა და პირდაპირობით ცდილობს თვალი აგვიხილოს.

წყარო : trend.ge

სრულად ნახვა
ასტრონომია - კოსმოსიკვლევებიმსოფლიო

მთვარეზე ბამბის ყვავილმა გაიხარა

1.28K views on

ჩინეთის ნაციონალურმა კოსმოსურმა ცენტრმა განაცხადა, რომ მთვარეზე ჩინურმა მისიამ Chang’e-4 თესლი დანერგა, რომლისგანაც ბამბის ყვავილმა გაიხარა. ეს არის პირველი შემთხვევა, როდესაც მთვარეზე რაიმე ბიოლოგიური ნივთიერება გაიზარდა.

2019 წლის 3 იანვარს მთვარეზე ჩინური სადგური Chang’e-4 დაეშვა. ისტორიაში პირველად, ის მთვარის მეორე, შეუსწავლელ მხარეს დაჯდა.

სრულად ნახვა
1 … 77 78 79 80 81 … 107
Page 79 of 107