close

მსოფლიო

გამოგონება - ინოვაციამსოფლიოსაქართველოტექნოლოგიები

საქართველო ინოვაციების გლობალური ინდექსის რეიტინგში დაწინაურდა

915 views on

საქართველო ინოვაციების გლობალური ინდექსის რეიტინგში დაწინაურდა. 2018 წლის მონაცემებით, ჩვენი ქვეყანა 59-ე ადგილს იკავებს, წინა წელთან შედარებით მაჩვენებელი 9 საფეხურით გაუმჯობესდა. ამ ინფორმაციას ,,ტექნოპარკი” ავრცელებს.

საქართველო ინოვაციების გლობალური ინდექსის რეიტინგში რეგიონის მასშტაბით პირველ ადგილს იკავებს.

 ინოვაციების გლობალური ინდექსი 2012 წლიდან ყოველწლიურად ქვეყნდება. მისი მიზანია, ინოვაციების მიმართულებით მსოფლიო ტენდენციების ჩვენება. იგი ასევე ცდილობს წარმოაჩინოს ის მექანიზმები, რომელთა დახმარებითაც შესაძლებელია გრძელვადიანი ზრდის, პროდუქტიულობისა და სამუშაო ადგილების ზრდის მიღწევა.

 ინოვაციების გლობალური ინდექსი ეხმარება და რჩევებს აძლევს ქვეყნებს, თუ რა არის საჭირო ინოვაციების გასავითარებლად აუცილებელი პირობების/გარემოს შესაქმნელად.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კულტურამსოფლიოსაქართველო

ქართველმა კინემატოგრაფისტებმა ერევნის საერთაშორისო კინოფესტივალზე 2 ჯილდო მოიპოვეს

1.37K views on

15 ივლისს ქართველმა კინემატოგრაფისტებმა ერევნის საერთაშორისო კინოფესტივალზე – ,,GOLDEN APRICOT-ზე” 2 ჯილდო მოიპოვეს.

მარიამ ხაჭვანის ფილმი ,,დედე” კინოკრიტიკოსთა ჟიურის ჯილდოს მფლობელი გახდა (FIPRESCI JURY PRIZE), ვახტანგ კუნცევ-გაბაშვილის დოკუმენტურმა ფილმმა ,,გამჭვირვალე სამყარო” კი – ჟიურის სპეციალური აღნიშვნა (SPECIAL JURY MENTION) დაიმსახურა.
ფესტივალზე საქართველოში ვიზიტის შემდეგ გაემგზავრა ცნობილი ამერიკელი რეჟისორი – დარენ არონოფსკი, რომელსაც საპატიო ჯილდო ,,Parajanov’s Thaler-ი” გადასცეს.
ასევე, კინოფესტივალზე ნაჩვენები იყო რუსუდან პირველის ფილმი ,,სუსა”. ქართველმა კინემატოგრაფისტებმა -სოფიო ჭინჭარაულმა, კონსტანტინე კალანდაძემ, ბესიკ სოლომონაშვილმა, ქეთევან ნოზაძემ და რუსუდან პირველმა კი C2C მარკეტზე საკუთარი პროექტები წარადგინეს.
GOLDEN APRICOT ერევანში 2004 წლიდან იმართება.
ახალგაზრდა ანალიტიკოსთა და მეცნიერთა დარბაზი ,,დოქტრინა”
სრულად ნახვა
ბიზნესიეს საინტერესოამსოფლიო

,,McDonald’s-მა” 3,000-მდე რესტორნის მენიუდან სალათები ამოიღო

1.44K views on

,,McDonald’s-მა” აშშ-ის 14 შტატის 3,000-მდე რესტორნის მენიუდან სალათები ამოიღო მას შემდეგ, რაც ათეულობით მომხმარებელი პარაზიტით დაავადდა.  

კომპანიამ გადაწყვეტილება მას შემდეგ მიიღო, რაც ციკლოსპორიაზით დაავადების შემთხვევები ილინოისისა და აიოვას შტატების ჯანდაცვის ორგანოებმა ,,McDonald’s-ის” სალათებთან დააკავშირეს.

კომპანიამ სალათები არა მხოლოდ ამ ორი შტატის რესტორნებიდან ამოიღო, არამედ სხვა შტატებში მდებარე კვების ობიექტებიდანაც, რომელიც იმავე მომწოდებლისგან მარაგდებოდა.

