მსოფლიო

შანხაიში მდებარე ჩინეთის მეცნიერებათა აკადემიის ნეირომეცნიერების ინსტიტუტში ხუთი კლონირებული მაკაკა გაჩნდა.

როგორც ცნობილი, ერთი წლის წინ ჩინელმა მეცნიერებმა პირველი კლონირებული პრიმატები შექმნეს. ახლახანს დაბადებული მაკაკები კი უნიკალურები იმით არიან, რომ დაბადებამდე მათი გენი შეცვალეს. ხუთივე მაკაკა დონორი პრომატის ფიბრობლასტისგანმიღებულ იდენტური გენების მატარებლები არიან.

უფრო კონკრეტულად, მაკაკები ერთი კონკრეტული გენის -BMAL1-ის მატარებლები არიან, რომელიც დონორში CRISPR/Cas9 გენეტიკური რედაქტირების ტექნოლოგიის საშუალებით შეცვალეს.

ეს გენი წარმოქმნის მარეგულირებელ პროტეინს, რომელიც ძუძუმწოვრებში გარკვეული ბიოლოგიური რიტმების მართვაში მონაწილეობს. თუმცა, შეცვლილ ვერსიაში ეს პროტეინი არ წამროიქმნება, რაც ცხოველებში ისეთ ცირკადულ დარღვევებს იწვევს, როგორიცაა ძილის შემცირებული დრო და მეტი მოძრაობა ღამით. მათ ასევე გამოავლინეს აღელვების, დეპრესიისა და შიზოფრეენის მსგავსი ნიშნები.

„ცირკადული რიტმისდარღვევები შესაძლოა ადამიანებში უამრავი დაავადების გამომწვევი მიზეზი გახდეს, მათ შორის ძილის დარღვევები, შაქრიანი დიაბეტი, კიბო და ნეიროდეგენერაციული დაავადებები,“ აცხადებენ ჩინელი მეცნიერები.

თუმცა აღნიშნული ექსპერიმენტი ბადებს კითხვებს იმის შესახებ, რამდენად ეთიკურია ცხოველებში ტკივილისა და სტრესის გამოწვევა თუნდაც იმ ფონზე, როცაექსპერიმენტს ადამიანებში ფსიქოლოგიური პრობლემების მკურნალობის გზის მოსაძიებლად იყენებენ.

კვლევა სამეცნიერო ჟურნალNational Science Review-ში გამოქვეყნდა.

აღსანიშნავია, რომ ჩინეთს ეთიკურ საკითხებთან დაკავშირებით განმარტებების გაკეთება გასულის წლის ბოლოსაც მოუწია, როცა ჩინელმა მეცნიერმა ჰი ჯიანკუიმ განაცხადა, რომ CRISPR რედაქტირების საშუალებით მსოფლიოს პირველი გენეტიკურად შეცვლილი ბავშვი შექმნა.

www.sciencealert.com

გერმანია 2038 წლისთვის ქვეყანაში არსებულ ქვანახშირის ყველა ელექტროსადგურს დახურავს. ამის შესახებ მთავრობის მიერ დანიშნულმა კომისიამ განაცხადა.

აღსანიშნავია, რომ ელექტროსადგურების დახურვით დაზარალებული რეგიონების დახმარებისთვის 40 მილარდი ევროა (45.7 აშშ დოლარი) გამოყოფილი.

20 საათიანი მოლაპარაკებების შედეგად მიღებული გადაწყვეტილება გერმანიას იმ სტრატეგიის განხორციელების საშუალებას მისცემს, რომელიც განახლებად ენერგიაზე გადასვლას ითვალისწინებს.

ანგელა მერკელის მთავრობა კომისიის გადაწყვეტილებას მიესალმა. კომისია ინდუსტრიის, გარემოს დაცვითი ჯგუფებისა და კავშირების 28 წევრისგან შედგებოდა, რომლებიც ხმის მიცემის უფლებით სარგებლობდნენ და ასევე მმართველი პარტიების სამი წარმომადგენლისგან, რომლებსაცხმის მიცემის უფლება არ ჰქონდათ.

„ნაკლები CO2 და მეტი სამუშაო,  უსაფრთხო ელექტროენერგია და ხელმისაწვდომობა,” წერს „ტვიტერზე“ გერმანიის ეკონომიკის მინისტრი პიტერ ალტმაიერი.

Reuters

ირლანდიის სწრაფი კვების კომპანიამ „მაკდონალდსის“ წინააღმდეგ პროცესი მოიგო და ამით  სწრაფი კვების რესტორნების უმსხვილესი ქსელს ევროპაში რიგ შემთხვევაში ტერმინების  “Big Mac”-ისა და “Mc”-ის დაპატენტების შესაძლებლობა შეუზღუდა.

ევროკავშირის ინტელექტუალური საკუთრების ოფისმა დაადგინა, რომ „მაკდონალდს“  “Big Mac”-ის ბურგერის ან რესტორნის სახელწოდებად გამოყენების უფლება დამტკიცებული არ აქვს.

ირლანდიის ქალაქ გოლვეიში დაფუძნებულმა სწრაფი კვების კომპანია „სუპერმაკმა“ განაცხადა, რომ ამ პროცესის მოგებით „გახსნა კარი“ თავისი ბრენდის ევროპაში  რეგისტრაციისთვის.

„ეს მაკ ბულინგის დასასრულია,“ ასეთი შეფასება მისცა ფაქტს კომპანიის დირექტორმა.

დავა „მაკდონალდსა“  და „სუპერმაკს“ შორის მაშინ დაიწყო, როცა ამ უკანასკნელმა დიდ ბრიტანეთსა და ევროპაში ოპერაციების გაფართოება სცადა, თუმცა მას ხელი შეეშალა იმის გამო, რომ „მაკდონალდსთან“ „სუპერმაკისა“ და „ბიგ მაკის“ სახელების მსგავსებასთან დაკავშირებული ბრძოლა  წააგო.

თუმცა კომპანია „სუპერმაკი“ არ დანებდა. ის, რომ „მაკდონალდს“ უფრო დიდი ჯიბე აქვს არ ნიშნავს, რომ ჩვენ ჩვენი ადგილის დამკვიდრებისთვის არ ვიბრძოლებთ. წლებია ვამტკიცებთ, რომ ისინი სავაჭრო ნიშანს უკანონოდ იყენებენ,“ განაცხადა კომპანიის მმართველმა დირექტორმა პეტ მაკდონამ.

წყარო: BBC

ახალგაზრდა ანალიტიკოსთა და მეცნიერთა დარბაზი ,,დოქტინა”