close

კვლევები

დედამიწაკვლევები

ჩინეთისა და რუსეთის ერთობლივი ექსპერიმენტები, რითაც დედამიწის ატმოსფეროს მოდიფიცირება განხორციელდა

1.62K views on

ჩინეთმა და რუსთმა მაღალი სიხშირის რადიო ტალღების საშუალებით დედამიწის ატმოსფეროს გარდაქმნის მიზნით ერთობლივი ექსპერიმენტები ჩაატარეს, რამაც ექსპერტთა ნაწილის პროტესტი გამოიწვია.

რუსეთის მიერ ქალაქ ვასილსურსკის მახლობლად დამონტაჟებული Sura Ionospheric Heating Facility-გან მეცნიერებმა მაღალი სიხშირის რადიო ტალღები მიიღეს, რათა იონოსფეროს მანიპულირება მოეხდინათ, ხოლო ჩინური Seismo‐ElectromagneticSatellite-ის საშუალებით ორბიტიდან პლაზმის რღვევის ზეგავლენის ხარისხი გაზომეს.

ეს მსგავსი კვლევის ჩატარების პირველი შემთხვევა არაა, თუმცა ექსპერტთა ნაწილი რუსულ-ჩინურ ექსპერიმენტში პოტენციური სამხედრო აპლიკაციის საშიშროებას ხედავს.

იონოსფერო და იონიზირებული აირი (პლაზმა) რადიო კომუნიკაციაში გადამწყვეტ როლს ასრულებს. ზემო ატმოსფეროს ამ ნაწილის დამუხტულ ნაწილაკებზე ზეგავლენის მოხდენით მეცნიერებს და მთავრობებს თეორიულად რადიო სიგნალების გაძლიერება ან დაბლოკვა შეუძლიათ.

აღნიშნული ექსპერიმენტის დროს პირველ შემთხვევაში იონოსფეროს რადიუსმა, რომელზეც  ზეგავლენა მოახდინეს 126,000 კილომეტრი შეადგინა, ხოლო იონიზებული აირის ტემპერატურამ 100 გრადუსი ცელსიუსით მოიმატა.  თუმცა მეცნიერები, რომლებიც ექსპერიმენტში არიან ჩართული, აცხადებენ, რომ კვლევა სუფთა სამეცნიერო ხასიათისაა და ის გარემოსთვის უსაფრთხოა.

“ჩვენ არ ვთამაშობთ ღმერთობანას და არც ერთადერთი ქვეყანა ვართ, რომელიც რუსეთთან თანამშრომლობს. იგივეს სხვა სახელმწიფოებიც აკეთებენ,“ აცხადებს ერთ-ერთი ჩინელი მეცნიერი, რომელმაც საკუთარი ვინაობის გამჟღავნება არ ისურვა.

Sura-ს ბაზა ყოფილმა საბჭოთა კავშირმა 80-იან წლებში დააარსა. ამბობენ, რომ დაახლოებით 10 წელიწადში აშშ-მ ალასკაში დააარსა Sura-ზე უფრო დიდი ატმოსფერული  გამაცხელებელი ობიექტი theHigh Frequency Active Auroral Research Program (HAARP)-ი შექმნა.

HAARP-ს თავდაპირველად აშშ-ს სამხედრო ხელისუფლება აფინანსებდა, ახლა კი მის ადმინისტრირებას ალასკას უნივერსიტეტი ახორციელებს.  

გავრცელებული ინფორმაციის თანახმად, იონოსფეროს გამაცხელებელს სამხრეთ ჩინეთში მდებარე ქალაქ სანიაში ჩინეთიც აშენებს.  

თუმცა, ჯერ-ჯერობით არ არსებობს მტკიცებულება, რომ აღნიშნული ექსპერიმენტიარაკეთილსინდისიერი მიზნით ჩატარდა, თუმცა მიმდინარე წელს რუსეთი არაერთხელ დაადანაშაულეს GPS სიგნალის ჩახშობაში, რაშიც, შესაძლოა, იონოსფეროს მანიპულირებელიექსპერიმენტებიც იყოს ჩართული.