ციკლოსპორიაზი იწვევს ძალიან უსიამოვნო სიმპტომებს, მათ შორის – გულისრევასა და დიარეას,  უმადობას, მუცლის ტკივილს, მაგრამ, ზოგადად, ფატალური შედეგი არ ახასიათებს. იგი ძირითადად ადამიანის ფეკალური ნივთიერებით ვრცელდება, განსაკურებით  – ბოსტნეულზე.

დაინფიცირებული ადამიანები, ძირითადად, მედიკამენტების გარეშე იკურნებიან, თუმცა, ზოგჯერ ანტიბიოტიკების ჩართვაც ხდება საჭირო.

წყარო: fortune.com 

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქეოლოგიაისტორიამსოფლიო

ეგვიპტეში ის ადგილი აღმოაჩინეს, სადაც მუმიებს ამზადებდნენ

1.78K views on

ეგვიპტის ნეკროპოლის საქარაში არქეოლოგებმა აქამდე უცნობი სამარხი აღმოაჩინეს. მეცნიერთა მტკიცებით, 30 მეტრის სიღრმეში განთავსებული სამარხი არის ადგილი, სადაც სასულიერო პირები გარდაცვლილი ადამიანების მუმიებს ამზადებდნენ.

სამარხის ქვემოთ არქეოლოგებმა პალატები, სამი ხის სარკოფაგი, მუმია და „იმქვეყნად გასაყოლებელი“ ნივთები აღმოაჩინეს.

აღმოჩენილ ნივთებს შორის ერთი უჩვეულო რამ იყო: ერთ-ერთ სარკოფაგში მდებარე მუმიას ვერცხლის ნიღაბი ეკეთა, რომელსაც თვალების ადგილზე კალციტი, ობსიდიანი და ონიქსი ჰქონდა. აღსანიშნავია, რომ მსგავსი ნიღაბი 1939 წლის შემდეგ არ აღმოუჩენიათ.

„ან ნიღბის აღმოჩენას შესაძლოა, სენსაცია ვუწოდოთ, ვინაიდან დღემდე მეტალის ძალიან ცოტა ნიღაბია აღმოჩენილი,“ – განაცხადა არქეოლოგმა რამადან ჰუსეინმა, რომელიც გერმანელ-ეგვიპტელ არქეოლოგთა იმ ჯგუფს ხელმძღვანელობს, რომელმაც აღნიშნული აღმოჩენა გააკეთა.  

მეცნიერთა გუნდმა ნიღბის მფლობელის ვინაობა დაადგინა – ის  ქალღმერთ მუტის მეორე სულიერი მოძღვარი და ქალღმერთ ნიუტ-შაეს სულიერი წინამძღოლი იყო. ის ცხოვრობდა და გარდაიცვალა 26-ე დინასტიის დროს, სეიტ–სპარსული პერიოდი ჩვ.წ.აღ-მდე 664 -404 წლებში.

სამარხში აღმოაჩინეს ორი დიდი აუზი, რომლებიც, სავარაუდოდ, ორი მიზნით იყენებდნენ: ბუნებრივი, მარილისგან დამზადებული კონსერვანტის – ნატრონის გამოყენებით ადამიანის სხეულის გამოსაშრობად და შესახვევი დოლბანდების დასამზადებლად.

არქეოლოგებმა ალებასტრის ქილებიც აღმოაჩინეს, რომელსაც ძველ ეგვიპტეში გარდაცვლილი ადამიანის ორგანოების შესანახად იყენებდნენ, რომელსაც მუმიფიცირების დროს აცლიდნენ.

გუნდმა აღმოჩენის გასაკეთებლად უახლესი ფოტოგრამეტრია და 3Dლაზერული სკანირება გამოიყენა. ისინი ყველა აღმოჩენილი არტეფაქტის 3Dლაზერულ სკანირებას ახორციელებენ.  

წყარო: https://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
განათლებამათემატიკამსოფლიოსაქართველო

ქართველმა მოსწავლეებმა მათემატიკის საერთაშორისო ოლიმპიადაზე მედლები მოიპოვეს

3.91K views on

რუმინეთში მათემატიკაში მოსწავლეთა შორის 59-ე საერთაშორისო ოლიმპიადა დასრულდა. ოლიმპიადაზე სულ 107 ქვეყნის მოსწავლეები მონაწილეობდნენ.

შეჯიბრების მონაწილეებს სულ ექვსი ამოცანა უნდა ამოეხსნათ, ამოცანათა სირთულის გამო წელს მხოლოდ ორმა მოსწავლემ – ჯეიმს ლინმა აშშ-დან და აგნიჯო ბანერჯიმ დიდი ბრიტანეთიდან შეძლეს ექვსივე ამოცანის სრულყოფილად ამოხსნა. გუნდურ ჩათვლაში პირველი ადგილი აშშ-ის მოსწავლეებმა დაიკავეს.

