მსოფლიო

იტალიის ქალაქ პიზაში მდებარე პიზის დახრილიკოშკი, რომელიც თავისი დახრილობით  მთელ მსოფლიოშია ცნობილი, თანდათან სწორდება.

კოშკის სამეთვალყურეო ჯგუფმა, რომელიც აღდგენით სამუშაოებს ადევნებს თვალს, განაცხადა, რომ კოშკის საყრდენი სტაბილურდება და „ნელნელა დახრილობაზე უარს ამბობს“.

მათი ინფორმაციით, შუა საუკუნეებში აგებული 57 მეტრის სიმაღლის კოშკი ბოლო ოცი წლის განმავლობაში დაახლოებით 4 სანტიმეტრით გასწორდა.

აღსანიშნავია, რომ 1990 წელს ეს გამორჩეული ტურისტული ადგილი არსებობის 800 წლიანი ისტორიის მანძილზე პირველად დაიხურა უსაფრთხოების ზომებიდან გამომდინარე, ვინაიდან კოშკი ვერტიკალიდან  დაახლოებით 4, 5 მეტრით გადაიხარა.

საერთაშორისო კომიტეტი, რომელსაც პოლონელი ექსპერტი პროფესორი მიჩელე ჯამიოლკოვსკი ხელმძღვანელობდა, კოშკის აღდგენაზე 1993-2001 წლებში მუშაობდა. შედეგად, კოშკი 35 სანტიმეტრით გასწორდა, რაზეც 200 მილიონი ფუნტი დაიხარჯა ( 1 ფუნტი = 3.41ლარს).  

კოშკმა დახრა აგებიდან 5 წელიწადში, 1173 წელს დაიწყო, რისი მიზეზიც ის გახლავთ, რომ თიხის დაქვიშის საფარი, რომელზეც გაშენებულია კოშკი, კოშკის სამხრეთ ნაწილში უფრო რბილია, ვიდრე ჩრდილოეთში.

მასალა მოამზადა : თამარ ტაბატაძემ

წყარო : BBC

სუპერ რეალისტურ სახის ნიღბებზე, რომელსაც იაპონური კომპანია  REAL-f Co. ამზადებს, მოთხოვნა იზრდება. რეზინისა და პლასტმასისგან დამზადებულ ნიღაბს, რომლის ფასი 2, 650 აშშ დოლარია, ძირითადად  გასართობი, საავტომობილო, ტექნოლოგიური და უსაფრთხოების კომპანიები უკვეთავენ.

მაგალითად, იაპონურმა საავტომობილო კომპანიამ მძინარე სახის ნიღაბი დაუკვეთა, რომელიც „ძილმოკიდებული“ მძღოლის სახის ამოცნობის ტექნოლოგიის გასაუმჯობესებლად გამოიყენა.

REAL-f Co.-ს წარმომადგენლები აცხადებენ, რომ ხშირად ღებულობენ შეკვეთას საუდის არაბეთიდან, სადაც ნიღბებს მეფეებისა და პრინცებისთვის უკვეთავენ.

კომპანიის დამფუძნებელი ოსამუ კიტაგავა აცხადებს, რომ ის სიფრთხილეს იჩენს ნიღბების გაყიდვისას, რათა ისინი უკანონო მიზნებისთვის არ გამოიყენონ და უსაფრთხოებასთან დაკავშირებული რისკები არ გააჩინოს, თუმცა კიტაგავა ასეთ საფრთხეებს მაინც არ გამორიცხავს.

REAL-f Co მომავალში 100 პროცენტით რეალური ნიღბების წარმოებას აპირებს, ამისთვის კი უფრო რბილი მასალის- სილიკონის გამოყენებას აპირებს.

„იმედი მაქვს, ასეთ ნიღბებს სამედიცინო მიზნით გამოიყენებენ. გარდა ამისა, ნიღაბი დაეხმარება ჰუმანოიდი რობოტების მწარმოებელ კომპანიებს უფრო რეალური რობოტები შექმნას,“ აცხადებს ოსამუ კიტაგავა.

წყარო : Reuters

მასალა მომაზადა : თამარ ტაბატაძემ

კალიფორნიის ხანძრის შედეგად დაღუპულთა რიცხვი 31-მდე გაიზარდა, დაკარგულად ითვლება 200-ზე მეტი ადამიანი.

ხანძრის გამო ევაკუირებულია 250,000 ადამიანი. ძლიერი ქარის გამო არსებობს ცეცხლის კერების გავრცელების საშიშროება, რის გამოც შტატის გუბერნატორმა ჯეიმს ბრაუნმა ქვეყნის პრეზიდენტს დონალდ ტრამპს major disaster-ის მდგომარეობის გამოცხადებას თხოვს, რაც იმას ნიშნავს, რომ კატასტროფასთან გასამკლავებლად დამატებითი თანხებია საჭირო. აღსანიშნავია, რომ ერთი დღით ადრე ტრამპმა განაცხადა, რომ ხანძრების მიზეზი ტყის ცუდი მენეჯმენტია და კალიფორნიას ბიუჯეტის შემცირებით დაემუქრა.

შტატის ჩრდილოეთ და სამხრეთ ნაწილებში ხანძრის სამი ძირითადი კერაა. ერთ-ერთი მათგანი მალიბუსთან ახლოსაა, სადაც სელებრითების სახლები მდებარეობს. განადგურებულია ლედი გაგას, კიმ კარდაშიანის, ორნალდო ბლუმის, ჯესიკა სიმფსონის და სხვა ცნობილი ადამიანების სახლები.

ამ წუთებში სამაშველო ჯგუფები ქალაქ Paradise-ს დაახლოებით 6,700 დამწვარი სახლისა და ოფისისგან ასუფთავებენ. ქალაქის მერმა დღეს გამართულ პრეს კონფერენციაზე განაცხადა, რომ დასახლებული რაინოს დაახლოებით 90 პროცენტი განადგურებულია.

ხელისუფლება აცხადებს, რომ ხანძარი, რომლის შედეგად დაახლოებით 44,000 ჰექტარია დამწვარი, შტატის ისტორიაში ყველაზე გამანადგურებელია.
წყარო : BBC

მასალა მოამზადა თამარტაბატაძემ