წყარო : www.sciencealert.com

სრულად ნახვა
ბიოლოგიაკვლევებიმედიცინამსოფლიო

ბავშვის გენეტიკის შეცვლისთვის ჩინეთის მთავრობამ, მეცნიერს, სამუშაოების შესრულების უფლება შეუჩერა

1.43K views on

ჩინელმა მეცნიერმა He Jiankui-მ დამიანის “დე-ენ-ემ”-ი წარმატებით შეცვალა და ექსპერიმენტის შედეგად ტყუპი გოგონები, ლულუ და ნანა დაიბადნენ.
მეცნიერის თქმით, მან ექსპერიმენტი ამერიკის ნაცვლად ჩინეთში ჩაატარა, რადგან ამერიკაში გენეტიკის შეცვლის მცდელობაც კი არაკანონიერია.
მაგრამ,  ექსპერიმენტი კანონიერი არც ჩინეთში აღმოჩნდა.  ამ დროისთვის ექსპერიმენტის ყველა მონაწილეს მეცნიერული სამუშაოების შესრულების უფლება შეჩერებული აქვს.

ექსპერიმენტის მონაწილე მეცნიერის, He Jiankui-ს თქმით მან შვიდი წყვილის კვერცხუჯრედებში შეიტანა ცვლილებები, მათ შორის კი წარმატებით განაყოფიერდა ერთი. ის ამბობს, რომ ექსპერიმენტის მიზანია არა გენეტიკური დაავადებებისგან ნაყოფის დაცვა, არამედ მისი უნარის გაძლიერება იმასთვის, რომ სამომავლოდ შეებრძოლოს ინფექციებს, მათ შორის შიდსს.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
კვლევებიმედიცინა

რა დადებითი და უარყოფითი თვისებები შეიძლება ჰქონდეს მარიხუანას

1.4K views on

მარიხუანა ოფიციალურად მიღებულია, როგორც მსუბუქი ნარკოტიკი და არა მედიცინისთვის საჭირო წამალი, რაც იმას ნიშნავს, რომ საჭიროა მისი საფუძვლიანი გამოკვლევა.

გამოკვლევები გვიჩვენებს, რომ მარიხუანას აქვს მცირედი სასარგებლო თვისებები  ადამიანის ჯანმრთელობისთვის. კონკრეტულად , იგი აყუჩებს ტკივილს, ასევე სასარგებლოა ეპილეფსიის ერთ–ერთი ფორმის მკურნალობისთვის. ზოგიერთი მეცნიერები ამბობს , რომ შესაძლოა მარიხუანას კვლავ ჰქონდეს სხვა უფრო ეფექტური და გამოსადეგი თვისებები, ადამიანის ჯანმრთელობისთვის.

ჩატარდა კვლევა, რომელიც გვიჩვენებს, თუ რა ვიცით და არ ვიცით კანაფის შესახებ.

1.მარიხუანას შეუძლია თავი გვაგრძნობინოს კარგად, ებრძოლოს დაძაბულ და მოწყენილ ცხოვრების სტილს.

2.იგი მოქმედებს ადამიანის სისხლისა და გულის მოქმედებაზე, მაგრამ არ არის გამოკვლევები ჩატარებული ამასთან დაკავშირებით, ეს კი აუცილებელია.

3.ერთგვარი გამაყუჩებელიც შეიძლება იყოს.

4.მაგრამ მას შეუძლია ზიანი მიაყენოს თქვენი მახსოვრობის უნარს

5.ასევე ზიანს აყენებს თქვენს დროის შეგრძნებას, რამაც შეიძლება პრობლემები შეგიქმნათ ყოველდღიურ ცხოვრებაში.

წყარო : Business insider
მასალა მოამზადა : ლაშა ჟინჭარაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესიკვლევებიმსოფლიოსაქართველო

Bloomberg: ახლა საქართველოში ბიზნესის კეთება აშშ-სა და ბრიტანეთზე მარტივია

1.36K views on

Doing Business 2019-ის კვლევას გამოცემა Bloomberg ეხმაურება. სტატიაში ნათქვამია, რომ ახლა საქართველოში ბიზნესის კეთება უფრო მარტივია, ვიდრე ამერიკის შეერთებულ შტატებსა და დიდ ბრიტანეთში. ამის შესახებ 1tv.ge წერს.

