close

კვლევები

კვლევებიმსოფლიო

კვლევა: ხშირად ადამიანებს ძაღლები ერთმანეთზე მეტად უყვართ

1.65K views on

ორი სხვადასხვა კვლევის მიხედვით, ხშირად ადამიანებს ძაღლები ერთმანეთზე მეტად უყვართ. როგორც ამ კვლევების შედეგები ირწმუნება, 21-ე საუკუნის ადამიანი გაცილებით მეტ თანაგრძნობას იჩენს დაუცველი ძაღლებისადმი, ვიდრე გასაჭირში მყოფი ადამიანებისადმი.

სამედიცინო კვლევების ორგანიზაცია ,,Harrison’s Fund-მა“  ორი წლის წინ ექსპერიმენტი ჩაატარა, რომლის მიზანი იყო შეემოწმებინათ, ხალხი ფულს ძაღლების დასახმარებლად უფრო გაიღებდა თუ ადამიანების. არჩევანი კი – სწორედ ძაღლების სასარგებლოდ გადაიხარა.

კვლევისთვის ორ ბროშურაზე გამოსახეს ბავშვი და ძაღლი, სადაც იყო წარწერა – „გაიღებთ თუ არა 5 ფუნტს, რათა ჰარისონი ნელი, მტანჯველი სიკვდილისგან გადაარჩინოთ?“ ჰარისონი ძაღლსაც და ბავშვსაც ერქვათ. საზოგადოების დიდმა ნაწილმა შემოწირულობა ძაღლ ჰარისონისთვის გაიღო.

მეორე კვლევით დასტურდება, რომ ადამიანებს უფრო მეტად აშფოთებთ ნაცემი, ძალადობის მსხვერპლი ძაღლების დანახვა, ვიდრე იმავე მდგომარეობაში მყოფი ადამიანების.

როგორც ექსპერტები ასკვნიან, ხშირად, ადამიანები ძაღლებს საკუთარი ოჯახის სრულუფლებიან წევრებად აღიქვამენ.

 

წყარო:  The Independent

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კვლევებისაქართველოტურიზმი

საქართველოს დაცულ ტერიტორიებზე ვიზიტორთა რაოდენობა 39 პროცენტით გაიზარდა

1.38K views on

დაცული ტერიტორიების სააგენტო  2018 წლის პირველი კვარტლის მოანცემების ანგარიშს აქვეყნებს, სადაც ჩანს, რომ  წინა წელთან შედარებით, საქართველოს დაცულ ტერიტორიებზე ვიზიტორთა რაოდენობა 39% – ით გაიზარდა ანუ 55 490 შეადგინა. ვიზიტორთა შორის 56% ქართველია, ხოლო 44% უცხოელი. საინტერესოა, რომ  ქართველი ვიზიტორების რაოდენობა გაზრდილია 16%-ით, ხოლო უცხოელი ვიზიტორების რაოდენობა 88%-ით.

უცხოელი ვიზიტორებიდან ყველაზე მეტი გერმანიიდან, ისრაელიდან, გაერთიანებული საამიროებიდან, ინდოეთიდან და რუსეთიდან იყო.

ამ მონაცემებით, ყველაზე დიდი პოპულარობით  თბილისის ეროვნულ პარკი სარგებლობს.

ვიზიტორთა რაოდენობა გაორმაგდა მაჭახელას, კინტრიშისა და ჯავახეთის ეროვნულ პარკებში. მნიშვნელოვნად გაიზარდა ვიზიტორთა რიცხვი მტირალასა და თბილისის ეროვნულ პარკებში, მარტვილის კანიონსა და სათაფლიაში.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკვლევებიფსიქოლოგია

რა იწვევს ჩეროფობიას – ბედნიერების შიშს?

2.09K views on

ზოგიერთ ადამიანს ბედნიერების შიში – ჩეროფობია აქვს. სახელწოდება ბერძნული სიტყვა ,,chairo-დან“ მოდის, რაც სიხარულს, სილაღეს ნიშნავს.

ჩეროფობია კარგად შესწავლილი დაავადება არ გახლავთ, თუმცა სამედიცინო ექსპერტები მას განსაზღვრავენ, როგორც შიშის ერთ-ერთ ფორმას.

