ტაიფუნ „ჯების“ იაპონიაში სულ მცირე 10 ადამიანის სიცოცხლე ემსხვერპლა. 25 წლის განმავლობაში ყველაზე ძლიერმა ტაიფუნმა ქვეყნის დასავლეთ ნაწილს დიდი ზიანი მიაყენა, ყველაზე მეტად დაზარალებულია ქალაქები კიოტო და ოსაკა.
ოფიციალური ინფორმაციით დაშავებულია 300-ზე მეტი ადამიანი. ევაკუაციის რეკომენდაცია 1,2 მილიონ ადამიანზეა გაცემული.
გადაიდო თვითმფრინავებისა და მატარებლების რეისები. ოსაკას საერთაშორისო აეროპორტიდან ათასობით მგზავრის ევაკუაცია განხორციელდა.
ორ მილიონზე მეტი ოჯახი ელექტროენერგიის გარეშეა დარჩენილი. სტიქიის ზონაში სკოლები და კომპანიები დაიხურა.
ტაიფუნი არის ჩამოყალიბებული ტროპიკული ციკლონი რომელიც წარმოიქმნება წყნარი ოკეანის დასავლეთ ნაწილში 180°-სა და 100° აღმოსავლეთ მერიდიანს შორის. ეს რეგიონი ცნობილია როგორც წყნარი ოკეანის ჩრდილო-დასავლეთი აუზი.
„ჯები“ მეცამეტე ტროპიკული ციკლონია, რომელიც იაპონიას ივნისის შუა რიცხვებიდან დღემდე დაატყდა თავს. იაპონიის ოთხ უდიდეს კუნძულს ტაიფუნისგან გამოწვეულ მეწყერთან გამკლავება წელიწადში საშუალოდ ორჯერ-სამჯერ უწევს.
წყარო : BBC
ახაალგაზრდა ანალიტიკოსთა და მეცნიერთა დარბაზი ,,დოქტრინა”