სტატიის მიხედვით, საქართველოში, ახალ ზელანდიასთან ერთად, ბიზნესის დასაწყებად მხოლოდ ერთი პროცედურის გავლაა საჭირო და ეს მსოფლიოში საუკეთესო მაჩვენებელია.

„საქართველოსა და ნორვეგიის მიერ რეიტინგში წინსვლამ ორი პოზიციით უკან დახია დიდი ბრიტანეთი”, – წერია სტატიაში.

ბიზნესის კეთების სიმარტივით საქართველო სამი პოზიციით დაწინაურდა და მსოფლიოში მეექვსე ადგილზეა.

სრულად ნახვა
კვლევები

კვლევა: კეთილ ადამიანებს მეტი ვალი აქვთ

1.25K views on

Tages-Anzeiger-ის ჟურნალისტი კაროლინე ფრაიგანგი წერს, რომ კეთილ ადამიანებს მეტი ვალი აქვთ.

ამერიკული ფსიქოლოგიური ასოციაციის კვლევა აშშ-სა და დიდ ბრიტანეთში ჩატარებულ 6 სხვადასხვა კვლევას ეფუძნება.

კვლევის ავტორები მიიჩნევენ, რომ ადამიანის სიკეთეს თან ახლავს ფინანსური პრობლემების რისკი. მაგალითად, თანხმების ნაკლებად დაზოგვა და უფრო მეტი ვალი. „პრობლემა იმაში მდგომარეობს, რომ კეთილი ადამიანებისთვის ფულს ნაკლები მნიშვნელობა აქვს, ვიდრე დანარჩენებისთვის”- წერს ჟურნალისტი.

სპეციალისტების განმარტებით, ხასიათსა და ფინანსურ მდგომარეობას შორის ურთიერთკავშირი ჯერ კიდევ ბავშვობაში შეინიშნება.

„მათ, ვისაც ბავშვობაში კარგ ბავშვად მიიჩნევდნენ, მოგვიანებით ფინანსურ სირთულეებს განიცდიდნენ. ასეთია ხანგრძლივი კვლევის შედეგები, რომლის მონაწილეებსაც 25 წლის განმავლობაში აკვირდებოდნენ”- ნათქვამია სტატიაში.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეკოლოგიაკვლევებისაქართველო

თბილისში, ქუთაისსა და ბათუმში ატმოსფერულ ჰაერში აზოტის დიოქსიდის და მყარი ნაწილაკების კონცენტრაციის ნორმაზე გადაჭარბება დაფიქსირდა  

1.22K views on

საქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო აგრძელებს ატმოსფერული ჰაერის ხარისხის უწყვეტ მონიტორინგს ავტომატური სადგურების საშუალებით და ასევე  ტყვიის შემცველობის განსაზღვრას სკოლებისა და საბავშვო ბაღების მიმდებარე ტერიტორიებზე.

გასული კვირის განმავლობაში ავტომატური საგურების საშუალებით თბილისში, ბათუმსა და ქუთაისში რვა დამაბინძურებელი ნივთიერების კონცენტრაციები გაიზომა. გაზომვების შედეგად ატმოსფერულ ჰაერში განსაზღვრული ნივთიერებების შემცველობები ნორმის ფარგლებში დაფიქსირდა, გარდა აზოტის დიოქსიდის (NO2) და მყარი ნაწილაკების (PM10) კონცენტრაციებისა.