ჩეროფობიის სიმპტომებია:

  • შიშის გრძნობა, როდესაც საზოგადოებრივ შეკრებებზე გეპატიჟებიან.
  • უარის თქმა იმ შესაძლებლობებზე, რასაც ცხოვრებაში პოზიტიური ცვლილებების მოტანა შეუძლია – იმის შიშით, რომ რაღაც ცუდი მოხდება.
  • გასართობ ღონისძიებებში მონაწილეობაზე უარის თქმა.
  • ფიქრი, რომ ბედნიერებას ცუდი რამ მოყვება.
  • ფიქრი იმაზე, რომ ბედნიერების წარმოჩენა შენთვის ან შენი ოჯახისთვის ცუდია.
  • ფიქრი იმაზე, რომ გაბედნიერების მცდელობა დროის ფლანგვაა.

„ჩეროფობიას“ ხშირად შეცდომით დეპრესიად ნათლავენ.  თუმცა ისინი სხვადასხვა დაავადებებია.

მკურნალობის მეთოდი, როგორიცაა ადეკვატურ თვითშეფასებაზე ორიენტირებული ფსიქოთერაპია და შემეცნებითი ქცევითი თერაპია მნიშვნელოვანია იმ ნეგატიური ასოციაციის მიზეზის ასახსნელად, რაც ადამიანებს სიამოვნებასა და ტკივილს შორის გააჩნიათ.

„ჩეროფობია“ დამცავი მექანიზმია, რომელიც ადამიანში წარსულში (უმეტესწილად ბავშვობის ასაკში) გადატანილი ტრავმის ან კონფლიქტის წინააღმდეგ ჩამოყალიბდა.

მასთან გამკლავების საუკეთესო გზა ბედნიერებით ტკბობა და დღევანდელი დღით ცხოვრებაა.

 

 

წყარო: Sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

 

სრულად ნახვა
ბიზნესიგამოგონება - ინოვაციაეს საინტერესოაკვლევებიმსოფლიორობოტექნიკატექნოლოგიები

ხელოვნური ინტელექტის ექსპერტები პროტესტს გამოთქვამენ

1.82K views on

ექსპერტები ხელოვნური ინტელექტის სფეროდან აპროტესტებენ უნივერსიტეტების მიერ ჩატარებული კვლევების დასკვნებს, რომ რობოტები მკვლელები არიან და საშიშროებას უქმნიან მოსახლეობას.

მათი აზრით, მსგავსი გამოკვლევები ხელს უშლის ტექნოლოგიის განვითარებას და მოტივაციას უდაბლებს ისეთ ხალხს, ვისაც ინოვაციის გამოგონება და შექმნა შეუძლია.

ექსპერტები ამბობენ, რომ ადამიანები ხშირად მხოლოდ იმაზე არიან მოტივირებულნი, რომ რაიმე ნაკლი იპოვონ და სხვა ადამიანის შექმნილი დააკნინონ, რა თქმა უნდა, ბევრი ხარვეზი შეიძლება მოჰყვეს გამოგონებებს, მაგრამ ადამიანებს არ უნდა დაავიწყდეთ, რომ ჩვენ საქმე რობოტებთან გვაქვს –  ხანდახან შეცდომები ჩვენც კი მოგვდის, არათუ მათ.

 

წყარო: Sciencealert.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიეს საინტერესოაკვლევები

მეცნიერები: ჩვენი გალაქტიკის ცენტრში ათეულობით შავი ხვრელია

1.28K views on

 შავი ხვრელები ჩვენი გალაქტიკის ცენტრში მდებარეობენ. მკვლევარებმა განაცხადეს, რომ „ნასას“ ორბიტაზე მოძრავი ობსერვატორიის საშუალებით მათ „მილქი ვეის“ ცენტრში“ მდებარე სუპერმასიური შავი ხვრელის – Sagittarius A-ის მეზობლად ათეულობით შავი ხვრელი აღმოაჩინეს.  

შავ ხვრელებს, რომლებიც სხვადასხვა ზომის არიან, გრავიტაციის ისეთი ძალა აქვთ, რომ მათგან თავის დაღწევა შუქსაც კი არ შეუძლია. ამ დასკვნების მიხედვით, მეცნიერებმა დაადგინეს, რომ Sagittarius A-დან დაახლოებით  3 სინათლის წლის დაშორებით 10,000-მდე შავი ხვრელი მდებარეობს.

Sagittarius A, რომელიც მზეზე დაახლოებით 4 მილიონჯერ მასიურია, დედამიწისგან დაახლოებით 26,000 ათასი სინათლის წლის დაშორებით მდებარეობს. სინათლის წელი არის მანძილი, რომლის გავლასაც სინათლე ერთ წელს ანდომებს – 9.5 ტრილიონი კილომეტრი.