საქართველო ოლიმპადაზე ექვსი კომაროველი მოსწავლით იყო წარდგენილი.

მათგან საუკეთესომ, საბა ლეფსვერიძემ – 29 ქულით ვერცხლის მედალი დაიმსახურა, ნიკა ბირკაძემ (24 ქულა), დიმა კორკოტაშვილმა (23 ქულა), სანდრო ხოხიასვილმა (22 ქულა), თემო თოლორაიამ და ლუკა მუშკუდიანმა კი ბრინჯაოს მედლები მოიპოვეს.

გუნდურ ჩათვლაში საქართველოს მოსწავლეთა ნაკრებმა 133 ქულა დაგროვა და 27-ე ადგილი დაიკავა.

წყარო:  imedinews

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიდედამიწამსოფლიო

დღეს მზე დაბნელდება

2.12K views on

დღეს მზის დაბნელებაა მოსალოდნელი, რისი ვებტრანსლაციით ყურებაც შესაძლებელი იქნება, ამას “NASA” უზრუნველყოფს.

მზის დაბნელების ხილვა ავსტრალიის, ჩრდილოეთ და სამხრეთ ამერიკის, ასევე წყნარის ოკეანის აუზის კუნძულების მოსახლეობას შეეძლებათ.

მზის ნაწილობრივი დაბნელება დაახლოებით შუა დღის შემდეგ დაიწყება. მზის დაბნელებისას მთვარე დედამიწასა და მზეს შორის ექცევა, ამის გამო კი ის მზის სინათლეს ბლოკავს. ეს მხოლოდ ახალი მთვარეობისას ხდება, როცა მზე და მთვარე ე.წ. სიზიგიაში ეწყობიან.

 

ახაალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ასტრონომია - კოსმოსიდედამიწაეს საინტერესოამსოფლიო

დღეს მზის დაბნელებაა მოსალოდნელი

884 views on

დღეს მზის დაბნელებაა მოსალოდნელი. ამ ბუნებრივი მოვლენის ხილვა ვებტრანსლაციით იქნება შესაძლებელი.

ჩვენებას  ,,NASA” უზრუნველყოფს. მზის დაბნელების ხილვა ავსტრალიის, ჩრდილოეთ და სამხრეთ ამერიკის, ასევე წყნარის ოკეანის აუზის კუნძულების მოსახლეობას შეეძლებათ.

მზის ნაწილობრივი დაბნელება დაახლოებით შუა დღის შემდეგ დაიწყება. ამ დროს,  მთვარე დედამიწასა და მზეს შორის ექცევა, ამის გამო კი ის მზის სინათლეს ბლოკავს. ეს მხოლოდ ახალი მთვარეობისას ხდება, როცა მზე და მთვარე ე.წ. სიზიგიაში ეწყობიან.

 

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მსოფლიო

ტაილანდელი ბავშვების პირველი ვიდეო, რომლითაც მათ მთელი მსოფლიო ააღელვეს

1.19K views on

დღეს დატბორილ მღვიმეში 17 დღიანი „ტყვეობის“ შემდეგ გათავისუფლებული ტაილანდელი ბავშვების პირველი ვიდეო გავრცელდა. ვიდეოში ჩანს საავადმყოფოს საწოლებში მოთავსებული ბავშვები, რომლებიც იცინიან და ხელს უქნევენ მაყურებელს.

მყვინთავებმა ტაილანდის ჩრდილოეთ ნაწილში მდებარე ტჰამ ლუანგის მღვიმეში ჩარჩენილი ახალგაზრდული საფეხბურთო ნაკრების 12 წევრისა და მათი მწვრთნელის სამაშველო ოპერაცია 8 ივლისს დაიწყეს და 10 ივლისის საღამოს წარმატებით დაასრულეს.

სამაშველო ოპერაციის ხელმღძვანელმა ნარონგსაკ ოსოტანანაკორნმა პრეს კონფერენციაზე განაცხადა, რომ ამ ინციდენტის გამო არავის დადანაშაულება არ შეიძლება. „ეს ბავშვები არც დამნაშავეები არიან და არც გმირები. ეს უბრალოდ უბედური შემთხვევა იყო,“ განაცხადა ნარონგსაკმა.