კერძოდ, 9 ოქტომბერს მყარი ნაწილაკების PM10-ის კონცენტრაციების ნორმაზე გადაჭარბება დაფიქსირდა თბილისში ყაზბეგის გამზირზე 1.1-ჯერ, ხოლო ვარკეთილში უმნიშვნელოდ. 10 ოქტომბერს ყაზბეგის გამზირზე  აღინიშნა კონცენტრაციის 1.2-ჯერ გადაჭარბება,  ვარკეთილსა და ვაშლიჯვარში 1.3-ჯერ, ხოლო ქ.ქუთაისში უმნიშვნელოდ. 11 ოქტომბერს მყარი ნაწილაკების PM10-ის კონცენტრაციების ნორმაზე გადაჭარბება დაფიქსირდა თბილისში ყაზბეგის გამზირსა და ვაშლიჯვარში  1.1-ჯერ, ხოლო ვარკეთილში – 1.2-ჯერ. 12 ოქტომბერს მყარი ნაწილაკების PM10-ის კონცენტრაციების ნორმაზე გადაჭარბება დაფიქსირდა თბილისში ყაზბეგის გამზირსა და ვარკეთილში  1.2-ჯერ, ხოლო ქ.ქუთაისში უმნიშვნელოდ. 13 ოქტომბერს მყარი ნაწილაკების PM10-ის კონცენტრაციების ნორმაზე გადაჭარბება არ დაფიქსირებულა. 14 ოქტომბერს მყარი ნაწილაკების PM10-ის კონცენტრაციების ნორმაზე გადაჭარბება დაფიქსირდა მხოლოდ ქალაქ ბათუმში აბუსერიძის ქუჩაზე 1.1-ჯერ. 15 ოქტომბერს მყარი ნაწილაკების PM10-ის კონცენტრაციების ნორმაზე გადაჭარბება დაფიქსირდა თბილისში ყაზბეგის გამზირზე უმნიშვნელოდ, ხოლო ბათუმში აბუსერიძის ქუჩაზე 1.1-ჯერ.

მყარი ნაწილაკების PM10-ის კონცენტრაციების საშუალო წლიურ ნორმაზე გადაჭარბება დაფიქსირდა თბილისში წერეთლის გამზირზე 1.4-ჯერ და ყაზბეგის გამზირზე უმნიშვნელოდ, ხოლო ქ.ბათუმსა და ქ.ქუთაისში 1.1-ჯერ.  ამ დღეების განმავლობაში ასევე ფიქსირდებოდა აზოტის დიოქსიდის კონცენტრაციების საშუალოწლიურ ნორმაზე გადაჭარბება ქალაქ თბილისში წერეთლის გამზირზე 1.4-ჯერ და ბათუმში აბუსერიძის ქუჩაზე 1.5-ჯერ, რაც არასრული წვის შედეგად არის გამოწვეული.

ქ. თბილისში ატმოსფერულ ჰაერში ტყვიის შემცველობის დასადგენად გასულ კვირას ჰაერის სინჯები აღებული იქნა ქალაქის ოთხ ლოკაციაზე: ვარკეთილში 160-ე საბავშვო ბაღის, აღმაშენებლის გამზირზე მე-18 საჯარო სკოლის, მუხიანის დასახლებაში 175-ე საჯარო სკოლისა და ორთაჭალაში 72-ე საჯარო სკოლის მიმდებარე ტერიტორიებზე. აღებული ჰაერის სინჯები გარემოს ეროვნული სააგენტოს ლაბორატორიაში გაიგზავნა. ლაბორატორიული კვლევის შედეგად დადგინდა, რომ თბილისში ოთხივე ლოკაციაზე აღებულ სინჯებში ტყვიის შემცველობა არ აღემატებოდა დასაშვებ ნორმას.

 წყარო : www.nea.gov.ge

ახალგაზრდა ანალიტიკოსთა და მეცნიერთა დარბაზი ,,დოქტინა”

სრულად ნახვა
კვლევებიმედიცინაფსიქოლოგია

კვლევა : თინეიჯერების ტვინს კანაფი გაცილებით დიდ ზიანს აყენებს, ვიდრე ალკოჰოლი

2.65K views on

კანადაში ჩატარებულმა კვლევამ აჩვენა, რომ კანაფის გამოყენებით მოზარდები ხანგრძლივ ზიანს აყენებენ თავიანთ ტვინებს.

აღმოჩნდა, რომ კანაფი გაცილებით უარყოფით ზეგავლენას ახდენს თინეიჯერის აზროვნების უნარზე, მეხსიერებასა და ქცევაზე, ვიდრე სასმელი.

კვლევის ფარგლებში ოთხი წლის განმავლობაში 13 წელს ზემოთ ასაკის 3,800-მდე მოზარდი გამოიკვლიეს.