ახლად აღმოჩენილი შავი ხვრელები, რომლებიც ვარსკვლავების კოლაფსის შედეგად წარმოიქმნება, იშვიათია, რომლებმაც დაიჭირეს და შეიერთეს გამავალი ვარსკვლავი, რის შედეგადაც ბინარული ვარსკვლავი წარმოიქმნა.

შავი ხვრელების იზოლაციაში პოვნა ძნელია, მაგრამ მათი აღმოჩენა ბინარული ვარსკვლავის რენტგენის გამოსახულების საშუალებით ხდება.

„შავი ხვრელების წარმოქმნა გალაქტიკის ცენტრიდან შორსაა შესაძლებელი. ისინი ვარსკვლავებთან გრავიტაციულად მოქმედებენ და კარგავენ ენერგიას. ენერგიის დაკარგვის შემდეგ გალაქტიკის ცენტრში იძირებიან და სუპერმასიური შავი ხვრელის გრავიტაციის მიერ შთაინთქმებიან. სუპერმასიური შავი ხვრელები წარმოიქმნებიან გალაქტიკების ფორმირების შემდეგ და ისინი კოლოსალურ ზომას აღწევენ დიდი რაოდენობის გაზის, მტვრისა და ვარსკვლავების შთანთქმის შემდეგ. მეცნიერები აცხადებენ, რომ შავი ხვრელი გალაქტიკის ცენტრში თავიდანვე რომც არ წარმოიქმნას, იმდენად დიდი ზომის ხდება, რომ საბოლოოდ იქ ეფლობა.

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიკვლევები

აღმოჩენილია დედამიწის ზომის უცნაური პლანეტა, რომელიც მთლიანად მეტალისგან შედგება

1.66K views on

ასტრონომებმა აღმოაჩინეს უცნაური ეგზოპლანეტა, რომელიც ძირითადად მეტალისგან შედგება და არის თითქმის მერკურის ანალოგი, თუმცა ზომით გაცილებით დიდია, დაახლოებით დედამიწისხელა.

ახლად აღმოჩენილი პლანეტა მეცნიერებს დაეხმარება ფარდა ახადონ მერკურის წარმოშობისა და ევოლუციის საიდუმლოს.

როგორც წინა კვლევები გვთავაზობს, დედამიწას, ვენერასა და მარსს მეტალის ბირთვები აქვთ, რომლებიც მათი მასის ერთ-მესამედს შეადგენენ. მათგან განსხვავებით, მერკური ძირითადად ლითონისგან შედგება — მისი მეტალის ბირთვი პლანეტის მასის ორ-მესამედს შეადგენს.

რატომ განსხვავდება მერკური ასე ძალიან თავის კლდოვანი და-ძმებისგან? ეს საკითხი მეცნიერებს შორის ცხარე კამათის საფუძველია. მაგრამ ამჯერად მერკურის „უცხო“ ანალოგის აღმოჩენამ შესაძლოა, საბოლოოდ მოჰფინოს ნათელი მზის სისტემის ყველაზე შიდა პლანეტის იდუმალ ისტორიას.
მეცნიერებმა ანალიზები ჩაუტარეს ქალწულის თანავარსკვლავედში მდებარე ნარინჯისფერ ჯუჯა ვარსკვლავ K2-229-ის გარშემო მოძრავ სამ პლანეტას. ეს ვარსკვლავი მზეზე ოდნავ პატარა და მკრთალია, მდებარეობს ჩვენგან 339 სინათლის წლის მანძილზე. ასტრონომთა განსაკუთრებული ყურადღება მიიქცია ვარსკვლავთან ყველაზე ახლოს მდებარე პლანეტა K2-229 b-მ, რომელიც თავის დედავარსკვლავს გარს უვლის იმაზე 100-ჯერ უფრო ახლოდან, ვიდრე დედამიწა მზეს.

მკვლევართა დასკვნით, K2-229 b-ის განათებული მხარის ტემპერატურა 2058 გრადუს ცელსიუსს უნდა აღწევდეს. შედარებისათვის, მერკურზე, რომელიც მზესთან დედამიწაზე 2,6-ჯერ უფრო ახლოს მოძრაობს, განათებული მხარის ტემპერატურა მხოლოდ 427 გრადუსი ცელსიუსია.