23 ივნისს 11-დან 16 წლამდე ფეხბურთელები და მათი 25 წლის მწვრთნელი მღვიმეში შევიდნენ, თუმცა იქ ყოფნის დროს ძლიერი წვიმა მოვიდა, წყლის დონემ აიწია და გასასვლელი ჩაკეტა, რის გამოც ბავშვები გამოქვაბულის სიღრმეში აღმოჩდნენ. ხელისუფლებამ სამაშველო ოპერაციის დაწყების გადაწყვეტილება მიიღო, ვინაიდან სეზონური წვიმების დაწყების შემთხვევაში არსებობდა საფრთხე, რომ დარჩენილი სივრცე, რითიც ბავშები ჰაერს იღებენ, წყლით დაიფარებოდა.

მწვრთნელმა აკაპოლ ჩანტაუონიმ ბავშვების მშობლებს წერილი გაუგზავნა, სადაც პატიებას თხოვდა. “დიდი მადლობა ყველას მხარდაჭერისთვის და ბოდიშს გიხდით მშობლებს, რომ თქვენი შვილები ამ გამოქვაბულში მე წამოვიყვანე,“ – აღნიშნულია მწვრთნელის წერილში, რომლის პასუხადაც მშობლებმა შემდეგი შენაარის წერილი დაწერეს : “არც ერთი მშობელი არ არის თქვენზე გაბრაზებული, ასე რომ, არაფერზე ინერვიულოთ და თავს გაუფრთხილდით“.

 

სრულად ნახვა
ეკოლოგიაენერგეტიკაეს საინტერესოაკვლევებიმსოფლიოტრანსპორტი

მანქანებისთვის მეტი ელექტროენერგია იქნება საჭირო

1.43K views on

როგორც კვლევაში წერია, ამ დროისთვის ელექტრომობილების მიერ მოხმარებული ელექტროენერგიის წილი მსოფლიო ენერგეტიკაში მხოლოდ 0,2%-ია და ის 20 000 ტერავატ საათ ელექტროენერგიას შეადგენს. თუმცა როგორც ,,Bloomberg-ი” წერს, უკვე 2030 წლისთვის, აკუმულატორებზე ფასების დაწევის გამო, ელექტრომობილები უფრო ხელმისაწვდომი გახდება მოსახლეობისთვის, შესაბამისად, გაიზრდება მასზე მოთხოვნაც.

მათივე ინფორმაციით, ამისკენ წახალისებას თავად ელექტროკომპანიებიც მოახდენენ, რომლებიც დენზე დაბალი ტარიფების შედეგად, მძღოლებს მოტივაციას მისცემენ იქონიონ ელექტრომობილები.

ამ დროისთვის მსოფლიოში დაახლოებით 2 მილიონი ელექტრომობილია და მათი 95% თავმოყრილია მსოფლიოს 10 ქვეყანაში – აშშ, ჩინეთი, იაპონია, კანადა, ნორვეგია, დიდი ბრიტანეთი, საფრანგეთი, გერმანია, ნიდერლანდები და შვედეთი.

2020 წლისთვის მათი რიცხვი შესაძლოა, 9-20 მილიონამდე გაიზარდოს, ხოლო 2025 წლისთვის –  40-75 მილიონამდე.

წყარო: Bloomberg.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქეოლოგიაეს საინტერესოაისტორიაკულტურამსოფლიო

ჯოსერის პირამიდაში ოსირისის ქანდაკება აღმოაჩინეს

2.06K views on

ჯოსერის პირამიდაში ოსირისის ქანდაკება აღმოაჩინეს მაშინ, როდესაც საჰარის უდაბნოში არსებული ნაგებობის რესტავრაცია მიმდინარეობდა. 

ოსირისი ძველ ეგვიპტურ მითოლოგიაში ერთ-ერთი უმთავრესი ღვთაება, მცენარეულობისა და წყლის ღმერთი, მიცვალებულთა მფარველი და მსაჯული იყო. ჩნდება კითხვა, თუ რატომ იყო ოსირისის ქანდაკება პირამიდაში, რაზეც პასუხი ჯერჯერობით არ არის.

ძველი ეგვიპტის ფარაონ ჯოსერის საფეხუროვანი პირამიდა ძველი სამეფოს III დინასტიიდან, აგებულია, დაახლოებით, ძვ. წ. 2650 წლისათვის. ჯოსერის პირამიდა უძველესია ეგვიპტის პირამიდებს შორის, მისი სიმაღლე შეადგენს 62,5 მეტრს და, ამ მონაცემით, იგი მეცხრე ადგილს იკავებს. იგი ასევე ერთადერთი ეგვიპტური პირამიდაა, რომლის ფუნდამენტიც არაა კვადრატული ფორმის.

წყარო:  ancient-origins.net

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 45 46 47 48 49 … 90
Page 47 of 90