ალკოჰოლური სასმელებისა და ისეთი ნარკოტიკების მიღება, როგორიცაა კანაფი, ახალგაზრდა ასაკში იწვევს შემეცნებით შესაძლებლობებთან დაკავშირებულ  პრობლემებს, ანუ  უარყოფითად  მოქმედებს სწავლაზე, ყურადღების კონცენტრირებასა  და გადაწყვეტილების მიღების უნარზე.

კვლევამ აჩვენა, რომ აღნიშნული პრობლემები გაზრდილია, რადგან გაზრდილია კანაფის მოხმარების მაჩვენებელი. მისი უარყოფითი ეფექტი კი ალკოჰოლის ზეგავლენასთან შედარებით გაცილებით ხანგრძლივად მოქმედებს.

თინეიჯერებში კანაფის მოხმარების მაჩვენებელი ალკოჰოლის მოხმარების მაჩვენებელზე ნაკლებია.  სტატისტიკის თანახმად, მოზარდთა 28 პროცენტს კანაფი ერთხელ მაინც გაუსინჯავს. რაც შეეხება ალკოჰოლის მოხმარებას თინეიჯერებში, აღნიშნული მაჩვენებელი 75 პროცენტს  უტოლდება.

კვლევის დროს კანადის 31 სხვადასხვა სკოლის თინეიჯერები კვლევის ავტორებს წელიწადში ერთხელ ალკოჰოლისა და ნარკოტიკების მოხმარების შესახებ დეტალურ ინფორმაციას აწვდიდნენ. კომპიუტერული შემეცნებითი ტესტების საშუალებით კი პარალელურად მათი ტვინების უნარებს ამოწმებდნენ.

მეცნიერებისთვის კვლევის შედეგები მოულოდნელი აღმოჩნდა : კანაფის მოხმარება მოზარდის ტვინზე გაცილებით უარყოფითად მოქმედებს და უარყოფითი ზეგავლენა გრძელდება მაშინაც კი, როდესაც თინეიჯერი კანაფის მოხმარებას წყვეტს. უარყოფითი ზემოქმედება აღინიშნა მახსოვრობაზე, ლოგიკურ აზროვნებასა და ქცევის კონტროლზე.

„მათი ტვინი ჯერ კიდევ განვითარების პროცესშია, მაგრამ ამას კანაფი უშლის ხელს. ამიტომ მოზარდებმა კანაფის მოხმარებისგან რაც შეიძლება დიდხანს უნდა შეიკავონ თავი,“ განაცხადა მონრეალის უნივერსიტეტის ფსიქიატრიის დეპარტამენტის წარმომადგენელმა, პროფესორმა პატრიცია კონროდმა.

კვლევის ავტორები აცხადებენ, რომ კვლევის შედეგები ნარკოტიკების პრევენციის პროგრამების აუცილებლობაზე მეტყველებს.

აღსანიშნავია, რომ კანაფი გაერთიანებულ სამეფოში ყველაზე ფართოდ მოხმარებად  არალეგალურ ნარკოტიკულ საშუალებად ითვლება.  ის იწვევს დამოკიდებულებას და მნიშვნელოვნად ზრდის ფსიქოზური დაავადებების განვითარების რისკს, განსაკუთრებით კი მოზარდებში.

ექსპერტები აცხადებენ, რომ კანაფის მოხმარება დაკავშირებულია ისეთ სიმპტომებთან, როგორიცააძილის პრობლემები და გუნება-განწყობილების ცვლილებები.

აღნიშნული კვლევა ამერიკულ სამეცნიერო ჟურნალ Psychiatry-ში გამოქვეყნდა.

წყარო : BBC

მასალა მოამზადა : თამარ ტაბატაძემ

სრულად ნახვა
კვლევებიმედიცინა

ჯანმო- ალკოჰოლის მავნე ზეგავლენისგან ყოველწლიურად 3 მილიონი ადამიანი იღუპება

1.14K views on

ჯანდაცვის მსოფლიო ორგანიზაციის ინფორმაციით, მსოფლიოში 20 გარდაცვლილი ადამიანისგან ერთი ალკოჰოლის მიზეზით იღუპება.