მერკურის წიაღის სტრუქტურა
მკვლევრებმა ანალიზები ჩაუტარეს ვარსკვლავ K2-229-ის მოძრაობაში დაფიქსირებულ განმეორებად რყვებს, რაც მის გარშემო მოძრავი პლანეტა K2-229 b-ის გრავიტაციით უნდა ყოფილიყო გამოწვეული. გამომდინარე იქიდან, რომ პლანეტის გრავიტაციის ძალა დამოკიდებულია მის მასაზე, მკვლევრებმა დაასკვნეს, რომ K2-229-ის ყველაზე შიდა პლანეტის მასა დედამიწის მასაზე 2,59-ჯერ მეტი უნა ყოფილიყო. შედარებისათვის, მერკურის მასა დედამიწის მხოლოდ 5,5 პროცენტს შეადგენს.

როდესაც K2-229 b-მ დედავარსკვლავის წინ ჩაიარა, მკვლევრებმა მისი შესწავლა მოახერხეს და დაადგინეს, რომ მისი დიამეტრი 1,65 დედამიწის დიამეტრს შეადგენდა. საერთო ჯამში, ეს ეგზოპლანეტა დედამიწაზე 60 პროცენტით მკვრივია.
იმის გათვალიწინებით, რომ K2-229 b-ს დედამიწისა და მზის სისტემის სხვა კლდოვანი პლანეტების მსგავსად მეტალის ბირთვი აქვს, მკვლევრებმა დაადგინეს, რომ მისი ბირთვი ეგზოპლანეტის საერთო მასის ორ-მესამედზე ოდნავ მეტს შეადგენს. შედეგად, შეიძლება ითქვას, რომ ის ჩვენი მერკურის ასლია.

„ამ დრომდე აღმოჩენილი პატარა ზომის ყველა დაბალმასიანი პლანეტის შემადგენლობა ძალიან ჰგავს დედამიწისას. შესაბამისად, მიგვაჩნდა, რომ დედამიწის შემადგენლობა ძალიან ტიპურია და მერკური ერთადერთი გამონაკლისია. მაგრამ ახლა ვხედავთ, რომ არსებობს სხვა გამონაკლისებიც და თუ ასეთი „გამონაკლისების“ რაოდენობა გაიზრდება, ისინი ტიპურები გახდებიან“, — უთხრა Space.com-ს პორტუს ასტროფიზიკისა და კოსმოსის მეცნიერებათა ინსტიტუტის ასტრონომმა, კვლევის თანაავტორმა ვარდან ადიბეკიანმა. ადიბეკიანი 2009-2011 წლებში სომხეთის ბიურაკანის ობსერვატორიის მკვლევარი იყო. პლანეტა მერკური
K2-229 b-ის ძლიერ ლითონური შემადგენლობა რადიკალურად ეწინააღმდეგება თავის დედავარსკვლავის ქიმიურ შემადგენლობას. ეს კი მკვლევრებს აფიქრებინებს, რომ დროთა განმავლობაში, პლანეტა დრამატულად შეიცვალა.ო

ასტრონომთა ვარაუდით, დედავარსკვლავთან უკიდურესი სიახლოვის გამო, პლანეტის თავდაპირველი ქერქი და მანტიის ნაწილი უნდა აორთქლებულიყო, ანდაც შეჯახებოდა რაიმე გიგანტური სხეული, რომელიც პლანეტას გარე ფენებს შემოაცლიდა.
მერკურისა და K2-229 b-ს შორის არსებული მსგავსება გვაფიქრებინებს, რომ მათ ერთნაირი ისტორია აქვთ.

„ჩვენ და კიდევ სხვა ჯგუფები ძალიან აქტიურად ვმუშაობთ სხვა ასეთი სისტემების აღმოსაჩენად, რამაც საბოლოოდ უნდა მოჰფინოს ნათელი მერკურისა და მისი მსგავსი პლანეტების წარმოშობის ამბავს“, — ამბობს ვარდან ადიბეკიანი.

კვლევა ჟურნალ Nature Astronomy-ში გამოქვეყნდა.

მომზადებულია Space.com-ის მიხედვით

ავტორი – მიხეილ ჭაბუკაშვილი

 

წყარო: პირველი არხი

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიეს საინტერესოაკვლევები

,,ნასა“ მზის სისტემის მიღმა არსებული პლანეტების აღმოსაჩენად ახალ მისიას იწყებს

1.42K views on

აერონავტიკისა და კოსმოსური კვლევის ეროვნული სააგენტო – ,,ნასა” 337 მილიონი დოლარის ღირებულების მისიის განხორციელებას იწყებს, რომლის ფარგლებში ახალ თანამგზავრს – Transiting Exoplanet Survey-ს (TESS) ორბიტაზე განათავსებს.
TESS-ი კოსმოსში კომპანია ,,SpaceX-ის” კოსმოსური ხომალდის Falcon 9-ის საშუალებით გადაიტანენ, რომელიც სტარტს 16 აპრილს ფლორიდაში მდებარე კაპე კანავერალის კონცხიდან აიღებს.
,,ნასა“ იმედოვნებს, რომ TESS-ი ათასობით ადრე უცნობ სამყაროს აღმოაჩენს. მეცნიერებო მიიჩნევენ, რომ ზოგიერთ ასეთ სამყაროში კლდოვანი ზედაპირებს ან ოკეანეები არსებობს და ისინი სიცოცხლის ევოლუციის ყველაზე პერსპექტიულ კანდიდატებად განიხილებიან.
ახალი კვლევა დაახლოებით 60 დღეს გაგრძელდება.
,,ნასას“ მიზანია TESS-მა გააგრძელოს წინამორბედის, კოსმოსური ტელესკოპის Kepler-ის მიერ განხორციელებული სამუშაო, რომლის მეშვეობით ეგზოპლანეტებზე დაკვირვება 2009 წლიდან მიმდინარეობს. მისია Kepler-ის ამოცანა დედამიწის მსგავსი პლანეტების აღმოჩენაა, რომლებზეც სიცოცხლის არსებობა არის შესაძლებელი. მისიის ფარგლებში სულ 1000 ეგზოპლანეტა იქნა შესწავლილი.

 

წყარო: Reuters

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაკვლევებიმედიცინატექნოლოგიები

მეცნიერებმა ტვინის ახალი სკანერი-ჩაფხუტი შექმნეს

1.26K views on

ბრიტანელმა მეცნიერებმა შეიმუშავეს მსუბუქი და უაღრესად მგრძნობიარე ტვინის გამოსახულების მიმღები მოწყობილობა, რომლის მუზარადის მსგავსად ტარებაა შესაძლებელი, რაც პაციენტებს თავისუფალ გადაადგილებაში ხელს არ უშლის.
სკანერის გამოცდის შედეგებმა აჩვენა, რომ პაციენტებს შეეძლოთ სხვადასხვა აქტივობის განხორციელება, მაგალითად – ჩაის დალევა, ან მაგიდის ჩოგბურთის თამაში მაშინ, როცა მაგნიტოენცეფალოგრაფიული სისტემის საშუალებით მათი ტვინის აქტივობის ჩანაწერი კეთდებოდა.
მკვლევარებმა, რომლებმაც შექმნეს მოწყობილობა და გამოაქვეყნეს შედეგები ჟურნალ Nature-ში, განაცხადეს, რომ ახალი სკანერი ხელს შეუწყობს იმ პაციენტების გამოკვლევასა და მკურნალობას, რომლებსაც ტრადიციული მაგნიტოენცეფალოგრაფიული სკანერის გამოყენება არ შეუძლიათ, მათ შორის – ეპილეფსიით დაავადებული ბავშვებისა და ჩვილების, ასევე პარკინსონით დაავადებული პაციენტების მკურნალობას.
თანამედროვე MEG სკანერები საკმაოდ მძიმე წონის არიან, თითქმის ნახევარ ტონას იწონიან. სენსორები, რომელთა საშუალებითაც ისინი ტვინის მაგნიტურ ველს ზომავენ, ძალიან ცივ პირობებში – მინუს 269 გრადუსზე შენახვას საჭიროებს. გარდა ამისა, მათი გამოყენება რთულია იმ პაციენტებში, რომლების გაუნძრევლად გაჩერება რთულია, მაგალითად პატარა ბავშვები, ან პაციენტები, რომლებსაც გადაადგილება არ შეუძლიათ, 5 მილიმეტრით გამოძრავებაც კი ხელს უშლის გამოსახულების მიღებას.
ჩაფხუტის ფორმის სკანერის შემქმნელმა მკვლევარებმა ეს პრობლემები კვანტური სენსორების გამოყენებით გადალახეს, რომლებიც მსუბუქია, მუშაობენ ოთახის ტემპერატურაზე და მისი განტავსება უშუალოდ თავის ქალაზეა შესაძლებელი.