ორგანიზაციის მონაცემების თანახმად, ალკოჰოლის მავნე ზეგავლენისგან ყოველწლიურად 3 მილიონი ადამიანი იღუპება, რაც გარდაცვალების საერთო რაოდენობის 5, 3 პროცენტია. გარდაცვლითა შორის 2.3 მილიონი მამაკაცია. ჯანმო-ს ინფორმაციით, ალკოჰოლის მიზეზით გარდაცვალების შემთხვევების დაახლოებით მესამედი ავტოსაგზაო შემთხვევების, ჩხუბისა და თვითმკვლელობებისგან გამოწვეული დაზიანებების შედეგად ხდება. შემთხვევათა 21 პროცენტს საჭმლის მომნელებელი დარღვევები იწვევს, 19 პროცენტს -კარდიოვასკულური დაავადებები, დანარჩენს კი – ინფექციური დაავადებები, სიმსივნეები, მენტალური აშლილობები და სხვა ჯანმრთელობის პრობლემები.

გარდაცვლილთა 13.5 პროცენტი 20-39 წლამდე ახალგაზრდაა. შემთხვევათა უმეტესობა კი ევროპასა და ამერიკაში ხდება.

ჯანმო-ს მონაცემების თანახმად, მსოფლიოში ალკოჰოლის 2, 3 მილიარდი მომხმარებელია. ყველაზე მაღალი მაჩვენებელი ევროპაში ფიქსირდება, მიუხედავად იმისა, რომ ე.წ. „პერ კაპიტა“ მომხმარებლის რიცხვი 2010 წლიდან 10 პროცენტით შემცირდა. მომხმარებელთა რაოდენობის მხრივ ევროპა ლიდერობს, თუმცა ალკოჰოლის მიზეზით ყველაზე მეტი გარდაცვლილი და დაშავებული აფრიკაშია.

ჯანდაცვის მსოფლიოორგანიზაციის ინფორმაციით, მოხმარების საშუალო დღიური მაჩვენებელი დღეში 33 გრამი სუფთა ალკოჰოლია, უხეშად რომ ვთქვათ, დღეში 2 ჭიქა (300 მლ) ღვინო, 750 მლ ლუდი ან 80 მლ სპირტიანი სასმელი.

ჯანდაცვის მსოფლიოორგანიზაცია ქვეყნებს მოუწოდებს ალკოჰოლის მავნე მოხმარების წინააღმდეგ ქმედითი ნაბიჯები გადადგან, მათ შორის ალკოჰოლურ სასმელებზე გადასახადების გაზრდა, რაც, ორგანიზაციის მტკიცებით განსაკუთრებით ეფექტური გზაა  ეკონომიკურად ნაკლებად განვითარებულ ქვეყნებში, აკრძალვები და შეზღუდვები ალკოჰოლის რეკლამირებაზე და ალკოჰოლზე ხელმისაწვდომობის შეზღუდვა.

მასალა მოამზადა:  თამარ ტაბატაძემ

წყარო :  independent.co.uk

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
კვლევები

კვლევის თანახმად, პირველი შვილები უმცროს და-ძმებზე ჭკვიანები არიან

1.67K views on

შეიძლება ხშირად გიხუმრიათ, რომ თქვენს უმცროს და-ძმაზე უფრო ჭკვიანი ხართ იმ მარტივი მიზეზის გამო, რომ უფროსი ხართ და თქვენ არც ცდებით.

ედინბურგის უნივერსიტეტის მიერ ჩატარებულმა კვლევამ დაადგინა, რომ უფროს შვილებს უმცროს დედმამიშვილებზე უფრო მაღალი ინტელექტის კოეფიციენტი აქვთ, რადგან მშობლებისგან მეტ მენტალურ სტიმულაციას იღებენ.

კვლევის შედეგის თანახმად, მიუხედავად იმისა, რომ ერთ ოჯახში გაზრდილი ბავშვები, როგორც წესი, მშობლებისგან ერთნაირ ემოციურ მხარდაჭერას იღებენ , მშობლები პირველ ბავშვებს ბევრად უფრო აქტიურად ეხმარებიან იმ დავალებების შესრულებაში, რომლებიც აზროვნების უნარს ავითარებს.

კვლევაში, რომლის შედეგებიც Journal of Human Resources-ში გამოქვეყნდა, 5 000 ბავშვი მონაწილეობდა, რომელთა შეფასებაც 2-იდან 14-წლამდე ყოველ ორ წელიწადში ხდებოდა. IQ ტესტებში უფროსმა შვილებმა უფრო მაღალი შედეგები აჩვენეს, ვიდრე უმცროსებმა.

წყარო : newposts.ge

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ასტრონომია - კოსმოსიეს საინტერესოაკვლევებიფიზიკა

პირველად მეცნიერების ისტორიაში – მეცნიერებმა აინშტაინის შავი ხვრელის თეორიის დამტკიცება შეძლეს!

3.06K views on

მეცნიერებმა ირმის ნახტომში (Milky Way) ვარსკვლავზე დაკვირვება აწარმოეს და, პირველად მეცნიერების ისტორიაში – დაამტკიცეს აინშტაინის პროგნოზი იმის შესახებ, თუ რა ხდება, როცა ვარსკვლავი სუპერმასიურ შავ ხვრელს ახლოს ჩაუვლის.

აინშტაინის 100 წლის წინ ნაწინასწარმეტყველები ზოგადი ფარდობითობის თეორიის თანახმად, ძლიერ გრავიტაციულ ველში სინათლე მრუდდება ან განიცდის წითელ წანაცვლებას.

,,ეს იყო პირველი შემთხვევა, როცა შესაძლებლობა მოგვეცა, აინშტაინის ზოგადი ფარდობითობის თეორია სუპერმასიურ ხვრელთან ახლოს შეგვემოწმებინა. იმ დროს აინშტაინი ვერც კი იოცნებებდა იმაზე, რაც ჩვენ დღეს ვიხილეთ,“ – განაცხადა მაქს პლანკის ინსტიტუტის (Max Planck Institute for Extraterrestrial Physics) მეცნიერმა- ფრენკ ეისენჰაუერმა.

,,European Southern Observatory-ის” მეცნიერებმა Very Large Telescope-ის გამოყენებით,  ირმის ნახტომის ცენტრალურ ნაწილზე დაკვირვება 26 წლის წინ დაიწყეს იმის დასადგენად, თუ როგორ მოძრაობდა ვარსკვლავი სუპერმასიურ შავ ხვრელთან მიახლოებისას.

შავი ხვრელი დედამიწისგან 26,000 სინათლის წლითაა დაშორებული და ის მზეზე 4 მილიონჯერ უფრო მასიურია. მეცნიერებმა დაკვირვებისთვის აარჩიეს ერთი ვარსკვლავი –  S2, რომელიც ორბიტის გარშემო ერთ შემოვლას 16 წელს ანდომებს. ასე რომ, მეცნიერებმა იცოდნენ, რომ ვარსკვლავი შავ ხვრელს 2018 წელს მიუახლოვდებოდა.

26 წლის მანძილზე მათი ინსტრუმენტების სიზუსტე გაუმჯობესდა და, შესაბამისად, 2018 წლის მაისში მათ ძალიან ზუსტი ზომების მიღება შეძლეს.

დაკვირვებამ აჩვენა, რომ ვარსკვლავის ორბიტალურმა სიჩქარემ საათში 25 მილიონ კილომეტრს გადააჭარბა, როცა ის შავ ხვრელს მიუახლოვდა.

ვარსკვლავის ტალღის სიგრძე გაიჭიმა, რადგან იგი ცდილობდა უზარმაზარი შავი ხვრელის გრავიტაციული ძალისგან თავის დაღწევას, რის გამოც მისი შეფერილობა ლურჯიდან წითლით შეიცვალა. მეცნიერები იმედოვნებენ, რომ შავი ხვრელის სხვა თეორიების დაკვირვებასაც მოახერხებენ.

,,ეს არის პირველი ნაბიჯი ხანგრძლივ გზაზე, რომელიც, იმედია, რომ მომავალშიც გაგრძელდება”, – განაცხადა მეცნიერთა აღნიშნული გუნდის ხელმძღვანელმა – რეინჰარდ გენზელმა.

 

წყარო: www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 78 79 80 81 82 … 107
Page 80 of 107