,,მოწყობილობას აქვს მნიშვნელოვანი პოტენციალი გაზარდოს ჩვენი ცოდნა – არა მხოლოდ ჯანსაღი ტვინის ფუნქციების შესახებ, არამედ ნევროლოგიური, ნეიროდეგენერაციული და ფსიქიკური მდგომარეობის შესახებაც”, – აცხადებენ მეცნიერები.

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაკვლევებიმსოფლიორობოტექნიკატექნოლოგიები

მეცნიერებმა დისტანციურად კონტროლირებადი რობოტი-თევზი – SoFi შექმნეს

1.61K views on

მეცნიერებმა დისტანციურად კონტროლირებადი რობოტი-თევზი – SoFi შექმნეს.
SoFi წყნარად დაცურავს წყლის ქვეშ და ცხვირში ჩამონტაჟებული კამერით მაღალი რეზოლუციის ფოტოებსა და ვიდეოებს იღებს.
SoFi-ის შეუძლია გაცუროს წინ, გადაადგილდეს ზემოთ და ქვემოთ, ჩართოს და შეცვალოს სიჩქარეები, ნამდვილი თევზის მსგავსად – კუდის რხევით გასრიალდეს წყალში. თევზი-რობოტი კუდში ჩამონტაჟებული პატარა ძრავის საშუალებით მოძრაობს. SoFi-ის თევზისთვის დამახასიათებელი დიზაინი აქვს – თეთრი ფერის რობოტი 1,6 კილოგრამს იწონის და დაახლოებით 47 სანტიმეტრი სიგრძისაა.
SoFi- ის ,,რბილი ხელოვნური კუნთის” კუდი დამზადებულია სილიკონის ელასტომერით. მისი ცხვირი აგებულია ელექტრონულ ელემენტებზე.


,,სახელი SoFi, ადამიანის სახელის Sophie-ის მსგავსად წარმოითქმის და ის გახლავთ Soft Fish-ის აბრევიატურას,“ – განაცხადა მასაჩუსეტსის ტექნოლოგიის ინსტიტუტის კომპიუტერული მეცნიერებისა და ხელოვნური ინტელექტის ლაბორატორიის მეცნიერმა, რობოტების მკვლევარმა რობერტ კაზქმანმა.
SoFi-ი წყალგაუმტარი კონტროლერის- Super Nintendo-ის გამოყენებისთ მუშაობს. მკვლევარებმა თევზი-რობოტი წყნარ ოკეანეში გამოსცადეს. იგი ნავიგაციას 18 მეტრის სიღრმეზე დაახლოებით 40 წუთის განმავლობაში ახდენს.
ოპერირებს წყალგაუმტარი Super Nintendo კონტროლერი გამოყენებით diver რომელიც შეიძლება თითქმის 70 ფუტი (21 მეტრზე). CSAIL მკვლევარებმა დაათვალიერეს SoFi სამხრეთ წყნარი ოკეანის სანაპიროზე და სანაპირო წყლებს Taveuni- თან, ფიჯის სიდიდით მესამე კუნძულზე, ასევე MIT- ის აუში.

წყარო: reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ეს საინტერესოაკვლევებიმსოფლიორობოტექნიკატექნოლოგიები

ხელოვნური ინტელექტი ადამიანს კიდევ უფრო ემსგავსება

1.82K views on

გასული თვეების განმავლობაში ,,OpenAI-ი” ორიენტირებული იყო ხელოვნური ინტელექტის განვითარებაზე, რომელიც სხვადასხვა აქტივობებს უფრო სწრაფად და ხარისხიანად ითვისებს.
მათ მანქანებს ახლა უკვე შეუძლიათ საკუთარი თავი ავარჯიშონ, ილაპარაკონ – კომპანიის სწავლების მეთოდის დამსახურებით.
ახლა ახალი ალგორითმი ხელოვნური ინტელექტის მქონე მანქანებს შესაძლებლობას აძლევს, დაემსგავსონ ადამიანს და თავიანთი დაშვებული შეცდომები დამოუკიდებლად გამოასწორონ.
გამოკვლევებმა აჩვენა, რომ ხელოვნური ინტელექტის მქონე მანქანები ისევე აღიქვამენ შეცდომებსა და წარმატებას, როგორც ადამიანები და ისინი ცდილობენ, რაც შეიძლება მალე აღმოფხვრან პრობლემა და განვითარდნენ.

წყარო: Sciencealert.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 85 86 87 88 89 … 106
Page 87 of 106